Luyia - Chapter 43 - Az-Zukhruf

Ha Mim

Nditsuba khushitabu shinoosinjia

Toto efwe khwakhola Ikurani mulwarabu kho munyoole okhumanya

Ne toto eyo ili nende amaandiko karula khwifwe, niyoluyali eyamachesi

Koo khuleshe okhubetsulisia mana khwibilile, mbu shichila muli Abandu babura eshichelo

Ne ni Abarumwa benga bakhwaranjilila okhuruma khubandu bakhale

Ne abulaho Omurumwa yesiyesi wabetselanga okhuula bamukholelanga omubayo

Ne khwasishia balia abali nende amaani okhushila bo. Ne okhuchelaasia khwa Abandu ba khale khwamala okhubura

Ne nobareba mbu: “ niwina waloonga likulu nende eshialo?” Toto balaboola mbu: “wabiloonga Owamaani Omumanyi muno”

Ulia wabakwalasilia liloba shinga obulili, nabarereramwo tsinjila khomunyoole okhulunjikha

Niye wishinjia amaatsi okhurula mwikulu khushichelo, nikhulamusilia liloba liafwa, ne endio nilwa mulirusibwamwo

Ne niye owaloonga buli eshindu eshisatsa nende eshikhasi, mana nabakasilia ebininwamwo biomumaatsi, nende tsisolo tsiamuninangakhwo

Kho mwikhale obulayi khu mikongo chiatsio, mana mwitsulile tsimbabaasi tsia Nyasaye wenyu, nimwakhamala okhwikhalakhwo obulayi, mana muboole mbu: “uluyaali nilwa ulia owakhukwalasilia bino mbu khwikhonyele, ne shikhwakhakholele abeene kano tawe .”

Ne toto khulikalukha ewa Nyasaye wefu Omulesi

Ne bamukholelenga mubasumba bebe omukabo, toto Omundu nomukhayi owahabulafu Owetsimbabaasi tsia Nyasaye

Nohomba yebukulila Abana abakhaana mubiloonje bibie biayaloonga, mana nabawulila enywe Abana abasiani

Ne yesi yesi mubo naboolelwa khukabachelasinjiakhwo Nyasaye , obweni bubwe bumaliyanga ne yetsulamwo oburuma

Koo ulia wakhusibwa muburone, ne shanyala okhuboola niyenoosia tawe

Ne bakhola Abamalaika abaali abasumba ba Nyasaye okhuba abakhasi! Koo balolakhwo okhulongwa khwabu? obuloli bwabu bulihandikwa ne balireebwa

Ne baboolanga mbu: “ Nyasaye yenyanga efwe shikhwakhabalaamile tawe.” Shibamanyile ako tawe. Babula liababoola halali obubeyi butswa

Khwabahelesiakhwo eshitabu imbeli wa shino? Mana batilananga ninashio bashiloondanga

Halali baboola mbu: “toto efwe khwanyoola bapapa befu nibaloondanga idini yabu yabalobola kho efwe khuloondanga mubilenje biabu.”

Ne endio shikhwarumakhwo embeli wuwo omwikanyilisi mulukongo lwosi lwosi halali balia bali mubwokholo baboola mbu: “efwe khwanyoola bapapa befu nibaloondanga idini yabu yabalobola nafu khuloondanga mubilenje biabu”

Naboola mbu: “kata nebarerera kobulunjifuobulayiokhushilabiamwanyoola basenywe Nibali ninabwo?” nibaboola mbu: “efwetoto khukhayilesa akamwarumwa ninako ako.”

Mana nikhubatila khumabii kabakhola, kho hengakhwo, indukho yabakhayi shingala yali

Ne olwa Ibrahim baboolela Samwana nende Abandu bebe mbu; “ toto esie endi ehale nenda kamulaamanga ako.”

Halali ulia owalonga niye ulalunjisia

Ne nekhola lino okhuba likhuwa liatong’a khwulwibulo lulwe, bakhababario banyoola okhukalukha

Halali khwasangasia bano nende abebusi babu okhula shiga obwatoto bwaboolela nende Omurumwa Omwinoosi

Ne olwa obwatoto bwaboolela baboola mbu: “ buno ni obulosi ne efwe toto khubukhayile”

Ne nibaboola mbu: “shichila shina Ikurani ino nileshela khumundu omukhongo mumatokho amakhongo kabili kano?”

Nohomba abo nibo bakabanga tsimbabaasi tsia Nyasaye wuwo Omulesi? Efwe khwabakabila obulamu bwabu bwokhushialo hakari wabu, ne nikhuninia abaandi okhushila abaandi khubichelo, kho abaandi banyoole okhukholela abaandi emilimo, ne tsimbabaasi tsia Nyasaye wuwo tsishila bioosi biabakhung’asinjia

Ne Abandu bakhaya okhuba omukanda mulala, khwakhakholele balia abakhaya Nyasaye tsinzu tsiabu okhuba nende eshitsafu sheifedha, nende tsingasi tsiabu tsiosi tsiabaninilanga

Nende emiliango chietsinzu tsiabu nende ebitanda biabayiekhangakhwo

Nende oburone. Halali ako shinishiosi shiosi tawe, halali ni omwikhoyo kwobulamu bwomushialo muno butswa, ne mwikulu ili ewa Nyasaye wuwo Omulesi niyabalia abaria Nyasaye

Ne ulia wikhola omuwofu khumakhuwa ka Nyasaye, khulamukholela Shetani abe omwitsa wuwe

Ne totobo babekalilanga injila, ne abeene baparanga mbu balunjika

Okhula shinga balikhwitsila baliboola mbu: “ oh manyanga oba ehale ninasi shinga ebukwe nende mumbo, oli omwitsa omubii muno.”

Ne khulwokhuba mbu mwakhola obubii, shibulaho shilabakhoonya enywe olwalelo mbu musanganga mwesi mushinyasio

Koo onyala okhukhola abekala amarwi bawulila, nohomba onyala okhulunjisia abawofu bali mubukori bwahabulafu

Ne kata nikhukhuhiniaho, efwe khwitsa okhubahelesia likhobo liefu khubo

Nohomba khulakhwechesia akakhwabalaka, nafu toto khuli nende obunyali khubo

Mana tilana nende akawafimbulilwa , toto ewe oli khunjila ingololofu

Netoto kano ni ametsulisio khwiwe nende khubandu bao, ne mulitsa okhurebwa

Ne reba Abakhwaruma imbeli wuwo mubarumwa befu, koo khwakhola abanyasaye bandi balamwe balali Owetsimbabaasi ? (Nyasaye)

Ne toto khwaruma Musa nende ebimanyisio biefu khu Firaun nende aboluyali baye, mana naboola mbu: “ esie endi Omurumwa wa Nyasaye Omulesi webilonje biosi” israeil

Olwa yabetsela nende ebimanyisio biefu bachaka okhumutseshela

Ne shikhwabechesia eshimanyisio shiosi shiosi halali eshikhongo muno okhushila eshindi, mana nikhubatila khushinyasio kho banyoole okhukalukha

Nibaboola mbu: “enywe Abalosi, khusabile Nyasaye indache yayakhulaka,(nakhurusiliaho eshunyasio shino luno) efwe toto khulalunjikha.”

Olwa khwabarusiliaho eshinyasio esho, habwene nahabwene nifunaka indache

Firaun nalaanga Abandu bebe nababoolela mbu: “enywe Abandu banje shendi Omwami welitokho lia Misri, ne emialo chino chiburanga hasi wanje, koo shimulolngakhwo tawe?”

Nohomba esie shendi noluyali okhushila omutakha uno, ulanyala okhurusia amakhuwa obulayi tawe

Ne shichila shina nakhaya okhufwala ebindu bieyidhahabu, nohomba yetse nende Amalaika halala ninaye bokhumukhoonya

Mana nabayila Abandu bebe mana nibamufuchilila, toto abo bali Abandu abakori

Olwa bakhusinyisia khwabatila obutinyu mana nikhubasishia mumaatsi boosi

Ne nikhubakhola okhuba abaranjilili nende eshilolelo khubandu beyinyuma

Ne olwa Omwana wa Mariam yachelasibwa (nende Adam) Abandu bo boopa oluyoka

Mana nibaboola mbu: “ Abanyasaye befu shini abalayi okhushila ye tawe? Ne shibakhuchelasilia bario tawe halali amayinji butswa, ne abo ni Abandu bokhusolana

Ne khwenyanga khwakharerere Abamalaika khushialo nibaloondana

Ne toto ye (yesu) ni eshimanyisio shieyinyanga yeyindukho. mulakanakana tawe, ne munoonde khwo, ino niyo injila ingolofu

Ne Shetani alabekalila tawe, toto ye ni Omusuku wenyu owa habulafu

Ne olwa Yesu yetsa nende ebifune biahabulafu, yaboola mbu: “ abeetsele nende amachesi nende okhubenoosilia kalia akamukabukhanangamwo, kho murie Nyasaye mana muwulile.”

Toto Nyasaye niye Omulesi wanje nende Omulesi wenyu, kho mumulaame sa yenyene ino niyo injila ingololofu

Mana emikanda nichikabukhana abeene khubeene, abaane khubalia bakhola amabii khushinyasio shieyinyanga indulu

Koo shina shiabaliindanga, halali indukho iliitsa mubwifisi nabo nibalamanyile tawe

Abeetsa inyanga eyo baliba Abasuku, abeene khubeene, halali balia abaria Nyasaye

Enywe Abasumba banje, shimulaba noburi inyanga yino tawe , neshimulabeelela tawe

Balia Abasuubila ebimanyisio biefu mana nibelekhuula khu Nyasaye. (nibaba abasalamu)

Injile mwikulu enywe nende abakhaye benyu musangasibwemwo

Balibotokhanilibwa ebisanda nende ebikaye bie idhahabu, ne bilibamwo bia omwoyo kwikomba nende ebisangasia tsimoni, ne enywe mulimenyamwo tsinyaanga tsioosi

Eyo niyo mwikulu (janna) amulihebwa khukamwakholanga

Mulibaamwo nende ebiamo ebinji biamulilia

Toto abetsimbi baliba mushinyasio shia Jahannam tsinyanga tsioosi

Shibalihulusibwa khushinyasio esho tawe, ne omo baliwesiakhwo omwoyo. (okhurulamwo)

Ne shikhwabakholela amabii tawe halali boo abeene nibo bali abamabii

Ne balikhupa oluyoka nibalanga: “ewe Malik! Boolela Nyasaye wuwo akhufwisie’’ naye alibaboolela mbu: “enywe toto omo butswa nimwamulamenya.”

Toto khwabetsela nende obwatoto halali obunji bwenyu mwali mwakhaya obwatoto

Nohomba babusia amalako kabu, ne toto nefwe babusinjia

Nohomba baparanga mbu efwe shikhuwulilanga akobwifisi nende kokhumonyana kabu tawe? Eeh tawe, abarumwa befu bali ninabo bahandikanga kabakholanga

Boola mbu: “ Nyasaye abetsanga nende Omwana nesie wakhabeele weyimbeli okhumulaama.”

Ni woluyali Nyasaye Omulesi welikulu nende eshialo, Nyasaye Omulesi weshisaala, khu koosi kabamureetsangakhwo

Ne baleshe bokoyaane nibabaya okhula shinga balinyoolana nende inyanga yabalakwa

Naye niye Nyasaye uli mwikulu nende Nyasaye uli mushialo naye niye Omuchesi Omumanyi muno

Ni woluyali ulia owuli nobwami bwomwikulu nende mushialo nende biosi bilimwo, ne niye uli nobumanyi bwebise bieyindukho ne ewuwe ni amulikalusibwa

Ne abamulaamanga abalali ye babula obunyali bwokhubasabila Omundu eshileshelo. Halali ulia wobuloli bwatoto nabo bamanya

Nenobareeba mbu niwina wabaloongabo, ? toto bweene balaboola mbu ni: “ Nyasaye” kho ni hena abakalukhanibungwa

Ne okhuboola khukhwe (Omurumwa) mbu : “Nyasaye wanje Omulesi bano ni Abandu balasuubila tawe.”

Baleshele ne obaboolele amakhuwa komuleembe. Baliitsa okhumanya