Kendayan - Chapter 71 - Nuh

Sasungguhnya Kami udah ngutus Nuh ka’ kaomnya (mang parentah), “Bare’lah kaomnyu paringatatn sanape’ atakng ka’ ia ajap nang padih,”

Ia (Nuh) bakata, “Wahe kaomku! Sasungguhnya aku miah urakng nang mare’ paringatatn nang nyalasatn ka’ kita’

Ialah, sambahlah Allah, batakwalah ka’ Ia, man ta’atlah ka’ aku

Tatap ia ngamponi’ sabagiatn dosa-dosa kita’ (manyangkatn omornyu) sampe’ ka’ batas waktu nang di tantuatn. Sungguh, katatapatn Allah koa kade’ dah atakng nana’ bisa di tunda’, sa’ande nya kita nau’an

Ia (Nuh) bakata, “Oo…Tuhanku, sasungguhnya aku udah nyaru’ kaomku siakng man malam

Tatapi saru’an ku koa nana’ nambah (iman) ia iaka’koa, justru ia iaka’koa dari, (dari kabanaratn)

Man sasungguhnya aku satiap kali nyaru’ ia iaka’koa (nto’) baiman) supaya Kita’ (Allah) ngamponi’ ia iaka’koa, ia iaka’koa nama’an jari-jari kokotnya ka’ tarenyekng nya mang nutupatn bajunya (ka’ muhanya) nang ia iaka’koa tatap (ngingkari’) mang miah nyombongkatn diri’

Lalu sasungguhnya aku nyaru’ ia iaka’koa man cara tarang-tarangan

Kamodiatn aku nyaru’ ia iaka’koa sacara tabuka’ man cara diam-diam

Maka aku bakata (ka’ ia iaka’koa) “Mohotnlah amponan ka’ Tuhannyu, Sungguh, Ia Maha Pangampon 71.N¸¦

Tatap Ia akan nuruntatn ujatn nang labat dari langit ka’ kita’

Nang ia manyakatn harta manda nak- naknyu, man ngadakan kabon-kabon nto’nyu, man ngada’atn sunge-sunge uga’ nto’nyu,”

Jahe kita’ nana’ gali’ ka’ kabasaratn Allah

Man sungguh, Ia udah nyiptaatn kita’ dalapm sangahe-sangahe tingkatan (kajadiatn)

Nana’ ke’ kita’ maratiatn ampahe Allah udah majoat tujuh langit balapis-lapis

Man iaka’koa ia nyiptaatn (majoat) bulatn nang bacahaya mang majoat mata’ari sabage palita (corong) nang tarang

Allah numuhatn kita’ dari tanah tumuh (baangsor-angsor)

Lalu Ia akan ngambaliatn kita’ ka’ dalapmnya (tanah) man ngaluaratn kita’ (waktu dunia kiamat) nang pasti

Man Allah majoat dunia nto’ kita’ sabagi amparan

Supaya kita’ bisa ampus iaka’koa ka’ keatn ka’ maraga-maraga nang locor

Nuh bakata, “Oo… Tuhanku sasungguhnya ia iaka’koa durhaka ka’ aku, nang ia iaka’koa ngikuti’ urakng-urakng nang arta man dak nak-naknya nggan nambah karugiatn ka’ ia

Man nya iaka’koa bakata, “ame sakali-kali kita’ ningalatn (panyambahan) tuhan-tuhan kita’ man ame pula sakali-skali kita’ ningalatn (panyambahan) wadd, man ame uga’ suwa’, yagus, ya’ug, man nasr”

Man sungguh, ia iaka’koa udah nyasatatn urakng manyak mang amelah kita’ nambahkan ka’ urakng-urakng nang jalim koa salaitn kasasatatn

Di sabapatn kasalahatn-kasalahatn nya iaka’koa, ia iaka’koa di tingalampatn lalu dimasokatn ka’ naraka, maka ia iaka’koa nana’ namu panolong salain Allah

Nuh, bakata, “Oo… Tuhanku, amelah Kita’ biaratn saurakngpun urakng-urakng kapir koa badiapm ka’ dunia nian

Sasungguhnya, kade’ Kita’ biaratn ia iaka’koa, pasti ia iaka’koa akan nyasatatn amba-amba kita’, nang ia iaka’koa hanya ngge ngalahiratna’ kamuda’-kamuda’ nang jahat, man nana’ nau’an basukur

Ooo, Tuhanku, amponilah aku, we’ pa’ ku, manang saepun tama’ ka’ rumahku nang baiman, man samua urakng nang baiman baik nang laki-laki mao’pun nang bini-bini. Man amelah Kita’ tambahkan ka’ urakng- urakng nang jalim koa salain kaancuratn”. a