Luyia - Chapter 30 - Ar-Rum

Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink

Verse 1 — Surah Ar-Rum 30:1

Alif , lam, Mym

View verse 30:1 page →Raw JSON

Verse 2 — Surah Ar-Rum 30:2

Abarumi bashililwe

View verse 30:2 page →Raw JSON

Verse 3 — Surah Ar-Rum 30:3

Mushialo shili ahambi, nabo mukhushilwa khwabu okho bakhashile

View verse 30:3 page →Raw JSON

Verse 4 — Surah Ar-Rum 30:4

Khu mika mititi butswa, ne likhuwa nilia- Nyasaye lieyinyuma nende lieyimbeli, ne inyanga eyo Abasuubili balisaangala

View verse 30:4 page →Raw JSON

Verse 5 — Surah Ar-Rum 30:5

Khubuhabini bwa Nyasaye, ahabinanga wayenya, naye Niwamani muno Owetsimbabaasi po

View verse 30:5 page →Raw JSON

Verse 6 — Surah Ar-Rum 30:6

Indakano ya Nyasaye, ne Nyasaye shafunakanga indakano yiyie tawe, halali Abandu abaanji shibamanyile tawe

View verse 30:6 page →Raw JSON

Verse 7 — Surah Ar-Rum 30:7

Bamanya hekulu butswa wobulamu bwokhushialo, nabo khuko mwikulu bakakaandalila

View verse 30:7 page →Raw JSON

Verse 8 — Surah Ar-Rum 30:8

Shibaparangakhwo khubo abeene, (balola mbu) Nyasaye shiyaloonga likulu nende eshialo nende ebili hakari wabio halali khubwatoto, nende khubise biarebwaho, ne toto Abandu abaanji shibafuchililanga mbu balibukaanana nende Nyasaye tawe

View verse 30:8 page →Raw JSON

Verse 9 — Surah Ar-Rum 30:9

Koo shibachendakhwo khushialo tawe balola shingala indukho yabalia baliho imbeli wabu, bali aba amaani amaanji okhubashila…nebalimanga emikunda nibachikasia po okhubashila bo, shingabalimanga, ne Abarumwa babu babetsela nende ebifune biahabulafu, kho Nyasaye shiyali wokhuba kholela obubii tawe halali abeene nibo bekholela obubii

View verse 30:9 page →Raw JSON

Verse 10 — Surah Ar-Rum 30:10

Mana niiba indukho yabalia bakhola obubii ni okhukhaya tsinyali tsia Nyasaye, ne batsikholelanga omubayo

View verse 30:10 page →Raw JSON

Verse 11 — Surah Ar-Rum 30:11

Nyasaye niyewachachia ebilonje mana khandi alibikalusia, mana ewuwe niwo amulikalusibwa

View verse 30:11 page →Raw JSON

Verse 12 — Surah Ar-Rum 30:12

Ne inyanga weyindukho niliula, ababii baliwesiakhwo omwoyo

View verse 30:12 page →Raw JSON

Verse 13 — Surah Ar-Rum 30:13

Shibaliba nende babasabila mubalia ababasaanjinjia, ne abasaanjibungwa abo balibakhaya

View verse 30:13 page →Raw JSON

Verse 14 — Surah Ar-Rum 30:14

Ne olwayindukho iliula, inyanga eyo balikabukhana

View verse 30:14 page →Raw JSON

Verse 15 — Surah Ar-Rum 30:15

Ne balia abasuubila mana nibakhola amalayi balisangasibwa mumikunda. (chomwikulu)

View verse 30:15 page →Raw JSON

Verse 16 — Surah Ar-Rum 30:16

Ne balia abakhaya mana nibayingasia tsinyali tsiefu, nende okhukhung’ana khwomwikulu, abo balikhung’asibwa khushinyasio

View verse 30:16 page →Raw JSON

Verse 17 — Surah Ar-Rum 30:17

Kho mwitsoomie Nyasaye olwa mwinjila mubise bieshilo nende shingala mwinjila ebise bwomumabwibwi

View verse 30:17 page →Raw JSON

Verse 18 — Surah Ar-Rum 30:18

Ne ali noluyali lwosi mwikulu nende khushialo nende (mumwitsomie) ebise bieyingolobe nende ebise bieshitere

View verse 30:18 page →Raw JSON

Verse 19 — Surah Ar-Rum 30:19

Arusinjia eshilamu okhurula mushafwa, ne arusia eshiafwa mushilamu, ne alamusinjia liloba nilimalile okhufwa khwalio, ne endio nilwamulilamusibwa

View verse 30:19 page →Raw JSON

Verse 20 — Surah Ar-Rum 30:20

Ne mubimanyisio bibie ni okhubalonga okhurula khwiloba, mana nimuba Abandu basalananga

View verse 30:20 page →Raw JSON

Verse 21 — Surah Ar-Rum 30:21

Ne mubimanyisio bibie ni mbu yabalonjela abakhasi benyu okhurulana ninanyu, mbu khomunyoole obwihotselefu khubo, mana nabakholela obuyanzi nende tsimbabaasi hakari wenyu. Toto mukano khuli nende ameeko khubandu baparanga

View verse 30:21 page →Raw JSON

Verse 22 — Surah Ar-Rum 30:22

Ne mubimanyisio bibie ni okhuloonga likulu nende eshialo, nende okhukabukhana tsinimi tsienyu nende obukoondo bwenyu, toto mukano khulimwo nende abimanyisio khubandu abamanyi

View verse 30:22 page →Raw JSON

Verse 23 — Surah Ar-Rum 30:23

Ne mubimanyisio bibie ni okhukona khwenyu eshilo nende (okhubukha) Eshitere nende okhukoonya khwenyu tsimbabaasi tsitsie. Toto mukano khulimwo nende ebimanyisio khubandu bawulilanga

View verse 30:23 page →Raw JSON

Verse 24 — Surah Ar-Rum 30:24

Ne mubimanyisio bibie ni okhubalolosilia okhumiesukha khwelikulu (nikhuburamo) oburi nende okhubawa omwayo (kweyifula okhukwa) nende okhwishia amatsi okhurula mwikulu, mana nakalamusilia liloba nilimalilenje okhufwa, toto mukano khulimwo nende eshimanyisio khubandu bamanyanga

View verse 30:24 page →Raw JSON

Verse 25 — Surah Ar-Rum 30:25

Ne mubimanyisio bibie likulu nende eshialo biema khubunyali bubwe, ne olwa alibalanga omulango mulala butswa mulirula mwiloba

View verse 30:25 page →Raw JSON

Verse 26 — Surah Ar-Rum 30:26

Ni ebibie ebili mwikulu nende khushialo ne biosi bimuwulilanga

View verse 30:26 page →Raw JSON

Verse 27 — Surah Ar-Rum 30:27

Ye niye wachachia ebilonje naye niye ulibikalusia, ne lino ni eliangu muno khuye naye niye weyifuma indayi mwikulu nende khushialo, naye niye Owamani Owamachesi muno

View verse 30:27 page →Raw JSON

Verse 28 — Surah Ar-Rum 30:28

Abachelasilia imela yenyu abeene, khubalia ebemikhono chienyu emilunji chiatila, muli nende Abasaanji khu kalia akakhubahelisiyie, khomana musanjilananga ebihelaana, mubaritsanga shiangala muritsananga abeene? Ne endi nilwo lwakhwinoosinjia tsinyaali khubandu bamanyanga

View verse 30:28 page →Raw JSON

Verse 29 — Surah Ar-Rum 30:29

Halali balia abonoona baloonda abwikombi bwe mioyo chiabu, nibabula obumanyi, kho niwina unyala okhulunjisia owa Nyasaye yalekha okhukora, nabo shibaliba nende ubahabina tawe

View verse 30:29 page →Raw JSON

Verse 30 — Surah Ar-Rum 30:30

Kho chomia obweni bubwo khudini ilihabwene nalo nilo liba lia Nyasaye yalonjelakhwo Abandu, okhukalukhania khubulaho khubilonje bia Nyasaye eyo niyo idini yatoto, halali Abandu 30. abaanji shibamanyile tawe

View verse 30:30 page →Raw JSON

Verse 31 — Surah Ar-Rum 30:31

Mwihotselesie khuye nemumurie, ne mulumilile okhulaama (iswala) ne mulaba mubatsokaasi tawe

View verse 30:31 page →Raw JSON

Verse 32 — Surah Ar-Rum 30:32

Mubalia abawukhasia idini yabu, mana nibaba emikanda emikanda, buli omukanda kusangalilanga shiakuli nashio

View verse 30:32 page →Raw JSON

Verse 33 — Surah Ar-Rum 30:33

Amasila nikanyoola Abandu balaamanga Nyasaye wabu mwibwihotselefu, ne olwa abahelesia tsimbabaasi tsitsie, awo omukanda mubo kuchaka okhumutsokaasia

View verse 30:33 page →Raw JSON

Verse 34 — Surah Ar-Rum 30:34

Mbu khobakhaye akakhwabahelesia, kho mwikhoye, mwakhetse okhumanya

View verse 30:34 page →Raw JSON

Verse 35 — Surah Ar-Rum 30:35

Koo, khwabeshiliakhwo eshifune eshibahelesinjia ememelo khubutsokaasi bwabu obo

View verse 30:35 page →Raw JSON

Verse 36 — Surah Ar-Rum 30:36

Ne nikhuhelesia Abandu tsimbabaasi batsisangalila, ne niboolelwa nende amabii kemikhono chiabu chiakhola, onyoola bawesiakhwo omwoyo

View verse 30:36 page →Raw JSON

Verse 37 — Surah Ar-Rum 30:37

Koo, shibalolangakhwo mbu toto Nyasaye ohelesinjia omukabo omunji khuwayenya ne atutuyilinjia owayenya? Toto mukano khulimwo nende ebimanyisio khubandu abasuubila

View verse 30:37 page →Raw JSON

Verse 38 — Surah Ar-Rum 30:38

Kho helesia Omwikho eshiakhoyele nende Omumanani nende ulikhuluchendo. Ako ni amalayi khubalia benyanga tsimbabaasi tsia Nyasaye, Ne abo nibo abalibura

View verse 30:38 page →Raw JSON

Verse 39 — Surah Ar-Rum 30:39

Ne (amapesa kokhwiwosia) Ribaa (akamumetelanga khubandu nibewolele) khokameteshe khumwandu kwabandu, imbeli wa Nyasaye shi kametekhanga tawe. Ne eshiamurusia shichila eshihanwa (Izakaa) khulwa okhwenya obuchami bwa Nyasaye, kho abo nibo bametelungwakhwo

View verse 30:39 page →Raw JSON

Verse 40 — Surah Ar-Rum 30:40

Nyasaye niye awabaloonga, mana abahelesinjia omukabo kwenyu,, mana abafwisinjia mana alibalamusia mubafu, koo aliwo mubasaanji benyu unyala okhubakholela shiosi shiosi mukano? Uluyali lwosi ni olulwe, alihekulu muno khukabamutsokasinjia ninako

View verse 30:40 page →Raw JSON

Verse 41 — Surah Ar-Rum 30:41

Obwoononi baswana khungongo nende munyanza khulwa akemikhono chiabandu chiakhola, kho abatisiekhwo eshinyasio mumakhuwa kandi akabakhola, bakhababario bakalukha

View verse 30:41 page →Raw JSON

Verse 42 — Surah Ar-Rum 30:42

Boola: “chende khushialo mana mulole shingala induukho yabalia baliwo imbeli, mubunji mubo bali abatsokaasi.”

View verse 30:42 page →Raw JSON

Verse 43 — Surah Ar-Rum 30:43

Kho henjia obweni bubwo khudini eya habwene, inyanga eyo ilakhekalilwa tawe nishili okhuula, eyirulanga khu Nyasaye, inyanga eyo balikabukhana

View verse 30:43 page →Raw JSON

Verse 44 — Surah Ar-Rum 30:44

Ulia ukhaya kali khuye, ne ulia ukhola amalayi yekholelanga omwene

View verse 30:44 page →Raw JSON

Verse 45 — Surah Ar-Rum 30:45

Kho Nyasaye anyoole okhurunga tsimbaabasi tsitsie balia abasubila mana nibakhola amalayi, toto ye shiyachama abakhayi tawe

View verse 30:45 page →Raw JSON

Verse 46 — Surah Ar-Rum 30:46

Ne mubimanyisio bibie – ni okhuchesia emiyeka echireranga amakhuwa amalayi kho anyoole okhubapilia enywe tsimbabaasi tsitsie, ne kho ebininwa bwomumatsi bichende khubunyali bubwe. Ne mukoonye tsimbabaasi tsitsie, kho munyoole okhumupila orio

View verse 30:46 page →Raw JSON

Verse 47 — Surah Ar-Rum 30:47

Ne toto khwaruma imbeli wuwo Abarumwa, khubandu babu, nibabetsela nende ebifune bilolekha mana nikhuhelesia eshinyasio aboononi, ne shiali eshilachilo khwifwe okhuhabina Abasuubili

View verse 30:47 page →Raw JSON

Verse 48 — Surah Ar-Rum 30:48

Nyasaye niye uchesinjia emiyeka, chiyungubasia amaleesi, mana nakasaalania amaleesi ako hekulu shingala yenya. Mana nakakhola ebitonye ebitonye mana olola ifula niruma mukari mwako, ne nayusia butswa khu ulia owayenya mubandu bebe olabalola nibasaangalile

View verse 30:48 page →Raw JSON

Verse 49 — Surah Ar-Rum 30:49

Ne nibashili okhwishilibwa baali nibafwile omwoyo

View verse 30:49 page →Raw JSON

Verse 50 — Surah Ar-Rum 30:50

Kho henga ebimanyisio bietsimbabaasi tsia Nyasaye, shingala alamusinjia liloba nilifwile, toto oyo niye ulilamusia abafuu, naye ni omunyali wabuli eshindu

View verse 30:50 page →Raw JSON

Verse 51 — Surah Ar-Rum 30:51

Ne nikhuruma omuyeka mana bakulole nikuli obukondo bwa namabuyu, bakhatsililile okhukhaya

View verse 30:51 page →Raw JSON

Verse 52 — Surah Ar-Rum 30:52

Ne ewe toto, shiwakhakhola abafu bawulila tawe, nohomba shonyala okhukhola abatimbe bawulila tawe nibamamile okhukalukhana nibatsitsanga

View verse 30:52 page →Raw JSON

Verse 53 — Surah Ar-Rum 30:53

Ne shonyala okhulunjisia abawofu mubukori bwabu, shokholanga yawulila tawe halali ulia wasuubila mutsinyaali tsiefu, abo nibo abehotselesinjia

View verse 30:53 page →Raw JSON

Verse 54 — Surah Ar-Rum 30:54

Nyasaye niye awabaloonga okhurula mubuteshele, mana nabakhola okhurula mubuteshele obo abamaani mana nabakhola okhurula muba amaani okhuba abateshele, nende okhukofula Nyasaye alonganga shiayenya. Naye ni Omumanyi omunyali muno

View verse 30:54 page →Raw JSON

Verse 55 — Surah Ar-Rum 30:55

Ne inyanga yeyindukho olwa yiliula aboononi baliitsuba mbu shibekhala (khushialo tawe) halali lisaa elala butswa ne endio nilwabashiamibungwa

View verse 30:55 page →Raw JSON

Verse 56 — Surah Ar-Rum 30:56

Ne balia abahebwa obumanyi nende obusuubili baliboola mbu: “Toto enywe mwekhala khushitabu shia Nyasaye okhula inyanga yokhulamusibwa, kho inyanga yino niyokhulamusibwa, halali enywe mubeele nimulamanyile tawe.”

View verse 30:56 page →Raw JSON

Verse 57 — Surah Ar-Rum 30:57

Inyanga eyo ebichila biosi biosi shibilikhoonya balia aboononi tawe, ne okhusaba khwabu obulesheli shikhulifuchililwa tawe

View verse 30:57 page →Raw JSON

Verse 58 — Surah Ar-Rum 30:58

Ne toto khwachelasia mu Kurani muno buli okhuchelasia shichila Abandu, nenobetsela nende eshimanyisio toto bialia bakhaya balaboola mbu; “Enywe shimuli shiosi shiosi tawe halali abamabii.”

View verse 30:58 page →Raw JSON

Verse 59 — Surah Ar-Rum 30:59

Ne endio nilwa Nyasaye aretsanga eshimanyisio mumioyo chia balia abalamanya tawe

View verse 30:59 page →Raw JSON

Verse 60 — Surah Ar-Rum 30:60

Kho wisumilisie, toto indache ya Nyasaye niyatoto, Ne balia ababula obwatoto, balakhubeyiabeyia tawe

View verse 30:60 page →Raw JSON