Kendayan - Chapter 62 - Al-Jumuah

Ahe nang ada ka’ langit man aha nang ada ka’ dunia sanantiasa batasbih ka’ Allah. Maha raja, nang Maha baraseh, nang Maha pakasa, Maha bijaksana

Ia lah nang ngutus saurakng rasul ka’ kaom nang bota’ urup dari kalangan nya babaro, nang macakan ka’ ia iaka’koa ayat-ayat Nya, nyuciatn (jiwa) nya iaka’koa, mang ngajaratn ka’ ia iaka’koa kitab (Al-Quran) man hikmah (sunnah). Walopun sanape’nya ia iaka’koa banar-banar ka’ dalapm kasasatatn nang nyata

Man (uga) ka’ kaom nang lain dari nya iaka’koa nang gi’ nape’ bahubungan mang ia iaka’koa. ialah nang Maha Pakasa, Maha Bijaksana

Ampaiknglah karunia Allah, nang dibare’atn ka’ sae nang ia kahandaki’. Uga’ Allah ngampu (mamiliki) karunia nang aya’

Parumpama’an urakng-urakng nang di bare’ tugas ngincakng taurat. Kamodian ia iaka’koa (nana’ ngamalatnnya) ialah mpahe kaledai nang ngincakng kitab-kitab nang tabal. Batol buruk parompama’an kaom nang nustakan ayat-ayat Allah. Allah nana’ mare’ patunjuk ka’ urakng-urakng nang jalim

Kataatnlah (Muhammad), “Wahe urakng- urakng Yahudi! Kade’ kita’ ngira bahoa’ kita’lah kakasih Allah, buke’ urakng-urakng nang lain, Maha arapatnlah kamatian kita’, kade’ kita’ urakng nang banar

Man ia iaka’koa nana’ akan ngarapatna’ ka- matiatn koa salamanya di sabapatn kajahatatn nang udah ia iaka’koa pajoat mang kokotnya iaka’koa babaro. Allah Maha Mangatahui urakng-urakng nang jalim

Kataatnlah, “Sasungguhnya kamatiatn nang kao dari ingin diri’nya, ia pasti namui’ kao, kamudiatn kao pasti akan di kambaliatn ka’ (Allah), nang mangatahui’ nang gaib man nang nyata, lalu ia baritakan (padahatn) ka’ kao ahe nang udah kao karajaatn”

Wahe urakng-urakng nang baiman ! kade’ udah disaru’ nto’ ngalaksanakan sholat ari jumaat, maka sagaralah kao ngingat Allah man tingalatnlah jual beli (dagakng). Nang macam nian koa labih baik baginyu kade’ kao ngatahui’nya

Kade’ sholat udah di laksanakan maka batabaratnlah kita’ ka’ dunia; gago’alh karunia Allah man ingatlah Allah samanyak-manyaknya supaya kita’ barnto’ng

Uga’ kade’ ia iaka’koa nele’, padagangan ato pamainan ia iaka’koa lalu ampus ka’ ia (pamainan) man ningalatan kao (Muhammad) gi’ badiri (bakotbah). Kataatnlah, “Ahe nang ada ka isi Allah labih baik dari pada pamainan man padagangan; Allah lah pamare’ rajaki nang paling baik. a