Back to Languages
Luyia - Chapter 53 - An-Najm
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah An-Najm 53:1
Nditsuba khu ing’iningini olwa ikhamiukhanga
Verse 2 — Surah An-Najm 53:2
Owashienywe uno shiyakora tawe nohomba shiyetsukhanila tawe
Verse 3 — Surah An-Najm 53:3
Ne shaboolanga khubwikombi bubwe tawe
Verse 4 — Surah An-Najm 53:4
Halali ni obufimbuli bwafimbulilungwa
Verse 5 — Surah An-Najm 53:5
Yechesibwa nende Owamani amanji
Verse 6 — Surah An-Najm 53:6
Owakukhanga niyewotselesia
Verse 7 — Surah An-Najm 53:7
Naye ali hekulu muno
Verse 8 — Surah An-Najm 53:8
Mana owitsanga ahambi niyekha
Verse 9 — Surah An-Najm 53:9
Naba hambi shinga akari wemikhono chibili nohambo ahambi muno
Verse 10 — Surah An-Najm 53:10
Mana namufimbulila Omusumba we ubufimbuli
Verse 11 — Surah An-Najm 53:11
Omwoyo shikwaboola obubeyi khukakwalolo tawe
Verse 12 — Surah An-Najm 53:12
Koo mumuyingasinjia khukayalola
Verse 13 — Surah An-Najm 53:13
Mana toto namulola khandi
Verse 14 — Surah An-Najm 53:14
Mushisina shio musaala ( mkunazi) kwo khu malilikha
Verse 15 — Surah An-Najm 53:15
Ahambi nende omusaala oko, kuliwo omukunda kwamenywamwo
Verse 16 — Surah An-Najm 53:16
Olwa kwafimbwa omusaala oko nende shiakufiimba
Verse 17 — Surah An-Najm 53:17
Tsimoni shitsiesundukha tawe nohomba shitsiabura eshichelo tawe
Verse 18 — Surah An-Najm 53:18
Toto yalola ebimanyisio ebikhongo bia Nyasaye wuwe Omulesi
Verse 19 — Surah An-Najm 53:19
Koo mwalolakhwo Laata nende Uzza
Verse 20 — Surah An-Najm 53:20
Nende Manata, owundi wakhataru
Verse 21 — Surah An-Najm 53:21
Koo nenywe muli nabasiani Naye alinabakhaana
Verse 22 — Surah An-Najm 53:22
Toto okho ni okhukaba okhubi
Verse 23 — Surah An-Najm 53:23
Ako namerasa kamwakulikha enywe nende basenywe, Nyasaye shiyeshiakhwo shiosi shiosi khumeera ako tawe. balondangasa amaparo nende shie mioyo chiabu chienya, ne toto abulunjifu bwabetsela okhurula khu Nyasaye wabu
Verse 24 — Surah An-Najm 53:24
Mbu Omundu anyoolanga shia yekombanga
Verse 25 — Surah An-Najm 53:25
Nyasaye sa niye mwene eshialo nende mwikulu
Verse 26 — Surah An-Najm 53:26
Ne ni Abamalaika benga bali mwikulu, abokhusabila khwabu shikhulikhoonya yesi yesi tawe, halali khuwa Nyasaye achamile namufuchilila
Verse 27 — Surah An-Najm 53:27
Toto biala balasuubilanga mwikulu tawe balanganga Abamalaika amera keshikhasi
Verse 28 — Surah An-Najm 53:28
Ne babula shiabamanyile khu ako, balondanga butswa amaparo, ne toto okhuparirisia shikhukhoonyanga shiosi shiosi khubwatoto tawe
Verse 29 — Surah An-Najm 53:29
Lekhana nende ulia uhelesia omukongo ametsulisio kefu, ne shiyenya shosi shosi halali obulamu bwokhushialo
Verse 30 — Surah An-Najm 53:30
Awo naboolela khubumanyi, toto Nyasaye wuwo niye umanyile muno ulia wakora khunjila ye, naye amanyile muno ulia walunjikha
Verse 31 — Surah An-Najm 53:31
Ne nibia Nyasaye biosi bili mwikulu nende mushialo, kho abarunge betsimbi khukabakholanga ne abakhola amalayi abarunge obulayi
Verse 32 — Surah An-Najm 53:32
Balia beikalilanga okhukhola ebionono ebikhongo nende akeshifwabi, halali orwonono orutiti titi, Toto Nyasaye wuwo obulesheli bwe nobuunji, Ye abamanyile muno, olwa yabaloonga okhurula khuliloba , nende ngamwali mutsinda tsia banyinenywe, kho muleelole tawe, Ye amanyile muno owamuria
Verse 33 — Surah An-Najm 53:33
Koo! Walolakhwo ulia ufutariranga
Verse 34 — Surah An-Najm 53:34
Nayinia shitutu mana niyemana
Verse 35 — Surah An-Najm 53:35
koo akhali nende obumanyi khu kefisile, mana alolanga
Verse 36 — Surah An-Najm 53:36
Nohomba shiyabolelwakhwo khukali mubitabu bia Musa
Verse 37 — Surah An-Najm 53:37
Nende Ibrahim wosia indache
Verse 38 — Surah An-Najm 53:38
Mbu Omundu shalichinga tsimbi tsiowashie tawe
Verse 39 — Surah An-Najm 53:39
Ne Omundu shalinyoola halali kalia kayakhola
Verse 40 — Surah An-Najm 53:40
Ne toto ebikhole bibie bililolekha
Verse 41 — Surah An-Najm 53:41
Mana alirungwa omurungo kukwe kwosi
Verse 42 — Surah An-Najm 53:42
Ne toto khu Nyasaye wuwo niwo akaliweela
Verse 43 — Surah An-Najm 53:43
Ne toto niye ureranga okhutsekha nende okhulila
Verse 44 — Surah An-Najm 53:44
Naye toto niye owufwisinjia nende ulamusinjia
Verse 45 — Surah An-Najm 53:45
Ne toto ye niye waloonga eshisatsa nende eshikhasi
Verse 46 — Surah An-Najm 53:46
Okhurulana nende imwo yolwibulo nimitswa
Verse 47 — Surah An-Najm 53:47
Netoto mbu kali khuye okhulamusibwa khandi
Verse 48 — Surah An-Najm 53:48
Naye niye uyindiasinjia nende uhelasinjia
Verse 49 — Surah An-Najm 53:49
Naye niye Nyasaye Omuleli wetsing’ining’ini tsia (shiira)
Verse 50 — Surah An-Najm 53:50
Naye niye wasishia A’ad beimbeli
Verse 51 — Surah An-Najm 53:51
Nende Tsamudi shibalekhwa tawe
Verse 52 — Surah An-Najm 53:52
Nende Abandu ba Nuhu abaliho imbeli, Toto bali ababii muno ebitsimbi po
Verse 53 — Surah An-Najm 53:53
Nende tsingongo tsiakalukhanibwa, niye watsikalukhania
Verse 54 — Surah An-Najm 53:54
Nitsifuunikhwa nende biatsifuunikha
Verse 55 — Surah An-Najm 53:55
Mana nitsimbabaasi shina tsia Nyasaye wuwo tsiokanakananga
Verse 56 — Surah An-Najm 53:56
Uno ni omwikanyilisi, mubekanyilisi beyimbeli
Verse 57 — Surah An-Najm 53:57
Inyanga yeyindukho ilihambi
Verse 58 — Surah An-Najm 53:58
Owumao wakhaibuula owulali Nyasaye
Verse 59 — Surah An-Najm 53:59
Ne amakhuwa kano nikamwisundushilanga
Verse 60 — Surah An-Najm 53:60
Ne mutsekhanga ne shimulilanga tawe
Verse 61 — Surah An-Najm 53:61
Nanyu muli mubukoyani
Verse 62 — Surah An-Najm 53:62
Ne musujudile Nyasaye ne mumulaame