Kendayan - Chapter 70 - Al-Maarij

Saurakng batanya’ tantang ajap nang pasti tajadi

Bagi urakng-urakng kapir, nana’ saurakng pun nang bisa nolaknya

(Ajap) dari Allah, nang mamiliki tampat- tampat naik

Da’ sagana Mala’ekat mang Jibril naik (ngadap) ka’ Tuhan, dalapm sa’ari satara mang lima puluh ribu tahutn

Maka basabarlah kao (Muhammad) mang kasabaratn nang baik (edo’)

Sadangkatn Kami (Allah) nele’nya samak (pasti tajadi)

(Ingatlah) pada ari katika langit manjadi ampahe ia timaga

Man gunung-gunung dah ampahe bulu (nang batarabangan)

Man nana’ saurakng ayukng pun nang nanya’an iaka’koa

Sadangkatn ia iaka’koa babatele’atn, pada ari koa, urakng-urakng ingin sakiranya ia bisa nabus (diri’nya) dan ajap mang nak- naknya

Da’ bininya man sodara-sodaranya

Man kaluarga nang ngalindungi’nya (ka’ dunia)

Man urakng-urakng nang ka’ dunia saluruhnya, kamodiatn ngarapatn tabusatn koa bisa nyalamatatnnya

Sama sakali nana’! Sungguh, naraka koa api nang bagajolak

Nang ngalupasatn kulit kapala

Nang nyaru’i’ urakng-urakng nang malakangi’ manang bapaling (dari agama)

Man urakng nang ngumpulatn (harta banda) lalu nyimpannya

Sungguh, talino diciptaatn (di pajoat) basipat suka mangalah

Dah kade’ di timpa’ kasusahatn ia bakaloh kesah

Man dah kade’ namu kabaikatn (harta) ia manjadi-jadi sengke’

Kacoali urakng-urakng nang ngalakuatn solatnya

Ia iaka’koa nang tatap satia ngalakuatn solatnya

Man urakng-urakng nang ka’ dalapm hartanya di siapatn bagian tatantu

Nto’ urakng (miskin) nang paminta manang nana’ minbta

Man urakng-urakng nang mucaya’i’ ari pambalasatn

Man urakng-urakng nang gali’ taradap ajap Tuhannya

Sasungguhnya taradap ajap Tuhan nya iaka’koa, nana’ ada saurakng pun nang marasa aman (dari kaatangan nya)

Man urakng-urakng nang malihara kamaluatnnya

Kacoli taradap bini-bininya iaka’koa, ato amba-amba nang ia iaka’koa ngampu’i’,863 maka sasungguhnya ia iaka’koa nana’ tacala

Maka barang sae nang ngago’ di luar koa (babaga’, homosek, dll), ia iaka’koalah nang malampoi’ batas

Mang urakng-urakng nang malihara amanat man janjinya

Mang urakng-urakng nang bapegang taguh ka’ kasaksiatn nya

Man urakng-urakng nang malihara solatnya

Ia iaka’koa di muliakan ka’ saruga

Maka jahe urakng-urakng kapir koa atakng baganceh-ganceh ka’ adapatnnya (Muhammad)

Dari kanan man dari keba’, mang bakalompok-bakalompok

Aheke’ satiap urakng dari urakng-urakng kapir koa ingin masoka’ saruga nang panuh atnikmatatn (atnyamanan)

Nana’ mungkin! Sasungguhnya Kami (Allah) majoatnya iaka’koa dari ahe nang ia iaka’koa katahui’

Maka Aku basumpah demi Tuhan nang nga- tur tampat-tampat tarabit man tabanamnya (mata’ari, bulatn, man bintakng), Sungguh, Kami pasti mampu

Nto’ nganti’ (ia iaka’koa) mang kaom nang labih baik darinya iaka’koa, nang Kami (Allah) nana’ dapat di kalahatn

Maka biaratnlah ia iaka’koa tingalapm man bamain-main (ka’ dalapm kasasatatn) sampe ia iaka’koa namui’ ari (kiamat) nang di ancamatn ka’ ia iaka’koa

(Ialah) pada ari katika ia iaka’koa kaluar dari subur nang capat saakan-akan ia iaka’koa ampus baganceh-ganceh notak bahala-bahala (ampahe sawaktu ia ka’ dunia)

Panele’atn nya iaka’koa tagagok ka’ babah di tapo’i’ (di tutupi’) kainakan. Ngkoalah ari nang di ancaman ka’ ia iaka’koa. a