Kendayan - Chapter 73 - Al-Muzzammil

Wahe urakng-urakng nang bakubu’ (Muhammad)

Duhanilah (nto’ solat) ka’ malam ari, kacoali sabagiatn abet

(Yakoa) saparohnya ato kurang saebet dari ngkoa

Ato labiih dari (seper dua) koa. man bacalah Al-Quran koa sawe’sawe’

Sasungguhnya Kami (Allah) akan nuruntatn pakatakan nang barat iaka’koa

Sungguh, duhani malam koa labih kuat (ngisi jiwa); man (baca’atn ka’ waktu koa) labih bakesatn

Sasungguhnya waktu siakng ari kao masoh sibuk mang urusatn-urusatn nang panyakng

Man sabutlah dama Tuhannyu, uga’ baibadahlah ka’ ia mang sapanoh ati

Ia-lah Tuhan timur man barat, nana’ ada Tuhan salain Ia, maka jadiatnlah Ia sabage panolong

Basabarlah (Muhammad) ka’ ahe nang ia iaka’koa katakan man tingalatn lah ia iaka’koa mang cara nang edo’ (baik)

Man biaratnlah Aku (nang batindak) taradap urakng-urakng nang nustakan, nang nganpu’ sagala atnikmatatn idup, man bare’lah ia iaka’koa pananggohatn sabantar

Sungguh, ka’ sisi Kami ada balanggu- balanggu (nang barat) mang naraka nang nyala-nyala

Man (ada) makanan nang nyumbat ka’ karongkongan man ajap nang padih

(Ingatlah) ka’ ari (katika) dunia mang gunung-gunung baguncakng karas, lalu jadilah gunung-gunung koa saparati longgo’atn pasir nang di nontongan (nyurahatn)

Sasungguhnya Kami (Allah) udah ngutus saurakng Rasul (Muhammad) ka’ kita’, nang manjaji saksi taradap kita’ ampahe uga’ Kami udah ngutus saurakng Rasul kada’ Fir’aun

Lalu ampahelah kita’ akan bisa nyaga diri’ kita’ kade’ kita’ tatap kapir ka’ ari nang nyadiatn kamunda’-kamunda baubatn

Langit tabalah pada ari koa, janji Allah pasti talaksana

Sungguh, nian koa paringatatn. Barang sae nang kapingin, tatap ia na’ap maraga (nang locor) ka’ Tuhannya

Sasungguhnya Tuhannyu nau’an bahoa’ bahoa’ koa (Muhammad) badiri (solat) kurang dari dua pertalu malam, ato saper dua malam, ato sepertalunya man (ampaikng uga’) sagolongan dari urakng- urakng nang basama kao. Allah natapatn ukuratn malam man siakng. Allah mangatahui’ bahoa’ kita’ nana’ bisa nantuatn batas-batas waktu koa. maka ia mare’ karinganan ka’ kita’, karana koa bacalah ahe nang mudah (baginyu) dari Al- Quran. Ia nau’an bahoa’ aka nada ka’ antara kita’ urakng-urakng nang sakit, manang lain bajalatn ka’ dunia ngago’ sabagiatn karunia Allah. Man nang lain baparang ka’ jalatn Allah, maka bacalah ahe nang mudah (baginyu) dari Al-Quran, man lakuatnlah solat, tuneatn lah (kaluaratnlah) zakat, man bare’atnlah pinjaman ka’ Allah pinjaman nang edo’; kabaikatn ahe ma’an nang kita’ pajoat nto’ diri’ kita’, tatap kita’ namu (balasatn nya) ka’ sisi Allah sabage balasatn nang paling edo’ manang paling aya’ pahalanya. Man mohonlah ampon ka’ Allah; Sungguh, Allah Maha Pangampon, Maha Panyayang. a