Kendayan - Chapter 77 - Al-Mursalat

Demi (mala’ekat-mala’ekat) nang di utus nto’ ngicakng kebaiatn

Man (mala’ekat-mala’ekat) nangtarabakng mang atncakngnya

Man (mala’ekat-mala’ekat) nang nyebaratn (rahmat Allah) mang saluas-saluasnya

Man (mala’ekat-mala’ekat) mang mambedakan (antara yang baik man nang buruk) man sajalas-jalasnya

Man (mala’ekat-mala’ekat) nang nyampeatn wahyu

Nto’ malolak alasan-alasan ato mare’ paringatan

Sungguh, ahe nang di janjiatn ka’ kao pasti tajadi

Maka kade bintakng-bintakng di apwatn

Man kade’ langit tabalah

Man kade’, gunung-gunung di ancuratn manjadi dabu

man kade’, Rasul-Rasul udah di tatapatn waktunya

(Niscaya di katakan ka’ ia iaka’koa) “Sampe’ hari aheke’ di tangguhatn (azab urakng-urakng kafir koa)?”

Sampe ari kaputusan

Man nauan ke kao aheke’ ari kaputusan koa

Calakalah pada ari koa, bagi ia iaka’koa mang mandustaatn (kebanaratn)

Buke ke udah kami binasakan urakng- urakng nang dee

Lalu kami susulatn (azab kami tahadap) urakng-urakng nang atakng kamudian

Apakoalah kami palakuatn urakng-urakng nag badosa

Calakalah pada ari koa, bagi ia iaka’koa nang mandustaatn (kabanaran)

Buke’ ke’ kami nyiptaatn kao dari ai’ nang hina (mani)

Kamudian kami lakakan ia dalapm tampat nang kokoh (rahim)

Sampe waktu nang di tantuatn

Lalu kami tantuatn (bantuknya) maka (kamilah) sabai-baik nang manantuatn

Calakalah pada ari koa, bagi ia iaka’koa nang mandustaatn (kabanaratn)

Buke’ ke’ kami nyadiatn bumi nto’ (tampat) bakumpul

Bagi nang masih idup man nang udah mati

Man kami jadiatn padanya gunung-gunung nang tinggi man kami barek cocok kao man ai’ tawar

calakalah pada ari koa, bagi ia iaka’koa mang mandustaatn (kabanaran)

(Akan di katakan), “Ampuslah kao hamiian ahe (azab) nang dee dustakan”

Ampuslah kao namuan naongar (asap api naraka) nang mampunyai tiga cabang

Nang nana’ malindungi’ nang nana uga’ manolak nyalak api naraka

Sungguh, (naraka) ksa nyamburatn bunga api (saaya’ man satingi) istana

Saakan-akan iring-iringan onta nang kuning

calakalah pada ari koa, bagi ia iaka’koa nang mandustaatn (kabanaratn)

Nianlah ari, saat ia iaka’koa nana’ dapat babicara

Man nana’ di izitatn ka’ ia iaka’koa ngamukakan alasan agar ia iaka’koa di maafpatn

Calakalah pada ari koa, bagi ia iaka’koa nang mandustaatn (kabanaratn)

Nianlah ari kaputusatn (pada ari nian) kami kumpuratn kao man urakng-urakng nag dee

Maka kade’ kao ba tipu daya, maka lakuatnlah (tipi daya) koa ka’ Aku

Calakalah pada ari koa, bagi ia iaka’koa nang mandustaatn (kabanaratn)

Sungguh urakng-urakng nang batakwa barada dalapm naungan (puhum saruga nang tado’) man (ka sakitar) mata ai’

Man buah-buah nang ia iaka’koa sukai

(Kataatnlah ka’ ia iaka’koa), “makan man nyocoklah mang rasa nikmat sebage balasan dari ahe nang udah kao karejakan”

Sungguh, ampakralah kami bare’ balasatn ka’ urakng-urakng nang babuat baik

Calakalah pada ari koa, bagi ia iaka’koa nang mandustaatn (kabanaratn)

(Kataatnlah ka’ urakng-urakng kafir), “makatn man basanang-sananglah kao (ka’ dunia) sabantar, sasungguhnya kao urakng- urakng durhaka!”

Man kade di katakan ka’ ia iaka’koa, “Rukuklah”, ia iaka’koa bai’ ruku’

Calakalah pada ari koa, bagi ia iaka’koa nang mandustaatn (kabanaratn)

Maka ka’ ajaratn mae ke’ (salain Al-Quran) nian ia iaka’koa akan baiman? ayat