Luyia - Chapter 39 - Az-Zumar

Okhwishibwa khweshitabu shino khurulana nende Nyasaye Owamani Owamachesi muno

Toto efwe khwakhwishilia eshitabu shino khubwatoto, kho mulaame Nyasaye yenyene mubutswenufu khu Dini yiyie butswa

Toto Idini yabwene ni ya Nyasaye butswa, ne balia abeliindanga khu ulali Nyasaye nibaboola mbu: “ shikhubalamaanga tawe halali bakhusitie ahambi nende Nyasaye,” toto Nyasaye alibakabula khu kalia akabawukhananga. Toto Nyasaye shaluunjisinjia omubeeyi omukhayi tawe

Nyasaye yenyanga okhuba nende Omwana yakhaloboole mubiloonje bibie owayenya, oluyali ni olulwe, niye Nyasaye mulala ukholanga liayenya

Yaloonga likulu nende eshialo khubwatoto, ufuunikhanga eshiloo khushiteere, nende eshiteere khushiloo, mana nakhola eliuba nende omwesi mubiikhonyele , bioosi bichendanga khubise biarebwaho, manye mbu niye Owa amani Omulesheli muno

Yaloonga okhurula Khumundu mulala, mana namurusiamwo owashie, mana nabarerera ebiruche ebisatsa nende ebikhasi tsimbia munane, abaloonganga mutsinda tsia banyinenywe oshiloonje okhutsia khushindi, mubiilima bitaru. Oyo niye Nyasaye Omulesi wenyu, obwami nobubwe, abulaho Nyasaye wundi owulali ye tawe, kho nanyu mulinjibungwa heena

Ne Omundu nanyoola amasila kosikosi asaba Nyasaye wuwe namukalushila, ne namuhelesia tsimbabaasi okhurula ewuwe yebilila akayasabanga imbeli mana natsokasia Nyasaye nende Abanyasaye bandi mbu kho akosie Abandu khu injila yiye, wikhoye nende obukhayi bubwo hatiti, toto ewe oli mubaandu bomumulilo

Koo ulia ulaamanga eshilo Nyasaye wuwe niyeema niyenama mana naba noburi khu inyanga imalilishi, ne nasuubila okhunyoola tsimbabaasi tsia Nyasaye wuwe. Boola mbu:“ bakhaba nashilala abamanyile nende abalamanyile tawe, toto abachesi nibobetsulilanga.’’

Boola enywe Abasumba banje basuubila, murie Nyasaye wenyu Omulesi, balia bakhola amalayi khushialo khuno balinyoola amalayi, ne eshialo shia Nyasaye neshiyaangufu, toto abesumilisi balihebwa omurungo kwabu okhubura eshichelo

Boola mbu: “esie ndalomesibwa okhulaama Nyasaye mubutswenufu

Ne ndalomesibwa okhuba weyimbeli mubasalamu

Boola mbu: “ esie eritsaanga eshinyasio shie inyanga ikhongo nekhaya okhuloonda ka Nyasaye Omulesi wanje.”

Ni Nyasaye butswa wenaamanga nemutswenushila

Kho lame shia mwenya owulali Ye. Boola mbu: “toto balia abatiba mana nibatibia emioyo chiabu inyanga yeyindukho,” koo manye mbu, okho nikho okhutiba khwa habulafu

Baliba nende ebichelo biomulilo biawukhane hekulu nende hasi wabu, endio nilwa Nyasaye arisia Abandu bebe, enywe abasumba banje muurie

Ne balia basita ehale khubulaami bwobukori mana nibamukalushila Nyasaye, basuubisibwa obulayi imbeli wa Nyasaye , subisia Abasumba banje

Balia bawulilanga likhuwa mana nibaloonda lilia lilayi lialio, abo nibo ba Nyasaye yalunjisia, ne abo nibo bamachesi

Ne ulia okhoyeshele okhunyoola omurungo kweshinyasio, ewe olinobunyali bwokhuhabina uli mumulilo

Halali balia baria Nyasaye wabu balinyoola tsigorofa ebikoro biombakhwa hekulu webindi, emialo chiburanga hasi wabio, indache ya Nyasaye ne Nyasaye shanyala okhwima shiayakhulaka tawe

Koo shololangakhwo shinga Nyasaye yeshinjia amaatsi okhurula mwikulu, mana nakabusia mutsindoto mwiloba, mana namesilia emimela chikabukhane obukondo, mana chiume chikalukhane chibe namabuyu, mana achikhole amasakaria , toto mu ako khulimwo nende eshitsulisio khubandu bamachesi

Koo ulia wa Nyasaye yafungula eshilifu shishie khubuisilamu, mana naba mubulafu bururulanga ewa Nyasaye Omulesi ( bakhaba nashilala nende ulia womwoyo omumu?) eshinyasio eshikhongo shili khubemioyo emiumu chaletsulilanga Nyasaye, abo bali mubukori obwa habulafu

Nyasaye yeshia amakhuwa amalayi muno , eshitabu shietsinyaali tsifwanana tsiakalushilwa, tsirenjinjia emibili chia balia abaria Nyasaye wabu Omulesi, mana nitsikololosia emibili chiabu nende emioyo chiabu khukhwitsulila Nyasaye, obo nibo obulunjifu bwa Nyasaye alunjisinjia khubwo owayenya, ne owa Nyasaye alekha abulaho umulunjisia

Koo ulia wo bweni bubwe bulibukanana nende eshinyasio eshibii inyanga yeyindukho (aliba nashilala nende abalayi?) mana ababii baliboolelwa mbu: “ pile kalia kamwakholanga.”

Bakhaya balia abali imbeli wabu mana eshinyasio nishibetsela munjila yabalamanyile tawe

Mana Nyasaye nabakhofia eshinyasio shiobuteshele, ne eshinyasio shieyinyanga yeyindukho neshikhongo muno, bamanyanga khwo

Ne toto khwachelasilia Abandu mu Kurani ino buli imbia yamachelasio kho banyoole okhwitsulila

Ikurani yolwarabu ibulamwo tsingatsio khobanyoole okhuria Nyasaye

Nyasaye achelasia Omundu uli nende Abaami bakholelanga halala basolananga, nende Omundu uli nende Omwami mulala, koo bakhaba nashilala? Oluyali lwoosi nilwa Nyasaye, halali obunji bwabu shibamanyile tawe

Toto ewe olifwa nabo boosi balifwa

Mana toto enywe imbeli wa Nyasaye wenyu Omulesi mulisoolana, inyanga yeyindukho

Kho niwina omwonooni muno okhushila ulia owakatilia Nyasaye , ne nakhaya obwatoto nibumwitsile , koo Jahannamu shinishio eshimenyo shiabakhayi

Ne ulia owarera obwatoto mana nabutinyisia , abo nibo abaria Nyasaye

Balinyoola biabeenya imbeli wa Nyasaye, oko niko omurungo kwabakholi abamalayi

Kho Nyasaye abaleshele amabii kabakhola, ne abarunje omurungo kwabu khulwa amalayi kabakholanga

Koo Nyasaye shali uyela Omundu wuwe tawe? Ne bakhurisinjia khubalia abalali ye tawe, ne owa Nyasaye alekha oyo obulaho omulunjisia

Ne Owa Nyasaye alunjisia shali nende umukosia tawe, Nyasaye shali Owamaani Oweyimongo?(wokhurunga likhobo)

Ne nobareeba mbu niwina waloonga likulu nende eshialo, balaboola mbu : “ni Nyasaye” boola mbu : “koo mulola murie biamulaamanga ebilali Nyasaye, Nyasaye niyenya okhuwumisia aba nyasaye abo banyala okhwihabina, nohomba nabenyenyela tsimbabaasi bo bakhekalila tsimbabaasi tsitsie? Boola mbu: “Nyasaye yambela ne khuye bamwisiche bokhumwisika.”

Boola mbu: “ enywe Abandu banje khole shinga kamunyala esie siesi ekholanga, mulitsa okhumanya.”

Ni wina olinyoola eshinyasio shietsisoni nende ulia uliba mushinyaasio shilaliwa

Toto khwakhwishilia eshitabu khulwa abandu boosi nende khubwatoto, kho ulia ulunjikha nikhulwa omwoyo kukwe, ne ulia ukora ne toto kalikhuye , ne ewe sholi omulindi wabu tawe

Nyasaye abukulanga emioyo ebise biokhufwa khwachio, ne chilafwile ebise biokhukona khwachio, ne atiila chilia echiahandichilwa okhufwa, ne akalusia echindi okhula ebise biachio biachahandichilwa, toto mu ako khulimwo nende ameeko Khubandu baparanga

Nohomba nibo bekhola ababasabila imbeli wa Nyasaye, boola mbu: “ kata bo babula obunyali bwa shiosi shiosi, ne shibulaho shabamanyile

Boola mbu: “ obulesheli bwoosi ni bwa Nyasaye obwami bwomwikulu nende khushialo nobubwe mana ewuwe niwo omulikalusibwa.”

Ne Nyasaye narumbulwa yenyene emioyo chiabalia abalasuubila tawe chisiukha, ne abandi nibarumbulwa abalali ye obalola nibasangala

Boola mbu: “ewe Nyasaye wanje owaloonga likulu nende eshialo Omumanyi wakalalolekhanga tawe nende kalolekhanga , ewe newe uliawukhasia hakari wabasumba bobo khukalia akabakabukhananga

Ne abamabii babetsanga nende bioosi bili mushialo nende khandi ebindi shinga ebo, toto bakhabirusiye okhwinunula , okhurulana nende eshinyasio eshibii shieyinyanga yeyindukho. Ne kabaliloloshela ewa Nyasaye kalia akabalali niberecheshele tawe

Ne bulibaloloshela obubii bwakabakholanga, mana kalibabotokhana kabatseshelelanga

Ne Omundu nanyoola amasila akhusaba efwe, mana nikhumuwa tsimbabaasi tsirula khwifwe, aboola mbu : “toto esie ehelesibwe kano okhurulana nende amachesi kanje” halali ako ni amatemo habula Abandu abanji shibamanyile tawe.”

Toto baboola ako balia bali imbeli wabu mana shikabakhonyakhwo akabakholanga tawe

Mana obubii bwakabakhola nibubanyoola , ne balia abetsimbi mubano kalibanyoola amabii kabakhola, nabo shibalishila tawe

Koo shibamanyile mbu Nyasaye akabanga emikabo mubunji nende khushichelo owayenya, toto mukano khulimwo nende ameeko khubandu basuubila

Boola mbu: “enywe Abasumba banje bakholelaobubiiemioyochiabu, mulawesiakhwo omwoyo khutsimbabaasi tsia Nyasaye tawe, toto Nyasaye aleshelanga ebionoono bioosi, toto ye niye Omulesheli muno Omukoosia po.”

Mukalushile Nyasaye wenyu Omulesi mana mwilekhule khuye, eshinyasio nishishili okhubetsela mana mukhaye okhuhonokokha

Ne loonde amalayi muno akamweshilibwa okhurula khu Nyasaye wenyu Omulesi, eshinyasio nishishili okhubapwoka nanyu nimulamanyile tawe

Mana omwoyo kuletsa kwaboola mbu: “ abayie ndiyitsulisia khukambura ewa Nyasaye, ne toto esie ndali mubokhwikoyania”

Nohomba kuboole mbu: “ Nyasaye yanunjisinjia ndakhabeele mubalia bamuria”

Nohomba kuboole ebise bieshinyasio mbu: “ abayie nengalusibwayo nemba mubandu abalayi”

Shikanyalikhana tawe, toto ebimanyiso bianje biakhwitsila mana nobikhaya nofura noba mubakhayi

Ne inyanga yeyindukho olilola balia bakhaya ka Nyasaye wabu obweni bwabu nibumaliye, koo mu Jahannamu shinishio eshimenyo shiabafuru

Ne Nyasaye alihonia balia bamuria, khulwokhubura khwabu, shibalinyoolwa nobubii bwosi bwosi tawe, nohomba shibalibeelela tawe

Nyasye niye waloonga buli eshindu naye niye omulindi wa buli eshindu

Niye uli nende tsifunguo tsielikulu nende eshialo ne balia bakhaya ebimanyisio bia Nyasaye abo nibo balitiba

Boola “owulali Nyasaye niye wamunomesinjia okhulaama enywe Abasilu?”

Ne toto wafimbulilwa nende balia abaliho imbeli wuwo mbu : “notsokaasia Nyasaye ebikhole bibio bioosi bilakwa akhaya, ne toto oliba Mubandu basikha.”

Halali laama butswa Nyasaye mana obe mubalia bakhupanga orio

Ne shibamuwa Nyasaye oluyali shingala kenyekhana tawe, ne eshialo shiosi shiliba mumukhono kukwe, ne likulu lilikanyakanywa liaba mumukhono kukwe omulunji, oluyali ni olulwe Owekulu nomutwenufu khukabamutsokaasinjia ninako

Ne olwika lulikhupwa mana bifwe bioosi ebili mwikulu nende khushialo halali ulia wa Nyasaye alichama, mana khandi lulikhupwa olundi mana boosi balibukha nibahenga

Mana eshialo shiliakha khubulafu bwa Nyasaye washio Omulesi, ne eshitabu shilirerwa, ne Abarumwa balirerwa nende Abaloli, mana barungwe omurungo kwa toto nabo shibalikholelwa obubii tawe

Mana buli shiamundu alirungwa kayakholanga , naye (Nyasaye) yamanya muno kabakholanga

Ne abakhayi baliyilwa mujahannamu mumikanda, okhula shingala balikuulakhwo, mana emiliango chakwo chiikulwe Abalindi bakhwo balireeba mbu: “ koo Abarumwa shibabetselakhwo tawe okhurula mwinywe? Nibabasoomela tsinyaali tsia Nyasaye wenyu Omulesi, nibekanyilisia okhubukanana nende inyanga yenyu ino?” baliboola mbu: “kali kario halali likhuwa lieshinyasio liatinyisibwa khubakhayi.”

Baliboolelwa mbu: “ injile mumuliango chia Jahannamu mumenyemwo tsinyanga tsiosi” ni eshimenyo eshibii shirie khubafuru

Ne abaria Nyasaye wabu Omulesi baliyilwa mwikulu mumikanda, okhula shingala baliulakhwo mana emiliango nichikulwa mana Abalindi bakwo baliboola mbu : “ omuleembe kube ninanyu, muli abalayi, injilemwo mumenyemwo tsinyanga tsiosi.”

Baliboolambu:“oluyalilwoosi nilwa Nyasaye ukhuhelesiye kayakhulaka, akhulesheele eshialo khumenya mumikunda shingala khwenya . Ne ni omurungo omulayi kuli kurie khubakholi (bamalayi)

Ne olilola Abamalaika nibabotokhana eshisala shia Nyasaye Omulesi, nibetsominjia nibafumia oluyali lwa Nyasaye Omulesi wabu mana balirungwa khubwatoto, ne baliboola mbu: ‘’ oluyali lioosi nilwa Nyasaye Omulesi webiloonje bioosi.”