Back to Languages
Luyia - Chapter 78 - An-Naba
Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah — Permalink
Verse 1 — Surah An-Naba 78:1
Okhururalana khushina shiabarebananga
Verse 2 — Surah An-Naba 78:2
Okhurulana nende amacheni amakhongo
Verse 3 — Surah An-Naba 78:3
Kalia akabawukhanangamwo
Verse 4 — Surah An-Naba 78:4
Tawe lekha butswa, ahambi hano baletsa okhumanya
Verse 5 — Surah An-Naba 78:5
Mana Khandi tawe lekha butswa, ahambi hano baletsa okhumanya
Verse 6 — Surah An-Naba 78:6
Shikhwakhola liloba okhuba shinga obulili
Verse 7 — Surah An-Naba 78:7
Ne tsingulu okhuba tsisiilo
Verse 8 — Surah An-Naba 78:8
Ne ni khubaloonga tsimbia tsibili (eshisatsa neshikhasi)
Verse 9 — Surah An-Naba 78:9
Ne nikhukhola okhukona khwenyu okhuba okhuwuluukha
Verse 10 — Surah An-Naba 78:10
Ne nikhukhola eshilo okhuba eshifwalo
Verse 11 — Surah An-Naba 78:11
Ne nikhukhola eshitere okhuba shiokhukhalabanila obulamu
Verse 12 — Surah An-Naba 78:12
Ne nikhumbakha hekulu wenyu amakulu saba aka amani
Verse 13 — Surah An-Naba 78:13
Ne nikhukasia itaa yobulafu nende obubafu
Verse 14 — Surah An-Naba 78:14
Ne nikhwishia amatsi karulanga bwangu okhurula mumaleesi
Verse 15 — Surah An-Naba 78:15
kachila khurusie khuko imele nende emimela
Verse 16 — Surah An-Naba 78:16
Nende emikunda chiemisala chiatilana
Verse 17 — Surah An-Naba 78:17
Toto inyanga yobwaukhasi yarebwaho khubise
Verse 18 — Surah An-Naba 78:18
Inyanga yolwika lulikhupwa, nanyu muliitsa mumikanda
Verse 19 — Surah An-Naba 78:19
Ne likulu liliikulwa liaba shinga emiliango
Verse 20 — Surah An-Naba 78:20
Ne tsingulu tsilisiulwa tsiaba shinga amaweruweru
Verse 21 — Surah An-Naba 78:21
Toto Jahanamu iliindanga
Verse 22 — Surah An-Naba 78:22
Niyo eshimenyo shia Abakhayi
Verse 23 — Surah An-Naba 78:23
Balimenyamwo tsinyanga netsinyanga
Verse 24 — Surah An-Naba 78:24
Shibalipilamwo shiosi shiosi eshinyifu nohomba eshinywebwa tawe
Verse 25 — Surah An-Naba 78:25
Halali amatsi kayile nende amafila
Verse 26 — Surah An-Naba 78:26
Nomurungo kubayela
Verse 27 — Surah An-Naba 78:27
Toto bo Shibasubilanga mbu khuliba nende inyanga yemikabo tawe
Verse 28 — Surah An-Naba 78:28
Ne nibayingana muno khubimanyisio biefu
Verse 29 — Surah An-Naba 78:29
Nebuli eshindu khwatililila mubuhandiche
Verse 30 — Surah An-Naba 78:30
Kho mupile! Shikhubameta shiosi shiosi tawe halali eshinyasio
Verse 31 — Surah An-Naba 78:31
toto abaria Nyasaye nibo balihonokokha
Verse 32 — Surah An-Naba 78:32
(balinyoola) emekunda nende tsizabibu
Verse 33 — Surah An-Naba 78:33
Nende abakhana bayelana ninabo
Verse 34 — Surah An-Naba 78:34
Nende tsigilasi tsitsule (ebinywebwa ebilayi)
Verse 35 — Surah An-Naba 78:35
Shibaliwulilamwo obusilu nohomba amayinji tawe
Verse 36 — Surah An-Naba 78:36
Omurungo ukhurula Khu Nyasaye wuwo Omulesi Omurungo kuyela
Verse 37 — Surah An-Naba 78:37
Nyasaye Omulesi welikulu nende eshialo nende biosi bilimwo Omunji wetsimbabaasi shibalilomaloma imbeli wuwe tawe
Verse 38 — Surah An-Naba 78:38
Inyanga ya Roho (Jibreel) alisinjila nende Abamalaika khulunyaali. Shalilomaloma yesiyesi tawe okhuyiniakhwo ulia ulifuchililwa nende Nyasaye wetsimbabaasi, ne aliboola obulaamba bwonyene
Verse 39 — Surah An-Naba 78:39
Eyo niyo inyanga yatoto. Ne owenya atile injila akalushile Nyasaye wuwe Omulesi
Verse 40 — Surah An-Naba 78:40
Toto efwe khubekanyisilia eshinyasio shili ahambi okhuula. Inyanga ya Omundu alilola kayakhola omwene. Ne Omukhayi aliboola mbu: “manyanga ndakhabeele liloba!”