Luyia - Chapter 32 - As-Sajdah

Alif Lam Mim

Obwishio bweshitabu shino bubulamwo ingamakani burula khu Nyasaye Omulesi webiloonje bioosi

Koo, nohomba baboolanga mbu: “washikasia Omwene” Halali shio shirula khu Nyasaye wuwo kho wikanyilisie Abandu bashili okhuulilwa nende Omwikanyilisi, imbeli wuwo, bakhaba bario balunjikha

Nyasaye niye owaloonga likulu nende eshialo nende ebili hakari wabio, khutshinyanga tsisaasaba, (sita). Mana naswaana khushisaala shisie shioluyali, mubula Omulindi nohomba ubasabila halali ye, shimuparangakhwo tawe

Abusinjia amakhuwa koosi akali hakari welikulu nende eshialo, mana kakalukha ewuwe khunyanga ndalasa yeshichelo shiayo ni emika iyelefu ndala khutshinya tsiamubalanga

Ulia owaloonga ifwani ya buli eshindu, mana nachaka okhuloonga Omundu okhurula khwiloba

Mana nakhola olwibulo lulwe (lwomundu) okhurulana nende amatsi amateshele

Mana namukasia ne namufuramwo omwoyo kukwe, ne nabahelesia amarwi nende tsimoni nende emioyo, ne orio inditi niyamumupilanga

Nibaboola mbu “koo olwa khulikorera mwiloba (mana khube liloba) mbu khulikalusibwa okhuba ebiloonje ibiyiakha? (Nendio) halali bo bayingananga okhubukanana nende Nyasaye wabu

Boola mbu: “Alibafwisia Malaika welifwa owarebwaho khwinywe mana mulikalusibwa ewa Nyasaye wenyu.”

Ne ololangakhwo shingala aboononi olwa balinamia emirwe chiabu imbeli wa Nyasaye wabu, (nibaboola mbu) “Nyasaye wefu, khumalile okhulola, ne khuwulile, kho khukalusie khwitsa okhukhola ebikhole ebilayi, toto efwe khumanyile obulaamba”

Ne khwenyanga khwakhahelesiyie buli Omundu obulunjifu bubwe, halali likhuwa okhurula khwisie liatinyisibwa mbu: “Toto ndiliitsusia omulilo kwa Jahanamm nende boosi abo, okhurula Mumajini nende Abandu.”

Kho mana mupile(eshinyasio) khulwa okhwibilila omukhung’ano kweyinyanga yenyu ino, kata fwesi khulabeebilila,(mumulilo omo) kho pile eshinyasio shilawa tawe, khulwa kalia akamwakholanga

Toto balia basuubilanga tsinyaali tsiefu, ni baliasa olwa bestulisibwa ninatso bakwitsanga (nibasujuda) nibeenama, nebetsoominjia Nyasaye wabu khu tsifuma tsitsie, nabo shibelolanga tawe

Tsimbafu tsiabu tsilekhananga nende obulili ebise bieshilo nebalaamanga Nyasaye wabu muburi ( omulilo) nende mukhwenya ne bayininjia eshihanwa khubilia ebiakhubakabile

Ne Omundu yesiyesi shamanyile kalia akayafisilwa akasangasinjia tsimoni tawe, omurungo kwa kalia akabakholanga

Koo, Omusuubili yakhaba nashilala nende Omwonooni? Shibakhaba nashilala tawe

Balia abasuubila mana nibakhola ebikhole ebilayi, baliba nende emikunda echieshimenyo eshilayi. Ni obucheni bwabu khukalia akabakholanga

Ne balia bakhola obwonooni, eshimenyo shiabu ni mumulilo, olwabalienya okhurulamwo, balikalusibwamwo, ne baliboolelwa mbu: “pile eshinyasio shiomulilo eshia mwayingananga.”

Netoto khwitsa okhubapilia eshinyasio eshititi, inyuma weshinyasio eshikhongo, bakhababario bakalukha

Ne ni wina omwonooni omukhongo oyo, okhushila ulia witsulisibungwa tsinyaali tsia Nyasaye wuwe mana atsihelesia omukongo? Toto efwe khuli beyimongo (likhobo) khubalia bakholanga amabii

Netoto khwahelesia Musa eshitabu, kho olaba nende inganakani okhubukanana nende Nyasaye tawe, Mana nikhushikhola obulunjifu khubana ba Israil

Ne nikhukhola abaandi mubo abemilisi, abarukanga okhuloondana nende likhuwa liefu, olwa besumilisia, ne bali basubila muno tsinyaali tsiefu

Toto Nyasayewuwoniyeowakhabusie hakari wabu inyanga yeyindukho khukalia akabawukhanilanga

Koo, kashili akhubamanyishila mbu ni emikanda chinga chakhwasishia imbeli wabu, baburanga mumataala kabu ako? Toto mukono khulimwo nende ebimanyisio , koo shibawulilangakhwo tawe

Koo shibalolakhwo mbu: khuyilanga amatsi khuliloba eliumu, mana nikhukamesilia ebirache, ebiaa ebiruche biabu bilitsangakhwo, nende abeene, koo shibalolangakhwo tawe

Ne baboolanga mbu: ‘‘niliina okhubusibwa okho toto nimuli mbu muboolanga akabwene?’’

Boola mbu: “ inyanga yakhubusia, shilikhoonya balia abaloba obusuubili bwabu. Ne shibalihebwa ebise bio khulinda tawe

Kho baa ninabo ehale, ne oliinde, totobo boosi balindanga (akabaalakwa)