Kendayan - Chapter 44 - Ad-Dukhan

Hā M³m

Demi Kitab (Al-Quran) nang jalas

Sasungguhnya Kami nuruntatn’nya ka’ malam nang dibarakahi’.790 Sungguh, Kamilah nang mare’ paringatan

Ka’ (malapm’ koa) dijalasatn sagala urusan nang penuh hikmah

(iakoa) urusan dari sisi Kami. Sungguh, Kamilah nang ngutus rasul-rasul

sabage rahmat dari Tuhannyu. Sungguh, Ia Maha Nangaratn’, Maha Ngatahui’

Tuhan (nang mihara) langit man bumi man ahe nang ada ka’ antara kaduanya; kade’ kita’ urakng-urakng nang ngayakin

Nana’ ada Tuhan selain Ia, Ia nang ngidupatn’ man ngamatiatn’. (Ia lah) Tuhannyu man Tuhan da’ nek nenge nyu duhuya

Tapi iaka’ia dalapm’ karaguan, iaka’ia bamain-main

Maka tunggulah ka’ ari waktu langit ngincakng’ kabut nang tampak jalas

Nang ngaliputi’ talino. Nianlah azab nang padih

(Iaka’ia bado’a), “Ya Tuhan kami, lanyapatn’lah azab koa dari kami. Sungguh, kami mao’ baiman”

Ampahe iaka’ia dapat narima’ paringatatn’, padahal (sanape’nya pun) seko’ rasul udah atakng’ mare’ panjalasatn’ ka’ iaka’ia

Kemudian iaka’ia bapalikng’ dari ia man bakata, “Ia koa urakng nang narima’ ajar (dari urakng lain) man urakng gila”

Sungguh, (kalau) Kami ngalanyapi’ azab sabebet jak, tantu kita’’ mao’ kambali (ingkar)

(Ingatlah) ka’ ari (waktu) Kami ngantam iaka’ia mang karas.794 Kami pasti mare’ balasan

Man sungguh, sanape’ iaka’ia, Kami bat batol udah nguji kaum Fir’aun man udah atakng’ ka’ iaka’ia seko’ rasul nang muli

(mang bakata), “Sarahatn’lah ka’ aku am amba Allah (Bani Israil). Sasungguhnya ialah utusatn’ (Allah) nang dapat kita’ pucaya’

man amelah kita’ nyombongkatn’ diri’ k Allah. Sungguh aku atakng’ ka’ kita’ ma ngincakng’ bukti nang nyata

Man sasungguhnya aku balinukng’ ka’ Tuhanku man Tuhannyu, dari ancaman n nto’ marajamku

man kade’ kita’ nana’ baiman ka’ aku, m biaratni’lah aku (mimpini’ Bani Israil)”

Kemudian ia (Musa) bado’a ka’ Tuhanny “Sungguh, iaka’ia nian ialah kaum nang badosa (sigarakani’lah azab ka’ iaka’ia)”

(Allah bafirman),”karana koa bajalatn’la mang amba-amba-Ku ka’ malapm’ ari, sasungguhnya kita mao’ atna’ unyar

man biari’lah laut koa tabalah. Sasunggu iaka’ia bala tantara nang mao’ ditingalapmi’”

Betapa manyak taman-taman man mata a mata ai’ nang iaka’ia tingalatni’

uga’ kabun-kabun serta tampat-tampat kadiaman nang edo’

man kasanangan-kasanangan nang dapat iaka’ia nikmati’ ka’ naun, 44. AD-DU

ampikoalah, man Kami warisatn (samua) koa ka’ kaum nang lain

Maka langit man bumi nana’ nangisi’ iaka’ia, man iaka’ia pun nana’ dibare’ panagguhatn’ waktu

Man sungguh udah Kami salamatatn’ Bani Israil dari seksaan nang menghinakan

Dari (siksa’an) Fir’aun,sungguh, ia koa urakng nang sombong, tamasok urakng- urakngnang ngalampauwi’ batas

Man sungguh, Kami pilih iaka’ia (Bani Israil) mang ilmu (Kami) ka’ atas samua bangsa (ka’ masa koa)

Man udah Kami barentatn’ ka’ iaka’ia ka’ antara tanda-tanda (ka aya’atn’ Kami) sesuatu nang ka’ dalapm’ nya tadapat nikmat nang nyata

Sasungguhnya iaka’ia (kaum musrik) koa pasti mao’ bakata

Nana’ ada kamatian selain kamatian ka’ dunia nian. Man kami nana’ akan dibangktatn

Man atakngi’lah (agi) na’ nek nange kami kade kao urakng nang batol”

Ahe ke’ iaka’ia (kaum musrikin) nang labih baik ato kaum Tubba’,797 man urakng-urakng nang sanape’ iaka’ia nang udah Kami binasakan’ karana iaka’ia ialah urakkng’- urakng nang sungguh badosa

Man nana’ lah Kami bamain-main nyiptaatn’ langit man bumi man ahe nang ada ka’ kaduanya

Nana’lah Kami ciptaatn’ kadua’nya melainatn mang haq (batol), tapi kamanyakatn’ iaka’ia nana’ ngatahui’

Sungguh, ari kaputusatn’ (ari kiamat) ialah waktu nang dijanjiatn’ nto’ iaka’ia samuanya

(iakoa) ka’ ari (waktu) seko’ ayukng’ sama sakali nana’ dapat mare’ manfaat ka’ ayukng’ lainnya, man iaka’ia nana’ akan napati’ patolongan

kacoali urakng nang dibare’ rahmat oleh Allah. Sungguh, Ia Mahapakasa,Maha Penyayang

Sungguh, puhutn’ zaqqum koa

makanan nto’ urakng nang manyak dosa

Lea cairan timaga nang ningkorak ka’ dalapm’ parut

Lea ningkoraknya ai’ nang miah angatn’

“Pigakng’lah ia, Kamudian seretlah ia sampe ka’ tangah-tangah neraka

lalu tuakngi’lah ka’ atas kapalanya azab (dari) ai’ nang miah angatn’”

“Pisa’i’lah, sasungguhnya kita’ batol-batol urakng nang pakasa lagi’ mulia”

Sungguh, nianlah azab nang duhuya kita’ raguatn’

Sungguh, urakng-urakng nang batakwa barada dalapm’ tampat nang aman

(iakkoa) ka’ dalapm’ taman-taman man mata ai’-mata ai’

iaka’ia makei’ sutra nang alus man sutra nang tabal, (duduk) baradapatn’

Ka’ dalapm’nya iaka’ia dapat minta’ sagala macam buah-buahan mang aman man tentram

iaka’ia nana’ akan misa’i’ mati ka’ dalapm’nya,selain kamatian pertama (ka’ dunia). Allah ngalinukngi’ iaka’ia dari azab neraka

koa merupakan karunia dari Tuhannyu. Demikian koalah kamanangan nang agung

Sungguh, Kami mudahatn’ Al-Quran koa mang bahasanyu supaya kita’ mandapat pelajaran

Maka tunggulah; sungguh, iaka’ia koa (uga’ sedang) nunggui’ a Dengan nama Allah Yang Maha Pengasih, Maha Penyayang