Kendayan - Chapter 47 - Muhammad

Urakng-urakng nang kafir man nang nahan- nahan (talino) dari maraga Allah, Allah ngapus sagala amalnya

Man urakng-urakng nang baiman (ka’ Allah) man ngarajaatn kabaikatn sarata baiman ka’ ahe nang dituruntatn ka’ Muhammad, koalah kabanaratn dari Tuhan iaka’koa, Allah ngapus kasalahatn-kasalahatn iaka’koa man maiki’i’ kaadaan ia iaka’koa

Nang ampakoa, karana sasungguhnya urakng-urakng kafir ngikuti’ nang batil (sasat) man sasungguhnya urakng-urakng nang baiman mangikuti kabanaratn dari Tuhan iaka’koa. Ampakoalah Allah mamuat parumpamaan-parumpamaan bagi talino

Maka kade’ kita’ batamu mang urakng- urakng nang kafir (ka’ tampat parang), maka pangkuknglah batakng tage’ iaka’koa, kade’ kao udah ngalahatn ia iaka’koa, tamaknglah iaka’koa, man laka’ koa kita’ mulih mebasatn iaka’koa nto narima’ tabusatn. Sampe’ parang salase, ampakoalah man sakiranya Allah manghandaki, niscaya Ia minasaatn ia iaka’koa, tapi Ia mao’ nguji kita’ mang nang lain. Man urakng-urakng nang gugur ka’ maraga Allah. Allah nana’ manyia-nyiakatn amal iaka’koa

Allah akan mare’ patunjuk ka’ iaka’koa man maiki’i’ kaadaan ia iaka’koa

Man masokatn iaka’koa kadalapm saruga nang udah dikanalatn-Nya ka’ iaka’koa

Wahe urakng-urakng nang baiman! Kade’ kita’ nolong (agama) Allah, niscaya ia akan nolong kita’ man naguhatn kadudukatn kita’

Man urakng-urakng nang kafir, maka calakalah ia ka’ kita’. Man Allah ngapos sagala amalnya

Nang ampakoa karana iaka’koa busak ahe (Al-Quran) nang dituruntatn Allah, maka Allah ngapus sagala amal iaka’koa

Maka ahe ke’ iaka’koa nana’ paranah ngadaatn pajalanan ka’ bumi, sampe bias maratiatn ampahe kaudahatn urakng-urakng nang sanape’ ia iaka’koa, Allah udah minasaatn iaka’koa man bagi urakng-urakng kafir akan narima’ (nasep) nang sarupa

Sungguh Allah akan masokkatn urakng- urakng nang baiman man ngarajaatn kabakade’tn ka’ dalapm saruga nang mangalir ka’ abahnya sunge-sunge. Man urakng-urakng nang kafir manikmati karepoatn (dunia). Man iaka’koa makatn ampahe laok makatn, man (nee) narakalah tampat badiapm bagi iaka’koa

Man sangahe manyak nagari nang (panduduknya) labih kuat dari (panduduk) nagarinyu (Muhammad) nang udah ngusirnyu koa. Kami udah minasaatn iaka’koa, maka nana’ ada saurakng pun nang nolong iaka’koa

Maka ahe ke’ urakng nang basingi’i’ ka’ katarangan nang atakng dari Tuhannya sama mang urakng nang dijadiatn tarasa indah baginya pabuatan buruknya man mangikuti kainginannya

Parumpamaan taman saruga nang dijanjiatn ka’ urakng-urakng nang batakwa, ka’ dikoa ada sunge-sunge nang ai’nya nana’ panyao. Man sunge-sunge ai’ susu nang nana’ barubah rasanya, man sunge-sunge khamer (anggur nang nana’ mabukatn) nang lazat rasanya bagi panyocoknya, man sunge- sunge madu nang murni. Ka’ dalapmnya iaka’koa namu sagala macam buah-buahatn, man amponan dari Tuhan iaka’koa, sama ke’ iaka’koa mang urakng –urakng nang kakal dalapm naraka, man dibare’ cocok mang ai’ nang ningkorak, sahingga parotnya tapotong-potong

Man ka’ antara iaka’koa ada urakng nang nangaratn pakadakannyu (Muhammad), tapi kade’ iaka’koa udah kaluar dari sisinyu, ia iaka’koa bakata ka’urakng- nang udah dibare’ ilmu (sahabat-sahabat nabi). Ahe ke’ nang di kakatatnya tadi? Iaka’koalah urakng-urakng nang di kunci atinya oleh Allah. Man mangikuti kainginannya

Man urakng-urakng nang namu patunjuk, Allah akan nambah ka’ iaka’koa man nganugarahi’ katakwaan iaka’koa

Maka ahe agi’ nang iaka’koa tunggu-tunggu salain ari kiamat, nang akan atakng ka’ iaka’koa sacara tiba-tiba, karana tanda-tanda nya sungguh udah atakng, maka ahe gunanya bagi iaka’koa kasadaratnnya koa, kade’ (ari kiamat) koa udah atakng

Maka katahui’lah bahwa’ nana’ ada Tuhan (nang patut di sambah) salain Allah, man mohonlah amponan atas dosanyu man atas (dosa) urakng-urakng mukmin, nang lak man nang bini, man Allah mau’an tampat usaha man tapat badiapm kita’

Man urakng-urakng nang baiman bakata, “ngahe nana’ ada soatu surah (tantang parentah jihat) nang dituruntatn?” maka kade’ ada soatu surah dituruntatn nang jalas maksudnya man ka’ dalapmnya tasabut (parentah) parang. Kao nele’ urakng-urakng nang ka’ dalapm atinya ada panyakit akan nele’ iaka’koa saparati panele’atn urakng nang taramatiatn karana gali’ mati, tapi koa labih pantas bagi iaka’koa

(nang labih baik bagi iaka’koa ialah) taat ka’ Allah, man batutur kata nang baik, sabab kade’ parentah (parang) di tatapatn (iaka’koa nana’ nyukai’nya). Padahal kade iaka’koa banar-banar (baiman) ka’ Allah, niscaya nang ampakoa labih baik bagi iaka’koa

Maka ahe ke’ sakiranya kita’ bakuasa, kita’ akan babuat karusakatn ka’ dunia man mutusatn hubungan kamarkapala

Iaka’koalah urakng-urakng nang dikutuk Allah, lalau dipamoat bangal (panangaratn- nya) man di buta’atn panele’atnnya

Maka nana’ke iaka’koa manghayati Al- Quran, ato’ ke’ ati iaka’koa udah takunci

Sasungguhnya urakng-urakng nang malakng (ka’ kakafiratn) saudah patunjuk koa jalas bagi iaka’koa, satanlah nang ngarayu iaka’koa man manyangkatn angan-angan iaka’koa

Nang ampakoa, karana sasungguhnya iaka’koa udah bakata ka’ urakng-urakng (Yahudi) nang busak ka’ ahe nang dituruntatn Allah, “kami akan patuh ka’ kita’ dalapm sabagiatn urusan”, tapi Allah nau’an rahasia iaka’koa

Maka ampahe (naseb ia iaka’koa) kade’ mala’ekat (maut) mabut nyawa iaka’koa, mangkong muha man balikakng iaka’koa

Nang ampakoa, karana sasungguhnya iaka’koa mangikuti ahe nang manimbulatn kaberaatn Allah man busak (ahe nang nimbulatn) karido’atn-Nya. Sabab koa Allah ngapus sagala amal iaka’koa

Ato ahe ke’ urakng-urakng nang dalapm atinya kami tele’atn ada panyakit mangira bahwa’ Allah nana’ akan manampakkatn kadangkiatn iaka’koa

Man sakiranya kami manghandaki’, niscaya kami tele’atn iaka’koa ka’ kao (Muhammad) sahingga kao banar-banar dapat nganal iaka’koa mang tanda-tandanya. Man kao banar-banar akan nganal iaka’koa dari nada pakataatnnya. Man Allah nau’an sagala pabuatatn kita’

man sungguh, Kami banar-banar akan nguji kita’ sahingga Kami nau’an urakng–urakng nang banar bajihad man basabar ka’ antara kita’, man Kami uji pariahal kita’

Sungguh urakng-urakng kafir man mangalang-nagalangi (urakng laiin) dari maraga Allah sarata munsuhi Rasul satalah ada patunjuk nang jalas bagi iaka’koa. Iaka’koa nana’ akan mare’ mudarat (bahaya) ka’ Allah saebet pun. Man nae Allah mangapus sagala amal iaka’koa

Wahe’ urakng-urakng nang baiman! Taatlah ka’ Allah man taatlah ka’ Rasul, man amelah kita’ ngarusak sagala amal nyu

Sungguh urakng-urakng nang kafir man mangalang –ngalangi (urakng lain) dari maraga Alllah. Laka’ koa iaka’koa mati dalapm kaada’an kafir, maka Allah nana’ akan mangamponi’ iaka’koa

Maka amelah kao lamah man maba dame, karana kiata’ lah nang labih unggul, man Allah (pun) mang kita’, man ia nana’ akan ngurangi’ sagala amal kita’

Sasungghunya kaidupatn dunia koa inggelah pamainanman repo-repo. Kade’ kita’ baiman sarata batakwa. Allah akan mare’atn pahala ka’ kita’, man ia nana’ akan minta’ hartanyu

Sakiranya Ia minta’ harta ka’ kita’ lalu maksa kita’ (agar mare’atn samuanya) niscaya kita’ akan sengke’, man ia akan nampakkatn kadangkiatn kita’

Ingat! Kita’ ialah urakng-urakng nang dibaba nto’ nginfakkatn (harta kita’) ka’ maraga Allah. Lalu ka’ ntara kita’ ada urakng nang sengke’, man barang sae sengke’ maka sasungguhnya ia sengke’ taradap diri’nya babaro. Man Allah-lah nang maha kaya, man kita’ nang malaluatn (karunia-Nya). Maka kade’ kita’ bapaling (dari maraga nang banar) ia akan nganti (kita’) mang kaom nang lain, man iaka’koa nana’ akan (durhaka) ampahe kita’. a