Back to Languages

Burmese - Chapter 7 - Al-Araf

Translation by Alin U Yin — Permalink

Verse 158 — Surah Al-Araf 7:158

(အို၊ ရစူလ်တမန်တော်လူသားအားလုံးကို) ဟောလော့။ အို၊ လူသားအပေါင်းတို့၊ မုချဧကန်၊ ကျွန်ုပ်သည် သင်တို့အားလုံးထံသို့ (အရှင့်အမိန့်ပညတ်ချက်များပို့ချပေးအပ်ရန် စေလွှတ်တော်မူခြင်းခံရသော) အလ္လာဟ်အရှင်မြတ်၏ရစူလ်တမန်တော်ဖြစ်၏။ ထိုအရှင်မြတ်သည် မိုးကောင်းကင်များနှင့်ကမ္ဘာဂြိုဟ်တို့အား (ဖွဲ့စည်းဖြစ်တည်စေတော်မူသောကြောင့် ယင်းတို့အားလုံးကို) စိုးမိုးအုပ်ချုပ်သော အရှင်သခင်ဖြစ်တော်မူ၏။ (သက်မဲ့မှ) သက်ရှိဖြစ်စေတော်မူသော၊ (သက်ရှိတို့ကိုလည်း သေကြေပျက်စီး၍) သက်မဲ့ဖြစ်စေတော်မူသော ထိုအရှင် မြတ်မှအပ အခြားခဝပ်ကိုးကွယ်ထိုက်သောအရှင်ဟူ၍ အလျှင်း မရှိချေ။ သို့ဖြစ်ပေရာ အလ္လာဟ်အရှင်မြတ်နှင့် အရှင့်ဗျာဒိတ်တို့အပေါ် အပြည့်အဝယုံကြည်သော၊ (အရှင်မြတ်မှလွဲ၍ မည်သူတစ်ဦးတစ်ယောက်ထံကမှ အရေးအဖတ်နှင့်) စာပေအတတ်ပညာကို မသင်ယူခဲ့ဖူးသော၊ ထိုအရှင်မြတ်ရစူလ်တမန်တော်နှင့်အလ္လာဟ်အရှင်မြတ်ကို သက်ဝင်ယုံကြည်ကြပြီး သင်တို့တရားလမ်းမှန် ညွှန်ပြခြင်းခံရရန်အလို့ငှာ ထိုတမန်တော်အား တစ်သဝေမတိမ်း လိုက်နာကြလော့။