Back to Languages
Luyia - Chapter 37 - As-Saffat
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah As-Saffat 37:1
Nditsuba khubemaanga khulunyaali
Verse 2 — Surah As-Saffat 37:2
Nende khubalia bakaninjia amabii
Verse 3 — Surah As-Saffat 37:3
Nende khubalia basoomanga obwitsulisio
Verse 4 — Surah As-Saffat 37:4
Toto Nyasaye wenyu nimulala butswa
Verse 5 — Surah As-Saffat 37:5
Nyasaye Omulesi welikulu nende eshialo nende ebili hakari wabio. Ne ni Nyasaye Omulesi we ebukwe tsiosi
Verse 6 — Surah As-Saffat 37:6
Toto efwe khwarona likulu liahambi khutsing’ining’ini
Verse 7 — Surah As-Saffat 37:7
Khulwokhulinda okhurulana nende buli Shetani Omukhayi
Verse 8 — Surah As-Saffat 37:8
Balanyoola okhuwulila ebilonje bioluyali, ne baloondungwayo buli mumbeka
Verse 9 — Surah As-Saffat 37:9
Baloondungwa ne bali nende eshinyasio shilawa
Verse 10 — Surah As-Saffat 37:10
Halali ulia upusulanga eshindu eshititi , ne mana shimulondangakhwo eshikhupo shimesamesanga
Verse 11 — Surah As-Saffat 37:11
Barebekhwo mbu koo abo ni baloongwa okhuloongwa okhutinyu muno okhushila ebilonje bindi biakhwaloonga? Toto efwe khwabaloonga okhurulana khuliloba litilanga
Verse 12 — Surah As-Saffat 37:12
Owukanga nabo bakholanga omubayo
Verse 13 — Surah As-Saffat 37:13
Ne nibetsulisibwa shibetsulilanga tawe
Verse 14 — Surah As-Saffat 37:14
Ne nibalola eshimanyisio nibakhola omubayo
Verse 15 — Surah As-Saffat 37:15
Ne baboola mbu: “kano shinishiosi shiosi tawe halali ni obulosi butswa buli habulafu.”
Verse 16 — Surah As-Saffat 37:16
Mbunikhufwanikhumalileokhubaliloba nende ebikumba, kho toto khulilamusibwa
Verse 17 — Surah As-Saffat 37:17
Kata bapapa befu bakhale
Verse 18 — Surah As-Saffat 37:18
Boola mbu: “mmm! nanyu nimuli batutuyibwe .”
Verse 19 — Surah As-Saffat 37:19
Eyo oluyoka lulikhupwa lulala butswa, ni hawo niwo abalilola
Verse 20 — Surah As-Saffat 37:20
Baliboola mbu: “ abayiee, ino niyo inyanga yomurungo.”
Verse 21 — Surah As-Saffat 37:21
Ino niyo inyanga yeyindukho yamwakhayanga
Verse 22 — Surah As-Saffat 37:22
Bakhung’asie boosi bakhola amabii nende abakhasi babu nende balia boosi babalaamanga
Verse 23 — Surah As-Saffat 37:23
Nibakhaya okhulaama Nyasaye bachomie khunjila yomulilo kwa Jahannam
Verse 24 — Surah As-Saffat 37:24
Mana mubeemie. Totobo balarebwa
Verse 25 — Surah As-Saffat 37:25
“Mubeele murie? Shichila shina nimulakhoonyana?”
Verse 26 — Surah As-Saffat 37:26
Halali olwalelo balaloonda lilako
Verse 27 — Surah As-Saffat 37:27
Balihengana abeene khubeene nibarebana
Verse 28 — Surah As-Saffat 37:28
Baliboola mbu: “ toto enywe mwakhwitsilanga okhurula omukhono omulunji”
Verse 29 — Surah As-Saffat 37:29
Balibakalusia mbu: “Halali enywe abeene shimwali Abasuubili tawe.”
Verse 30 — Surah As-Saffat 37:30
“Efwe shikhwali nobunyali khwinywe tawe halali enywe abeene mwali abakori”
Verse 31 — Surah As-Saffat 37:31
Mana omuse kwa Nyasaye wefu Omulesi kumalile okhubura. Toto efwe khulapila butswa eshinyasio
Verse 32 — Surah As-Saffat 37:32
Khwabakosia eshichila mbu fwesi khwali abakori
Verse 33 — Surah As-Saffat 37:33
Toto abo inyanga eyo balisaanga halala mushinyasio
Verse 34 — Surah As-Saffat 37:34
Endio nilwakhulikholela Abamabii
Verse 35 — Surah As-Saffat 37:35
Olwa baboolelungwa mbu: “abulaho Nyasaye ulaamwa khubwatoto halali Nyasaye Mulala butswa- besuunganga
Verse 36 — Surah As-Saffat 37:36
Baboolanga mbu efwe khuleshesa Abanyasaye befu okhubeela Omukaasi wetsinyimbo wuno Omulalu
Verse 37 — Surah As-Saffat 37:37
Halali ye yetsa khubwatoto ne afuchilisania nende Abarumwa
Verse 38 — Surah As-Saffat 37:38
Toto enywe mulipila eshinyasio eshilulu
Verse 39 — Surah As-Saffat 37:39
Ne shimulirungwa tawe halali kalia akamwakholanga
Verse 40 — Surah As-Saffat 37:40
Halali Abasumba ba Nyasaye abalobole
Verse 41 — Surah As-Saffat 37:41
Abo nibo balinyoola omukabo omubiishe
Verse 42 — Surah As-Saffat 37:42
Ebiamo , nabo balihebwa oluyali
Verse 43 — Surah As-Saffat 37:43
Mumikunda chobwokholo
Verse 44 — Surah As-Saffat 37:44
Baliba khubisaala nibahengane
Verse 45 — Surah As-Saffat 37:45
Balibotokhanilibwa eshisanda shieshinywebwa shieyisebele
Verse 46 — Surah As-Saffat 37:46
Eshinywebwa eshilafu , eshimilimili khu ushinywa
Verse 47 — Surah As-Saffat 37:47
Shibula obubii , nohomba shishibameesia tawe
Verse 48 — Surah As-Saffat 37:48
Ne baliba nende Abakhasi betsimoni tsietsisoni tsindayi
Verse 49 — Surah As-Saffat 37:49
Abakhasi shinga amabuyu kaliindwa
Verse 50 — Surah As-Saffat 37:50
Baliinjila bachake , okhureebana abeene khubeene
Verse 51 — Surah As-Saffat 37:51
Aliboola omubooli mulala mubo: “toto esie ndali nende Omwitsa.”
Verse 52 — Surah As-Saffat 37:52
Yambolelanga mbu: “lano ewe ulimubafuchililanga?”
Verse 53 — Surah As-Saffat 37:53
‘‘Mbu nikhufwa khwaba liloba nende ebikumba, mbu khulirungwa mana khwabalwa?’’
Verse 54 — Surah As-Saffat 37:54
Aliboola mbu: “ laano enywe mulola murie?”
Verse 55 — Surah As-Saffat 37:55
Mana alimuhenga kho alimulola hakari wa Jahannam
Verse 56 — Surah As-Saffat 37:56
Aliboola mbu: “wallahi, Nyasaye mulala wali ahambi okhungosia.”
Verse 57 — Surah As-Saffat 37:57
Tsikhayanga okhuba tsimbabaasi tsia Nyasaye wanje omulesi ndakhabeele mubalia abenjisibwamwo
Verse 58 — Surah As-Saffat 37:58
Koo! Efwe shikhulifwa tawe
Verse 59 — Surah As-Saffat 37:59
Halali okhufwa khwefu khwokhuranga, nafu shikhulinyoola eshinyasio tawe
Verse 60 — Surah As-Saffat 37:60
Toto khuno nikho okhubura okhukhongo
Verse 61 — Surah As-Saffat 37:61
Ne shinga kano, nikabakhole balia bakhola
Verse 62 — Surah As-Saffat 37:62
Koo okhubukanilwa endi shinokhulayi nohomba omusaala kwa Zaquum
Verse 63 — Surah As-Saffat 37:63
Toto efwe khwakukhola okhuba eshinyasio khubalia abamabii
Verse 64 — Surah As-Saffat 37:64
Toto oko ni omusaala kurulanga hakari wa Jahannamu
Verse 65 — Surah As-Saffat 37:65
Ebibuli bie biamo biakwo bili shinga omurwe kwa mashetani
Verse 66 — Surah As-Saffat 37:66
Toto abo balilia ebiamo ebo mana betsusie tsinda tsiabu
Verse 67 — Surah As-Saffat 37:67
Mana khu ako belesibwe amaatsi kayile karabachila
Verse 68 — Surah As-Saffat 37:68
Mana obwatoto amakalushilo kabu kaliba Jahannam
Verse 69 — Surah As-Saffat 37:69
Toto bo banyoola Basabwe nibakora
Verse 70 — Surah As-Saffat 37:70
Nabo nibakhola lwangu okhuloonda amaseenelo kabu
Verse 71 — Surah As-Saffat 37:71
Ne khubwatoto bamala okhukora imbeli wabu Abandu bakhale abaanji
Verse 72 — Surah As-Saffat 37:72
Ne toto efwe khwabarumila abekanyilisi
Verse 73 — Surah As-Saffat 37:73
Mana henga olole shingala indukho yabalia ebekanyilisibwa
Verse 74 — Surah As-Saffat 37:74
Halali Abasumba ba Nyasaye abalobole
Verse 75 — Surah As-Saffat 37:75
Ne toto Nuhu Yakhulaanga , ne efwe khuli abalayi po abafuchililanga
Verse 76 — Surah As-Saffat 37:76
Ne nikhumuhabina ye halala nende Abandu be okhurulana nende amasila amakhongo
Verse 77 — Surah As-Saffat 37:77
Mana nikhukhola olwibulo lulwe okhutoong’a
Verse 78 — Surah As-Saffat 37:78
Mana nikhulekha ifuma indayi khubetsa inyuma wuwe
Verse 79 — Surah As-Saffat 37:79
Omuleembe kube khu Nuhu mushialo shioosi
Verse 80 — Surah As-Saffat 37:80
Toto endio nilwakhurunganga abakholi bamalayi
Verse 81 — Surah As-Saffat 37:81
Toto ye ali Mubasumba befu Abasuubili
Verse 82 — Surah As-Saffat 37:82
Mana Abandi abo nikhubasishia mumatsi
Verse 83 — Surah As-Saffat 37:83
Ne toto Ibrahim yali mumukaanda kukwe
Verse 84 — Surah As-Saffat 37:84
Olwa yetsela Nyasaye wuwe Omulesi nende Omwoyo kukwe kwoosi
Verse 85 — Surah As-Saffat 37:85
Olwa yaboolela Papa wuwe nende Abandu bebe mbu: “nishina shiamulamaanga?”
Verse 86 — Surah As-Saffat 37:86
Eminyasaye chiobubeyi echilali Nyasaye nichiamwenyanga?”
Verse 87 — Surah As-Saffat 37:87
‘‘Mupariranga shina Nyasaye Omulesi webilonje bioosi?”
Verse 88 — Surah As-Saffat 37:88
Mana nasitia tsimoni okhuhenga tsing’ining’ini
Verse 89 — Surah As-Saffat 37:89
Naboola mbu: “toto esie endwala.”
Verse 90 — Surah As-Saffat 37:90
Nabo nibamulekha nibamufutarira omukongo
Verse 91 — Surah As-Saffat 37:91
Mana nabwondela Eminyasaye chiabu. Nachiboolela mbu: “shichila shina nimulaliitsanga?’’
Verse 92 — Surah As-Saffat 37:92
‘‘Mubeele murie amulalomalomanga tawe?’’
Verse 93 — Surah As-Saffat 37:93
Mana nachikalukhanila nachikhupa nomukhono omulunji
Verse 94 — Surah As-Saffat 37:94
Mana nibamwitsila lwangu lwangu
Verse 95 — Surah As-Saffat 37:95
Naboola mbu: “ enywe mulaamanga ebindu bia mwiraanyanga abeene?”
Verse 96 — Surah As-Saffat 37:96
Ne Nyasaye niye wabaloonga halala nende akamukholanga ako
Verse 97 — Surah As-Saffat 37:97
Nenibaboola mbu mumumbashile eshiumbashe mana mumusukune mumulilo
Verse 98 — Surah As-Saffat 37:98
Benya okhumukholela amabii halali nikhubakhola bo okhuba bahasi
Verse 99 — Surah As-Saffat 37:99
Ne naboola mbu : “ toto esie ewuya enzia ewa Nyasaye wanje Omulesi, ye alalunjisia”
Verse 100 — Surah As-Saffat 37:100
Ewe Nyasaye wanje Omulesi, mbelesie ulia uli mubakholi bamalayi
Verse 101 — Surah As-Saffat 37:101
Mana nikhumusubisia Omwana Omwihotselefu
Verse 102 — Surah As-Saffat 37:102
Olwa yoola eshichelo shiokhuchenda ninaye yamuboolela mbu: “ewe mwana wanje , toto esie endutsi mumaloro mbu ekhusinzanga, kho hengamwo olola orie?” naboola mbu: “ ewe papa wanje, khola shinga olomesibungwa witsa okhunyoola Nyasaye nachama nendi mubalia befwiila”
Verse 103 — Surah As-Saffat 37:103
Kho boosi babili olwa behotselesia , mana namukonelia obweni
Verse 104 — Surah As-Saffat 37:104
Nikhumulanga mbu : “ewe Ibrahim!”
Verse 105 — Surah As-Saffat 37:105
Omalileokhukholahabwenikhumaloro ako, toto endio nilwakhurunganga Abakholi bamalayi
Verse 106 — Surah As-Saffat 37:106
Toto kano ni amatemo kali habulafu
Verse 107 — Surah As-Saffat 37:107
Mana nikhumuhelesia eshisinzo shioluyali
Verse 108 — Surah As-Saffat 37:108
Mana nikhuleshela ifuma indayi khubetsa inyuma
Verse 109 — Surah As-Saffat 37:109
Omulembe kube khu Ibrahim
Verse 110 — Surah As-Saffat 37:110
Endio nilwakhurunganga Abakholi bamalayi
Verse 111 — Surah As-Saffat 37:111
Toto ye ali Mubandu befu basuubila
Verse 112 — Surah As-Saffat 37:112
Ne nikhumusuubisia okhwibulwa khwa Is’haaq, naye ni Omurumwa womubandu Abalayi
Verse 113 — Surah As-Saffat 37:113
Mana nikhumuhelesia tsimbabaasi ye nende Is’haaq. Ne mulwibulo lwabu nibarulamwo Abandu abalayi nende balia bakhola amabii khumioyo chiabu habulafu
Verse 114 — Surah As-Saffat 37:114
Netoto khwakholela obulayi Musa nende Harun
Verse 115 — Surah As-Saffat 37:115
Nikhumuhabina halala nende Abandu babu okhurulana nende obutinyu obukhongo
Verse 116 — Surah As-Saffat 37:116
Mana nikhubahabina nibaba nibo abashila
Verse 117 — Surah As-Saffat 37:117
Ne nikhuhelesia babili abo eshitabu shinoosinjia
Verse 118 — Surah As-Saffat 37:118
Mana nikhubalunjisia khunjila ingololofu
Verse 119 — Surah As-Saffat 37:119
Mana nikhubaleshela ifuma indayi khubalia betsa inyuma wabu
Verse 120 — Surah As-Saffat 37:120
Omulembe kube khu Musa nende Harun
Verse 121 — Surah As-Saffat 37:121
Toto endio nilwakhurunganga balia abalayi
Verse 122 — Surah As-Saffat 37:122
Toto babili abo bali Mubasumba befu abalayi
Verse 123 — Surah As-Saffat 37:123
Ne toto Elyas yali Mubarumwa
Verse 124 — Surah As-Saffat 37:124
Olwa yaboolela Abandu bebe mbu: “shimuritsanga tawe?”
Verse 125 — Surah As-Saffat 37:125
Mulaamanga Baal ( eshimoosi shieidhahabu) ne mulekha omuloonji mwene
Verse 126 — Surah As-Saffat 37:126
Nyasaye Omulesi wenyu nende wa bapapa benyu bakhale
Verse 127 — Surah As-Saffat 37:127
Mana nibamuyingasia. Ne toto balikhung’asibwa (mumulilo)
Verse 128 — Surah As-Saffat 37:128
Halali Abasumba ba Nyasaye Abatswunulwa
Verse 129 — Surah As-Saffat 37:129
Mana nikhubaleshela ifuma indayi khubalia betsa inyuma wabu
Verse 130 — Surah As-Saffat 37:130
Omulembe kube khu Ilyas
Verse 131 — Surah As-Saffat 37:131
Toto endio nilwakhurunganga balia Abalayi
Verse 132 — Surah As-Saffat 37:132
Toto ye ali Mubasumba befu Abasuubila
Verse 133 — Surah As-Saffat 37:133
Ne toto Luti ali Mubarumwa
Verse 134 — Surah As-Saffat 37:134
Olwa khwamuhabina halala nende Abandu baye boosi
Verse 135 — Surah As-Saffat 37:135
Halali Omukhasi omushiele owali mubatong’a inyuma
Verse 136 — Surah As-Saffat 37:136
Mana nikhusishia abandi abo
Verse 137 — Surah As-Saffat 37:137
Ne toto enywe mubaburangakhwo mumabwibwi
Verse 138 — Surah As-Saffat 37:138
Nende eshilo, mana kho shimukharetsangakhwo mubwongo tawe
Verse 139 — Surah As-Saffat 37:139
Ne toto Yunus yali mulala khubarumwa
Verse 140 — Surah As-Saffat 37:140
Olwa yelushila muliaro litsule
Verse 141 — Surah As-Saffat 37:141
Mana nibasanjilana mumakhuwa, mana nikamukwiila
Verse 142 — Surah As-Saffat 37:142
Mana inyeni nimumila naye nali ufunaanibwa
Verse 143 — Surah As-Saffat 37:143
Ne akhayanga okhuba mubalia abetsoominjia Nyasaye
Verse 144 — Surah As-Saffat 37:144
Yakhamenyele munda mwayo okhuula inyanga yokhulamusibwa mubafu
Verse 145 — Surah As-Saffat 37:145
Mana nikhumusukuna khulukuku, naye nali omulwale
Verse 146 — Surah As-Saffat 37:146
Nenikhumumesilia omumela kwelihondo
Verse 147 — Surah As-Saffat 37:147
Ne khwamuruma khubandu iyelefu imia ndala nohomba bashilaho awo
Verse 148 — Surah As-Saffat 37:148
Mana nibasuubila nenikhubara mubwokholo okhula okhufwa khwabu
Verse 149 — Surah As-Saffat 37:149
Ne bareebe mbu: “ Nyasaye wuwo niye uli nende Abana abakhana nabo babe nende Abana abasiani
Verse 150 — Surah As-Saffat 37:150
Nohomba khwaloonga Abamalaika okhuba beshikhasi nabo nibalola
Verse 151 — Surah As-Saffat 37:151
Ne toto manya mbu khububeyi bwabu baboolanga mbu
Verse 152 — Surah As-Saffat 37:152
“Nyasaye yebula” ne toto obo ni obubeyi
Verse 153 — Surah As-Saffat 37:153
Oh, yalobola Abana beshikhana okhushila beshisiani
Verse 154 — Surah As-Saffat 37:154
Baane mulimurie? Mubusinjia murie
Verse 155 — Surah As-Saffat 37:155
Ohh shimuparangakhwo tawe
Verse 156 — Surah As-Saffat 37:156
Nohomba muli nende eshifune shiatoto
Verse 157 — Surah As-Saffat 37:157
Mana nakharerekhwo eshitabu shienyu (itaurati) nikali mbu muboolanga obwatoto
Verse 158 — Surah As-Saffat 37:158
Ne baraho okhwinjilana khwolwikho hakari waye nende Amajini, ne Amajini kamala okhumanya mbu toto (baboolanga bario) balikhung’asibwa (mumililo)
Verse 159 — Surah As-Saffat 37:159
Oluyali ni lwa Nyasaye , Nyasaye nomutswenufu muno khukabamuchishilanga
Verse 160 — Surah As-Saffat 37:160
Halali Abasumba ba Nyasaye Abatswenufu
Verse 161 — Surah As-Saffat 37:161
Mana enywe nende abamulamanga
Verse 162 — Surah As-Saffat 37:162
Shimunyala okhubakosia tawe
Verse 163 — Surah As-Saffat 37:163
Halali ulia ulinjila mumulilo
Verse 164 — Surah As-Saffat 37:164
Ne habulaho yesiyesi mwifwe halali alinende habundu wuwe amanyikhane
Verse 165 — Surah As-Saffat 37:165
Ne toto efwe nefwe khwemaanga olunyaali
Verse 166 — Surah As-Saffat 37:166
Ne toto nefwe betsoominjia
Verse 167 — Surah As-Saffat 37:167
Ne baliho balia baboolanga mbu
Verse 168 — Surah As-Saffat 37:168
‘‘Khubeetsangakhwo nende ametsulisio ka Abandu bakhale (bebitabu)
Verse 169 — Surah As-Saffat 37:169
Toto khwakhabeele Abasumba ba Nyasaye Abatswenufu.’’
Verse 170 — Surah As-Saffat 37:170
Halali (olwashitabu shiabetsela) bashikhaya mana hambi hano nibalole
Verse 171 — Surah As-Saffat 37:171
Ne toto likhuwa liefu liamala okhuranjilila khubasumba befu Abarumwa
Verse 172 — Surah As-Saffat 37:172
Mbu abo toto nibo balihabinwa
Verse 173 — Surah As-Saffat 37:173
Ne omukanda kwefu kwabalwani niko kulishila
Verse 174 — Surah As-Saffat 37:174
Kho baleshe butswa khubise ebititi
Verse 175 — Surah As-Saffat 37:175
Ne bahenje butswa, ahambi hano balitsa okhumanya
Verse 176 — Surah As-Saffat 37:176
Koo eshinyasio shia Nyasaye nishio shiabayungubasinjia
Verse 177 — Surah As-Saffat 37:177
Kho eshinyasio olwashilibeshela mushikuri, iliba itsuli imbi khubalia bekanyilisibwa
Verse 178 — Surah As-Saffat 37:178
Kho baleshesa khubise bititi
Verse 179 — Surah As-Saffat 37:179
Ne bahenje butswa nabo balitsa okhumanya
Verse 180 — Surah As-Saffat 37:180
Nyasaye Omulesi nomutswenufu muno okhurulana khukabamuchishilanga
Verse 181 — Surah As-Saffat 37:181
Ne omulembe kube Khubarumwa
Verse 182 — Surah As-Saffat 37:182
Ne oluyali lwoosi nilwa Nyasaye Omulesi wabiloonje bioosi