Back to Languages

Burmese - Chapter 4 - An-Nisa

Translation by Alin U Yin — Permalink

Verse 77 — Surah An-Nisa 4:77

သူတို့အား “(လူသားများကို အကျိုးယုတ်စေသည့် ကြိုးပမ်းဆောင်ရွက်မှုများနှင့်စစ်မက်ပြိုင်ဆိုင်တိုက် ခိုက်ခြင်းတို့မှ) သင်တို့၏လက်များက ချုပ်တည်း၍ ဆွလာသ်ဝတ်ပြုမှု (ကို ယင်း၏စည်းမျဉ်းနှင့်အညီ မြဲမြံစွာ) ဆောက်တည်ပြီး (လူ့ဘောင်ဖွံ့ဖြိုးမှုအတွက် အထောက်အကူဖြစ်စေသည့်) ဇကာသ် (ခေါ် တရားတော်အရ ချို့တဲ့သူတို့အား ပေးကမ်းရန်ရှိသော လူမှုဖူလုံကြေး) ကို ပေးကြလော့။” ဟု တိုက်တွန်းနှိုးဆော်ခြင်းခံရ (သည့်အခါ “မည်သည့်အချိန်တွင် စစ်တိုက်ခွင့်ရမည်နည်း။”ဟု ဖြေဆိုကြ) သူတို့နှင့်စပ်လျဉ်း၍ အသင် (တမန်တော်) မသုံးမသပ် မတွေ့မြင်မိသလော။ (ညှင်းပန်းနှိပ်စက်မှုချုပ်ငြိမ်းရေးအတွက်) တော်လှန်တိုက်ခိုက်ခြင်းကို သူတို့အ ပေါ် (မဖြစ်မနေလုပ်ရမည့် တာဝန်အဖြစ်) အတည်ပြု ပြဋ္ဌာန်းလိုက်သောအခါ သူတို့အနက်မှ လူတစ်စုက အလ္လာဟ်အရှင်မြတ်ကို ကြောက်ရွံ့ထိုက်သကဲ့သို့ပင် လူတို့ကိုလည်း ကြောက်ရွံ့ကြ၏။ သို့မဟုတ် ထိုထက်မက ကြောက်ရွံ့ (၍ အရှင့်အမိန့်တော်အား ဖီဆန်လို) ကြ၏။ ထို့နောက် “အို၊ ကျွန်ုပ်တို့အား ဖွဲ့စည်းဖြစ်တည် စေတော်မူ၍ ပြုစုပျိုးထောင်စေတော်မူသောအရှင်မြတ်၊ အဘယ်ကြောင့် ကျွန်ုပ်တို့အပေါ် တော်လှန်တိုက် ခိုက်ခြင်းကို (မဖြစ်မနေ လုပ်ဆောင်ရမည့်တာဝန်အဖြစ်) အတည်ပြု ပြဋ္ဌာန်းတော်မူပါသနည်း။ အကယ်၍ ယခုအချိန်တွင် မဟုတ်ဘဲ နောင်အနာဂတ်တွင် အချိန်ကာလတစ်ခု သတ်မှတ်သည်အထိ ရွေ့ဆိုင်းတော်မူခဲ့လျှင် ကောင်းလေစွ။” ဟု စောဒကတက်ခဲ့ကြ၏။ (အို၊ ရစူလ်တမန်တော်၊ သူတို့အား) “လောကီအကျိုးခံစားမှုသည် (သက်တမ်းတိုသလောက်) ခေတ္တခဏနှင့်ယာယီသာ ဖြစ်၏။ အရှင်မြတ်ကို စိုးရွံ့ထိတ်လန့် (လျက် အရှင့်စည်း မျဉ်းတော်နှင့်အညီ မြဲမြံစွာ လိုက်နာကြ) သူတို့အတွက်မူနောင်တမလွန်ဘဝနှင့် တမလွန်၏အကျိုးခံစားခွင့်များ သည်သာ အရေးအပါဆုံးနှင့်အကောင်းမြတ်ဆုံး ဖြစ်၏။ မည်သူမျှ စွန်ပလွံစေ့၌ရှိသော အမည်းစက်လေးခန့် မျှပင် မတရားစီရင်ခြင်း ခံရမည်မဟုတ်။” ဟု ဟောလော့။