Burmese - Chapter 24 - An-Nur

(ကိုယ်ကျင့်တရားနှင့်စိတ်သဘောထားများ ပျက်သုဉ်းလျက်) သူတို့၏စိတ်နှလုံးများအတွင်းဝယ် ရောဂါရှိ နေသလော။ သို့တည်းမဟုတ် သူတို့သည် (တမန်တော်မြတ်၏တမန်တော်ဖြစ်မှုနှင့်စပ်လျဉ်း၍) ဒွိဟ သံသယဖြစ် နေကြသလော။ သို့တည်းမဟုတ် အလ္လာဟ်အရှင်မြတ်နှင့်အရှင့်ရစူလ်တမန်တော်မြတ်တို့က သူတို့အပေါ်၌ မ တော်မတရားပြုကြမည်။” ဟု ကြောက်ရွံ့စိုးရိမ်နေကြသလော။ ထိုသို့အလျှင်းမ ဟုတ်၊ စင်စစ်မှာမူကား ထိုသူတို့ သည် အရှင့်စည်းမျဉ်းတော်များကို ချိုးဖောက်ကျူးလွန်၍ မတော်တရား မမှန်မကန် ပြုမူကျင့်ကြံသူများသာ ဖြစ်ကြ၏။