Back to LanguagesPrevious ChapterNext Chapter EnglishArabicUrduHindiTamilBengali
Burmese - Chapter 7 - Al-Araf
Translation by Alin U Yin — Permalink
Verse 43 — Surah Al-Araf 7:43
ထို့ပြင် ငါအရှင်မြတ်သည် သူတို့၏စိတ်နှလုံး၌ရှိသော အာဃာတအငြိုအတေးနှင့်မနာလိုမှုများကို ဖယ်ရှားထုတ်ပစ်တော်မူမည်။ သူတို့၏အောက်ခြေ၌ စိမ့်စမ်းရေများ တသွင်သွင် စီးဆင်းလျက်ရှိ၏။ သူတို့က “ချီးမွမ်းမှုနှင့်ကျေးဇူးတင်မှုဟူသမျှသည် ကျွန်ုပ်တို့အား ဤသို့ (လောကီဘဝ၌ အရှင်မြတ်က မျက်နှာသာပေးတော်မူသည့် လမ်းစဉ်အတိုင်း ဘဝတည်ဆောက်နိုင်ရန်) လမ်းညွှန်တော်မူသောအလ္လာဟ်အရှင်မြတ်နှင့်သာ ထိုက်တန်တော်မူ၏။ အကယ်၍ အလ္လာဟ်အရှင်မြတ်က ကျွန်ုပ်တို့အား လမ်းညွှန်တော်မမူခဲ့လျှင် တရားလမ်းညွှန်မှန်ကို အလျှင်း ရရှိကြမည်မဟုတ်ပေ။ မုချဧကန် ကျွန်ုပ်တို့အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်ထံတော်မှ အမှန်တရားသစ္စာနှင့်အတူ ရစူလ်တမန်တော်များ ရောက်ရှိလာခဲ့၏။ “ဤသုခဘုံဥယျာဉ် သည် သင်တို့ (က လောကီဘဝ၌) ပြုမူကျင့်ကြံကြသည်နှင့်အညီ (အကျိုးဆုလဒ်အဖြစ်) အမွေဆက်ခံခွင့်ခံရမည့် အရာအဖြစ်ကြောင်း” (ကြွေးကြော်သူတစ်ဦးက) သူတို့အား ဟစ်ခေါ်ပြောလိမ့်မည်။