Luyia - Chapter 65 - At-Talaq

Ewe Omurumwa, nimulekha Abakhasi mubaleshe nebekhale eda yabu, ne mubale tsinnyanga tsia eda, ne murie Nyasaye Omulesi wenyu , Mulabarusia mutsinzu tsiabu tawe, nohomba balarulamwo tawe, halali nibakhola eshifwabi shilolekha, ne etso ni tsinzako tsia Nyasaye ne uruuma tsinzako tsia Nyasaye abatoto yebiyiliye, shomanyile tawe, awundi Nyasaye anyala okhurera likhuwa lindi imbeli wa kano

Ne nibakhamala eda yabu, mubakalushile mumenye ninabo khubulayi, nohomba mubaleshe nomulembe, ne mulaanje abaloli abesikwa mwinywe, ne mukhole obuloli khulwa Nyasaye, endio nilwa mulachilwa khu balia basuubila Nyasaye nende inyanga imalilishi, ne uria Nyasaye, alamukholela obwangu bwokhurula mumatinyu

Ne alamuhelesia omukabo kukwe munjila ya alamanyile tawe, ne wisika Nyasaye , Nyasaye alamuyela, toto Nyasaye yosinjia amalako keke, yamala okhura khubuli eshindu eshichelo

Nebalia bema okhuswamila mubakhasi benyu, nimukanakana awo eda yabu ilaba imiesi chitaru, Nende balia abalaswamilakhwo tawe, ne balia abali inda eda yabu iwa mukhwibula khwabu. Ne uria Nyasaye, amwanguyisilinjia amakhuwa keke

Ako niko amalako ka Nyasaye yamwishilia, ne ulia uria Nyasaye alaleshelwa ebionono bibie ne alamuhelesia omurungo omukhongo

Mubamenyie mutsinzu tsiamumenyangamwo, ne mulabasandia baba neshibeela tawe, ne nibali hasiro (tsinda) mubahelesie obukhoonyi okhula shingala beboolola (bebula), nenibanunilia Abana benyu mubarunge ne musanjilane khubulayi, ne nimulola obusiro Omukhasi wundi abanunilie

Wobunyali arusie okhulondokhana nobunyali bubwe, ne ulanyalilwa arusie khu shia Nyasaye amuheele, Nyasaye shanichilisinjia Omundu tawe halali khushia omuheelesiye. Nyasaye alarera imbeli wobusiro obwangu

Ne tsingongo tsinga tsiafunaka amalako ka Nyasaye nende Abarumwa bebe, mana nikhubabalila kabakholanga, ne nikhubahelesia eshinyasio eshilulu

Mana nitsipila obubii bwamakhuwa katsio, ne indukho yamakhuwa katsio niba okhusikha

Nyasaye yabarecheshela eshinyasio eshilulu, Kho murie Nyasaye enywe Abamachesi, Abasuubili, toto Nyasaye yabeshilia ametsulisio

Omurumwa ubasoomelanga tsinyaali tsia Nyasaye tsinoosinjia tsirusia balia abasuubila mana nibakhola amalayi mushilima nitsibara mubulafu, ne usuubila khu Nyasaye mana nakhola amalayi alamwinjisia mwikulu mumikunda chiburangamwo emialo, balimenyamwo tsinyanga tsiosi, toto Nyasaye alaba amuhelesiyie omukabo omulayi muno

Nyasaye niye ulia owaloonga amakulu saba, nende liloba khu shichelo esho, amalako ke kekhanga hakari watsio, kho mumanye mbu toto Nyasaye ni Omunyali wabuli eshindu, ne toto Nyasaye yamanya buli eshindu shingala shili