Back to Languages

Burmese - Chapter 39 - Az-Zumar

Translation by Alin U Yin — Permalink

Verse 6 — Surah Az-Zumar 39:6

ထိုအရှင်မြတ်သည် သင်တို့ကို တစ်ခုတည်းသောနဖ်စ် (ခေါ် မျိုးရိုးဗီဇထဲ၌ ထည့်ပေးတော်မူထားသော ဉာဉ်စဉ်စရိုက်၊ ပင်ကိုယ်အရည်အသွေး၊ စွမ်းရည်အစွမ်းအစနှင့်စိတ်ဆန္ဒများကို အရှင့်စည်းမျဉ်းတော်အ တိုင်းဖြစ်စေ၊ သို့မဟုတ် စိတ်အလိုဆန္ဒအတိုင်းဖြစ်စေ၊ ရှာဖွေသုံးစွဲနိုင်ရန် အသုံးချနိုင်သော စိတ်ဝိဉာဉ်) မှ ဖွဲ့စည်းဖြစ် တည်စေတော်မူပြီး ယင်းနဖ်စ်မှ တစ်ဖန် ယင်း၏ဘဝဖော်ကို စီမံဖြစ်စေတော်မူ၏။ ထို့ပြင် ထိုအရှင်မြတ်သည် သင်တို့အကျိုးငှာ ခြေလေးချောင်းတိရစ္ဆာန်များမှ (အထီးအမ စုံတွဲ) ရှစ်မျိုးကို ဒွယံဒွယံ ချမှတ်ပေးအပ်တော် မူခဲ့၏။ ထိုအရှင်မြတ်သည် သင်တို့အား သင်တို့မိခင်များ၏ဝမ်းကြာတိုက်အ တွင်းရှိ အမှောင်ထပ် သုံးထပ် အတွင်းဝယ် ဖွဲ့စည်းဖြစ်တည်စေမှု အဆင့်တစ်ခုနောက်တွင် နောက်အဆင့်တစ်ခုကို (ဆက်တိုက်ပြောင်းလဲ) ဖွဲ့စည်းဖြစ်တည်စေတော်မူ၏။ ထိုနည်းအတိုင်းပင် အလ္လာဟ်အ ရှင်မြတ်သည် သင်တို့အား ဖွဲ့စည်းဖြစ်တည်စေ တော်မူ၍ ပြုစုပျိုးထောင်စေတော်မူသောအရှင် မြတ်ဖြစ်တော်မူပြီး (စကြဝဠာလောခပ်သိမ်းတို့သည် ထိုအရှင်မြတ်၏အချုပ်အခြာ၌သာ ရှိစေတော်မူလျက်) ထိုအရှင်မြတ် (၏စည်းမျဉ်းနိယာမတရားတော်များနှင့်အညီ အသုံးချရန်) အတွက်သာ ဖြစ်၏။ ထိုအရှင်မြတ်မှအပ အခြား ခဝပ်ကိုးကွယ်ထိုက်သော ကိုးကွယ်ရာအရှင်ဟူ၍ အလျှင်း မရှိပေ။ သို့ပါလျက် သင်တို့သည် (အရှင်မြတ်၏နိယာမတရားတော်မှ မလွတ်မြောက်နိုင်ကြောင်းသိပြီးမှ ဖြောင့်မတ်မှန်ကန်သောလမ်းစဉ်ကို စွန့်၍ အရှင်မြတ်ကို ပမာမခန့်ပြုလျက် အခြား မည်သည့်လမ်းစဉ်အတွက်) မည်သို့ မျက်နှာလွှဲ၍ ရှောင်ပြေးကြသနည်း။