Luyia - Chapter 62 - Al-Jumuah

Bitsoominjia Nyasaye, ebili mwikulu nende mushialo, Omwami, Woluyali, Owamaani, Owamachesi muno

Ye niye waruma Omurumwa mubandu bakorwa okhusooma, abasoomele amakhuwa ke, ne abatswenule ne abechesie ishitabu nende amachesi, kata nibali inyuma awo mubukori bulolekha

Etsonitsimbabaasitsia Nyasaye, ahelesinjia owa yenya, Ne Nyasaye niwetsimbabaasi tsinyinji

Abahebwa eshitabu shia Itaurati mana nibalashiloonda tawe, bali shinga isishili ichinjile ebitabu, ni Abandu ababii balibarie, balia abakhaya amakhuwa ka Nyasaye , Ne Nyasaye shalunjisinjia Abandu ababii tawe

Bola, “enywe Abayahudi, nimuparanga mbu enywe muli abeheelwa ba Nyasaye okhushila Abandu boosi, mwikoombe liifwa nikali mbu muboolanga obwatoto

Ne shibanyala okhwikomba liifwa tawe khulwa akabaranjilisia okhukhola, Ne Nyasaye yamanya muno ababii

Bola toto lifwa liamwilukhanga, lilibanyoola, mana mulikalusibwa khumumanyi wa kefisa, nende kalolokhanga, ne alibaboolela koosi kamwakholanga

Enywe Abasuubili, nikulangwa omulaango kwa malaamo inyanga ya chirano, mwilushile okhwitsulila Nyasaye, ne muleshe obukhala , endio nobulayi khwinywe nikali mbu mumanyile

Ne amalaamo nikakhawa, musaalaane khushialo ne mukoonye emikabo chia Nyasaye ni mwitsulile Nyasaye muno, mwakhaba murio mwanyoola okhubura

Ne nibalola obukhala nohomba amakhuwa kabu , bakelushila, ne bakhulekha niwemele, boola mbu: “akali ewa Nyasaye ni amalayi muno okhushila amakhuwa kabu nende inganga, ne Nyasaye niye Omukabi Omulayi umalayo.”