Kendayan - Chapter 46 - Al-Ahqaf

Hā M³m

Kitab nian dituruntatn dari Allah nang maha pakasa, maha bijaksana

Kami nana’ nyiptaatn langit man bumi man ahe nang ada ka’ antara kaduanya malaintatn nang (tujuh) nang banar man dalapm waktu nang di tantuatn, namun urakng-urakng nang kafir bapaliing dari paringatatn nang dibare’atn ka’ iaka’koa

Kataatnlah (Muhammad), “tarangkatnlah (ka’ aku) tantang ahe nang kao sambah salain Allah, tele’atnlah ka’ aku ahe nang udah iaka’koa ciptaatn dari bumi, nto’ ada ke’ ikut sarata iaka’koa dalapm (dalapm panciptaatn langit ) incaknglah ka’ aku kitab nang sanape’ (Al-Quran) nian ato’ paniggalatn dari p angatahuatn (urakng- urakng de’e). kade’ kita’ urakng-urakng nang banar”

Man sae ke’ nang labih sasat dari pada urakng-urakng nang manyambah salain Allah. (sasambahatn) nang nana’ dapat ngabulatn (do’a) nya sampe’ ka’ ari kiamat, man iaka’koa lale dari (mamparatiatn) do’a iaka’koa

Man kade’ talino dikumpulatn (pada ari kiamat). Sasambahatn koa manjaji munsuh iaka’koa. Man ngingkari’ pamujaatn- pamujaatn nang iaka’koa lakuatn ka’ ia

Man kade’ iaka’koa dibacaatn ayat-ayat kami nang jalas, urakng-urakng nang kafir bakata, katika kabanaratn koa atatng ka’ iaka’koa, “nian ialah seher nang nyata”

Bahkan iaka’koa bakata, “ia, (Muhammad) udah ngada-ngadaatn nya (Al-Quran),” kataatnlah, kade’ aku ngada-ngadaatnnya, maka kita’ nana’ kuasa saebetpun ngindaratn aku dari (azab) Allah, ia labih nau’an ahe nang kita’ kataatn tantang Al- Quran koa, cukuplah ia manjadi saksi antara aku man kita’. Ia maha pangampon, maha panyayang

Kataatnlah (Muhammad), “aku buke’lah Rasul nang patama ka’ antara rasul-rasul, man aku nana’ nau’an ahe nang akan dipamuat tahadapku man tahadap kita’, aku nggelah mangikuti ahe nang diwahyuatn ka’ aku, man aku inggelah pambare’ paringatatn nang jalasa”

Kataatnlah, “mpahe pandapat kita’ kade’ sabanarnya (Al-Quran) nian atakng dari Allah, man kao nang ngingkari’nya. Padahal ada saurakng saksi dari Bani Israil801nang ngako’ (kabanaratn) nang sarupa mang (nang disabut dalapm) Al-Quran lalu ia baiman: kita’ nyombokngkatn diri’ sungguh Allah nana’ mare’ patunjuk ka’ urakng- urakng nang jalim”

Man urakng-urakng nang kafir bakata ka’ urakng-urakng nang baiman, “sakiranya Al- Quran koa sasuatu nang baik, tantu iaka’koa nana’ pantas nolo’i’ kami (baiman) ka’ ia”.802 Tapi karana iaka’koa nana’ namu patunjuk mang ia, maka ia iaka’koa akan bakata, “nian ialah alok nang lama”

Man sanape’ (Al-Quran), koa udah ada kitab Musa sabage patunjuk man rahmat, man Al-Quran nian ialah kitab nang ngabanaratnnya dalapm bahasa arab nto’ mare’ paringatatn ka’ urakng-urakng nang jalim man mare’ kabar repo ka’ urakng- urakng nang babuat baik

Sasungguhnya urakng-urakng nang bakata, “Tuhan kami ialah Allah,” laka’ koa iaka’koa tatap istiqamah,803 nana’ ada rasa koater ka’ iaka’koa, man ia nana’ (uga) basadih ati

Iaka’koa para panghuni saruga, kakal ka’ dalapmnya. Sabage’ balasatn atas ahe nang udah iaka’koa karajaatn

Man kami parentahatn ka’ talino agar babuat baik ka’ kadua urakng tuhanya, uwe’nya udah mabuntingangannya mang susah payah, man maranakkatnnya mang susah paya (uga’). Masa mabuntingannya sampe ngoannya salama talu puluh bulatn, sahingga kade’ ia (anak koa) udah aya’ man omor mancape’ ampat puluh tahutn, ia bado’a, “Oh Tuhanku, bare’lah aku patunjuk agar aku dapat nyukuri’ nikmat kita’ nang udah kita’ limpahatn ka’ aku man ka’ kadua urakng tuhaku, man agar aku dapat babauat kabakade’tn nang kita’ ridha’i’, man bare’lah aku kabaikatn nang akan mangalir sampe’ ka anak ucu’ku. Sungguh, akubatobat ka’ kita’ man sungguh, aku tamasok urakng muslim”

Iaka’koalah urakng-urakng nangkami tarima amal baiknya nang udah iaka’koa karajaatn, man (urakng-urakng) nang kami maafpatn kasalahatn-kasalahatnnya, (iaka’koa akan manjadi panghuni-panghuni saruga, koa janji nang banar nang udah di janjiatn ka’ iaka’koa)

Man urakng nang bakata ka’ kadua urakng tuhanya, “Ah”804 ahe ke’ kao badua mamparingatatn ka’ aku bahwa’ aku akan dibangkitatn, padahal sangahe umat sanape’ ku udah balalu? Lalu kadua urakng tuhanya koa mamohon patolongan ka’ Allah (saraya bakata), “calaka kao, baimanlah! Sungguh janji Allah koa banar”. Lalu ia (anak koa) bakata, “Nian inggelah gesah urakng-urakng dee”

Iaka’koa urakng-urakng nang udah pasti takana katatapatn (azab) basama umat-umat dee sanape’ ia iaka’koa. Dari (golongan) Jin man talino. Ia iaka’koa ialah urakng-urakng nang rugi

Man satiap urakng namu tingkatatn sasue man ahe nang udah iaiaka’koa karajaatn, man agar Allah mancukupatn balasatn pabuatatn ia iaka’koa. Man ia iaka’koa nana’ dirugiatn

Man (ingatlah) ka’ ari (katika) urakng- urakng kapir diadapatn ka’ naraka (saraya dikataatn ka’ iaka’koa), “kita’ udah ngabisatn (rajaki) nangbaik nto’ kaidupatn dunia kita’, man kita’ udah basanang-sanang (manikmati’)nya, maka pada ari nian kita’ dibalas mang ajab nang hina, man karana kita’ udah nyombongkatn diri’ ka’ muha dunia tanpa hak man karana kita’ udah fasik

Man ingatlah (Hud) kamar kapala kaum Ad, iakoa katika ia ngingatatn kaumnya tantang bukit-bukit paser, man sasungguhnya udah balalau sangahe urakng pamare’ paringatatn sanape’nya man saudahnya (mang bakata), “amelah kita’ nyambah salain Allah, aku sungguh koater nae kita’ ditimpa’ ajab ka’ ari nang aya’”

Iaka’koa manjawab, “ahe ke’ koa atakng ka’ kami nto’ mamalingkatn kami dari (manyambah) Tuhan-tuhan kami? Maka atangkatnlah ka’ kami siksa nang udah kao ancaman ka’ kami, kade’ kao tamasok urakng nang banar”

Ia (hud) bakata, “sasungguhnya ilmu (tantang koa) ingge ka’ Allah, man aku (ingge) manyampeatn ka’ kita’ ahe nang di wahyuatn ka’ aku, tapi aku nele’ kita’ ialah kaum nang balaku bodoh”

Maka katika iaka’koa nele’ azab koa barupa rahu’ (awan) nang manuju ka’ abah- abah iaka’koa, ia bakata, “nianlah rahu’ (awan) nang akan manuruntatn ujatn ka’ diri’! (buke’) tapi koalah azab nang kita’ minta agar di capatatn atakngnya, (iakoa) angin nang mangandung azab nang padih”

Nang ngancuratn sagala sasoatu mang parentah tuhannya, sahingga ia iaka’koa (kaum Ad) manjadi nana’ katele’atn agi’ (ka’ bumi) kacoali ingge (bakas-bakas) tampat badiapm ia iaka’koa. Ampakoalah kami mare’ balasatn ka’ kaum nang badosa

Man sungguh, udah kami binasaatn nagari- nagari ka’ sakitar kita’, man uga’ udah kami jalasatn baulang-ulang tanda-tanda (kaayaa’atn kami), agar iaka’koa malaking (batobat)

Maka ngahe (bahala-bahala man tuhan- tuhan) nang iaka’koa sambah salain Allah nto’ nyamakkatn diri (ka’ ia) nana’ dapat nolong iaka’koa? bahkan tuhan-tuhan koa udah ilang darinya iaka’koa, man koalah akibat kaalokatn iaka’koa man ahe nang de’e iaka’koa ada-adaatn

Man (ingatlah) katika kami adapatn ka’ kao (Muhammad) sarombongan Jin nang nangaratn (bacaan) Al-Quran, maka katika iaka’koa ngadiri’ (pambacaan) nya iaka’koa bakata, “badiapmlah kao! (Nto’ nangara- tnya) maka katika udah salase, iaka’koa kambali ka’ kaumnya (nto’) mare’ paringatatn”

Iaka’koa bakata, “wahe kaum kami! Sungguh kami udah nangaratn kitab (Al-Quran) nang dituruntatn saudah Musa, manaratn (kitab- kitab) nang atakng sanape’nya, mambimbing ka’ kabanaratnnya, man ka’ maraga nang locor”

Wahe kaum kami! Tarima’lah (saruatn) urakng (Muhammad) nang nyaru’ ka’ Allah. man baimanlah ka’ Ia, Niscaya Ia akan mangamponi’ dosa kita’, man ngalapasatn kita’ dari azab nang padih

Man barang sae nana’ narima’ (saruatn) urakng nang nyaru’ ka’ Allah (Muhammad) maka ia nana’ akan dapat ngalapasatn diri dari siksa Allah ka’ bumi, padahal nana’ ada panolong nto’nya salain Allah, iaka’koa barada dalapm kasasatatn nang nyata

Man nana’ ke’ iaka’koa mamparatiatn bahwa’ sasungguhnya Allah nang nyiptaatn langit man bumi, man ia nana’ marasa payah karana nyiptaatnnya, man ia kuasa ngidupatn nang mati? Pakoalah. Sungguh, Ia kuasa atas sagala sasuatu

Man (ingatlah) pada ari (katika) urakng- urakng nang kafir diadapatn ka’ naraka. (ia iaka’koa akan ditanya), “buke’ ke’ (azab) nian banar?” iaka’koa manjawab, “ya banar, dari tuhan kami”, Allah bafirman.. “maka rasaatnlah azab nian, karana dee kao mangingkari’nya”

Maka basabarlah kao (Muhammad) sabage mae kasabaratn rasul-rasul nang mamiliki ati, man amelah kao minta agar azab di capatatn nto’ iaka’koa. Ka’ ari iaka’koa nele’ azab nang dijanjiatn, iaka’koa marasa saolah-olah badiapm (ka’ dunia) ingge sabantar inan pada siang ari. Tugasnyu ingge nyampeatn, maka nana’ ada nang di binasaatn. Kacoali kaum nang fasik