Back to Languages
Luyia - Chapter 52 - At-Tur
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah At-Tur 52:1
Nditsuba khulukulu lwa Tur
Verse 2 — Surah At-Tur 52:2
Nende khushitabu shiahandikwa
Verse 3 — Surah At-Tur 52:3
Khuliseelo liabambulwa
Verse 4 — Surah At-Tur 52:4
Nende khunzu yombakhwa
Verse 5 — Surah At-Tur 52:5
Nende khushitsafu shiachingulwa
Verse 6 — Surah At-Tur 52:6
Nende khunyanza yetsula
Verse 7 — Surah At-Tur 52:7
Toto eshinyasio shia Nyasaye wuwo Omulesi shilibaho
Verse 8 — Surah At-Tur 52:8
Abulaho ulishikalila
Verse 9 — Surah At-Tur 52:9
Inyanga yelikulu lilirenga okhurenga khwene
Verse 10 — Surah At-Tur 52:10
Ne tsingulu lwatsilikulukha bukulukha
Verse 11 — Surah At-Tur 52:11
Eshinyasio eshikhongo inyanga eyo shiliba khubayingani
Verse 12 — Surah At-Tur 52:12
Balia babayanga mumakhuwa kobusilu
Verse 13 — Surah At-Tur 52:13
Inyanga yabaliluumwa mumulilo obutinyu
Verse 14 — Surah At-Tur 52:14
Baliboolewa mbu: “Kuno niko omulilo kwa mwaingananga.”
Verse 15 — Surah At-Tur 52:15
Koo buno ni obulosi nohomba shimulolangasa tawe
Verse 16 — Surah At-Tur 52:16
Injilemwo, mwifwile nohomba mukhaye okhwifwila ninashilala, toto enywe murungungwa kamwakholanga
Verse 17 — Surah At-Tur 52:17
Toto balia baria Nyasaye baliba mwikulu mumikunda nende mubwokholo
Verse 18 — Surah At-Tur 52:18
Nibasangalila khuka Nyasaye wabu abahele, ne Nyasaye wabu alibahonokosia khu shinyasio shiomulilo
Verse 19 — Surah At-Tur 52:19
Lie ne munywe mumwikhoyo khukalia kamwakholanga
Verse 20 — Surah At-Tur 52:20
Ne baliyekha khubifumbi bwoluyali, bilondokhane khulunyaali, ne khulibabashila Abakhana bomwikulu (Hurul ain)
Verse 21 — Surah At-Tur 52:21
Ne balia basuubila mana olwibulo lwabu nilubaloonda khukhusuubila khulibabukanania, ne shikhulibalemilia khubikhole biabu shiosishiosi tawe, buli Omundu alirungwa shiayakhola
Verse 22 — Surah At-Tur 52:22
Ne khulibametela buli imbia yebiamo nende yeyinyama shingala benya
Verse 23 — Surah At-Tur 52:23
Balihelesaniamwo tsigilasi tsilimwo eshinywebwa shibulamwo eshifwabi nohomba obwonooni
Verse 24 — Surah At-Tur 52:24
Ne Abakholi babu balibabotokhana, bang’enang’ena opara mbu ebisole bifunikhwe mugilasi
Verse 25 — Surah At-Tur 52:25
Ne balihengana nibareebana
Verse 26 — Surah At-Tur 52:26
Baliboola mbu: “Toto efwe khwali khale nabandu befu nikhwaria.”
Verse 27 — Surah At-Tur 52:27
Mana Nyasaye nakhukhonya, nakhuhonia okhurulana nende eshinyasio shiomulilo
Verse 28 — Surah At-Tur 52:28
Toto efwe khwamulanganga Ye yenyene butswa. Toto ye niye omulayi wobukoosia
Verse 29 — Surah At-Tur 52:29
Kho yitsulisia, ne khutsimbaasi tsia Nyasaye wo sholi Omulosi nohomba Omulalu tawe
Verse 30 — Surah At-Tur 52:30
Nohomba boboolanga mbu uno ni omukaasia wetsinyimbo, wakhulindanga lifwa limuulile
Verse 31 — Surah At-Tur 52:31
Boola mbu: “Lindilisie toto esie siesi endi halala ninanyu mukhulindilisia.”
Verse 32 — Surah At-Tur 52:32
Nohomba amaparo kabu niko kabarumanga kario, nohomba bo ni Abandu abafuru butswa
Verse 33 — Surah At-Tur 52:33
Nohomba baboolanga mbu: “wakasia kano!” halali bo shibasuubilangasa tawe
Verse 34 — Surah At-Tur 52:34
Mana barere amakhuwa shinga kano, nikali mbu baboolanga akatoto
Verse 35 — Surah At-Tur 52:35
Nohomba shibaalongwa okhurula khu shiosi shiosi tawe, nohomba bo nibo baloonga
Verse 36 — Surah At-Tur 52:36
Nohomba nibo baloonga likulu nende eshialo? Halali babula obulaamba
Verse 37 — Surah At-Tur 52:37
Nohomba bali nende libishilo lia Nyasaye wuwo, nohomba nibo bali nobunyali
Verse 38 — Surah At-Tur 52:38
Nohomba bali netsingasi tsiokhurechelesiakhwo? mana omurechelesi wabu oyo arere ebifune bilolekha
Verse 39 — Surah At-Tur 52:39
Nohomba Nyasaye ali nabakhana nanyu muli nabasiani
Verse 40 — Surah At-Tur 52:40
Nohomba abarebanga bakhurunge nabo bali nende obuleemu bwo murungo oko
Verse 41 — Surah At-Tur 52:41
Nohomba bamanyile akefisa mana bakahandika
Verse 42 — Surah At-Tur 52:42
Nohomba benyanga okhukholela amatemo? Halali balia bakhaya nibo abalenjila mumatemo
Verse 43 — Surah At-Tur 52:43
Nohomba bali nende Nyasaye wundi owulali Nyasaye? Nyasaye nomutswenufu khubia bamutsokasinjia ninaye
Verse 44 — Surah At-Tur 52:44
Ne nibalolanga lileesi lieshinyasio nilikwa okhurula hekulu, bakhaboolele mbu ni amalesi kachingane
Verse 45 — Surah At-Tur 52:45
Ne baleshe okhuula lwabalibukaanana nende inyanga yabu yabalisishibwa
Verse 46 — Surah At-Tur 52:46
Inyanga yamarechekho kabu shikakhabakhoonye shiosi shiosi tawe, ne shibalihabinwa tawe
Verse 47 — Surah At-Tur 52:47
Ne toto balia abakhola amabii, balinyoola eshinyasio shindi shilali shino tawe, ne abaanji mubo shibamanyile tawe
Verse 48 — Surah At-Tur 52:48
Ne linda okhubusia khwa Nyasaye wuwo Omulesi, toto ewe oli mutsimoni tsiefu, ne mutswenule khulwokhumwitsomia Nyasaye wuwo Omulesi olwa oba niwema
Verse 49 — Surah At-Tur 52:49
Ne eshilo khandi omwitsoomie nende olwe tsing’ining’ini tsitsia