Back to LanguagesPrevious ChapterNext Chapter EnglishArabicUrduHindiTamilBengali
Burmese - Chapter 4 - An-Nisa
Translation by Alin U Yin — Permalink
Verse 113 — Surah An-Nisa 4:113
အကယ်၍ အသင့်အပေါ် အလ္လာဟ်အရှင်မြတ်၏ကျေးဇူးတော်နှင့်ကရုဏာတော် (ဖြစ်သော ကျမ်းတော်မြတ်ကုရ်အာန်ကို ချမှတ်ပေးအပ်တော်မူခြင်း) မရှိခဲ့လျှင် သူတို့အနက်မှ အုပ်စုတစ်ခုက အသင့်အား လမ်းလွဲစေရန် သန္နိဌာန်ချခဲ့လိမ့်မည်။ သို့သော် သူတို့က သူတို့၏နဖ်စ် (ခေါ် မျိုးရိုးဗီဇထဲ၌ ထည့်ပေးတော်မူထားသော ဉာဉ်စဉ်စရိုက်၊ ပင်ကိုယ်အရည်အသွေး၊ စွမ်းရည်အစွမ်းအစနှင့်စိတ်ဆန္ဒများအား အရှင့်စည်းမျဉ်းတော်အတိုင်းဖြစ်စေ၊ သို့မဟုတ် စိတ်အလိုဆန္ဒအတိုင်းဖြစ်စေ၊ ရှာဖွေသုံးစွဲနိုင်ရန် အသုံးချသည့် စိတ်ဝိဉာဉ်) မှအပ အခြား မည်သူ့ကိုမျှ လမ်းလွဲစေနိုင်ခြင်း မရှိချေ။ ထို့ပြင် သူတို့သည် အသင် (တမန်တော်) ကိုလည်း မည့်သည့် အရေးကိစ္စ၌ဖြစ်စေ၊ မည်သည့်နည်းနှင့်မျှ ထိခိုက်နစ်နာစေနိုင်လိမ့်မည် မဟုတ်ပေ။ အကြောင်းမှာ အလ္လာဟ်အရှင်မြတ်သည် အသင်တမန်တော်အပေါ် ကျမ်းတော်နှင့် (စီရင်ဆုံး ဖြတ်မှုဆိုင်ရာ) ဉာဏ်အမြော်အမြင်ကို ချမှတ်ပေးအပ်တော်မူပြီး အသင် ယခင်က မသိနားမလည်ခဲ့သော အကြောင်းအရာများကိုလည်း အသင့်အား သွန်သင် သင်ကြား ပြသတော်မူ၏။ ထိုသို့ ကျမ်းတော်အားဖြင့် လူ့ဘဝတည်ဆောက်ရေးဆိုင်ရာ နည်းစနစ်များကို သွန်သင် ခြင်းသည် အသင် (တမန်တော်) အပေါ် အလ္လာဟ်အရှင်မြတ်၏ ကြီးကျယ်လှသော ကျေးဇူးတော်ဖြင့် သိက္ခာပေးခြင်းပင် ဖြစ်၏။