Kendayan - Chapter 84 - Al-Inshiqaq

Kade’ langit tabalah

Man patuh ka’ Tuhannya, man udah samastinya patuh

Man kade’ bumi di rataatm

Man muntahatn ahe nang ada ka’ dalapmnya manjadi kosong

Man patuh ka’ Tuhannya, man udah samastinya patuh

Wahe! talino sasungguhnya kao udah bakaraja karas manuju Tuhanyu, maka kao akan namui’-Nya

Maka adapun urakng nang catatanya di bare’an dari sabalah kanannya

Maka ia akan di paresa mang pamaresaan nang mudah

Man ia akan mulakngatn kaluarganya (nang sama-sama baiman) mang rapo

Man adapun urakng nang catatanya nang di bare’an dari sbalah belakang

Maka ia akan ngampak, “calakalah aku!”

Man ia akan masok ka’ dalapm api nang manyala-nyala (naraka)

Sungguh, ia dee(ka’ dunia) repo ka’ kalangan kaluarganya (nang sama-sama kafir)

Sasungguhnya ia ingin bahwa’ ia nana’ akan kambali (ka’ Tuhannya)

Buke’ ampakoa, sasungguhnya Tuhannya salalu nele’nya

Maka aku basumpah demi cahaya calah ke dah gumare’

Demi malam man ahe’ nang di salubunginya

Dani bulat’n kade’ jadi purnama

Maka ngahe’ ia iaka’koa nana’ mao’ baiman

Man kade’ Al-Quran di bacakan ka’ ia iaka’koa, ia’ iaka’koa nana’ (mao’) basujud

Bahkan urakng-urakng kafir koa mandustaatn-Nya

Man Allah labih mangatahui’ ahe nang ia iaka’koa sosokkatn (dalapm arti ia iaka’koa)

Maka sampeatnlah ka’ ia iaka’koa (ancaman) azab nang padih

Kacoali urakng-urakng nang baiman man ngarajaatn kabakade’tn, ia iaka’koa akan namu pahala nana’ putus-putus nya a