Kendayan - Chapter 68 - Al-Qalam

Nun. Demi pena (pen) mang ahe nang ia iaka’koa tulisatn

Mang karunia Tuhannyu kao (Muhammad) buke’lah urakng gila

Man pasti kao namu pahala nang aya’, nang nana’ putus-putusnya

Man sasungguhnya kao banar-banar babudi pakarati nang luhur

Maka na’e kao akan nele’ man ia iaka’koa (urakng-urakng kapir) pun akan nele’

Sae diantara kita’ nang gila

Maka amelah kao patuhi urakng-urakng nang nustakan (madah alok) ayat-ayat Allah

Ia iaka’koa ngingintatn supaya kao basikap lunak maka ia iaka’koa pun basikap lunak (uga’)

Mang amelah kao patuhi’ satiap urakng nang suka basumpah mang suka mangina

Suka mancela, nang iaka’koa, ka’ nyabaratn pitnah

Nang malintakugi’ sagala nang baik, nang malapoi’ batas mang manyak badosa

Nang batabiat kasar, salain koa uga’ takanal kajahatatnnya

Karana ia kaya man manyak anak

Kade’ ayat-ayat Kami di bacakan ka’ ia, ia babakatakan “Nian koalah carita-carita urakng jaman are’”

Nae Ia akan Kami (Allah) bare’ tanda ka’ balalainya

Sungguh Kami udah nguji ia iaka’koa (urakng musyrik Makkah) ampahe uga’ Kami udah nguji ampu’ ampu’ kabau. Katika ia iaka’koa basumpah pasti akan mebeti’ (asil) nya bakalapm ari

Tatapi ia iaka’koa nana’ ngucapatn “Insya Allah” (kade’ Allah nyaratakani’)

Lalu kabon koa di timpa’ bancana (nang atakng) dari Tuhannyu katika ia iaka’koa gi’ batiduratn

Maka jadilah kabon iaka’koa itapm (ratokng) ampahe malam nang galap gulita

Lalu waktu bakalapm ari ia iaka’koa basaru’-saru’

“Ampuslah ka’ kabonnyu kade’ kao mao’ mebet aselnya”

Maka ia iaka’koa pun barangkat sambel babisik-bisik

“pada ari nian ame sampe ada urakng masikin masok ka’ kabon nyu”

Ampuslah ia iaka’koa bakalapm ari nang baniat ngalangia’ (urakng-urakng masikin) padahal ia iaka’koa mangkeh (ndongnya)

Maka katika ia iaka’koa nele’ kabon koa, ia babakatakan, “Sungguh, diri’ nian batol- batol urakng nang sasat

Bahkan diri’ nana’ namu ahe pun

Bakatalah saurakng nang batol bijak ka’ antaranya iaka’koa, “nana’ ke’ aku udah madahatnnya ka’ kita’, jahe kita’ nana’ batasbih (ka’ Tuhan diri’)”

Ia iaka’koa bakata, “Maha Baraseh Tuhan Kami, sungguh, kami nian urakng-urakng nang Jalim (jahat)”

Lalu ia iaka’koa saling baradapatn man saling baberakan (nyalahatn)

Ia iaka’koa bakata, “cilaka diri’, sasungguhnya diri’ urakng-urakng nang malampoi’ batas

Mudah-mudahatn Tuhan mare’atn gantinya ka’ diri’ mang (kabon) nang labih baik dari nang nian, sungguh, diri ngarapatn amponan dari Tuhan diri’”

Macam ngkoalah ajap (ka’ dunia). Man sungguh, ajap naherat labih aya’ sakiranya ia iaka’koa nau’an

Sungguh, bagi urakng-urakng nang batakwa (di sadiakan) saruga nang panuh atnyamanan (atnikmatan ka’ sisi Tuhannya)

Ahe ke’ patut Kami (Allah) ngalakuatn urakng-urakng Islam koa ampahe urakng- urakng nang badosa (kapir)

Jahe kita’ (babuat ampeatn)? Mpahe kita’ na’ap kaputusatn

Ato ahe ke’ kita’ ada ngampu kitab (nang dituruntatn Allah) nang kita’ palajari’

Sasungguhnya kita’ dapat milih ahe ma’an nang ada ka’ dalapmnya

Ato ahe ke’ kita’ namu (janji-janji nang di pakuat mang) sumpah dari Kami (Allah), nang tatap balaku sampe dunia kiamat; bahoa’ kita’ bisa na’ap kaputusatn (sasuka kita’)

Tanya’anlah ka’ ia iaka’koa, “sae nang ka’ antaranya iaka’koa nang batanggong jawab taradap (kaputusatn nang di na’ap koa)

Ato ah eke’ ia iaka’koa ada basakutu- sakutu? Kade’ ampa koa handaklah ia iaka’koa ngatangkatn sakutu-sakutu nya kade’ ia iaka’koa urakng-urakng nang banar

(Ingatlah) ka’ ari katika batis ditaikatn850 nang iaka’koa di saru’ (di panggel) nto’ basujut; maka ia iaka’koa nana’ bamampuatn

Panele’atnnya iaka’koa tagago’ ka’babah, di pandai’ kainakan. Sungguh, de’enya (ka’ dunia) ia iaka’koa udah di saru’ nto’ basujut waktu ia iaka’koa babasehatatn (tatapi ia iaka’koa bai’ (nana’ ngalakuatnnya)

Maka sarahatnlah ka’ Aku (urusatnnya) urakng-urakng nang nustakan (madah alok) pakatakan nian (Al-Quran). Nae’e akan Kami ukum ia iaka’koa baangsor-angsor dari arah nang nana’ nyata tu’atni’

Man aku mare’ tanggang waktu ka’ ia iaka’ koa. Sungguh, rancana-Ku batol-batol taguh

Ato ke’ kao (Muhammad) minta’ imbalatn ka’ ia iaka’koa, sahingga ia iaka’koa di babeni’ mang utakng

Atoke’ ia iaka’koa nau’an nang gaib, lalu ia iaka’koa nulisatnnya

Maka basabarlah kao (Muhammad) taradap katatapatn Tuhannyu, mang amelah kao ampahe (Yunus) urakng nang barada ka’ dalapm parut) ikatn katika ia bado’a mang ati nang sadih

Sakiranya ia nana’ sagara namu nikmat dari Tuhannya, pastilah ia di tabakatn ka’ tanah tandus (nana’ ba’ahe-ahe) dalapm ka’adakan tacela

Lalu Tuhannya miliknya mang nyadiatnnya tamasok urakng nang saleh

Man sungguh, urakng-urakng kapir koa amper-amper ngalincuratn kao mang paniaka’ koa mata nya iaka’koa, katika ia iaka’koa nangara Al-Quran nang ia bakata, “ia (Muhammad) koa batol-batol urakng gila,”

Padahal Al-Quran koa nana’ lain hanyalah paringatatn bagi saluruh alam dunia. ayat