Back to Languages
Kendayan - Chapter 53 - An-Najm
Translation by Unknown — Permalink
Verse 1 — Surah An-Najm 53:1
Demi bintakng kade tabanam
Verse 2 — Surah An-Najm 53:2
Ayukng kita’ (Muhammad) nana’ sasat man nana’ (uga’) kaliru
Verse 3 — Surah An-Najm 53:3
Man nana’lah nang di ucapatn nya koa (Al- Quran) manurut kainginannya
Verse 4 — Surah An-Najm 53:4
Nana’ lain (Al-Quran koa) ialah wahyu nang diwahyuatn (ka’ ia)
Verse 5 — Surah An-Najm 53:5
Nang diajaratn ka’ ia oleh (Jibril koa) nang miah kuat
Verse 6 — Surah An-Najm 53:6
Nang mampunyai katangguhatn, maka (Jibril koa) nampakkatn diri mang muha asli (ropa nang edo’ man pakasa)
Verse 7 — Surah An-Najm 53:7
Sadakng ia barada ka’ ufuk nang tingi
Verse 8 — Surah An-Najm 53:8
Laka’ koa ia nyamaki’ (ka’ Muhammad), lalu batambah samak
Verse 9 — Surah An-Najm 53:9
Sahingga jaraknya (sakitar) dua busur panah ato labih samak (agi’)
Verse 10 — Surah An-Najm 53:10
Lalu disampeatnya wahyu ka’ ambanya (Muhammad) ahe nang udah di wahyuatn Allah
Verse 11 — Surah An-Najm 53:11
Atinya nana’ ngalokatn ahe nang udah di tele’nya
Verse 12 — Surah An-Najm 53:12
Maka ahe ke’ kita’ (musyrikin Makah) mao’ mantahnya’ tantang ahe nang nang ditele’nya koa
Verse 13 — Surah An-Najm 53:13
Man sungguh, ia (Muhammad) dah nele’nya (dalapm rupa nang asli) pada waktu nang lain
Verse 14 — Surah An-Najm 53:14
(yakoa) di ka’ sidratul muntaha’
Verse 15 — Surah An-Najm 53:15
Ka’ samaknya ada saruga tampat badiapm
Verse 16 — Surah An-Najm 53:16
(Muhammad nele’ Jibril) katika waktu sidratul muntaha dikulilikngi’ sasuatu nang ngulilikngi’nya
Verse 17 — Surah An-Najm 53:17
Panele’atnnya (Muhammad) nana’ nyimpang dari nang ditele’nya koa man nana’ (uga’) ngalampoi’nya
Verse 18 — Surah An-Najm 53:18
Sungguh, ia udah nele’ sabagiatn tanda- tanda (ka aya’atn) Tuhannya nang paling aya’
Verse 19 — Surah An-Najm 53:19
Maka ahe ke’ patut kao (urakng-urakng musyrik) nganggap patung Al- Lata man Al Uzza
Verse 20 — Surah An-Najm 53:20
Man manat nang katiga nang paling dolo’sabage anak nang bini Allah
Verse 21 — Surah An-Najm 53:21
Ahe ke’ (pantas) nto’ kita’ nang laki-laki man nto’nya nang bini
Verse 22 — Surah An-Najm 53:22
Nang ampakoa tantulah suatu pambagiatn nang nana’ adil
Verse 23 — Surah An-Najm 53:23
Nang koa nana’ lain inggelah dama-dama nang kita’ man ene’ moyang kita’ mangada-ngada’atnnya. Allah nana’ manuruntatn suatu katarangan ahe pun nto’ (manyambah) nya. Ia iaka’koa ingge ngikuti’ sangka’an, man ahe nang dimao’i oleh kamao’annya padahal sungguh udah atakng sidratulmuntaha ratinya. Tampat nang paling atas ka’ langit nang ka’ nang udah dikunjungi Nabi saw katika mi’raj. Patunjuk dari Tuhan ia iaka’koa
Verse 24 — Surah An-Najm 53:24
Unto ahe ke’ talino akan namu sagala nang dicita-citaatnnya
Verse 25 — Surah An-Najm 53:25
(nana’) maka milik Allah –lah kaidupatn naherat man kaidupatn dunia
Verse 26 — Surah An-Najm 53:26
Man sangahe manyak mala’ekat ka’ langit, syafaat (patolongan) ia iaka’koa saebet pun nana’ baguna kacoali kade’ Allah udah ngizintatn (man ingge) nto’ sae nang Ia kahandaki’ man Ia ridoi’
Verse 27 — Surah An-Najm 53:27
Sasungguhnya urakng-urakng nang nana’ baiman ka’ kaidupatn naherat, sungguh ia iaka’koa namaatn da’ mala’ekat mang dama nang bini
Verse 28 — Surah An-Najm 53:28
Man ia iaka’koa nana’ ba ilmu tantang koa, ia iaka’koa nana’ lain inggelah ngikuti sangka’an ngikuti sangka’an, man sasungguhnya sangka’an koa nana’ bafaedah saebetpun tahadap kabanarat
Verse 29 — Surah An-Najm 53:29
Maka tinggalatnlah (Muhammad) urakng nang nana’ narima’ ka’ paringatatn Kami, man ia ingge mao’ kaidupatn dunia
Verse 30 — Surah An-Najm 53:30
Koalah kadar ilmu ia iaka’koa, sungguh Tuhannyu ia labih nau’an sae nang tasasat dari maraga-Nyaman Ia uga’ nang labih nau’an sae nang namu patunjuk
Verse 31 — Surah An-Najm 53:31
Man milik Allah-lah ahe nang ada ka’ langit, ahe nang ada ka’ bumi. (mang ampaka) ia akan mare’ balasatn ka’ urakng- urakng nang babuat jahat sasue mang ahe nang udah ia iaka’koa karajaatn man ia atn mare’ balasatn ka’ urakng-urakng nang babuat baik mang pahala nang labih baik (saruga)
Verse 32 — Surah An-Najm 53:32
(yakoa) ia iaka’koa nang nyauhi’ dosa-dosa aya’ man babuatn kaji, kacolai kasalahatn- ksalahatn enek, sungguh Tuhannyu maha luas amponan-Nya. Ia nau’an tantang kita’ mulai’ Ia nyadiatn kita’ dari tanah laka’ koa waktu kita’ masih janin ka’ dalam parut uwe’ kita’. Tantang urakng nang batakna
Verse 33 — Surah An-Najm 53:33
Maka nana’ ke kao nele’ urakng nang bapaling dari (Al-Quran)
Verse 34 — Surah An-Najm 53:34
Man ia mare’atn saebet (dari ahe nang dijadiatn) lalu nahan sisa’nya
Verse 35 — Surah An-Najm 53:35
Ahe ke’ ia ada bailmu tantang nang nana’ katele’atnsampe ia bisa nele’ (nya)
Verse 36 — Surah An-Najm 53:36
Ato’ ke’ nape’ dibaritaatn (ka’ ia) ahe nang ada dalapm lamar-lamaratn (kitab suci nang dituruntatn ka’) Musa
Verse 37 — Surah An-Najm 53:37
Man (lamar-lamaratn) Ibrahim nang salalu nyampuranaatn janji
Verse 38 — Surah An-Najm 53:38
(yakoa) bahwa’ sa’urakng nang badosa nana’ akan nguba dosa urakng lain
Verse 39 — Surah An-Najm 53:39
Man bahwa’ talino ingge namu ahe nang udah diusahaatnnya
Verse 40 — Surah An-Najm 53:40
Man sasungguhnya usahanya koa nae akan ditele’atn (ka’ ia)
Verse 41 — Surah An-Najm 53:41
Laka’koa akan dibare’ balasatn ka’ ia mang balasatn nang paling samporana
Verse 42 — Surah An-Najm 53:42
Man saungguhnya ka’ Tuhannyulah kaudahatnya (sagala sasuatu)
Verse 43 — Surah An-Najm 53:43
Man sasungguhnya Ia-lah nang nyadiatn urakng galak man nangis
Verse 44 — Surah An-Najm 53:44
Man sasungguhnya Ia-lah nang matiatn man ngidupatn
Verse 45 — Surah An-Najm 53:45
man sasungguhnya Ia lah nang nyiptaatn pasangan nang laki man nang bini
Verse 46 — Surah An-Najm 53:46
Dari mani, kade’ dah di pancaratn
Verse 47 — Surah An-Najm 53:47
Man sasungguhnya Ia-lah nang natapatn panciptaatn nang lain (kabangkitatn satalah mati)
Verse 48 — Surah An-Najm 53:48
Man sasungguhnya Ia-lah nang mare’atn kakayaan man kacukupatn
Verse 49 — Surah An-Najm 53:49
Man sasungguhnya Ia-lah Tuhan (nang ngampu’) bintakng syi’ra
Verse 50 — Surah An-Najm 53:50
Man sasungguhnya, Ia-lah nang udah minasaatn kaum ‘Ad dah de’e
Verse 51 — Surah An-Najm 53:51
Man kaum samut, nana’ saurakng urakng pun nang ditingalatn- Nya (idup)
Verse 52 — Surah An-Najm 53:52
Man (uga’) kaum Nuh sanape’ kao, sungguh ia ka’ kao adalah urakng-urakng nang paling jalim man paling durhaka
Verse 53 — Surah An-Najm 53:53
Man angin udah ngaruntuhatn (nagari kaum Lut)
Verse 54 — Surah An-Najm 53:54
Laka’ koa nutupi’ nagari koa (sabage azab) mang (puing-puing) nang nimpa’nya
Verse 55 — Surah An-Najm 53:55
Maka ka’ nikmat tuhannyu nang mae ke’ nang masih kita’ raguatn
Verse 56 — Surah An-Najm 53:56
Nian (Muhammad) salah saurakng pamare’ paringatatn nang udah dolo’
Verse 57 — Surah An-Najm 53:57
Nang samak (ari kiamat) udah makin samak
Verse 58 — Surah An-Najm 53:58
Nana’ ada nang akan bisa ngungkapatn (tajadinya ari koa) salain Allah
Verse 59 — Surah An-Najm 53:59
Maka ahe ke’ kita’ marasa heran ka’ barita nian
Verse 60 — Surah An-Najm 53:60
Man kita’ ngalakatn man nana’ nangis
Verse 61 — Surah An-Najm 53:61
Sadangkatn kita’ lale (darinya)
Verse 62 — Surah An-Najm 53:62
Maka basujudlah ka’ Allah man sambahlah (Ia). a