Kendayan - Chapter 57 - Al-Hadid

Ahe nang ka’ langit man ka’ bumi bartasbeh ka’ Allah. Ia- lah nang Maha Pakasa Maha Bijaksana

Nu’-Nyalah karaja’an langit man bumi. Ia ngidupatn man matiatn, man Ia Maha Kuasa atas sagala sasoatu

Ia- lah Nang Awal, Nang Akhir, Nang Zahir man Nang Batin;829 man Ia Maha nau’an sagala sasoatu

Ia- lah nag nyiptaatn langit man bumi dalapm anam masa;laka’koa Ia badiapm ka’ atas Arsy. Ia nau’an ahe nang masok ka’ dalapm bumi man ahe nang kaluar dari dalapmnya, ahe nang turutn dari langit man ahe nang naik ka’ naung.830Man Ia kita’ ka’ mae ka’ mae pun kita’ barada. Man Allah Maha Nele’ ahe nang kita’ karajaatn

Nu’-Nya lah kara’an langit man bumi. Man ngge’ ka’ Allah sagala urusatn di mulangkatn

Ia masokatn malam ka’ dalapm siakng, man masokkatn siakng ka’ dalapm malam, man Ia Maha Nau’anSagala isi ati

Baimanlah kita’ ka’ Allah man Rasul-Nya man infakkatnlah (ka’ maraga Allah) sabagiatn dari harta nang Ia udah nyadiatn kita’ sabage panguasanya (amanah).Maka urakng-urakng nang baiman ka’antara kita’ man nginpakkatn (hartanya ka’ maraga Allah) namu pahala nang aya’

Man jahe kita’ nana’ baiman ka’ Allah, padahal Rasul maba kita’ baiman ka’ Tuhan kita’? Man Ia udah na’ap janji (satia) kita’, kade’ kita’ urakng-urakng mukmin

Ia- lah nurutatn ayat-ayat nang tarang (Al- Qur’an) ka’ amba-Nya (Muhammad) nto’ ngaluaratn kita’ dari kapatangan ka’ cahaya, man sungguh ka’ kita’ Allah Maha Panyantun Maha Panyayang

Man jahe kita’ nana’ nginpakkatn harta kita’ ka’ maraga Allah, padahal nu’ Allah samua pusaka langit man bumi? Nana’ sama urakng nang nginpakkatn (hartanya ka’ maraga Allah) ka’ antara kita’ man baparang sanape’ panaklukatn (Makah) Iaka’koa labih tingi darajatnya dari pada urakng-urakng nang nginpakkatn (hartanya) man baparang laka’koa. Man Allah nyanjiatn ka’ masing-masing iaka’koa (balasatn) nang labih baik. Man Allah Maha taliti ahe nang kita’ karajaatn

Sae ma’anminjampatn ka’ Allah mang pinjaman nang baik maka Allah akan mulangkatnnya balipat ganda nto’nya, man nto’nya pahala nang mulia

Ka’ ariakan nele’ urakng-urakng nang baiman nang laki-laki man nang bini, nta batolbacahaya iaka’koa basinar ka’adepatn man ka’samping kanannyaka’koa (dikatakatn ka’iaka’koa),” ka’ ari nian ada barita repo nto’ kita’, (ia koa) saruga-saruga nang ngalir ka’babahnya sunge-sunge, iaka’koa kakal ka’ dalapnya. Ampakoalah kamanangan nang agung

Urakng-urakng manapik nyaru’ urakng- urakng mukmin, “bukatn ke’kami de’eman kita’?”iaka’koa nyawab, “banar, tapi kaita’ nyilakaatn diri’ kita’ babaro, man kita’ngge batunggu,ngaraguatn (janji Allah) man dinipu’di angan-angan kosong sampe atakng katatapatn Allah, man panipu (setan) atakng nipu’ kita’ tantang Allah

Maka ka’ ari nian nana’ akan ditarima’ tabusatn dari kita’ mao’pun dari urakng- urakng kapir. Tampat kita’ ka’naraka, koalah tampat balinukng, kita’ man koalah saburuk-buruk tampat mulakng”

Nape’namus ke’ waktunya nto’ urakng- urakng nang baiman nto’ sacara khusu’ ngingat Allah man matohi’ kabanaratn nang udah di wahyuatn (ka’ iaka’koa). Man amelah iaka’koa (babuat) ampahe urakng- urakng nang udah narima’ kitab sanape’ koa, laka’koa laka’koangalewati masa nang panyakng sampe atinya ka’koa manjadi karas. Man manyaknya manjadi urakng- urakng pasik

Tau’atulah bahoa’ Allah nang ngidupatn bumi laka’ matinya (karikng). Sungguh udah kami jalasatn ka’kita’ tanda-tanda (ka’ aya’atn Kami) biar kita’ ngarati

Sasungguhnya urakng-urakng nang basadakah mao’ nang laki atopun nang bini man minjampatn ka’ Allah mang pinjaman nang baik, akan di lipat gandaatn (balasatnnya) nto’nya ka’koa, man iaka’koa akan namu pahala nang mulia

Man urakng-urakng nang baiman ka’ Allah man Rasul-Rasul-Nya, iaka’koa nang tulus ati (pacinta kabanaratn) man saksi-saksi ka’ sisi Tuhannyaiaka’koa, Iaka’koa bahak namu pahala man cahaya. Tapi urakng- urakng nang kapir man nustaatn ayat-ayat Kami, iaka’koa panunggu-panunggu naraka

Tau’atnlah sasungguhnya kaidupatn dunia koa ngge’lah pamainan man bagae’, pariosatn man saling babangga ka’ antarakita’ man balomba’ dalapm ka’kayaan man anak katurunan, ampahe ujatn nang tanam-tanamannya ngangumpatu da’ patani, laka’koa (tanaman) koa manjadi karikng man kita’nele’ warnanya gonyelalu manjadi ancur, man ka’naherat (nae) ada ajab nang karas man amponan dari Allah man karidaan-Nya. Man kaidupatn duni nana’ lain ngge’lah karepoatn nang palsu

Balomba’-lomba’lah kita’ nto’ amponanTuhannyu man saruga nang luasnnya saluas langit man bumi, nang disiapatnnto’ urakng-urakng nang baiman ka’ Allah man rasul-rasul-Nya.Koalah karunia Allah nang tare’atn ka’ sae nang Ia mao’. Man Allah ada bakarunia nang aya’

Satiap bancana nang nimpa’ ka’ bumi man nangnimpa’ dirinyu babaro, samuanya udah tatulis dalapm kitab (Lauh Mahfudzz) sanape’ Kami ngadaatnnya. Sungguh, nang ampakoa mudah bagi Allah

Biar kita’ nana’ basadih ati atas ahe nang ilang dari kita’, man nana’ uga’ talalu repoatas ahe nang ditare’atu-Nya ka’ kita’. Man Allah nana’ nyukai’ satiap urakng nang sombong man manggaatn diri

Iakoa urakng-urakng nang sengke’ man nyuruh urakng lain babuat sengke’ sae ma’an bapaling (dari parentah-parentah Allah), maka sasungguhnya Allah, Ia Maha Kaya, Maha Tapuji

Sungguh Kami udah ngutus rasul-rasul Kami mang bukti-bukti nang nyata man Kami turuntatn mang iaka’koa kitab man tumbangan (ka’adilan) biar talino bisa babuat adil. Man Kami ciptaatn basi nangbakakuatan hebat man manyak mampa’at bagi talino, man biar Allah nau’an sae nang nolong (agama)-Nya man rasul-rasul-Nya walopun (Allah) nana’ di nele’nya, sasungguhnya Allah Maha kuat Maka Pakasa

Man sungguh, Kami udah ngutus Nuh man Ibrahim man Kami bare’atn kanabian man kitab (wahyu) ka’ katurunan kaduanya, ka’antaranya ka’koa ada nang narima’ patonjok man manyak ka’ antraranya ka’ koa nang pasik

Laka’koa Kami susulatn rasul-rasul Kami ngikuti’ jejaknyaka’koa man Kami susulatn (uga’) Isa anak laki Maryam; man Kami bare’atn Injil ka’ ia man Kami jadiatn rasa santun man kasih saying dalapm ati urakng- urakng nang ngikutinya. Iaka’koa ngada- ngadaatn rahbaniyyah831, padahal Kami nana’ ngajipatn ka’iaka’koa (nang Kami wajipatnngge’lah) ngango’ karido’atn Allah, tapi nana’ iaka’koa pilihara mang samasti- nya. Maka ka’urakng-urakng nang baiman ka’ antara ka’koa kami bare’atn pahalanya, man manyak ka’ antara ka’koa nang pasik

Wahe urakng-urakng nang baiman! Batakwalah ka’ Allah man baimanlah ka’ Rasul-Nya (Muhammad) niscaya Allah mare’atn rahmat-Nya ka’kita’ dua bagiatn, man nyadiatn cahaya koa kita’bajalatn sarata Ia mangamponi kao. Man Iangamponi’ kita’, man Maha pangampon, Mahapanyayang

Biar Ahli kitab nau’an bahoa’ saebetpun iaka’koa nana’ akan namu karunia Allah (kade’ ia iaka’koa nana’ baiman ka’ Muhammad), man bahoa’ karunia koa ada ka’kakuasa’a Allah, Ia mare’atnya ka’sae nang Ia mao’, man Allah adabakarunia nang aya’ a