Luyia - Chapter 74 - Al-Muddaththir

Ewe Owifumbesiye mutsingubo

Bukha wikanyilisie

Ne witsoomie Nyasaye wuwo Omelesi

Ne tsingubo tsitsio tsilabie

Ne keshifwolo akawuuye

Ne olarusia nosuubile okhwenya eshinji tawe

Ne khulwa Nyasaye wuwo Omulesi, wisumilisie

Mana olwa olwikwa lulikhupwa

Kho inyanga eyo iliba inyanga indinyu muno

Khubakhayi shiliba inyangu tawe

Ndekha, nende wandaloonga sienyene

Mana nemuhelesia emiandu eminji

Nende Abaana balolekha

Ne nemukasilia amakhuwa obulayi muno

Mana khandi yekombanga mbu emumeete

Shikali kario tawe, toto ye yakholelanga eshileka amakhuwa kefu. (Ikurani)

Nditsia ukhumuha eshinyasio shilanyalikhana

Toto ye yapara mana nabalilila

Mana nasishibwa okhurulana shingala yabalilila

Khandi Mana nasishibwa okhurulana shingala yabalilila

Mana naheenga

Mana nakhunia obweni nasinyikha

Mana niyechesia Obwatoto omukongo , niyelola

Naboola mbu: “bino shineshindu tawe halali obulosi bwoburulanda.”

Kano shinishiosishiosi tawe halali namakhuwa kabandu

Ndakhamwinjisie mumulilo omululu kwa “Saqar”

Ne nishina shikhumanyia – omulilo kwa Saqar. ( oko)

Shikutonyinjia inyama nohomba shikulekhanga tawe

Kumamulanga liselo lwomubili

Kulikhwo nende (Abamalaika)ekhumi nende tisa

Ne shikhwakhola abalindi bomulilo halali ni Abamalaika, ne shikhwakhola isaabu yabu eyo halali ukhubeyiabeyia Abakhayi, kho babe nobulaamba balia bahebwe eshitabu, ne Abasuubila bamete obusuubili, ne balaba nokhukanakana balia bahebwa eshitabu nende abasuubila khobaboole balia bali nobulwale mumioyo chiabu nende abakhayi mbu: “Nyasaye yenyanga shina, okhurulana khukano?” Endio nilwa Nyasaye akosinjia Owayenyele, nalunjisia Owanyele, na awumao umanyile omukanda kwe liyie kwa Nyasaye wuwo Omulelesi halali ye Omwene, ne kono shinishiosi shiosi tawe halali ni amechelo khu Bandu

Tawe Nditsuba khumwesi

Nende khushilo nishiwa

Nende khumabwibwi olwabushietsanga

Toto omulilo oko nimulala khumakhuwa amakhongo muno

Ne amekanyilisio khubandu

Kho ulia wenya mwinywe aranjilile nohomba amalilishe

Buli Omundu alinyoola amabii kayakhola

halali Abandu bomukhono omusatsa

Baliba mwikulu (mumikunda) nibarebananga

Amakhuwa ka Abandu betsimbii

Ni shina shiachila nimwinjila mumulilo

Baliboola mbu: “ efwe shikhwalamanga tawe

Ne shikhwalisinjia abamanani tawe

Nekhwali nikhweibila halala nende balia beyibila mutsimbi

Ne khwali na mainji khuyinyanga yomurungo

Okhula shinga lifwa liakhuulila

Kho okhusabilwa khwomusabi shikhulibakhoonya shiosi shiosi tawe

Mana balibarieena abalawulila amekanyilisio kano

Opara mbu tsisishili tsisundusibwe

Mbu buli Omundu mubo yenya ehebwe eshitabu shishie okhurula mwikulu

Shikali kario tawe, halali shibaritsanga Mwikulu tawe

Shikali kario tawe , toto kano ni ametsulisio

Khu ulia wenya yetsulile

Ne shibakhetsulila tawe okhuula Nyasaye achame, Eshiribwa neshishie. Nobulesheli nobuubwe