Back to Languages
Kendayan - Chapter 42 - Ash-Shura
Translation by Unknown — Permalink
Verse 1 — Surah Ash-Shura 42:1
Verse 2 — Surah Ash-Shura 42:2
Ā³n S³n Qāf
Verse 3 — Surah Ash-Shura 42:3
Demikianlah Allah Nang Mahapakasa, Mahabijaksana ngawahyuatn’ ka’ kao (Muhammad) man ka’ urakng-urakng nang sanape’nyu
Verse 4 — Surah Ash-Shura 42:4
Ampu’-Nyalah ahe nang ada ka’ langit man ahe nang ada ka’ bumi. Man Ia lah Nang Maha Agung,Mahaaya’
Verse 5 — Surah Ash-Shura 42:5
Hampir ja’ langit koa pacah dari sabalah atasnya (karana ka aya’atn’ Allah) man mala’ekat-mala’ekat batasbih mujii’ Tuhannya man minta’i’ amponan nto’ urakng nang ada ka’ bumi. Ingatlah,sasungguhnya Ia lah Nang Maha Ngamponi’,Maha Nyayangi’
Verse 6 — Surah Ash-Shura 42:6
Man urakng-urakng nang na ap palindung- palindung selain Allah, Allah ngawasi’ (pabuatatn) iaka’ia; adapun kao (Muhammad) buke’lah urakng nang disarahi’ ngawasi’ iaka’ia
Verse 7 — Surah Ash-Shura 42:7
Man ampikoalah Kami ngawahyuatn’ Al- Quran ka’ kao dalapm’ bahasa arab,supaya kao mare’ paringatatn’ ka’ panduduk ibu kota (Mekah) man panduduk (nagari-nagari) ka’ sakulilikng’nya man mare’ paringatatn’ tantang ari bakumpul (kiamat) nang nana’ diraguatn’ adanya. Sagolongan masok saruga man sagolongan masok neraka
Verse 8 — Surah Ash-Shura 42:8
Man sakiranya Allah mao’i’, paasti Ia jajiatn’ iaka’ia sote’ umat, tapi Ia masokatn’ni’ urakng-urakng nang Ia mao’i’ ka’ dalapm’ rahmat-Nya. Man urakng-urakng nang zalim nana’ ada nto’ iaka’ia palindung man panolong
Verse 9 — Surah Ash-Shura 42:9
Ato iaka’ia na ap palindung-palindung selain Ia? Padahal Allah, Ia lah palindung (nang sasungguhnya). Man Ia ngidupatn’ urakng nang mati, man Ia Mahakuasa atas sagana jukut
Verse 10 — Surah Ash-Shura 42:10
Man ahe pun nang kita’ pasalisihatn’ ka’ia tantang jukut, kaputusatn’nya (tasarah) ka’ Allah. (Nang ngampu’i’ sifat-sifat ampikoa) koa lah Allah Tuhanku. Ka’-Ia aku batawakal man ka’-Ia aku mulaknga’
Verse 11 — Surah Ash-Shura 42:11
(Allah) pencipta langit man bumi. Ia nyajiatn’ nto’ kita’ pasangan-pasangan dari jenis kita’ babaro, man dari jenis binatang piaraan pasangan-pasangan (uga’). Man dijajiatn’- Nya kita’ bakambang biak mang jalatn’ koa. Nana’ ada sesuatu pun nang sarupa mang Ia. Man Ia Nang Maha Nangaratn’, Maha Nele’
Verse 12 — Surah Ash-Shura 42:12
Ampu’-Nyalah perbendaharaan langit man bumi; Ia ngalapang atn rajaki man ngabatasi’nya bagi sae nang Ia mao’i’. Sungguh, Ia Mahangatahui’ sagala sesuatu
Verse 13 — Surah Ash-Shura 42:13
Ia (Allah) udah nyariatatn ka’ kao agama nang udah diwarisatn’-Nya ka’ Nuh man ahe nang udah Kami wahyuatn ka’ kao (Muhammad) man ahe nang udah Kami wasiatatn ka’ Ibrahim, Musa man Isa, iakoa tagakanlah agama (kaimanan man katakwaan) man amelah kita’ bapacah balah ka’ dalapm’nya. Miah barat bagi urakng-urakng nang musrik (nto’ ngikuti’) agama nang kao padahatn’ ka’ iaka’ia. Allah milihi’ urakng nang Ia mao’i’ ka’ agama tauhid man mare’ patunjuk ka’ (agama)-Nya bagi urakng nang mulakng’ (ka’-Ia)
Verse 14 — Surah Ash-Shura 42:14
Man iaka’ia (Ahli Kitab) nana’ bapacah balah kacoali salakak atakng ka’ iaka’ia ilmu (kabanaratn’ nang disampaiyatn’ oleh sigana Nabi), karana kadangkiatn’ antara sasama iaka’ia. Kade’ nana’lah karana suatu katatapatn’ nang udah ada duhuya dari Tuhannyu (nto’ nangguhatn’ azab) sampai batas waktu nang dinantuatn’, pastilah hukuman bagi iaka’ia udah dilaksanakan. Man sasungguhnya urakng-urakng nang mewarisi Kitab (Taurat man Injil) salaka’ iaka’ia (ka’ jaman Muhammad), batol-batol dalapm’ karaguan nang mandalapm tantang Kitab (Al-Quran) koa
Verse 15 — Surah Ash-Shura 42:15
Karana koa, saru’lah (iaka’ia baiman) man tataplah (baiman man badakwah) seampahe diparentahatn’ ka’ kao (Muhammad) man amelah ngikuti’ kamao’an iaka’ia man bata- katn’lah, “Aku baiman ka’ Kitab nang Allah nuruntatn’ man aku diparentahatn’ supaya aku balaku adil ka’ antara kita’.Allah Tuhan kami man Tuhan kita’. Bagi kami pabuatatn’ kami bagi kita’ pabuatatn’ kita’. Nana’ (palalu) ada patangkaratn’ antara kami man kita’, Allah ngumpuratn’ antara diri’ man ka’-Ia lah (diri’) mulakng’”
Verse 16 — Surah Ash-Shura 42:16
Man urakng-urakng nang babantah-bantah tantang (agama) Allah salaka’ (agama koa) ditarima’, pabantahan iaka’ia koa sia-sia ka’ sisi Tuhan iaka’ia. Iaka’ia napati’ kaberakan’ (Allah) man iaka’ia napati’ azab nang miah karas
Verse 17 — Surah Ash-Shura 42:17
Allah nang nuruntatn’ Kitab (Al-Quran) mang ngincakng kabanaratn’ timbangan (kaadilan). Man nauan ke’ kita’, mulih jaji ari kiamat koa udah sama’
Verse 18 — Surah Ash-Shura 42:18
Urakng-urakng nang nana’ pucaya’ ka’ adanya ari kiamat minta’ supaya ari koa dicapatatni’, man urakng-urakng nang baiman marasa gali’ ka’ ianya man iaka’ia yakin bahwa’ kiamat koa batol (mao’ tajadi). Katahui’lah bahwa’ sasungguhnya urakng-urakng nang ngabantah tantang tajadinya kiamat koa batol-batol udah tasasat jauh
Verse 19 — Surah Ash-Shura 42:19
Allah Miahlamut ka’ amba-amba-Nya; Ia mare’ rajaki ka’ sae nang Ia mao’i’, man Ia Miahkuaat,Miah gagah
Verse 20 — Surah Ash-Shura 42:20
Barang sae ngati kaontongan ka’ akerat Kami tangincaknghatn kaontongan kao nto’nya, man barang sae ngati kaontongan ka’dunia Kami barentatn’ ka’ ia sabagian darinya (kaontongan dunia),tapi ia nana’ akan napati’ bagian ka’ akerat
Verse 21 — Surah Ash-Shura 42:21
Ahe ke’ iaka’ia ngampu’i’ sasambahan selain Allah nang natapatn’ aturan agama nto’ iaka’ia nang nana’ diizintatn’ (diridai) Allah? Man sakiranya nana’ ada katatapatn’ nang nundai’ (hukuman dari Allah) tantulah hukuman ka’ antara iaka’ia udah dikarajai’. Man sungguh, urakng-urakng zalim koa mao’ napati’ azab nang miah padih
Verse 22 — Surah Ash-Shura 42:22
Kita’ mao’ nele’nurakng-urakng zalim koa miah kagali’atn’ karana (kajahatatn’-kajahata- tn’) nang udah iaka’ia panjuat, man (azab) manimpa’ iaka’ia. Man urakng-urakng nang baiman man ngarajai’ kabakade’tn’ (barada) ka’ dalapm’ taman-taman saruga, iaka’ia napati’ ahe nang iaka’ia mao’i’ ka’ sisi Tuhan. Nang demikian koa ialah karunia nang aya’
Verse 23 — Surah Ash-Shura 42:23
Koalah (karunia) nang dibarentatn’ Allah nto’ nyanangi’ amba-amba-Nya nang baiman man ngarajaatni’ kabakade’tn’. Batakatn’lah (Muhammad), “aku nana’ minta’ ka’ kita’ suatu imbalan pun atas saru’atn’ku kacoali kasih sayang dalapm’ kakaluargaan”. Man barang sae ngarajai’ kabaikatn’ mao’ Kami tambahi’ kabaikatn’ nto’nya. Sungguh, Allah Miah ngampotni’,Miah nyukuri’
Verse 24 — Surah Ash-Shura 42:24
Ato ke’ iaka’ia ngatakan’ “Ia (Muhammad) udah ngada-adakan’ kabohongan tantang Allah”. Sakiranya Allah ngamao’i’ pasti Ia kunci atinyu. Man Allah ngapus nang batil man ngabatolatn’ nang batol mang firman- Nya (Al-Quran). Sungguh, Ia Miah ngatahui’ sagala isi’ ati
Verse 25 — Surah Ash-Shura 42:25
Man Ia lah nang narima’ tobat dari amba- amba-Nya man ma’afatni’ kasalahatn- kasalahatn man ngatahui’ ahe nang kita’ karajai’
Verse 26 — Surah Ash-Shura 42:26
man Ia memperkenanatn (do’a) urakng- urakng nang baiman man ngarajaatn’ kabakade’tn’ man nambah (pahala) ka’ iaka’ia dari karunia-Nya. Urakng-urakng nang ingkar mao’ napat azab nang miah karas
Verse 27 — Surah Ash-Shura 42:27
Man sakiranya Allah ngalapangatn rajaki ka’ amba-amba-Nya pasti iaka’ia mao’ babuat ngalampaui’ batas ka’ bumi, tapi Ia nuruntatn’ mang ukuran nang Ia mao’i’. Sungguh, Ia Miahtaliti ka’ (kaadaan) amba-amba-Nya, Miahnele’
Verse 28 — Surah Ash-Shura 42:28
Man Ia lah nang nuruntatn’ ujatn’ salaka’ iaka’ia baputus asa man nyamuri’ Rahmat- Nya. Man Ia lah Maha Palindung, Maha Tapuji
Verse 29 — Surah Ash-Shura 42:29
Man ka’ tanda-tanda (ka aya’atn’)-Nya ialah pancipta langit man bumi man makhluk- makhluk nang melata nang Ia sebaratn’ ka’ kaduanya. Man Ia Mahakuasa ngumpuratn’ samuanya kamile Ia mao’i’
Verse 30 — Surah Ash-Shura 42:30
Man musibah ahepun nang manimpa’nyu ialah karana parbuatan kokotnyu babaro, man Allah ngama’afatni’ manyak (dari kasalahatn- kasalahatnyu)
Verse 31 — Surah Ash-Shura 42:31
Man kao nana’ dapat ngalapasatn’ diri (dari seksaan Allah) ka’ bumi,man kita’ nana’ namui’ palinukng’ ato panolong selain Allah
Verse 32 — Surah Ash-Shura 42:32
Man ka’ antara tanda-tanda (ka aya’atn’)-Nya iakoa kapal-kapal (nang balayar) ka’ laut lea gunung-gunung
Verse 33 — Surah Ash-Shura 42:33
Kade’ Ia mao’i’, Ia mao’ ngarantiatni’ nyaru,sahingga jadilah (kapal-kapal) koa taranti ka’ pamukaan laut. Sungguh, ka’ nang demikian koa tadapat tanda-tanda (kakuasaan Allah) bagi urakng nang slalu basabar man manyak basukur
Verse 34 — Surah Ash-Shura 42:34
ato (Ia mao’) ngancuratn’ kapal-kapal koa karana pabuatatn (dosa) iaka’ia, man Ia ngama’afatni’ manyak (dari iaka’ia)
Verse 35 — Surah Ash-Shura 42:35
man supaya urakng-urakng nang ngabantah tanda-tanda (kakuasaan) Kami ngatahui’ bahwa’ i aka’ia nana’ akan napati’ maraga kaluar (dari siksa’an)
Verse 36 — Surah Ash-Shura 42:36
Ahe pun (atnyamanan) nang dibarentatn’ ka’ kao, maka koa ialah kasanangan idup ka’ dunia. Sedangatn ahe (atnyamanan) nang ada ka’ sisi Allah labih baik man labih kakal nto’ urakng-urakng nang baiman,man hanya ka’ Tuhan iaka’ia batawakal
Verse 37 — Surah Ash-Shura 42:37
man uga’ (nto’) urakng nang ngajauhi’ dosa- dosa aya’ man pabuatan-pabuatan keji, man kamila iaka’ia bera capat mare’ ma’af
Verse 38 — Surah Ash-Shura 42:38
man (nto’) urakng-urakng nang narima’ (matuhi’) saru’atn Tuhan man ngalaksanakan salat,sedang urusan iaka’ia (dimutusatn’) mang bahaupm’ antara iaka’ia; man iaka’ia nginfakatn’ sabagian dari rajaki nang Kami barentatn’ ka’ iaka’ia’
Verse 39 — Surah Ash-Shura 42:39
man (nto’) urakng-urakng nang kamile iaka’ia dipalakuatn’ manang zalim, iaka’ia ngabela diri’
Verse 40 — Surah Ash-Shura 42:40
Man balasan suatu kajahatatn’ ialah kajahatan’ nang satimpal, barang sae nang ngama’afatni’ man babuat baik (ka’ urakng nang babuat jahat) maka pahalanya dari Allah. Sungguh, Ia nana’ nyukai’ urakng- urakng zalim
Verse 41 — Surah Ash-Shura 42:41
Tapi urakng-urakng nang ngabela diri’ salaka’ dizalimi’, nana’ ada alasan nto’ nyalahatn’ iaka’ia
Verse 42 — Surah Ash-Shura 42:42
Sasungguhnya kasalahatn hanya ada ka’ urakng-urakng nang babuat zalim ka’ talino man ngalampawi’ batas ka’ bumi nana’ (ngirawi’) kabanaratn’. Iaka’ia koa mandapat seksa nang padih
Verse 43 — Surah Ash-Shura 42:43
Tapi barang sae nang basabar man ngama’afatni’,sungguh nang demikian koa tamasok pabuatan nang mulia
Verse 44 — Surah Ash-Shura 42:44
Man barang sae dimiaratn’ sasat oleh Allah, maka nana’ ada nto’nya palindung salaiaka’- koa. Kita mao’ nele’ urakng-urakng zalim waktu iaka’ia nele’ azab bakata, “Adake’ kiranya maraga nto’ mulakng’ (ka’ dunia)?”
Verse 45 — Surah Ash-Shura 42:45
Man kao mao’ nele’ iaka’ia dingadapatn’ ka’ neraka dalapm’ kaadaan tatunduk karana (marasa) hina, iaka’ia nele’ mang paniaka’ koa nang latih, Man urakng-urakng nang baiman bakata, “Sasungguhnya urakng-urakng nang rugi ialah urakng nang ngarugiatn’ diri’ iaka’ia babaro man kaluarganya ka’ ari kiamat”. Ingatlah, sasungguhnya urakng-urakng zalim koa barada dalapm’ azab nang kakal
Verse 46 — Surah Ash-Shura 42:46
Man iaka’ia nana’ akan ada palinukng’ nang dapat nulukngi’ iaka’ia selain Allah. Barang sae dibiaratn’ sasat oleh Allah nana’ akan ada maraga kaluar nto’nya (nto’ mandapat patunjuk)
Verse 47 — Surah Ash-Shura 42:47
Man patuhi’lah saru’atn’ Tuhannyu sanape’ atakng’ dari Allah suatu ari nang nana’ dapat ditolak (atas parentah dari Allah). Man ka’ ari koa kao nana’’ namu tampat balinukng’ man nana’ (uga’) dapat ngingkari’ (dosa-dosanyu). 42. ASY-SY¸
Verse 48 — Surah Ash-Shura 42:48
Kade’ iaka’ia bapalikng’, maka (ingatlah) Kami nana’ ngutus kao sabage pangawas nto’ iaka’ia. Kawajibannyu nana’ lain hanyalah nyampaiyantn’ (risalah). Man sungguh, kamile Kami pisa’i’ ka’ talino suatu rahmat dari Kami,ia nyambutnya karepoatn’; tapi kade’ iaka’ia kasusahatn’ karana pabuatatn kokot iaka’ia babaro (pasti iaka’ia ingkar), sungguh, talino koa miah ingkar (ka’ nikmat)
Verse 49 — Surah Ash-Shura 42:49
Ampu’ Allah-lah kearajaan langit man bumi; Ia nyiptaatn’ ahe nang Ia mao’i’, marentatn’ anak nan bini ka’ sae nang Ia mao’i’, man marenatatn’ anak nan laki ka’ sae nang Ia mao’i’
Verse 50 — Surah Ash-Shura 42:50
ato Ia ngaanugerahatn jenis nan laki man nan bini, man nyajiatn’ mandul sae nang Ia mao’i’. Ia Maha Ngatahui’, Mahakuasa
Verse 51 — Surah Ash-Shura 42:51
Man nana’lah patut nto’ seko’ talino bahwa’ Allah mao’ kataatn ka’ ia kacoali mang peran- taraan wahyu ato dari balikakng’ tabir.779 ato mang ngutusatn’ (mala’ekat) lalu diwahyu-atn’ ka’ ia mang izin-Nya ahe nang Ia mao’i’. Sungguh, Ia Maha tingi’, Mahabijaksana
Verse 52 — Surah Ash-Shura 42:52
Man ampikoalah Kami wahyuatn’ ka’ kao (Muhammad) ruh (Al-Quran) mang parentah Kami. Sanape’nya kao nana’ ngatahui’ aheke’ Kitab (Al-Quran) man aheke’ iman koa, tapi Kami nyajiatn’ Al-Quran koa cahaya, mang koa Kami mare’ patunjuk sae nang Kami mao’- i’ ka’ antara amba-amba Kami. Man sungguh, kao ngabimbing (talino) ka’ maraga nang locor
Verse 53 — Surah Ash-Shura 42:53
(Iakoa) maraga Allah nang ampu’-Nyalah ahe nang ada ka’ langit man ahe nang ada ka’ bumi. Ingatlah, sagala urusan kambali ka’ Allah