Back to Languages

Burmese - Chapter 4 - An-Nisa

Translation by Alin U Yin — Permalink

Verse 43 — Surah An-Nisa 4:43

အို၊ ယုံကြည်သူအပေါင်းတို့၊ မူးယစ်နေ၍ သင်တို့၏ပြောဆိုမှုကို သင်တို့ကိုယ်တိုင် မသိနားမလည်သရွေ့ ဆွလာသ်ဝတ်ပြုမှုအနားသို့ မချဉ်းကပ်ကြလေနှင့်။ ထို့ပြင် (ရေချိုးသန့်စင်ရန် အခက်အခဲရှိသော) လမ်းခရီးကို ဖြတ်ကျော်နေစဉ်မှအပ ရေချိုးသန့်စင်ရန် တာဝန်ရှိသူများလည်း ဝတ်ပြုမှုအနားသို့ မချဉ်းကပ်ကြလေနှင့်။ အကယ်၍ သင်တို့သည် ကျန်းမာရေးချို့တဲ့နေသည့် သို့မဟုတ် ခရီးစဉ်၌ရှိနေသည့် အနေအထားတွင် ရှိနေသူ ဖြစ်လျှင် သို့မဟုတ် ရေမရှိသော သန့်စင်ခန်းမှ ထွက်သူဖြစ်လျှင် သို့မဟုတ် (တရားဝင် ထိမ်းမြားထားသည့်) အမျိုးသမီးနှင့်ထိတွေ့ချဉ်းကပ်ခဲ့ကြရလျှင် (ထိုအခြေအနေတွင်) ရေချိုးရန်တာဝန်ရှိကြောင်းကို သိနေသော် လည်း) ရေရှာမတွေ့သောအခါ (သင်တို့၏လက်ဝါးနှစ်ဖက်ဖြင့်) သန့်ရှင်းသော မြေကြီးကို ရိုက်ပုတ်၍ သင်တို့၏ မျက်နှာများနှင့် (လက်ဖျံမှ တံတောင်ဆစ်အထိ ပါစေလျက်) လက်များပေါ်တွင် ပွတ်သပ်ခြင်းဖြင့် သန့်စင်မှုအတွက် ရည်ရွယ်ကြလော့။ (တယမ်မွမ်ပြုကြလော့)။ မုချဧကန်၊ အလ္လာဟ်အရှင်မြတ်သည် (အခက်အခဲကြုံ သည့်အခါ တာဝန်ရှိသည့်အရာအား) ကင်းလွတ်ခွင့်ပေးတော်မူသောအရှင်၊ အလွန်တရာ ချမ်းသာခွင့်ပေးသနားတော်မူသောအရှင်မြတ်ပင် ဖြစ်တော်မူပေသတည်း။