Back to Languages
Luyia - Chapter 38 - Sad
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah Sad 38:1
Swad. Nditsuba khu Ikurani eyili nende ametsulisio
Verse 2 — Surah Sad 38:2
Halali Abakhayi bali mwikhwilola nende obuyingani
Verse 3 — Surah Sad 38:3
Ni emikanda chinga chiakhwasishia imbeli wabu niboopa obuyoka , ne ebise biokhuwonibwa biali biburire
Verse 4 — Surah Sad 38:4
Ne bawuka mbu Omwikanyilisi okhurula mubo okhubetsela , mana nibaboola mbu: “uno ni Omulosi Omubeyi.”
Verse 5 — Surah Sad 38:5
Eh! akholele Abanyasaye okhuba Nyasaye mulala yenyene! Toto kano ni amakhuwa khokhuchenyia
Verse 6 — Surah Sad 38:6
Mana Abakhongo babu nibarula nibababoolela mbu: “mutsie mana mutinyesa Khubanyasaye benyu, toto endio nilwakenyekhana.”
Verse 7 — Surah Sad 38:7
Efwe shikhwawulilakhwo kano mushima shiefu shiokhumalilikha tawe, ne kano shineshindu tawe halali ni obuchishi butswa
Verse 8 — Surah Sad 38:8
Mbu niye butswa weshilibwa amekanyilisio mwifwe. Halali abo bali nende eshibeyibeyi khu amekanyilisio kanje, ne mana bashili okhupila eshinyasio shianje
Verse 9 — Surah Sad 38:9
Nohomba bali nende ebiachi bietsimbabaasi tsia Nyasaye wuwo Omulesi, Owa amani Khakaba
Verse 10 — Surah Sad 38:10
Nohomba bo bali nende obwami bwomwikulu nende khushialo nende ebili hakari wabio? Khomana banine tsinjila tsiokhutsia eyo
Verse 11 — Surah Sad 38:11
Oko niko omukanda kwabalwani kulishilwa mumikanda chilia chilishilwa
Verse 12 — Surah Sad 38:12
Bayingana inyuma wabu Abandu ba Nuhu, nende babu A’di nende Firaun owali nende ebiumbashe
Verse 13 — Surah Sad 38:13
Nende Thamud nende Abandu ba Luti nende Abandu bomumutsuru. Echo nichio emikanda
Verse 14 — Surah Sad 38:14
Abo boosi bayingasia Abarumwa mana nibakhoyeshela eshinyasio
Verse 15 — Surah Sad 38:15
Ne bano shiabalindangasa ni oluyoka lulala butswa olulali ehale tawe
Verse 16 — Surah Sad 38:16
Nabo baboolanga mbu: “Nyasaye wefu Omulesi khurerere eshinyasio shiefu inyanga yeyindukho nishili okhuula.”
Verse 17 — Surah Sad 38:17
Wisumilisie khukababoolanga ako, ne witsulile Omusumba wefu Daudi Owa amani. Toto ye yali omunji wokhusaba eshileshelo
Verse 18 — Surah Sad 38:18
Netoto khwahotselesia ebikulu halala ninaye nibitsoomia ingolobe nende mumabwibwi halala ninaye
Verse 19 — Surah Sad 38:19
Ne kata amayoni kakhung’asibwa emikanda nemikanda, koosi kali amehotselefu khuye
Verse 20 — Surah Sad 38:20
Ne nikhumeta amani obwami bubwe, ne nikhumuwa amachesi nende obumanyi bwokhubusia omuse
Verse 21 — Surah Sad 38:21
Ne koo wawulikhwo olukano lwabasoolani olwa bekalilwa okhwinjila munzu
Verse 22 — Surah Sad 38:22
Olwa benjila wa Daudi , naye nabaria, nibaboola mbu: “olaria tawe, efwe khuli abasoolani babili, mulala wefu akosele owashie, mana okhukabukhasie khubwatoto , ne olakwila elubeka tawe, ne okhulunjisie khunjila yo bwatoto
Verse 23 — Surah Sad 38:23
Toto uno ni Omusiani wefu, ali nende amakondi amakhasi amakhumi tisa nende tisa, nasi endisa nende likondi lilalasa lieshikhasi, mana aboolanga mbu :“mbelesie elilio elo ekhuruchile” (nasi shindenya tawe) ne yashilile khumakhuwa
Verse 24 — Surah Sad 38:24
Toto ye akholele obubii okhusaba likondi lilio okhumeta khukeke, netoto abeyisanga abanji bakholelanga obubii khubeene, halali balia basuubila mana nibakhola amalayi nenibatiti mubo. Mana Daudi nalola mbu khumukholeele amatemo, nasaba eshileshelo khu Nyasaye wuwe, mana nakwa hasi okhwihotselesia khu Nyasaye wuwe nende okhumukalushila
Verse 25 — Surah Sad 38:25
Mana nikhumuleshela ako, netoto ye alinende eshisaala eshikhongo nende habundu halayi alikalukha khwifwe
Verse 26 — Surah Sad 38:26
Ewe Daudi toto efwe khwakhukhola okhuba omulindi wefu khushialo, kho khalaka emise chia Abandu khubwatoto ne olalonda obwikombi bwomwoyo bwakhukosia khunjila ya Nyasaye , toto balia balekha injila ya Nyasaye abo balinyoola eshinyasio eshilulu khulwa okhubula oluchendo khwabu muyinyanga yokhubalilwa
Verse 27 — Surah Sad 38:27
Ne shiwalonga likulu nende eshialo nende ebili hakari wabio eshikhaya tawe. Ako ni amaparo kabakhayi. Bali nende eshinyasio eshilulu Abakhayi abo mumulilo kubalinyoola
Verse 28 — Surah Sad 38:28
Nohomba khukhole balia basubila babe shinga balia bakholanga amabii khushialo, nohomba khukhole abaria Nyasaye shinga abetsimbii
Verse 29 — Surah Sad 38:29
Eshitabu shino shakhwakhwishilia ewe shilimwo tsimbabaasi tsinyinji, kho banyoole okhupaara mutsinyaali tsiashio, ne bobwoongo banyoole okhuwulila
Verse 30 — Surah Sad 38:30
Ne khwahelesia Dawudi Suleiman yali Omusumba omulayi muno, toto ye yali omunji wokhukalushila Nyasaye
Verse 31 — Surah Sad 38:31
Olwa yarumilwa ingolobe tsifarasi tsiwulelanga nitsiemele, tsinyangu okhutsunukha
Verse 32 — Surah Sad 38:32
Mana naboola mbu : “esie ndachama ebindu ebilayi khulwa okhwitsulila Nyasaye wanje, mana (tsifarasi etso) nitsifisa inyuma weshikalilo. (Suleiman niyenya mbu atsilole khandi)
Verse 33 — Surah Sad 38:33
Mutsikalusie khwisie , mana nachaka okhutsitilakhwo mwikosi nende khubilenje
Verse 34 — Surah Sad 38:34
Mana nikhura Suleiman mumatemo, nenikhura omubili khushisaala shishie, mana nakalukha okhusaba eshileshelo
Verse 35 — Surah Sad 38:35
Naboola mbu: “Nyasaye wanje undeshele ne umbelesie obwaami bwo mundu wundi alalinyoola inyuma wanje tawe, toto ewe newe Omuwani.’’
Verse 36 — Surah Sad 38:36
Mana nikhukhola omuyeka okhumurumushila, kwachendanga khumunwa kukwe, hosi hosi ayenya okhuula
Verse 37 — Surah Sad 38:37
Mana nikhukhola amashetani okhumurumushila, koosi kombakhanga nende keyibilanga
Verse 38 — Surah Sad 38:38
Nende abaandi boboyungwa khuminyororo
Verse 39 — Surah Sad 38:39
Shino ni eshihanwa shiefu, kho mana rusia nohomba shitiile, shibula eshichelo
Verse 40 — Surah Sad 38:40
Ne toto ye ali nende oluyali okhwinjisibwa ewefu, nende habundu halayi muno wokhukalukha
Verse 41 — Surah Sad 38:41
Ne yitsulila Omusumba wefu Ayub, olwa yalanga Nyasaye wuwe mbu: “ toto esie shetani yanderere obusinyifu nende obusandi.”
Verse 42 — Surah Sad 38:42
Nyasaye namuboolela mbu : “sieba hasi eshilenje shishio (isebele nirundukha hasi awo) kho amatsi amanyifu ko khwisinga wisinje ngako, nende kokhunywa onywe.”
Verse 43 — Surah Sad 38:43
Mana nikhumuhelesia Abandu bebe nende abandi shinga abo, nende tsimbabaasi tsirula khwifwe, nende eshitsulisio khubaandu bobwongo
Verse 44 — Surah Sad 38:44
Ne bukula mumukhono kukwo olusaala , omukhupile (omukhaye wuwo khulwokhwitsuba khwa wetsuba- khumabii kayakhola) ne olafunaka eshitsubo tawe. Toto kwamunyoola nali Omwifwiili Omusumba Omulayi, toto yali Omwisumilisi muno
Verse 45 — Surah Sad 38:45
Ne yitsulila Omusumba wefu Ibrahim nende Is’haaq nende Yaqub bali ba amaani nende amachesi
Verse 46 — Surah Sad 38:46
Toto efwe khwabalobola khulikhuwa lilayi muno liokhwitsulila mwikulu
Verse 47 — Surah Sad 38:47
Ne toto abo bali khwifwe Mubandu abalobole abalayi
Verse 48 — Surah Sad 38:48
Ne yitsulila Ismail nende Alyasa nende dhil kifli ne abo boosi bali Mubandu abalayi
Verse 49 — Surah Sad 38:49
Kano ni ametsulisio ne toto bwene balia baria Nyasaye habundu wabu wokhukalukha aliba alayi muno
Verse 50 — Surah Sad 38:50
Emikunda chomwikulu echilaliwa, chilikulwa emiliango shichila bo
Verse 51 — Surah Sad 38:51
Omo baliyiekhamwo nibalaanga ebiamo ebinji nende ebinywebwa ebilayi po
Verse 52 — Surah Sad 38:52
Ne baliba nabakhaye babu abasangasia tsimoni , abolubaka lulala
Verse 53 — Surah Sad 38:53
Kano niko kamwalakwa [okhunyoola] inyanga yokhubalwa
Verse 54 — Surah Sad 38:54
Toto kuno niko umukabo kwefu okulawetsaanga tawe
Verse 55 — Surah Sad 38:55
Endio nilwakaliba netoto balia baruumanga olwakho amakalushilo kabu kaliba amabii
Verse 56 — Surah Sad 38:56
Jahannam balinjilamwo, nabo ni obukono obubii muno bwakhukonakhwo
Verse 57 — Surah Sad 38:57
Endio nilwakaliba mana banywemwo amatsi komulilo nende kamafila
Verse 58 — Surah Sad 38:58
Nende ebinyasio bindi ngabino ebinji
Verse 59 — Surah Sad 38:59
Kuno niko omukanda kulinjila halala ninanyu, balibula okhwinjisibwa obulayi, toto abo balinjila mumulilo
Verse 60 — Surah Sad 38:60
Baliboola mbu : “enywe nenywe mubula amwinjila halayi, nenywe mwachila nikhunyoola eshinyasio, kho muli Abandu ababii muno.”
Verse 61 — Surah Sad 38:61
Baliboola mbu: “ Nyasaye wefu balia bachila nikhunyoola kano bameete eshinyasio mara khabili mumulilo. “
Verse 62 — Surah Sad 38:62
Mana ababii balia balireeba mbu: “kabeele karie akhulalolanga Abandu bakhwabalilanga mubabii mumulilo kuno?”
Verse 63 — Surah Sad 38:63
Koo khwababayila nohomba tsimoni tsiefu nitsilalolanga
Verse 64 — Surah Sad 38:64
Toto kano okhusolana khuno khwa Abandu bomumuliro nitoto
Verse 65 — Surah Sad 38:65
Boola mbu: “esie endisa Omwikanyilisi, ne abulaho Nyasaye wundi owulali Nyasaye mulala Owamani muno. ”
Verse 66 — Surah Sad 38:66
Nyasaye welikulu nende eshialo nende bili hakari wabio Owamaani muno, Omunji weshileshelo
Verse 67 — Surah Sad 38:67
Boola kano ni amacheni amakhongo muno aka enywe mukhayanga
Verse 68 — Surah Sad 38:68
Ka enywe mubula ninako oluchendo. [enywe nanyu mukakhayanga]
Verse 69 — Surah Sad 38:69
Shindali nende obumanyi kebilonje ebikhongo bioluyali olwabiayingananga
Verse 70 — Surah Sad 38:70
Ndahebwa obufimbuli shichila esie endi Omwikanyilisi Owabulafu
Verse 71 — Surah Sad 38:71
Olwa Nyasaye wuwo yaboolela Abamalaika mbu: “esie enonjele Omundu okhurula khuliloba.”
Verse 72 — Surah Sad 38:72
Kho olwandalamukasia mana emufuramwo omwoyo okhurulana ninasi kho mumwinamile khukhumuwulila
Verse 73 — Surah Sad 38:73
Abamalaika boosi nibeenama- halala
Verse 74 — Surah Sad 38:74
Halali Iblisi yaba Omufuru mana naba mubakhayi
Verse 75 — Surah Sad 38:75
Nyasaye namureeba mbu ; “Ewe Iblis shina shikhukayiile okhwinamila khushienonjele nende emikhono chianje, ofurire nohomba oli mubakhongo?”
Verse 76 — Surah Sad 38:76
Shetani naboola ‘Esie endi omulayi okhumushila ye, waloonga esie okhurulana khu muliro naye nomulonga okhurula khuliloba.”
Verse 77 — Surah Sad 38:77
Nyasaye namuboolela mbu: “’mana rula muno ewe oli neshitsubo.”
Verse 78 — Surah Sad 38:78
Ne eshitsubo shianje shikhulikhwo okhula inyanga yomurungo
Verse 79 — Surah Sad 38:79
Iblis naboola: ‘Nyasaye wanje mbelesie obwiyangu ndalafwa tawe okhula inyanga yokhulamusibwa mubafu
Verse 80 — Surah Sad 38:80
Nyasaye namuboolela; ‘‘mana ekhuhelesiyie obwiyangu.’’
Verse 81 — Surah Sad 38:81
Okhula khubise bieyinyanga imanyishe
Verse 82 — Surah Sad 38:82
Iblis naboola mbu: ‘‘nditsuba khumaani koko toto nditsa okhukosia boosi [Abana ba Adam]”
Verse 83 — Surah Sad 38:83
Halali Abasumba bobo abatswenufu mubo
Verse 84 — Surah Sad 38:84
Nyasaye naboola mbu “Toto, ne emboola obwatoto
Verse 85 — Surah Sad 38:85
Ndiliitsusia Jahanam khu ewe nende balia boosi balikhuloonda mubo.”
Verse 86 — Surah Sad 38:86
Boola mbu “ esie shebareba omurungo kwosikwosi tawe nohomba esie shendi omunichilisia tawe
Verse 87 — Surah Sad 38:87
Kano ni ametsulisio butswa Khubandu
Verse 88 — Surah Sad 38:88
Ne toto mulamanya amacheni kaye ahambi hano