Luyia - Chapter 73 - Al-Muzzammil

Ewe Owifimbile

Bukha mushilo shiosi, halali hatiti butswa

eshitonye shiashio nohomba oleemiekhwo hatiti

Nohomba ometekhwo, ne osoome Ikurani mushiroonyo

Toto okhubukha eshilo, omwoyo kukwalalanga muno, ne amakhuwa kashio kabetsanga amalunjifu muno

Ne toto bwene ewe obetsanga nende okhubotokhana okhunji mushitere

Kho lirumbule elira lia Nyasaye wuwo Omulesi, wirusilie khuye elala

Nyasaye Omulesi we bukwe nende mumbo, abulaho Nyasaye wundi owulali ye, khomukhole Omwisikwa wuwo

Ne wifwile khukababoolanga, ne abawuyekhwo mubulayi

Ndeshela Abaingani abali mubwokholo, ne obahelesie obwiyangu butiti

Toto bwene efwe khuli nende tsirimba tsisiro nende omulilo omululu

Nende eshilibwa shirekamanga mumworokoro nende eshinyasio eshilulu

Inyanga lwe eshialo shilirenga nende tsingulu tsiosi ne tsingulu tsilibulungukha shinga olufu

Toto efwe khwabarumila Omurumwa abe Omuloli wenyu, shingla khwarumila Firauni Omurumwa

Halali Firauni yaloba Omurumwa oyo, mana nikhumutila okhutila kweshinyasio

Nemuliba murie shingala mukhayanga, inyanga yabana balimela tsimbutsi

Owo likulu liliatikha! Ne awo kayalachisilia kaliikholekha

Toto bwene kano ni ametsulisio. owenya atile injila ya Nyasaye wuwe Omulesi

Toto Nyasaye wuwo Omulesi, yamanya mbu ewe wemanga nolaama ahambi eshilo shiosi, nohomba eshitonye shiashio nohomba mukhuwa khwashio, nende omukanda kulia kuli halala ninawe, ne Nyasaye niye ureranga eshilo neshitere, yamanya mbu shimunyala okhumanya okhubala tawe, mana nabalolela tsimbabaasi, kho some shiamunyalilwa mukurani,yamanyambumwinywebalimwo abalwale, ne abandi bekhupatsakananga khushialo, nibakhaaba tsimbabaasi tsia Nyasaye, Nabo abandi balwanilanga injila ya Nyasaye, khosoome wamunyalilwa mushio, Mana mlaame iswala obulachweya ne muhinie eshihanwa, ne mwiwosie Nyasaye likofi lilayi, ne shiamuranjilisilia emioyo chienyu khukhukhola amalayi mulishinyoola ewa Nyasaye, Ye ni Omulayi womurungo omukhongo muno, Ne musabe Nyasaye eshileshelo toto Nyasaye ni Omunji wakhuleshela Owetsimbabaasi muno