Kendayan - Chapter 45 - Al-Jathiyah

H± M³m

Kitab (nian) dinuruntatn dari Allah Nang Mahapakasa, Mahabijaksana

Sungguh, ka’ langit man bumi batol-batol ada tanda-tanda (kaaya’atn Allah) nto’ urakng-urakng mukmin

man ka’ panciptaatnkita’ man ka’ makhluk bagarak nang banyawa nang batabaratn (ka’bumi) ada tanda-tanda (ka aya’atn Allah) nto’ kaum nang yakin

man ka’ pagantian malam’ man siakng man ujatn nang dinuruntatn Allah dari langit, lalu mang (ai’ ujatn) koa diidupatn-Nya bumi laka’ mati (karikng); man ka’ pakisaran angin ada uga’ tanda-tanda (ka aya’atn Allah) bagi kaum nang ngarati

Koalah ayat-ayat Allah nang Kami bacaatn ka’ kao manang sabatolnya; maka mang pakataan mae agi’ iaka’koa akan baiman salaka’ Allah man ayat-ayat-Nya

Cilakalah nto’ urakng nang manyak alok man manyak badosa

(iakoa) urakng nang nangar ayat-ayat Allah waktu dibacaatn ka’ ia, namun ia tatap nyombongkatn diri’ seakan-akan ia nana’ nangarnya. Maka paringatatn ia man siksa nang padih

Man kade’ ianau’an sabebet tantang ayat- ayat Kami maka (ayat-ayat koa) dijajiatnnya olok-olok. Iaka’koalah nang akan narima’ sesa nang hina

Ka’ adapatn iaka’koa naraka Jahanam, man nana’ akan baguna nto’ iaka’koa sabebet pun ahe nang udah iaka’koa karajaatn, man nana’ uga’ (bamanpa’at) ahe nang iaka’koa jajiatn sabage panolong-panolong (iaka’koa) salain Allah. Man iaka’koa akannamusiksa nang aya’

Nian (al-Quran) ialah patunjuk. Dan orang- orang nang ngingkari’ ayat-ayat Tuhan-nya, iaka’koa akan namu siksa barupa siksa’an nang miah padih

Allah-lah nang nundukatn laut nto’ kita’ supaya kapal-kapal bisa balayar ka’ atasnya mang parentah-Nya, man supaya kita’ bisa ngagoi’ sabagian karunia-Nya, man supaya kita’ basyukur

Man Ia nundukatn ahe nang ada ka’ langit man ahe nang ada ka’ bumi nto’kita’ samuanya (sabage rahmat) dari-Nya. Sungguh, dalapm hal nang ampakoa koa batol-batol ada tanda-tanda (ka aya’atn Allah) nto’ urakng-urakng nang bapikir

Batakatnlah (Muhammad) ka’ urakng- urakng nang baiman, supaya iaka’koa ma’apatn urakng-urakng nang nana’ gali’ ka’ ari-ari Allah, 799 karana Ia mao malasi’suatu kaum sasue mang ahe nang udah iaka’koa karajaatn

Sae ma’an nang ngarajaatn kabaikatn maka koa nto’ diri’nya babaro, man sae ma’an nang ngarajaatn kajahatatn maka koa mao’ nimpa’ diri’nya babaro; la ka’ koa ka’ Tuhankita’ kita’ dipulakngkatn

Man sungguh, ka’ Bani Israil udah Kami barentatn Kitab (Taurat), kekuasaan man kenabian, Kami anugerahatn ka’ iaka’koa rajaki nang baik, man Kami labihatn iaka’koa atas bangsa-bangsa (ka’ masa koa)

Man Kami barentatn ka’iaka’koa katarangan-katarangan nang jalas tantang urusan (agama); maka iaka’koa nana’ basalisih kacoali salaka’ atakng ilmu ka’ iaka’koa, karana kadangkiatn (nang ada) ka’ antara iaka’koa. Sungguh, Tuhannyu mao’ mare’ putusatn ka’ iaka’koa ka’ ari kiamat ka’ ahe nang selalu iaka’koa pasalisihatn

La ka’ koa Kami jajiatn kao (Muhammad) ngikuti’ syariat (peraturn) dari agama koa maka ikuti’lah (syariat koa) man amelah kao ngikuti’ kamao’an urakng-urakng nang nana’ nau’an

Sungguh, iaka’koa nana’ akan bisa ngindari’ kao sabebetpun dari (sesa) Allah. Man sungguh, urakng-urakng nang jalim koa sabagian manjaji panolong atas sabagian nang lain; samintara Allah panolong nto’ urakng-urakng nang batakwa

(al-Quran)nian ialah padoman bagi talino, patunjuk man rahmat nto’ urakng nang yakin

Ahe ke’ urakng-urakng nang ngalakuatn kajahatatn koa ngira bahoa’ Kami mao’ ngalakuatn iaka’koa saparati urakng-urakng nang baiman man ngarajaatn kabaikatn, iakoa sama dalapm kaidupatn man kamatian iaka’koa? Alangkah buruknya panilaian iaka’koa koa

Man Allah nyiptaatn langit man bumi mang tujuan nang batol, man supaya satiap jiwa dibare’ balasan sasuai mang ahe nang dikarajaatnnya

Maka paranah ke’ kita’ nele’ urakng nang nyajiatn hawa napsunya sabage tuhannya man Allah ngabiaratnnya sasat mang pangatahuan-, Nya, 800 man Allah udah nguncii’ panangaratn man ati saatangalaka’ atn tutup ka’ atas panele’atnnya? Maka sae ke’ nang mampu mare’ patunjuk salaka’ Allah (ngabiaratnnya sasat)? Jahe kita’ nana’ na ap palajaratn

Man iaka’koa bakata, “Kaidupatn nian nana’ lain nggelah kaidupatn ka’ dunia ihan, diri’ mati man diri’ idup, man nana’ ada nang minasaatn diri’ selain masa”. Tapi iaka’koa nana’ ada ilmu tantang koa, iaka’koa nggelah ngira-ngira ihan

Man kade’ ka’ iaka’koa dibacaatn ayat-ayat Kami nang jalas, nana’ ada bantahatn iaka’koa selain matakatn, “idupi’lah agi’ na’ nek nange kami, kade’ kita’ urakng nang batol

Batakatnlah, “Allah nang ngidupatn la ka’koa ngamatiatn kita’, la ka’ koa Ia ngumpuratn kita’ ka’ ari kiamat nang nana’ diraguatn agi’; tapi kamanyakatn talino nana’ nau’an”

Man (ka’ ari koa) kaoakan nele’ satiap umat balutut. Satiap umat disaru’ nto’ (nele’) buku catatan amalnya. Ka’ ari koa kita’ dibare’ balasan atas ahe nang udah kita’ karajaatn

(Allah bapirman), ”Nianlah kitab (catatan) Kami nang nuturatn ka’ kita’ mang sabatol- batolnya. Sungguh Kami udah nyuruh nyatat ahe nang udah kita’ karajaatn”

Maka adapun urakng-urakng nang baiman man ngarajaatn kabaikatn, maka Tuhan masokatn iaka’koa ka’ dalapm rahmat-Nya (saruga). ampakoa koalah kamanangan nang nyata

Man adapun (ka’) urakng-urakng nang kapir (dipirmantatn), ”Bukatnke’ ayat-ayat-Ku udah dibacaatn ka’ kita’, tapi kita’ nyombongkatn diri’ man mao’ manjaji urakng-urakng nang babuat dosa

Man kade’ dibatakatn (ka’ kita’), “Sungguh janji Allah koa batol, man ari kiamat koa nana’ diraguatn adanya.” kita’ nyawap, “Kami nana’ nau’an ahe ke’ ari kiamat koa, kami nggengira-ngira ihan, man kami nana’ yakin”

Man nyatalah bagi iaka’koa kaburukatn- kaburukatn nang iaka’koa pagaweatn, man balakulah sesa ka’ iaka’koa nang de’e iaka’koa ngolo’-ngolo’i’nya

Man ka’ iaka’koa dibatakatn, “Ka’ ari nian Kami ngalupai’ kita’ seampahe kita’ udah ngalupaatn patamuan (mang) ari kita’ nian; man tampat mulakng kita’ ialah naraka, man sakali-sakali nana’ ada panolong nto’ kita’

Nang ampakoa koa karana sabatolnya kita’ udah nyajiatn ayat-ayat Allah sabage olo’- olo’atn, man kita’ udah ditipu oleh kaidupatn dunia”. Maka ka’ ari nian iaka’koa nana’ dikaluaratn dari naraka man nana’ uga’ iaka’koa dibare’ kasampatatn nto’ batobat

Sagala puji ngge nto’ Allah, Tuhan (nang ngampu’) langit man bumi, Tuhan saluruh alam

Man ngge nto’-Nya sagala kaagungan ka’ langit man ka’ bumi, man Ia lah Nang Maha pakasa, Maha bijaksana. ayat