Back to Languages
Luyia - Chapter 76 - Al-Insan
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah Al-Insan 76:1
Toto biabura ebise ebiinji khumundu, olwayalaali eshindu shilarumbulwa tawe
Verse 2 — Surah Al-Insan 76:2
Toto efwe khwaloonga Omundu okhurulana nende imwo yobulamu, yesasania, (yomusatsa nende omukhasi) khulwokhumutema, kho nikhumukhola wo khuwulila, nende wokhulola
Verse 3 — Surah Al-Insan 76:3
Toto efwe khwamwawulila injila, niyenya achame nohomba alobe
Verse 4 — Surah Al-Insan 76:4
Toto efwe khwarecheshela Abakhayi eminyororo nende tsirimba nende omulilo omululu
Verse 5 — Surah Al-Insan 76:5
Toto Abandu abalayi balinywa eshinywebwa shiasasibwa mwo ‘kafura’
Verse 6 — Surah Al-Insan 76:6
Ne Isebele ya Abandu ba Nyasaye balinywamwo, bali ikhola ikhulukusie mubunji
Verse 7 — Surah Al-Insan 76:7
Bakholanga kabalaka, ne baritsanga inyanga yobusiro bwayio buliswana
Verse 8 — Surah Al-Insan 76:8
Ne balisinjia eshilibwa, khulwo khuyanza khukhwe Abamanani, nende Abafwilwa nende Ababoye
Verse 9 — Surah Al-Insan 76:9
Toto efwe khubalisinjia khulwokhwenya tsimbabasi tsia Nyasaye shikhubenyakhwo omurungo nohomba orio muno tawe
Verse 10 — Surah Al-Insan 76:10
Toto efwe khuritsaanga okhurulana khu Nyasaye wefu Omulesi, inyanga yobutinyu nende Omusando
Verse 11 — Surah Al-Insan 76:11
Kho mana Nyasaye alibalinda , okhurulana khubusiro bwe inyanga eyo, ne alibabukanilia nomwikhoyo nende obusangafu
Verse 12 — Surah Al-Insan 76:12
Nealibarungaemikundachomwikulu nende tsingubo tsieshironyo, khulwa okhwifwila khwabu
Verse 13 — Surah Al-Insan 76:13
Omo baliyekha khubisaala bioluyali, shibalilolamwo omubasu omululu nohomba omunyiri omululu tawe
Verse 14 — Surah Al-Insan 76:14
Ne ebinikha biliba ahambi ninabo, ne – ebiamo- bilieletsanga okhuula hasi
Verse 15 — Surah Al-Insan 76:15
Ne balitendelwa khubindu bie ifedha nende vikombe bie tsigilasi
Verse 16 — Surah Al-Insan 76:16
Bieifedha inzwenufu shinga shiwoo, biachelwa khushichelo
Verse 17 — Surah Al-Insan 76:17
Ne omo balinywesibwamwo eshinywebwa shasasibwamwo itangawizi
Verse 18 — Surah Al-Insan 76:18
Eyo ni Isebele iliyo ilangwa mbu Salsabil
Verse 19 — Surah Al-Insan 76:19
Ne balibotokhana okhubatenda abasiani bashili ababukha, nobalola bange’nange’na shinga tsisole tsiomunyanza tsisaalasibwe
Verse 20 — Surah Al-Insan 76:20
Ne noli kalola, oliba oluutsi obwokholo nende obwaami obukhongo
Verse 21 — Surah Al-Insan 76:21
Hekulu wabu khuli netsingubo tsia Hariri (tsingwalafu) tsiobukondo bwa masafu, nebalifwala emikasa chieyifedha, Ne Nyasaye wabu alibanywesia eshinywebwa eshilayi
Verse 22 — Surah Al-Insan 76:22
(alibaboolela mbu) : Toto kuno niko omurungo kwenyu ne okhukhalabana khwenyu khufuchililwe
Verse 23 — Surah Al-Insan 76:23
Toto efwe khwakhwishilia Ikurani indutu, indutu
Verse 24 — Surah Al-Insan 76:24
Kho linda okhula shingala Nyasaye wuwo Omulesi alabusia, ne alaulila yesiyesi mubo owetsimbi nohomba omukhayi tawe
Verse 25 — Surah Al-Insan 76:25
Ne itsulila elira lia Nyasaye wuwo Omulesi nibushia nende nibwila
Verse 26 — Surah Al-Insan 76:26
Ne mushilo omwinamile ye, ne umwitsomie uluwono olurambi
Verse 27 — Surah Al-Insan 76:27
Toto Abandu bano bachama obulamu bwokhushialo, nebalekhanga inyuma wabu inyanga isiro
Verse 28 — Surah Al-Insan 76:28
Efwe khabaloonga, ne nikhubaramwo amani, nenikhwenya khunyala okhukalukhasia abandi bali shingabo
Verse 29 — Surah Al-Insan 76:29
Toto bwene kano ni ametsulisio, ne owenya atile injila itsia awa Nyasaye wuwe
Verse 30 — Surah Al-Insan 76:30
Neshimwakhenya tawe okhula Nyasaye achame, toto bwene Nyasaye niye omumanyi muno, owamachesi po
Verse 31 — Surah Al-Insan 76:31
Yenjisinjia owayenya mutsimbabasi tsitsie, ne abamayanu yabarecheshela eshinyasio eshilulu