Kendayan - Chapter 55 - Ar-Rahman

(Allah) nang Maha Pengasih

Nang udah ngajaratn al-Quran

Ia nyiptaatn talino

Ngajarinya pane bakata

Mata ari man bulatn baedar manurut paretongan

Man tumbuhan man papohonan, kaduanya tunduk (ka’Ia)

Man langit udah di tingian-Nya man Ia nyiptaatn ka’ saimbangan

Supaya kita’ nana’ ngarusak kasaimbangan koa

Man padiri’lah ka saimbangan kita’ mang adil man amelah kao ngurangi’ kasaimbangan koa

Man bumi udah di bantangkatn- Nya nto’ mahluk (-Nya)

Kadalapmnya ada buah-buahtn man puhutn kurma nang ada bakalopak mayang

Man biti’-biti’atn nang bakulit man bunga- bunga nang wangi baunya

Maka nikmat Tuhan kita’ nang mae nang kita’ dustaatn

Ia nyiptaatn talino dari tanah karikng ampahe tapayatn

Man Ia nyiptaatn jin dari nyala api tampa asap

Maka nikmat Tuhan kita’ nang mae nang kita’ dustaatn

Tuhan (nang mihara) dua timur man Tuhan (nang mihara) dua barat

Maka nikmat Tuhan kita’ nang mae ke’ nang kita’ dustaatn

Ia miaratu dua laut ngalir nang (laka’koa) kaduanya batamu

Ka’ antara kaduanya ada batas nang nana’ di lampoi’ oleh masing-masing

Maka nikmat Tuhan kita’ nang mae ke’ nang kita’ dustakan

Dari kaduanya kaluar mutiara man marjan

Maka nikmat Tuhan kata’ nang mae ke’ nang kita’ dustakan

Nu’-Nyalah kapal-kapal nang balayar ka’lautan ampahe gunung-gunung

Maka nikmat Tuhan kita’ nang mae ke’ nang kita’ dustakan

Samua nang ada ka’ bumi koa akan binasa

Tapi Maha Tuhannyu nang nyampu’i kabasaratn man kamuliaatn tatap kakal

Maka nikmat Tuhan kita’ nang mae ke’ nang kita’ dustaatn

Ahe nang ka’ langit man ka’bumi kajuh minta’ ka’- Ia. Satiap waktu Ia dalapm kasibukatn

Maka nikmat Tuhan kita’ nang mae ke’ nang kita’ dustaatn

Kami akan mare’ paratian. Sapanohnya ka’kita’ wahe (golongan) taino man jin

Maka nikmat Tuhan kita’ nang mae ke’ nang kita’ dustaatn

Wahe golongan jin man talino! Kade’ kita’ sanggup nambus(ngalintasi’) Panjuru langit man bumi, maka tambuslah kita’ nana’ akan mampu nambusnya kacoali mang kakuatantn (dari Allah)

Maka nikmat Tuhan kita’ nang mae ke’ nang kita’ dustaatn

Ka’kita’ (jin man talino) akan dikirim nyala api man cairatn timaga (angat) sampe kaita’ nana’ bisa nyalamatatn diri’ (darinya)

Maka nikmat Tuhan kita’ nang mae ke’ nang kita’ dustaatn

Maka kade’ dan langit udah tabalah man manjadi calah mawar ampahe (kilauan) minyak

Maka nikmat Tuhan kita’ nang mae ke’ nang kita’ dustaatn

Maka ka’ ari koa talino man jin nana’ ditanya’ tantang dosanya

Maka nikmat Tuhan kita’ nang mae ke’ nang kita’ dustaatn

Urakng-urakng nang badosa koa di tau’atn mang tanda-tandanya, lalu di ta’ap ka’ ubutn-ubutn man paha nya

Maka nikmat Tuhan kita’ nang mae ke’ nang kita’ dustaatn

Nianlah naraka jahanam nang di dustaatn oleh urakng-urankng nang badosa

Iaka’koa bakulilikng ka’ na’ung man ka’ air nang ningkorak

Maka nikmat Tuhan kita’ nang mae ke’ nang kita’ dustaatn

Man bagi sae nang gali’ akan sa’at ngadap Tuhannya ada dua saruga

Maka nikmat Tuhan kita’ nang mae ke’ nang kita’ dustaatn

Kadaua saruga kao ada minyak macam puhutn-puhutn man buah- buatn

Maka nikmat Tuhan kita’ nang mae ke’ nang kita’ dustaatn

Ka’ dalapm kadua saruga koa ada dua buah mata ai’ nang mancar

Maka nikmat Tuhan kita’ nang mae ke’ nang kita’ dustaatn

Ka’ dalapm kadua saruga koa adamacam- macam buah-buahan nangbaasang- pasangan

Maka nikmat Tuhankita’ nang mae ke’ nang kita’ dustatan

Iaka’koa basanar ka’ atas parmadani nang bagiatn dalapmnya dari sutra tabal. Man buah-buahatn ka’ kadua saruga koa bisa (di ta’ap) dari samak

Maka nikmat Tuhankita’ nang mae ke’ nang kita’ dustaatn

Ka’ dalapm saruga koa ada bidadari- bidadari nang matasi’ panele’atn, koa nang nana’ paranahdirene’ di talino mao’pon jin sanape’ nya

Maka nikmat Tuhankita’ nang mae ke’ nang kita’ dustaatn

Iaka’koa dah ka pamata yakut man marjan

Maka nikmat Tuhankita’ nang mae ke’ nang kita’ dustaatn

Nana’ ada balasatn kabaikatn salain kabaikatn (uga’)

Maka nikmat Tuhankita’ nang mae ke’ nang kita’ dustaatn

Man salain dari dua saruga koa ada dua saruga agi’

Maka nikmat Tuhankita’ nang mae ke’ nang kita’ dustaatn

Kadua saruga koa (katele’atn) ijo tuha warnanya

Maka nikmat Tuhan kita’ nang mae ke’ nang kita’dustaatn

Ka’ dalapm kaduanya (saruga koa) ada dua buah mata ai’ nang mancar

Maka nikmat Tuhankita’ nang mae ke’ nang kita’ dustaatn

Ka’ dalapm kaduasaruga koa ada buah- buahatn, kurma man delima

Maka nikmat Tuhannkita’ nang mae ke’ nang kita’dustaatn

Ka’ dalapm saruga-saruga koa ada bidadari- bidadari nang baik-baik man cega’

Maka nikmat Tuhankita’ nang mae ke’ nang kita’ dustaatn

Bidadari-bidadari nang di palihara ka’ dalapm dango-dango

Maka nikmat Tuhan kita’ nang mae ke’ nang kita’ dustaatn

Iaka’koa sanape’nya nana’ paranah direne’ditalino maopun di jin

Maka nikmat Tuhan kita’ nang mae ke’ nang kita’ dustaatn

Iaka’koa basanar ka’ bantal-bantal nang ijo man parmadani-parmadani nang gagas

Maka nikmat Tuhankita’ nang mae ke’ nang kita’ dustaatn

Maha suci dama Tuhannyuampu’ ka’ agungan man kamulia’an. a