Back to Languages
Luyia - Chapter 36 - Ya-Sin
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah Ya-Sin 36:1
Verse 2 — Surah Ya-Sin 36:2
Nditsuba khu Ikurani yamachesi
Verse 3 — Surah Ya-Sin 36:3
Toto ewe oli mulala Khubarumwa
Verse 4 — Surah Ya-Sin 36:4
Khunjila ingololofu
Verse 5 — Surah Ya-Sin 36:5
Okhwishia khwa Nyasaye Owamani Owobukoosia muno
Verse 6 — Surah Ya-Sin 36:6
Mbukho wikanyilisie Abandu ba Basamwana balekanyilisibwa tawe mana nabo bali mubukoyani
Verse 7 — Surah Ya-Sin 36:7
Obwatoto likhuwa liamala okhubura khubaanji mubo, mana shibasuubilanga tawe
Verse 8 — Surah Ya-Sin 36:8
Toto efwe khwaboya mwikosi mwabu nemikoye okhuula khubinwanwa, mana emirwe chiabu chilisa hekulu
Verse 9 — Surah Ya-Sin 36:9
Mana nikhura imbeli wabu eshikalilo nende inyuma wabu eshikalilo, mana nikhufunikha tsimoni tsiabu mana shibalolanga tawe
Verse 10 — Surah Ya-Sin 36:10
Ne nihalalasa awo khubo, nobekanyilisia nohomba obule okhubekanyilisia , shibalisuubila tawe
Verse 11 — Surah Ya-Sin 36:11
Toto ewe wikanyilisinjia ulia uloondanga ametsulisio mana naria Nyasaye Wetsimbabaasi, khukefisile, kho musuubisie eshileshelo nende omurungo omulayi
Verse 12 — Surah Ya-Sin 36:12
Toto efwe khulamusinjia abafu, ne khuhandikanga kabakholanga nende kabalekha inyuma. Ne buli eshindu khwashibikha mushitabu shinoosinjia
Verse 13 — Surah Ya-Sin 36:13
Ne bakanile imbakha nobachelasilia , Abandu bolukongo olwa betselwa nende Abarumwa
Verse 14 — Surah Ya-Sin 36:14
Olwa khwabarumila babili, nibabayingasia mana nikhubametela owakhataru nibaboola mbu: “ toto efwe khurumilwe khinywe.”
Verse 15 — Surah Ya-Sin 36:15
Nibaboola mbu: “enywe mulisa Abandu shinga efwe, ne (Nyasaye) Omunji Wetsimbabaasi shiyeshiakhwo shiosi shiosi tawe, ne enywe mukatinjia butswa.”
Verse 16 — Surah Ya-Sin 36:16
Baboola mbu: “Nyasaye wefu Omulesi amanyile mbu efwe toto khurumilwe khwinywe
Verse 17 — Surah Ya-Sin 36:17
Nekhubula elindi tawe halali okhusia likhuwa lili habulafu
Verse 18 — Surah Ya-Sin 36:18
Baboola mbu: “efwe khubekongola nimulalekhana ninafu tawe khulabalasa amachina ne mulanyoola eshinyasio eshikhongo okhurula khwifwe.”
Verse 19 — Surah Ya-Sin 36:19
Baboola mbu : “obubii bwenyu buli khwinywe, Shichila okhwitsulisibwa butswa, nohomba enywe muli Abandu babura eshichelo?”
Verse 20 — Surah Ya-Sin 36:20
Mana Omundu mulala niyetsa okhurula mumbeka wolukongo nayuukanga naboola mbu: “enywe Abandu banje muloonde Abarumwa bano.”
Verse 21 — Surah Ya-Sin 36:21
Muloonde balia abalabasaba omurungo tawe, nabo abeene nabalunjifu
Verse 22 — Surah Ya-Sin 36:22
Ne khulwa shina ndalalaama ulia wanoonga ne ewuwe namulikalusibwa
Verse 23 — Surah Ya-Sin 36:23
Koo endiile Abanyasaye bandi balali Ye. Omunji wetsimbabaasi niyanyenyela amabii okhusaba khwenyu shikhukhoonya shiosi shiosi tawe nohomba shibakhahabina tawe
Verse 24 — Surah Ya-Sin 36:24
Toto mana esie endio emba endi mubukori bwa habulafu
Verse 25 — Surah Ya-Sin 36:25
Toto esie usuubiile khu Nyasaye wenyu omulesi kho murechelesie
Verse 26 — Surah Ya-Sin 36:26
Naboolelwa mbu ; “injila mwikulu,” naboola mbu : “ Abayie Abandu banje bamanyanga khwo
Verse 27 — Surah Ya-Sin 36:27
Shingala Nyasaye wanje Omulesi yandesheele mana niyanda mubalia boluyali.”
Verse 28 — Surah Ya-Sin 36:28
Ne shikhweshiakhwo khubandu be imbeli wuwe omukanda kweliyie okhurula mwikulu ne shikhwali beshia tawe
Verse 29 — Surah Ya-Sin 36:29
Lwali butswa oluyoka lulala, mana bo nibanyisibwa
Verse 30 — Surah Ya-Sin 36:30
Abaane, ebeelelela Abandu banje Omurumwa yesiyesi shiyabetselaga tawe okhula bamubayile
Verse 31 — Surah Ya-Sin 36:31
Koo shibalolangakhwo emikanda chinga chakhwasishia imbeli wabu. Abo toto shibalibakalushila tawe
Verse 32 — Surah Ya-Sin 36:32
Ne toto boosi balikhung’asibwa barerwe imbeli wefu
Verse 33 — Surah Ya-Sin 36:33
Ne eshimanyisio khubo-liloba [eliuma] liafwa khulilamusinjia mana khuchesemwo imele yabaliitsanga
Verse 34 — Surah Ya-Sin 36:34
Ne nikhukasiamwo emikunda chie tsitende nende tsizabibu ne nikhukasiamwo tsisebele
Verse 35 — Surah Ya-Sin 36:35
Kho balie khubiamo bie nende ake emikhono chiabu chilakholele tawe, koo shibakhupanga orio tawe
Verse 36 — Surah Ya-Sin 36:36
Oluyali nilwa Nyasaye waloonga eshisatsa neshikhasi bioosi khubimelanga mwiloba nende enywe abeene nende ebiabalamanyile tawe
Verse 37 — Surah Ya-Sin 36:37
Ne eshilo neshimanyisio shindi khubo, olwa khurusinjiamwo eshiteere nabo baba mushiilima
Verse 38 — Surah Ya-Sin 36:38
Ne eliuba lichendanga khushichelo shalio esho nisho eshichelo shia Nyasaye Owamaani Omumanyi muno
Verse 39 — Surah Ya-Sin 36:39
Ne Omwesi khwakukasilia ebichelo okhula okhukalukha shingala kwali shinga likhamari liumile
Verse 40 — Surah Ya-Sin 36:40
Eliuba shiniliula khumwesi nohomba eshilo okhubura eshitere nabo biosi bibotokhananga khutsinjila tsiabio
Verse 41 — Surah Ya-Sin 36:41
Ne ni eshimanyisio khubo mbu efwe khwachinga olwibulo lwabu musafina yetsula
Verse 42 — Surah Ya-Sin 36:42
Ne nikhwabalonjela okhurula khwifwani eyo ebiabarakanga
Verse 43 — Surah Ya-Sin 36:43
Ne nikhwenya nikhubayibisia ne abulaho ubakhoonya nohomba shibahabinwa tawe
Verse 44 — Surah Ya-Sin 36:44
Halali tsimbabaasi tsirulanga khwifwe nende omwikhoyo kwebise bititi
Verse 45 — Surah Ya-Sin 36:45
Ne nibaboolelwa mbu; “mwilinde nende khukali imbeli wenyu nende kali inyuma wenyu mwakhaba murio mwanyoola okhubeelwa tsimbabaasi.”
Verse 46 — Surah Ya-Sin 36:46
Ne ishimanyisio shiosi shiosi shia Nyasaye wabu Omulesi nishiboolela shibabukulangamwo oluchendo tawe
Verse 47 — Surah Ya-Sin 36:47
Ne nibaboolelwa mbu; “rusie khubilia bia Nyasaye wenyu abakabile ,abakhayi baboolelenga Abasuubili mbu; ‘‘koo khubalisie biala ba Nyasaye niyenya nabalisia? toto enywe muli mubukori bwabulafu.”
Verse 48 — Surah Ya-Sin 36:48
Ne baboolanga mbu; “kamukhulakanga kano kalirulila lina nimuli toto abahabwene.”
Verse 49 — Surah Ya-Sin 36:49
Shibalindanga halali oluyoka lulala butwsa lulibabukula nabo nibali mukhusolana
Verse 50 — Surah Ya-Sin 36:50
Mana shibalinyoola okhulaamila nohomba shibalikalukha khubandu babu tawe
Verse 51 — Surah Ya-Sin 36:51
Na olwa olwika lulikhupwa balirula mubilindwa nibelushila ewa Nyasaye wabu Omulesi
Verse 52 — Surah Ya-Sin 36:52
Baliboola mbu; “abayie! wina ukhulamusiyie olwakhubeele nikhukonele, kano niko kayalaka Omunji wetsimbabaasi ne Abarumwa baboola katoto.”
Verse 53 — Surah Ya-Sin 36:53
Ne shiluliba halali oluyoka lulala butwsa mana boosi balikhung’asibwa imbeli wefu
Verse 54 — Surah Ya-Sin 36:54
Mana olwa lelo abulaho yesiyesi olikholelwa amabii kosikosi ne shimulirungwa halali kalia kamwakholaga
Verse 55 — Surah Ya-Sin 36:55
Toto Abandu bo mwikulu lelo bali khumilimo nibakonele (khubusangafu)
Verse 56 — Surah Ya-Sin 36:56
Bo nende abakhaye babu nibali mubinikha bayeshele khubisaala biobwokhola
Verse 57 — Surah Ya-Sin 36:57
Balinyolamwo tsimbia tsiosi tsiebiamo, nebalinyoolamwo buli eshiabeenya
Verse 58 — Surah Ya-Sin 36:58
“Omulembe,” likhuwa lirula khu Nyasaye Omulesi Wobukoosia muno
Verse 59 — Surah Ya-Sin 36:59
Ne enywe abetsimbii mwiyawule olwalelo
Verse 60 — Surah Ya-Sin 36:60
Koo shindalakana ninanyu mbu enywe Abandu mulalaama Shetani tawe , toto ye ni Omusuku wenyu owabulafu
Verse 61 — Surah Ya-Sin 36:61
Ni mbu munaame esie ino niyo injila ingololofu
Verse 62 — Surah Ya-Sin 36:62
No khubwatoto ye yakosia omukanda omukhongo mwinywe , koo shimwaparangakhwo tawe
Verse 63 — Surah Ya-Sin 36:63
Mana ino niyo Jahanam yamwalakungwa
Verse 64 — Surah Ya-Sin 36:64
Injilemwo lelo shingala mwakhayanga
Verse 65 — Surah Ya-Sin 36:65
Olwa lelo khutimbia eminwa chiabu ne imikhono chiabu chiboole ninafu ne ibilenje biabu birusie obuloli khu kalia kabakholanga
Verse 66 — Surah Ya-Sin 36:66
Ne khwenyanga khwakhatimbiyie tsimoni tsiabu baba nibashilanila injila halali bakhalutsi barie
Verse 67 — Surah Ya-Sin 36:67
Ne khwenyanga khwakhabakalukhaniye ifwani abali hao butswa, mana shibakhanyalile okhutsia nohomba okhukalukha tawe
Verse 68 — Surah Ya-Sin 36:68
Ne wakhukofusia khumukalusinjia inyuma mubulonji mana koo shibakhaparangakhwo
Verse 69 — Surah Ya-Sin 36:69
Ne shikhwamwechesia [Muhammad] tsinyimbo tawe ne kano shikenyekhana khuye tawe, shino ni eshitsulisio nende Ikurani iretsanga abulafu
Verse 70 — Surah Ya-Sin 36:70
Khulwo khwikanyilisilia ushili omulamu ne likhuwa libure khubakhayi
Verse 71 — Surah Ya-Sin 36:71
Ko shibalolanga mbu khwabaloonjela okhurulana khumilimo chie mikhono chiefu tsisolo tsiemiruko, etsia barukanga
Verse 72 — Surah Ya-Sin 36:72
Ne nikhubanguyisilia etsindi mutsisolo etso tsiabaninangakhwo ne etsindi batsiliitsaanga
Verse 73 — Surah Ya-Sin 36:73
Ne bo banyoolanga mutsisolo etso obukhonyi nende ebinywebwa kho mana shibakhupanga orio tawe
Verse 74 — Surah Ya-Sin 36:74
Ne batila Abanyasaye bandi habundu wa Nyasaye mbu khobanyoole obukhoonyi
Verse 75 — Surah Ya-Sin 36:75
Shibalinyala okhubakhonya halali abo nibo baliba Abasikari babu olwabali khwitsila
Verse 76 — Surah Ya-Sin 36:76
Manaamakhuwakabukalakhubelesia tawe, toto efwe khwamanya kabafisanga nende kabaretsaanga habulafu
Verse 77 — Surah Ya-Sin 36:77
Ne Omundu shalolanga mbu khwamuloonga okhurulana nende indonyande ya amatsi kolwibulo mana toto ye niye omuseeri wahabulafu
Verse 78 — Surah Ya-Sin 36:78
Ne alakhuchelasilia naye yebilila okhulongwa khukhwe -mana naboola mbu : “ ni wina oyo ulilamusia ebikumba nibimalile okhubulungukha?”
Verse 79 — Surah Ya-Sin 36:79
Boola mbu; “ alibilamusia ulia wabiloonga olwokhuranjilila, naye ni Omumanyi muno wabuli okhuloonga khwosi”
Verse 80 — Surah Ya-Sin 36:80
Ulia wabakholela okhunyoola omulilo okhurula khumusala omubisi mana nimunyoola okhubwana omulilo okhurulana ninakwo
Verse 81 — Surah Ya-Sin 36:81
Koo waloonga likulu nende eshialo shanyala okhulonga bafwana ninabo? Khulwa shina naye niye Omuloonji Omukhongo Owamachesi muno
Verse 82 — Surah Ya-Sin 36:82
Toto likhuwa lilie niyenya eshindu ashiboolela butswa mbu: “ ba’’ ni shiba
Verse 83 — Surah Ya-Sin 36:83
Mana yatswenukha ulia wobwami bwa buli eshindu buli mumukhono kukwe, ne ewuwe niwo amulikalusibwa