Luyia - Chapter 25 - Al-Furqan

Niwoluyali ulia oweshia obwawukhasi khumusumba wuwe, mbu abe Omwikanyilisi khubandu boosi

Ulia wobwami bwomwikulu nende khushialo nobubwe, neshiyebula Omwana nohomba abula Omusanji khubwami bubwe, ne niwaloonga buli eshindu ne nashirereraho eshichelo

Ne batila Abanyasaye bandi habundu wa Nyasaye abalanyala okhuloonga shiosishiosi tawe, halali nibo baloongwa, ne babula obunyali khubo abeene bwokhukhola shiosi shiosi, eshibii nohomba eshilayi, nebabula obunyali khulifwa nohomba obulamu nohomba okhulamusia

Ne balia abakhaya nibaboola mbu: “kano shini eshindu tawe halali ni obuchishi butswa bwayachikha ne Abandu bandi bamukhonyanga’’ toto (abakhayi) abo betsele nobubii nende obubeyi

Ne nibaboola mbu: “tsino nitsingano tsiabakhale etsiayahandichilwa etsia asomelungwa eshilo neshitere.”

Boola mbu: “yeshia kano ulia Owamanya ekefisa mwikulu nende mushialo toto ye ni Omunji wobulesheli Owobukoosia.”

Ne baboola mbu: “ ni Omurumwa shina uno owulitsanga ebilibwa, ne atsitsanga khushiiro, shichila shina nibalamwishilia Malaika abe halala ninaye mubekanyili si?”

Nohomba naleshilibwa libishilo liomwandu nohomba yaba nende omukunda okwaliamwo. ne Abamabii nibaboola mbu enywe shimulondanga tawe halali Omundu walokwa

Henga shingala bakhuchelasinjia mana nibakora kho shibakhanyala okhutila injila tawe

Niwoluyali ulia niyenya alakhukholela obulayi okhushila ako, emikunda chiburangamwo emialo, mana okhuhelesie tsinzu etsia obwami

Nabo bayingananga indukho, ne khwarecheshela abayingana khu indukho omulilo omululu

Olwa balikulola nibashili ehale , baliwulila liruma liakwo nende okhusaala khwakwo

Ne olwa balisukunwamwo habundu andiyifu, nibaboyelwe , awo balisaba lifwa

Khulibaboolela mbu- “mulasaba nyanga yino lifwa lilala tawe halali musabe okhufwa amakhabi amanji.”

Boola mbu: “koo kano ni obulayi nohomba mwikulu lietsinyanga tsiosi ewabalakwa balia abaria Nyasaye, ibe khubo omurungo nende amakalushilo?”

Balinyoolamwo akabenya , balikhalamwo tsinyanga tsiosi. Ino ni indakano ya Nyasaye wuwo Omulesi, eyisabungwa

Ne inyanga yalikhung’asia abakhayi abo, halala nende ababaalamanga abalali Nyasaye tawe, Nyasaye aliboola mbu: “ koo enywe mwakosia Abandu banje bano nohomba bo nibo bakora injila?”

Baliboola mbu: ‘‘oluyali ni olulwo Nyasaye, shikhwali nikhukhoyeshele okhubakhola abakhoonyi habundu wuwo tawe, halali ewe newe wabara mubwokholo abakhayi abo, nende basabwe mana nibebilila ametsulisio koko ne nibaba Abandu batiba.”

Mana toto Abanyasaye benyu abo babayingasiyie, khukalia akamwaboola, ne shimulirusiakho eshinyasio tawe nohomba okhunyoola obukhonyi tawe, ne ulia ulakhola amabii mwinywe khulamutisia eshinyasio eshikhongo

Ne shikhwaruma imbeli wuwo abarumwa halali balitsanga eshiakhulia nebatsitsanga khushiro, ne khwakholela abandi mwinywe babe amatemo khubandi, kookhomwitsaokhwisumilisia, ne Nyasaye wuwo Omulesi alolanga

Ne balia abalasuubilanga okhubukanana ninafu mbu baboola mbu: “ shichila shina nibalakhwishilia Malaika nohomba khulole Nyasaye wefu,” toto bo belola emioyo chiabu okhuba abakhongo, mana nibaloba okhuloba okhukhongo

Iyanga yabalilola Abamalaika, Aboononi shibaliba nende obusangafu inyanga eyo tawe, nebaliboola mbu; “khure ehale nende eshinyasio shiakhulenjelekhwo shino.”

Ne khulirera koosi kalia akabakhola mubikhole mana khulikakhola shinga olufu lutumukhanga

Abandu bwomwikulu inyanga eyo baliba mushimenyo eshilayi nende habundu halayi

Ne inyanga yelikulu liliatikha, mana lirere amaleesi amanji, ne Abamalaika balishibwa mubunji

Obwami bwatoto inyanga eyo buliba 25. obwa Omunji wetsimbabaasi, ne iliba inyanga indinyu khubakhayi

Ne inyanga eyo omwononi aliluma amakhono kaye naboola mbu; “Manyanga endila injila halala nende Omurumwa.”

“Abayiee! Emanyanga ekhaya okhukhola lebe okhuba omwitsa wanje.”

“ Toto ye yangosia ndalekha okhuloonda amebaalo nikamalile okhunzulila” ne toto shetani asukunanga Omundu

Ne Omurumwa yaboolanga mbu; “Ewe Nyasaye wanje, toto Abandu banje bakhola Ikurani ino okhuba eshindu shialekhwa.”

Ni endisa nilwa khwakholela buli Omurumwa omusuku okhurula mubandu ababii. Ne Nyasaye wuwo ayela okhuba Omulunjisia nende Omukhoonyi

Ne Abakhayi nibaboola mbu; “shichila shina nakhaya ekhwishilibwa Ikurani yoosi lulala butswa.” Ni endio kho khunyoole okhutinyisia omwoyo kukwo, ne khwayihelasia obulayi

Ne shibalakhurerera okhuchelasia khwosi khwosi tawe halali khwitsa okhwishilia obwatoto nende okhukhurerera obukalukhasi obulayi

Balia balikhung’asibwa mafumama nibayilwa mumulilo, abo baliba habundu habii nende abakora muno injila

Netoto khwahelesia Musa eshitabu, ne nikhumuwa halala ninaye Omusiani wabu Haruni okhuba omukhoonyi wuwe

Nikhubaboolela mbu; “Tsie khubandu abayingasia ebimanyisio biefu. Mana nikhubasishia okhusishia khwene.”

Ne Abandu ba Nuhu, olwa bayingasia Abarumwa khwabasishia mumatsi, nikhubakhola okhuba eshimanyisio khubandu, ne khwarecheshela abonooni eshinyasio eshilulu

Nende A’d nende Thamud nende Abandu ba Ra’s (bolukoba) nende tsinzibulo tsindi tsinyinji etsiali hakari wabu

Ne boosi khwamuchelasiliakhwo ne boosi khwabasishia busishia

Ne totobo boolanga khulukongo olweshilibwa ifula imbii mana kho koo, shibalikhwo nibalulolanga tawe, halali bo shibasuubilanga okhulamusibwa tawe

Ne nibakhulola bakhukholelanga omubayo, “koo, uno niye owa Nyasaye yaruma?”

Toto ye yali ahambi okhukosia nende Abanyasaye befu, khukhayanga okhwisumilisia khubo. Ahambi hano betsa okhumanya nibalola eshimanyisio, ni wina owakora muno njila

Koo walolakhwo ulia wakhola obwikombi bubwe okhuba Nyasaye wuwe? Kho koo ewe wakhaba omulindi wuwe

Nohomba koo, oparanga mbu, abanji mubo bawulilanga nohomba bamanyanga? Abo bali shinga tsisolo, halali bo bakora muno injila

Koo shiwalolakhwo Nyasaye wuwo shingala yasalaasia eshiinikha? Ne yenyanga yakhashikholele okhwihotselesia halala, mana nikhukhola eliuba okhuba omwimilisi washio

Mana khushikhweselanga ewefu kalaha kalaha

Naye niye owabakholela eshilo okhuba ingubo ne tsindoolo okhuba shinga okhufwa ne nakhola eshitere okhuba shinga okhulamusibwa

Naye niye urumanga omuyeka okhuba amacheni amalayi tsimbabaasi tsitsie nitsishili okhuula. Ne khwishinjia okhurula mwikulu amatsi amalafu

Kho khulamusilie khuko eshialo shiafwa ne khunywesiekho khubilia abiakhwalonga, tsiosolo nende Abandu abanji

Ne toto khubwatoto khukabilanga(ifula ino) hakari wabu kho banyoole okhwitsulila, halali Abandu abanji bakhayilanga mubukhayi butswa

Ne khwenyanga khwakhayilile buli mulukongo Omwikanyilisi

Kho olawulila abakhayi tawe, ne oshilane ninabo khuyo (Ikuruani) okhushilana okhukhongo

Naye niye ungasinjia tsinyanza tsibili, ino niyamatsi amatorotoro, karusinjia obuloo, ne eyindi ino niya ichumbi, indulu ne narao eshikalilo hakari wako, eshikalilanga (okhusasania)

Niye owaloonga omundu okhurula khumatsi mana nakhukholela olwikho, (lwa matsayi) nende olwokhuteshania. Ne Nyasaye wuwo niwobunyali

Ne balaamanga abilali Nyasaye- ebilabakhoonya nohomba okhubakhola shiosi shiosi tawe, ne omukhayi niwokhutsia ebuleka khu Nyasaye wuwe

Ne efwe shikhwakhuruma halali mbu obe urera amacheni amalayi nende omwikanyilisi

Boola; “esie shebasabanga omurungo kwosi kwosi khukano tawe, halali ulia wenya okhutila injila itsia khu Nyasaye wuwe

Ne wisiche ulia wetsinyanga tsiosi ulafwitsanga, ne omwitsomie khutsifuma tsitsie tsindayi. Naye ayela muno okhumanya tsimbi tsiabasumba bebe

Ulia owaloonga likulu nende eshialo nende ebili hakari wabio, khutsinyanga tsisasaba, mana naleeng’ana khushisaala shishie. Nyasaye wetsimbabaasi, reba amakhuwa keke khubamumanya

Ne nibaboolelwa mbu; “Mwinamile Owetsimbabaasi” baboolanga mbu; “Ni wina Owetsimbabaasi? Koo, khwinamile ulia wokhulomesinjia ewe butswa?” Ne kabametelanga eshisinyo

Niwoluyali ulia wara tsing’ining’ini mwikulu, mana naramwo eliuba nende omwesi kumesanga

Naye niye wakhola eshilo nende eshitere ukhuloondana, khu ulia wenya okhwitsulila nohomba niyenya okhupa orio

Ne Abasumba ba Nyasaye, abachendanga khushialo mubwihotselefu. Ne Abasilu nibaboola ninabo babakalusinjia mbu: “omulembe”

Nende balia abamalanga ebise biabu eshilo khulwa Nyasaye wabu, khukhusikama nende okhwema

Nende balia baboolanga mbu; “Nyasaye wefu! Khurusilieho eshinyasio shia Jahanam, toto eshinyasio shiayo nishilibaho butswa

Toto eyo (Jahanam) ni habundu abii okhwikhala

Nende balia olwabekhonyela shibekhonyelanga nende isasia tawe, ne shibakholanga obwimani tawe, halali babetsanga hakari wa ako

Nende balia abalalamanga halala nende Nyasaye wundi tawe, ne shiberanga Omundu wa Nyasaye yakana okhwirwa halali khubwatoto, ne shibakholanga obuyeyi tawe, ne ulia ukhola ario alonyoola tsimbii

Alametelwa eshinyasio inyanga yeyindukho ne alekhalamwo tsinyanga tsiosi natutuye

halali ulia witsa okhusaba eshileshelo, mana asuubile mana akhole abikhole ebilayi, abo Nyasaye alabakalukhanilia tsimbii tsiabu okhuba amalayi, ne Nyasaye ni omunji wabulesheli wetsimbabaasi muno

Ne ulia usaba eshileshelo nende okhukhola amalayi, toto oyo asabe eshileshelo okhusaba khwatoto khu Nyasaye

Nende balia abalarusinjia obuloli bwobubeyi tawe, ne nibabura khumakhuwa kabulamwo oluchendo babura nende eshironyo(eshiribwa)

Nende balia nibetsulisibwa tsinyali tsia Nyasaye wabu shibatsikalilanga amarwi nohomba shibatsiwofulilanga tawe

Nende balia baboolanga mbu; “Nyasaye wefu! Khuhelesie mubakhasi nende Abana befu babe basangasia tsimoni, ne okhukholele okhuba ebemilisi abaritsanga Nyasaye.”

Abo nibo balirungwa tsinzu(tsio Mwikulu) khulwa okhwisumilisia, ne balinyoolamwo eshiribwa nende omulembe

Balikhalamwo tsinyanga tsiosi, amawulushilo amalayi nende habundu halayi wokhwikhala

Boola mbu; “Nyasaye wanje shiyakhabatebele tawe khukhayanga okhuba okhusaba khwenyu, ne enywe mumalile okhuyingasia, kho (eshinyasio) shilaba butswa shiokhubanyoola.”