Kendayan - Chapter 67 - Al-Mulk

Maha Suci (baraseh) Allah nang manguasai (sagala) karaja’an, man Ia Maha Koasa atas sagala sasoatu

Nang nyiptaatn (mamuat) mati man idup nto’ nguji kita’, sae nang diantara kita’ nang labih baik (edo’) amalnya. Ia (Allah) Maha Pakasa, Maha Pangampun

Nang nyipatakan tujuh langit balapis-lapis, nana’ akan kao tele’ jukut nang nana’ sambang ka’ ciptaatn Tuhan nang Maha Pangasih, maka tele’lah sakali agi’, ada ke’ kao nele’ sasoatu nang cacat

Kamodiatn di ulangi’ panele’atn (nyu) sakali agi’ (man) sakali agi’, tatap panele’atnnyu akan kambali ka’ kao nana’ namuatn cacat man Ia (panele’atnnyu) dalapm ka’ada’an latih

Nang sungguh, udah Kami hiasi’ langit dun, man (bintakng-bintakng iaka’koa) sabage alat-alat panabak setan, Kami sadiakan nto’nya iaka’koa ajap naraka nang manyala- nyala

Man urakng-urakng nang engkar ka’ Tuhannya, akan namu ajap naraka jahanam, ngkoalah saburuk-buruk tampat kambali

Kade’ ia iaka’koa di tabakatn ka’ dalapmnya, ia iaka’koa nangar bunyi naraka nang magali’i’, nang naraka koa mambara

Amper malato’ karana bera, satiap kali ada sagalompok (urakng-urakng kapir) di tabakatn ka’ dalapmnya, panjaga-panjaga (naraka iaka’koa) batanya’ ka’ ia iaka’koa, “ahe ke’ gi’ nana’ paranah ada urakng nang atakng mare’ paringatatn ka’ kita’ (ka’ dunia)?”

Ia iaka’koa bajawab, “Banar, sungguh sauratng nang pamare’ paringatatn koa dah atakng ka’ Kami, tapi Kami madahnya pangalok man Kami ngatakan, “Allah nana’ nuruntatn ahe pun, kao nang sabanarnya ka’ dalapm kasasatatn nang aya’”

Ia iaka’koa babakatakan, “sakiranya (de’e) Kami nangaratn ato mikiratn (paringatatn koa) tantulah kami nana’ tamasok badiapm (ampu’) naraka nang dah manyala-nyala

Maka ia iaka’koa mangako’i dosanya, tapi jauhlah (dari rahmat Allah) bagi ampu’ naraka nang manyala-nyala koa

Sasungguhnya, urakng-urakng nang gali’ ka’ Tuhannya nang nana’ bisa ketele’atn dinga iaka’koa, ia iaka’koa namu amponan man pahala nang aya’

Man rahasiatnlah pakatakannyu ato kataatnlah. Sungguh, ia Maha Mangatahui sagala isi’ ati

Ahe ke’ (pantas) Allah nang majoat koa nana’ nau’an? Ia Maha Alus, maka mangatahui’

Ia-lah nang majoat bumi (dunia) nto’ kita nang mudah di jalatni’. Maka jalatni’ (ampusi’) lah ka’ sagala panjurunya man makatnlah sabagian rajaki dari-Nya. Man nya ka’ Ia-lah kita’ (kambali satalah) di bangkitatn

Udah marasa aman ke’ kita’ bahoa’ Ia nang badiapm ka’ langit nana’ akan mamuat kita’ di bumi (dunia) talatn katika tiba-tiba ia taguncakng

Ato udah marasa aman ke kita’, bahoa’ Ia (Allah) nang ka’ langit nana’a’ ngirimpatn badai nang babatu ka’ kita’? na’e kita’ akan nau’an ampahe (akibat madah alok) paringatan-Ku

Man sungguh, urakng-urakng nang sanape’ ia iaka’koa pun udah madah alok (Rasul- Rasul-Nya). Maka batapa edo’nya kaberakan-Ku

Nana’ ke’ ia iaka’koa maratiatn burukng- burukng nang ngambakatn mang ngatupatn seapnya ka’ atas nya iaka’koa? nana’ ada nang nahannya (ka’ udara) salain nang Maha Pangasih. Sungguh, Ia Maha nele’ ka’ sagala sasoatu

Ato sae ke’nang akan manjaji bala tantara bagi kita’ nang bisa mambela kita’ salain (Allah) nang Maha Pangasih? Urakng- urakng kapir iaka’koa hanyalah dalapm (kaadaan) tatipu

Ato sae ke’ nang dapat mare’ kita’ rajaki kade’ Ia (Allah) nahan rajaki-Nya? Bahkan ia iaka’koa (urakng kapir) tarus manarus dalapm kasombongan mang nyauhatn diri’ (dari kabanaratn)

Ahe ke’ urakng-urakng nang marangkak man muha tagago’ (tata longkop) nang labih tapimpin (dalapm kabanaratn) ato ke’ urakng nang bajalatn tagap ka’ atas jalatn (maraga) nang lurus (locor)

Kataatnlah, “Ia-lah nang nyiptaatn kita’ mang nyadia’atn panangaratn, panele’atn, man ati nurani nto’ kita’ tatap saebet sakali kita’ basukur”

Kataatnlah, “Ia-lah nang nyadiatn (majoat) kita’ bakambang biak ka’ dunia, man hanya ka’ Ia kita’ akan di kumpulatn”

Nang ia iaka’koa babakatakan, “mule (atakngnya) ancaman koa kade’ kao (Ia nele’ Muhammad) urakng nang banar?”

Maka katika ia iaka’koa nele’ ajap (ka’ ari kiamat) udah samak, maka urakng-urakng kapir iaka’koa jadi muram (masapm kagali’ anan). Di katakan (ka’ ia iaka’koa), nianlah (ajap) nang de’e kita’ minta’nya

Kataatnlah (Muhammad), “Nau’an ke’ kita’ kade’ Allah matiatn aku man urakng-urakng nang basama man aku ato mare’ rahmat ka’ Kami, (maka Kami akan masok saruga), lalu sae nang bisa ngalindungi’ urakng-urakng kapir dari ajap nang padih?”

Kataatnlah, “Ia-lah nang Maha Pangasih, Kami baiman ka’ Ia (Allah) mang ka’ ia Kami batawakal. Maka na’e kita’ akan nau’an sae nang barada ka’ dalapm kasasatatn nang nyata”

Kataatnlah (Muhammad), “Tarangkatnlah ka’ aku kade’ sumber ai’ kita’ manjadi karikng; maka sae nang akan mare’a kita’ ai’ nang ngalir?” a