Luyia - Chapter 71 - Nuh

Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink

Verse 1 — Surah Nuh 71:1

Toto efwe khwaruma Nuh khubandu bebe mbu: “wikanyilisilie abandubo, eshinyasio eshilulu nishishili okhuboolela.”

View verse 71:1 page →Raw JSON

Verse 2 — Surah Nuh 71:2

Naboola mbu: “ Enywe Abandu baanje! esie endi Omwikanyilisi wenyu wahabulafu.”

View verse 71:2 page →Raw JSON

Verse 3 — Surah Nuh 71:3

Mulaame Nyasaye, ne Mumurie, ne muloonde amalako keke

View verse 71:3 page →Raw JSON

Verse 4 — Surah Nuh 71:4

Alabaleshela tsimbi tsienyu, ne alabameta tsinyanga okhula indukho yenyu. Toto indukho ya Nyasaye niyuula yibetsanga yulile. Abaane nimwakhamanyilekhwo

View verse 71:4 page →Raw JSON

Verse 5 — Surah Nuh 71:5

Naboola mbu : “ Nyasaye wanje, esie anaanjile Abandu banje eshilo nende eshitere

View verse 71:5 page →Raw JSON

Verse 6 — Surah Nuh 71:6

Habula omulaango kwanje shikwabamatela shiosi shiosi tawe halali okhwilukha

View verse 71:6 page →Raw JSON

Verse 7 — Surah Nuh 71:7

Ne toto buli olwebalanjile mbu khonyoole okhubaleshela, baara tsinzala tsiabu mumarwi kabu , nibefunikha tsingubo tsiabu nibekhulumamia nibooma emirwe obutinyu muno

View verse 71:7 page →Raw JSON

Verse 8 — Surah Nuh 71:8

Mana khandi toto nebalanga mubwang’aang’u

View verse 71:8 page →Raw JSON

Verse 9 — Surah Nuh 71:9

Mana khandi nebakhuumila obutinyu, mana khandi nebalaanga mubwifisi

View verse 71:9 page →Raw JSON

Verse 10 — Surah Nuh 71:10

Nebaboolela mbu: “ sabe eshileshelo Nyasaye wenyu, toto ye ni Omunji wokhuleshela.”

View verse 71:10 page →Raw JSON

Verse 11 — Surah Nuh 71:11

Alabarerera ifula ikwe nilondokhana

View verse 71:11 page →Raw JSON

Verse 12 — Surah Nuh 71:12

Ne alabahelesia Omwandu nende Abana, ne alabahelesia emikunda nende emialo

View verse 71:12 page →Raw JSON

Verse 13 — Surah Nuh 71:13

Muli murie amulahetsanga Nyasaye eshiriibwa

View verse 71:13 page →Raw JSON

Verse 14 — Surah Nuh 71:14

Ne toto yabaloonga likhabi khwikhabi

View verse 71:14 page →Raw JSON

Verse 15 — Surah Nuh 71:15

Shimulolanga shingala Nyasaye yalonga amakulu saba nikalondokhaane

View verse 71:15 page →Raw JSON

Verse 16 — Surah Nuh 71:16

Nakhola omwesi okhubamwo obulafu ne nakhola eliuba okhuba itaa

View verse 71:16 page →Raw JSON

Verse 17 — Surah Nuh 71:17

Ne Nyasaye yabamesia khwiloba shinga emimela

View verse 71:17 page →Raw JSON

Verse 18 — Surah Nuh 71:18

Khandi alibakalusiamwo, nekhandi alibarusiamwo mwesi burusia

View verse 71:18 page →Raw JSON

Verse 19 — Surah Nuh 71:19

Ne Nyasaye wabakholela eshialo okhuba shinga omukeka

View verse 71:19 page →Raw JSON

Verse 20 — Surah Nuh 71:20

Khomunyoole okhucheendamwo khutsinjila tsimbambalifu

View verse 71:20 page →Raw JSON

Verse 21 — Surah Nuh 71:21

Nuhu naboola mbu: “ Nyasaye wanje Omulesi, toto bo baakhayile, nibaloonda khu ulia owulabametelwakhwo shiosi shiosi khumwandu kukwe nende omwana wuwe halali okhusikha

View verse 71:21 page →Raw JSON

Verse 22 — Surah Nuh 71:22

Ne nibakhola ebifwanga ebikhongo

View verse 71:22 page →Raw JSON

Verse 23 — Surah Nuh 71:23

Ne nibaboola mbu: “olalekhakhwo Abanyasaye benyu tawe, nohomba olalekhakhwo Wada nohomba Suwa,nohomba Yaghutsa nohomba Nasra

View verse 71:23 page →Raw JSON

Verse 24 — Surah Nuh 71:24

Netoto bo bamala okhukosia abaanji, ne olabameta balia abonooni halali obukori

View verse 71:24 page →Raw JSON

Verse 25 — Surah Nuh 71:25

Okhurulana nende tsimbi tsiabu berwa namatsi, mana nibenjisibwa mumulilo, neshibanyoola ubahabina owulali Nyasaye tawe

View verse 71:25 page →Raw JSON

Verse 26 — Surah Nuh 71:26

Ne Nuhu naboola mbu: “ Nyasaye wanje Omulesi, olalekhakhwo khushialo abamenyakhwo yesiyesi mubakhayi tawe

View verse 71:26 page →Raw JSON

Verse 27 — Surah Nuh 71:27

Toto Ewe nobalekhakhwo , balakosia Abasumba bobo, neshibalebula halali abonooni abakhayi

View verse 71:27 page →Raw JSON

Verse 28 — Surah Nuh 71:28

Nyasaye wanje Omulesi! undeshele esie nende Abebusi banje, nende ulia wenjila munzu yanje Omusuubili, nende abo boosi abasubila abasatsa nende abakhasi. ne olameta abonooni shiosi shiosi tawe halali obukori

View verse 71:28 page →Raw JSON