Back to Languages
Luyia - Chapter 15 - Al-Hijr
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah Al-Hijr 15:1
Alif Lam Ra. Tsino ni tsinyali tsieshitabu nende Ikurani yinoosinjia
Verse 2 — Surah Al-Hijr 15:2
Awundi balitsa bekomba balia bakhaya mbu bamanyanga baba Abasalamu
Verse 3 — Surah Al-Hijr 15:3
Baleshesa balie ebiakhulia mana basangale, mana bakatibwe nende liparo lwobubeyi (mbu balileshelwa), ahambi ano betsa okhumanya
Verse 4 — Surah Al-Hijr 15:4
Ne shikhwasishiakhwo olukongo lwosi lwosi tawe halali lwali nende ebise bialwo bimanyikhane
Verse 5 — Surah Al-Hijr 15:5
Ne babulaho Abandu bosi bosi banyala okhwuranjilila ebise bieyindukho biabu, nohomba shibanyala okhushindibwa tawe
Verse 6 — Surah Al-Hijr 15:6
Nebaboola mbu; “ Ewe ulia oweshilibwakhwo amestulisio, toto ewe oli omulalu”
Verse 7 — Surah Al-Hijr 15:7
“Shichila shina nolakhurerera Abamalaika nikali mbu ewe oli mubaboolanga obwatoto?’’
Verse 8 — Surah Al-Hijr 15:8
Efwe shikhwishinjia Abamalaika halali khubwatoto (ebise biokhusishibwa khwabu nibiula), ne awo shibalihebwa obwiyangu tawe (balisishibwa butswa)
Verse 9 — Surah Al-Hijr 15:9
Toto efwe khweshia ametsulisio kano, ne khandi toto efwe nefwe khwitsa okhukalinda
Verse 10 — Surah Al-Hijr 15:10
Ne toto khwaruma Abarumwa mumikanda chia Abandu beyimbeli
Verse 11 — Surah Al-Hijr 15:11
Ne Omurumwa yesiyesi shiyabetselanga halali bo bamukholelanga omubayo
Verse 12 — Surah Al-Hijr 15:12
Ne endio nilwakhwinjisinjia mumioyo chia balia abamabii
Verse 13 — Surah Al-Hijr 15:13
Shibasuubilanga kano tawe, ne bamala okhulola shingala kali khubandu bali imbeli wabu eyo
Verse 14 — Surah Al-Hijr 15:14
Ne khubafungulilanga omuliango kwo mwikulu mana baba nibaninanga
Verse 15 — Surah Al-Hijr 15:15
Kho bakhaboolele mbu; “tsimoni tsiefu tsimeesibwe ne efwe abeene khulochelwe.”
Verse 16 — Surah Al-Hijr 15:16
Ne toto khwara mwikulu tsing’ining’ini, mana nikhutsirona khubalia bokhuhenga
Verse 17 — Surah Al-Hijr 15:17
Ne khwatsilinda okhurulana nende buli Shetani ulondungwa
Verse 18 — Surah Al-Hijr 15:18
Halali ulia uwulilisinjia mukhwiba, naye mana, amulondangakhwo nende eshichenga shiomulilo shilolokha
Verse 19 — Surah Al-Hijr 15:19
Ne liloba khwaliala mana nikhuramwo tsingulu ne nikhumesiamwo buli eshindu khushichelo
Verse 20 — Surah Al-Hijr 15:20
Ne nikhubakasiliamwo obulamu, nende ebindi bia enywe mulabikabilanga tawe
Verse 21 — Surah Al-Hijr 15:21
Ne shibulaho shiosi shiosi halali shirula khwifwe, nesikhushiishinjia tawe halali khushichelo shimanyishe
Verse 22 — Surah Al-Hijr 15:22
Ne khureranga omuyeka kwitsulemwo liime, ne khwishinjia amatsi okhurula mumaleesi ako. Mana khubanywesinjia amatsi ako. Ne shimuli enywe mukabikhanga tawe
Verse 23 — Surah Al-Hijr 15:23
Ne ni efwe khulamusinjia ne ninefwe abafwisinjia, na ni efwe nefwe abalichelama. (abalikalusia)
Verse 24 — Surah Al-Hijr 15:24
Ne khwamanya abaranjililanga mwinywe, nekhumanyile abatong’a inyuma
Verse 25 — Surah Al-Hijr 15:25
Ne toto Nyasaye wuwo niye wakhabakhung’asie toto Ye niye Owamachesi Omumanyi muno
Verse 26 — Surah Al-Hijr 15:26
Ne toto khwalonga Omundu okhurula khwiloba eliumu, elirusinjia- omwoyo- isauti(nilituywa) elirulana nende amatoyi karebwakhwo ifwani
Verse 27 — Surah Al-Hijr 15:27
Ne Amajiini khwakalonga imbeli awo, okhurulana nende omuyeka kwo mulilo
Verse 28 — Surah Al-Hijr 15:28
Ne Nyasaye wuwo olwayaboolela Malaika mbu; “Toto esie nditsa okhulonga Omundu okhurula khuliloba liwumukhanga, lirulana nende amatoyi akarebwamwo ifwani
Verse 29 — Surah Al-Hijr 15:29
Kho olwa ndalamala okhumulonga mana nemufuramwo emiuya chianje, mumwinamile khulwa okhumuwa eshiribwa
Verse 30 — Surah Al-Hijr 15:30
Abamalaika boosi halala nibamwinamila
Verse 31 — Surah Al-Hijr 15:31
Halali Ibilisi, yakhaya okhuba halala nende balia benama
Verse 32 — Surah Al-Hijr 15:32
(Nyasaye)Naboola mbu; “Ewe Ibilisi obele orie olabeele halala nende abenaame?”
Verse 33 — Surah Al-Hijr 15:33
Naboola; “Shenyala okhwinamila Omundu wawaloonga khuliloba eliumu lirusinjia -omwoyo- isauti, elirula khu matoyi karebwakhwo ifwani tawe.”
Verse 34 — Surah Al-Hijr 15:34
(Nyasaye) Naboola mbu; “ rula omo, oli omutsube’’
Verse 35 — Surah Al-Hijr 15:35
Ne toto oli nende eshilamo shianje okhula inyanga yeyindukho.”
Verse 36 — Surah Al-Hijr 15:36
Naboola mbu; “Nyasaye wanje Omulesi! Mbelesie obwiyangu okhula inyanga yabalilamusibwa”
Verse 37 — Surah Al-Hijr 15:37
(Nyasaye) Naboola mbu; “toto ewe olimubalia bahebwa obwiyangu
Verse 38 — Surah Al-Hijr 15:38
Okhula inyanga yebise bimanyishe biarebwaho .”
Verse 39 — Surah Al-Hijr 15:39
Naboola;“Nyasayewanje!shingalawambusilia okhukora nditsa okhubaronela(abandu) khushialo ne nditsa okhubakosia boosi.”
Verse 40 — Surah Al-Hijr 15:40
Halali Abasumba bobo abatswenufu”
Verse 41 — Surah Al-Hijr 15:41
(Nyasaye) naboola mbu “ino ni injila yokhwitsa ewanje ingololofu”
Verse 42 — Surah Al-Hijr 15:42
“Ne toto Abandu banje ewe sholaba nende obunyali khubo tawe, halali balia abakori bakhulondakhwo
Verse 43 — Surah Al-Hijr 15:43
Ne toto Jahannam niho habundu wabu, wabakasilibwa bosi
Verse 44 — Surah Al-Hijr 15:44
Ili nende emiliango saba, nebuli omuliango kuli nende ebuleka yakabulwa
Verse 45 — Surah Al-Hijr 15:45
Toto balia baria Nyasaye baliba mumikunda nende tsisebele
Verse 46 — Surah Al-Hijr 15:46
“Injilemwo mushironyo nomulembe”
Verse 47 — Surah Al-Hijr 15:47
Ne khulirusia amakhonye akali mubilifu biabu, ne baliba (shinga) Abananda nibekhale khubisala biobwami nibahengana
Verse 48 — Surah Al-Hijr 15:48
Shibulibatilakhwo obuchong’e bwosi bwosi omo tawe, ne shibalirusibwamwo tawe
Verse 49 — Surah Al-Hijr 15:49
Boolela Abasumba banje mbu esie nesie Owobulesheli obunji Owetsimbabaasi muno
Verse 50 — Surah Al-Hijr 15:50
Ne eshinyasio shianje nisho eshinyasio eshilulu muno
Verse 51 — Surah Al-Hijr 15:51
Ne baboolele amakhuwa kabacheni ba Ibrahim
Verse 52 — Surah Al-Hijr 15:52
Olwa benjila ewuwe nibaboola mbu; “mulembe” naboola mbu : “toto efwe khubakorerwe.”
Verse 53 — Surah Al-Hijr 15:53
Nibaboola mbu; Olaria tawe efwe khukhusubisia Omusiani wa machesi amanji”
Verse 54 — Surah Al-Hijr 15:54
Naboola; “Oh! Mumboolelanga kano, nemalile okhukofula, kho ni munjila shina yamumboolelangamwo kano?”
Verse 55 — Surah Al-Hijr 15:55
Nibaboola mbu; “Toto efwe khukhuboolela khubwatoto kho sholaba mubalia abafwitsanga omwoyo tawe.”
Verse 56 — Surah Al-Hijr 15:56
Naboola mbu; “Ne niwina ufwitsanga omwoyo okhurulana nende tsimbabaasi tsia Nyasaye wuwe halali balia abakora?”
Verse 57 — Surah Al-Hijr 15:57
Naboola; “Mana shiamumbolela shindi nishina enywe Abarumwa
Verse 58 — Surah Al-Hijr 15:58
Nibaboola mbu; “Efwe khurumilwe khubandu abamabii”
Verse 59 — Surah Al-Hijr 15:59
Halali balia abaloonda Luti. Toto efwe khwitsa okhuhabina abo boosi
Verse 60 — Surah Al-Hijr 15:60
Halali omukhasi wuwe khumalile okhulola mbu alaba mubandu balitong’a inyuma
Verse 61 — Surah Al-Hijr 15:61
Mana Abarumwa olwa boola khubandu ba Luti
Verse 62 — Surah Al-Hijr 15:62
(Luti) naboola; “Toto enywe muli Abandu balamanyishe tawe.”
Verse 63 — Surah Al-Hijr 15:63
Nibaboola mbu; “mana efwe khukhureerere kalia kabakholelanga obukanakani” nomulembe
Verse 64 — Surah Al-Hijr 15:64
“Ne khukhwitsile khubulaamba, netoto efwe khuboolanga obwatoto.”
Verse 65 — Surah Al-Hijr 15:65
“Kho rula nende Abandu bawo, ebise bilala mubise bieshilo, nawe abalondekhwo, neyesiyesi mwinywe alakalukhanakhwo okhuhenga inyuma tawe, nemutsie wamulomesibungwa
Verse 66 — Surah Al-Hijr 15:66
Nenikhumubusilia likhuwa elo, mbu emisi chiabu chitsa okhutetwa mumabwibwi
Verse 67 — Surah Al-Hijr 15:67
Ne Abandu belitokho elo nibetsa nibasangalile
Verse 68 — Surah Al-Hijr 15:68
(Lut) Naboola mbu; “Toto bano ni abacheni banje khomulafimbia omurwe tawe”
Verse 69 — Surah Al-Hijr 15:69
“Ne murie Nyasaye, ne mulafimbia omurwe tawe”
Verse 70 — Surah Al-Hijr 15:70
Nibaboola mbu: “efwe shikhwakhukaniakho (okhurera) Abandu (belwanyi)
Verse 71 — Surah Al-Hijr 15:71
Naboola mbu: “ bano nabakhana banje itse ebahelesie(mubateshie) toto enywe nimuli abakholanga
Verse 72 — Surah Al-Hijr 15:72
Nditsuba khulubaka lulwo, mbu : “abo bali mubumesi bwabu nibanyakhananga eshikhaya.”
Verse 73 — Surah Al-Hijr 15:73
Mana eshinyasio shioluyoka nishibabukula mumabwibwi
Verse 74 — Surah Al-Hijr 15:74
Mana nikhukhola hasi wabu okhuba hekulu, mana nikhubakwisilia ifula ya machina yeliloba lwomumulilo.”
Verse 75 — Surah Al-Hijr 15:75
Toto mu ako khulimwo nende ameeko khubandu baretsanga amakhuwa khushichelo
Verse 76 — Surah Al-Hijr 15:76
Ne toto tsingongo etso tsili khutsinjila tsiburungwakhwo
Verse 77 — Surah Al-Hijr 15:77
Toto mu ako khulimwo nende ameeko khubasuubili
Verse 78 — Surah Al-Hijr 15:78
Netoto Abandu bomushitsimi bali ababii
Verse 79 — Surah Al-Hijr 15:79
Mana nikhubahelesia eshinyasio, ne ebialo bibili bino bili khunjila ili habulafu
Verse 80 — Surah Al-Hijr 15:80
Netoto Abandu ba Hijri bayingasia Abarumwa
Verse 81 — Surah Al-Hijr 15:81
Ne nikhubahelesia abimanyisio biefu nabo nibalabukulamwo oluchendo tawe
Verse 82 — Surah Al-Hijr 15:82
Ne bakwotanga tsingulu nibakasia tsinzu
Verse 83 — Surah Al-Hijr 15:83
Mana eshinyasio shioluyoka nishibabukula mumabwibwi
Verse 84 — Surah Al-Hijr 15:84
Mana akabakholanga nikalabakhonyakhwo shiosi shiosi tawe
Verse 85 — Surah Al-Hijr 15:85
Ne shikhwalonga likulu nende eshialo nende ebili hakari wabio halali khubwatoto, ne toto indukho iliula , kho leshela okhuleshela okhulayi
Verse 86 — Surah Al-Hijr 15:86
Toto Nyasaye wuwo Omulesi niye omuloonji ne niye Omumanyi muno
Verse 87 — Surah Al-Hijr 15:87
Ne khwakhwelesia tsinyaali saba tsisomungwa ebise nebise nende Ikurani yoluyali
Verse 88 — Surah Al-Hijr 15:88
Ne olakhosia tsimoni tsitsio khukalia akakhwahelesia emikanda chindi hakari wabu, nohomba olababelelela tawe. Ne wishilie abasuubili olubaa lulwo. (lwetsimbabaasi)
Verse 89 — Surah Al-Hijr 15:89
Ne boolambu:“ toto esie nesie Omwikanyilisi Omwinoosi.(owahabulafu)
Verse 90 — Surah Al-Hijr 15:90
Shingala khweshilia balia (eshinyasio bosi) balia abekaba emikanda (okhwikalila abusalamu)
Verse 91 — Surah Al-Hijr 15:91
Balia bakhola Ikurani okhuba omubunjikho kwobubeyi
Verse 92 — Surah Al-Hijr 15:92
Kho nditsuba khu Nyasaye wuwo Omulesi mbu khulibareeba bosi
Verse 93 — Surah Al-Hijr 15:93
Khukalia koosi akabakholanga
Verse 94 — Surah Al-Hijr 15:94
Kho yusia akawalomesibwa ne obe ehale nende Abatsokaasi
Verse 95 — Surah Al-Hijr 15:95
Toto efwe khukhuyela okhulinda nende abakhubayilanga
Verse 96 — Surah Al-Hijr 15:96
Balia abatsokasinjia Nyasaye nende Abanyasaye bandi balitsa okhumanya
Verse 97 — Surah Al-Hijr 15:97
Netoto khwamanya mbu eshilifu shishio shinyoolanga obusiro khukalia akababoolanga
Verse 98 — Surah Al-Hijr 15:98
Kho tswenula Nyasaye wuwo Omulesi khulwa okhumwitsoomia , ne obe halala nende bamwinamilanga nibasujuda
Verse 99 — Surah Al-Hijr 15:99
Ne olaame Nyasaye wuwo okhuula likhuulile eliatoto elo . (lifwa)