Back to Languages
Luyia - Chapter 54 - Al-Qamar
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah Al-Qamar 54:1
Indukho ilihambi, ne omwesi kwabuukhemwo
Verse 2 — Surah Al-Qamar 54:2
Ne nibalola eshimanyisio shiosi shiosi bashifutarira nibaboola mbu “ buno nobulosi butsilililanga”
Verse 3 — Surah Al-Qamar 54:3
Ne baingasia ne nibaloonda okhwenya khwabu, ne buli likhuwa liemekhwa
Verse 4 — Surah Al-Qamar 54:4
Netoto kamala okhuboolela amakhuwa kalimwo obwalaba
Verse 5 — Surah Al-Qamar 54:5
Amachesi kafung’anile, halali amekanyilisio shikakhoonya eshindu khubo tawe
Verse 6 — Surah Al-Qamar 54:6
Mana lekhana ninabo. Inyanga yalilaanga omulaanji okhutsiila likhuwa lio mwoyo kwakhaya
Verse 7 — Surah Al-Qamar 54:7
Tsimoni tsiabwe tsilihenga hasi, Balirula mubilindwa opara mbu nitsisiche tsisaalanibwe
Verse 8 — Surah Al-Qamar 54:8
Nibelushila Omulaanji, ne Abakhayi baliboola mbu: “Inyanga ino ni indinyu.”
Verse 9 — Surah Al-Qamar 54:9
Abandu ba Nuh bakhaya bo nibashili, nibayingasia Omusumba wefu, nibamuboolela mbu nomulalu mana nibamwalabila.(nibamululila)
Verse 10 — Surah Al-Qamar 54:10
Mana nasaba Nyasaye wuwe; naboola mbu: Toto esie ekhailwe, kho habine
Verse 11 — Surah Al-Qamar 54:11
Mana nikhwikula emiliango chomwikulu khu maatsi kayombokhanga
Verse 12 — Surah Al-Qamar 54:12
Ne nikhufutula liloba nikhukhola emialo (emichela), amatsi nikabukanana khulikhuwa liali niliburire
Verse 13 — Surah Al-Qamar 54:13
Ne nikhubachinga khushietsimbao nende imikoye. (Isafina)
Verse 14 — Surah Al-Qamar 54:14
Yatsitsanga nikhuyihenga, okhuba ni omurungo khu kalia kabamuingasinjia
Verse 15 — Surah Al-Qamar 54:15
Ne toto bwene khwachikhola okhuba eshimanyisio, ne koo khuliwo nende witsulila
Verse 16 — Surah Al-Qamar 54:16
kho eshinyasio shianje shiali shirie, nende okhwikannyilisia khwanje
Verse 17 — Surah Al-Qamar 54:17
Ne toto efwe khwakhola Ikurani ibe inyangu okhumanya, ne koo khuliwo nende witsulila
Verse 18 — Surah Al-Qamar 54:18
Babu A’di bakhaya, kho eshinyasio shianje shiali shirie nende okhwikanyilisia khwanje
Verse 19 — Surah Al-Qamar 54:19
Toto efwekhwabarumila omuyeka kweyimbumbuyeka khutsinyanga tsimbi tsilondokhaane
Verse 20 — Surah Al-Qamar 54:20
Nikusiula Abandu opara mbu nebisichiri biemisala chisiulilwe
Verse 21 — Surah Al-Qamar 54:21
Mana eshinyasio shianje shiali shirie nende amekanyilisio kanje
Verse 22 — Surah Al-Qamar 54:22
Netoto efwe khwakhola Ikurani ibe inyangu okhuyimanya, Ne koo khuliwo nende witsulila
Verse 23 — Surah Al-Qamar 54:23
Abandu ba Thamudi bayingasia Abekanyilisi
Verse 24 — Surah Al-Qamar 54:24
Nibaboola mbu : “Khuloonde Omundu namundu urula mwifwe, efwe mana khuba khulaba mubokori bwahabulalu.”
Verse 25 — Surah Al-Qamar 54:25
Niye butswa yenyene okhurula mwifwe wamakanyiliso keshela ? halali uno nomubeyi omukhongo omufuru
Verse 26 — Surah Al-Qamar 54:26
Nibamanye mutsuli niwina umubeeyi omukhongo omufuru
Verse 27 — Surah Al-Qamar 54:27
Toto efwe khwitsa okhubarumila ingamia ikhasi kulwa okhubatema, mana obahenge butswa mana wifwile
Verse 28 — Surah Al-Qamar 54:28
Ne baboolele mbu amatsi kalakabulwamwo hakari wabu, balakabukhasibwa khulwa okhukanywa
Verse 29 — Surah Al-Qamar 54:29
Mana nibalaanga Omundu wabu, niyetsa nayisinza
Verse 30 — Surah Al-Qamar 54:30
Ne eshinyasio shianje shiali shirie nende okhwikanyilisia khwanje
Verse 31 — Surah Al-Qamar 54:31
Toto efwe khwabarumila oluyoka lulala lwonyene, nibabashinga abitiisi biokhumbashila olukaka
Verse 32 — Surah Al-Qamar 54:32
Ne toto efwe khwakhola Ikurani okhuba Inyangu, ne koo khuliwo nende witsulila
Verse 33 — Surah Al-Qamar 54:33
Abandu ba Lut bayingasia abekanyilisi
Verse 34 — Surah Al-Qamar 54:34
Toto efwe khwabarumila eshifulumutu shiamachina halali abaloondi ba Lut, khwabahabina mumabwibwi
Verse 35 — Surah Al-Qamar 54:35
Tsimbabasi okhurulu khwifwe, Endio nilwakhurunganga ulia ukhupanga orio muno
Verse 36 — Surah Al-Qamar 54:36
Ne toto yabekanyilisilia eshinyasio shiefu, halali bo bali netsinganakani khumekanyilisio ako
Verse 37 — Surah Al-Qamar 54:37
Ne toto benya mbu abahelesie abacheni be, mana nikhubawofusia tsimoni tsiabu , nikhubaboolela mbu: “pile eshinyasio shianje namekanyilisio.”
Verse 38 — Surah Al-Qamar 54:38
Ne toto shiabeeshela eshinyasio shitsilila mumabwibi
Verse 39 — Surah Al-Qamar 54:39
Kho mana pile eshinyasio shianje namekanyilisio
Verse 40 — Surah Al-Qamar 54:40
Netoto khwakhola Ikurani okhuba inyangu, ne koo khiliwo nende witsulila
Verse 41 — Surah Al-Qamar 54:41
Netoto Abekanyilisi betsela Abandu ba Firaun
Verse 42 — Surah Al-Qamar 54:42
Bakhaya ebimanyisio biefu biosi pe, mana nikhubatila omutilo kwa amaani kwobunyali
Verse 43 — Surah Al-Qamar 54:43
Ne Abakhayi benyu bali nende amani okhushila abo baranjilila nohomba kahandikwa mubitabu mbu enywe mubule okhufunaanibwa
Verse 44 — Surah Al-Qamar 54:44
Nohomba baboolanga mbu: ‘‘efwe khuli abaanji khulishila butswa.’’
Verse 45 — Surah Al-Qamar 54:45
Abanji abo balashilwa ne balakalukha inyuma tsimbilo
Verse 46 — Surah Al-Qamar 54:46
Halali inyanga yeyindukho niyabalakwa, Ne indukho ni isiro muno mana khandi indulu pa
Verse 47 — Surah Al-Qamar 54:47
Toto Abetsimbi balimubukori nende mubulalu
Verse 48 — Surah Al-Qamar 54:48
Inyanga yabaliswerululwa mafumama nibasukunwa mumulilo, baliboolelwa mbu : ‘‘pile omulilo kwa Jahanam.’’
Verse 49 — Surah Al-Qamar 54:49
Ne toto buli eshindu khwaloonga khushichelo
Verse 50 — Surah Al-Qamar 54:50
Ne likhuwa liefu nililala butwa, shinga okhulimba no khulimbula tsimoni
Verse 51 — Surah Al-Qamar 54:51
Ne toto khwasishia abashienywe alikho mwinywe uparanga
Verse 52 — Surah Al-Qamar 54:52
Ne koosi kabakhola kali mubitabu
Verse 53 — Surah Al-Qamar 54:53
Liosi liosi lititi nende likhonga liahandikwa
Verse 54 — Surah Al-Qamar 54:54
Toto balia baria Nyasaye baliba mwikulu mumikunda chilimwo emialo
Verse 55 — Surah Al-Qamar 54:55
Mushikhalo shiatoto, ewo Omwami Omunyali