Burmese - Chapter 16 - An-Nahl

၁။ အလ္လာဟ်အရှင်မြတ်၏ အမိန့်တော်သည် ကျရောက်လာလတ့ံ။ ထို့ကြောင့်သင်တို့သည် အမိန့်တော်အဆော တလျင်ကျရောက်ဖို့ရာ မတောင့်တကြလင့်၊ အရှင်မြတ်သည် သူတို့တွဲဖက်သောဘုရားတုများထက် သာလွန် မြင့်မြတ်စုံလင်တော်မူ၏။

၂။ အလ္လာဟ်အရှင်မြတ်သည် မိမိ၏ ကျေးကျွန်များအနက် အလိုရှိတော်မူသောပုဂ္ဂိုလ်ထံသို့ ကောင်းကင်တမန်တော် များကို မိမိ၏ ဗျာဒိတ်တော်နှင့်တကွ စေလွှတ်တော်မူ၏။ ထိုဗျာဒိတ်တော်မှာ ငါအရှင်မြတ်မှတပါး အခြားအရှင် မြတ်မှတပါး အခြားအရှင်သခင်မရှိဟု သင်သည် လူသားအပေါင်းတို့ကို ဟောကြားဆုံးမလော့။ ထို့ကြောင့် သင်တို့သည် ငါ့အား ကြောက်ရွံ့ကြလော့။

၃။ အရှင်မြတ်သည် မိုးကောင်းကင်နှင့် ကမ္ဘာမြေကြီးကို မုချဧကန်ဖန်ဆင်းတော်မူ၏။ သူတို့တွဲဖက်သောဘုရားတု များထက် သာလွန်ကြီးမြင့်ထူးမြတ်လှပါ၏။

၄။ အရှင်မြတ်သည် လူသားကို အရည်တပေါက်မှ ဖန်ဆင်းတော်မူ၏။ သို့ပါလျက် သူသည် အရှင်မြတ်အား ဗြောင်ရန်မူသူဖြစ်၏။

၅။ ထို့အပြင် အရှင်မြတ်သည် ခြေလေးချောင်းတိရိစ္ဆာန်များကို ဖန်ဆင်းတော်မူ၏။ ထိုတိရိစ္ဆာန်များမှ သင်တို့သည် အနွေးထည်ကို ရရှိကြ၏။ ထို့အပြင်၎င်းတို့ကို အမျိုးမျိုးသုံးစွဲရကြ၏။ အသားကိုလည်း စားရကြ၏။

၆။ သင်တို့သည် ထိုတိရိစ္ဆာန်များကို အိမ်သို့ ပြန်မောင်းလာသောအခါ၌လည်းကောင်း၊ စားကျက်သို့ မောင်းသွားသော အခါ၌လည်းကောင်း၊ ၎င်းတို့သည် သင်တို့အဖို့အရာ လှပတင့်တယ်ရှုချင်ဖွယ်ဖြစ်၏။

၇။ ထို့အပြင်သင်တို့သည် အလွန်ခဲယဉ်းစွာသွားရသောနေရာအရပ်သို့၊ ၎င်းတို့သည် သင်တို့၏ အထုပ်အပိုးများကို သည်ပိုးရွက်ဆောင်၏။ မှတ်သားကြလော့။ သင်တို့၏ အရှင်သခင်သည် အလွန်သနားကြင်နာတော်မူ၏။ ကောင်းကြီးမင်္ဂလာပေးသနားတော်မူ၏။

၈။ ထို့အပြင်အရှင်မြတ်သည် သင်တို့စီးနင်းသွားလာဖို့ရာသော်လည်းကောင်း၊ ခန့်ငြားတင့်တယ်ဖို့ရာသော်လည်း ကောင်း၊ မြင်း၊ မြည်းတိရိစ္ဆာန်များကို ဖန်ဆင်းတော်မူ၏။ ထို့အပြင်သင်တို့မသိသောအရာများကိုလည်း ဖန်ဆင်း တော်မူ၏။

၉။ ထို့အပြင်အရှင်မြတ်အဖို့မှာ လမ်းညွှန်ပြခြင်းဖြစ်၏။ လမ်းအချို့တို့သည် မဖြောင့်မမတ် ကွေ့ကောက်၏။ အကယ်၍ အရှင်မြတ်အလိုတော်ရှိခဲ့ပါလျှင် သင်တို့အားလုံးအား လမ်းမှန်ကို ပြတော်မူခဲ့လတ့ံ။

၁ဝ။ အရှင်မြတ်သည် မိုးကောင်းကင်မှ ရေသွန်းချတော်မူ၏။ ထိုရေမှ သင်တို့သောက်ရေရကြ၏။ ထိုရေမှ သစ်ပင် ဝါးပင်များပေါက်ရောက်ကြ၏။ ထိုသစ်ပင်ဝါးပင်၏ အရွက်အလက်များကို သင်တို့သည် မိမိတို့၏ ခြေလေးချောင်း တိရိစ္ဆာန်များအား ကျွေးမွေးကြ၏။

၁၁။ အရှင်မြတ်သည် ထိုရေအားဖြင့် သင်တို့အဖို့ သံလွင်သီး၊ စွန်ပလွံသီး၊ အသီးအမျိုးမျိုးစသည့်အသီးအနှံများ ကို သီးစေတော်မူ၏။ မှတ်သားကြလော့၊ ဤအချင်းအရာ၌ တွေးတောဆင်ခြင်တတ်သူတို့အဖို့အရာ သာဓက တော်အမှန်ပင်ဖြစ်၏။

၁၂။ ထို့အပြင်အရှင်မြတ်သည် နေ့နှင့်ညဉ့်၊ နေနှင့်လတို့အား သင်တို့၏ အကျိုးကို ဆောင်စေတော်မူ၏။ အရှင်မြတ်၏ ဗျာဒိတ်တော်အတိုင်း နက္ခတ်တာရာတို့လည်း သင်တို့အကျိုးကို ဆောင်ရ၏။ မှတ်သားကြလော့၊ ဤအကြောင်း အရာ၌ အသိဉာာဏ်ရှိသူတို့အဖို့ သာဓကတော်များအမှန်ပင်ပါရှိ၏။

၁၃။ ထို့အပြင်အရှင်မြတ်သည် သင်တို့အဖို့အရာ ကမ္ဘာမြေပေါ်တွင် ခပ်သိမ်းကုန်သောအရာတို့ကို ဖန်ဆင်းထားတော် မူ၏။ ထိုအရာများသည် အဆင်း၊ အရောင်ကွဲပြားကြ၏။ အထူးထူးအခြားခြားဖြစ်ကြ၏။ မှတ်သားကြလော့။ ဤအဖြစ်အပျက်၌ ဂရုစိုက်ရသူတို့အဖို့ သာဓကတော်တစ်ပါးအမှန်ပင်ပါရှိ၏။

၁၄။ ထို့အပြင်အရှင်မြတ်သည် ပင်လယ်သမုဒ္ဒရာကို သင်တို့အဖို့အရာ အကျိုးဖြစ်ထွန်းစေတော်မူ၏။ ထိုပင်လယ် သမုဒ္ဒရာမှ သင်တို့စားဖို့ရာ လတ်ဆတ်သောအသားကို ရရှိ၏။ ထို့အပြင်ပုလဲစသည့်ဆင်မြန်းဖွယ်ရာများကိုလည်း ရရှိ၏။ ထို့အပြင်သင်သည် လှေသင်္ဘောများကို ပင်လယ်သမုဒ္ဒရာကို ဖြတ်သန်းသွားလာသည်ကို မြင်ရ၏။ ယင်းသို့သွားလာခြင်းမှာ သင်လူသားတို့သည် အရှင်မြတ်၏ ကျေးဇူးတော်ကို ရှာမှီးဖို့ရာလည်းဖြစ်၏။ ဂုဏ်ကျေးဇူး တော်ကို ချီးကျူးကောင်းချီးကျူးဖို့ရာလည်းဖြစ်၏။

၁၅။ ထို့အပြင်အရှင်မြတ်သည် သင်တို့လှုပ်ရှားသောအခါ ကမ္ဘာမြေကြီးမလှုပ်ရှား*****သွားလာဖို့ရာ လမ်းတွေ့ နိုင်ရန် မြစ်ကြီး၊မြစ်ငယ်၊လမ်းကြီး၊လမ်းငယ်အသွယ်သွယ်ကို ဖန်ဆင်းထားတော်မူ၏။

၁၆။ ထို့အပြင်တောင်ကုန်း၊ ကြယ်နက္ခတ်တာရာစသောအမှတ်သညာတို့ကို ဖန်ဆင်းထားတော်မူပါ၏။ ထိုအမှတ် သညာတို့အားဖြင့် လူသားတို့သည် သွားလာဖို့ရာ လမ်းတွေ့နိုင်ကြ၏။

၁၇။ ဖန်ဆင်းခြင်းကို ပြုသောအရှင်မြတ်သည် ဖန်ဆင်းခြင်းကို မပြုသူနှင့်အတူတူပင်လော၊ သို့ပါလျက် သင်တို့သည် သတိရကြမည်မဟုတ်လော။

၁၈။ အကယ်၍ သင်တို့သည် အလ္လာဟ်အရှင်မြတ်၏ ဂုဏ်ကျေးဇူးတော်များကို ရေတွက်ကြလျှင် ရေတွက်၍ မဆုံးနိုင် ချေ၊ မှတ်သားကြလော့၊ အလ္လာဟ်အရှင်မြတ်သည် မုချဧကန်အပြစ်လွှတ်တော်မူ၏။ ကောင်းကြီးမင်္ဂလာပေးသနား တော်မူ၏။

၁၉။ အလ္လာဟ်အရှင်မြတ်သည် သင်တို့ဖုံးကွယ်လျှို့ဝှက်ထားသောအရာများ၊ သင်တို့ထုတ်ဖော်ကြေငြာသောအရာ များကို သိတော်မူ၏။

၂ဝ။ အလ္လာဟ်အရှင်မြတ်မှတပါး သူတို့ကိုးကွယ်သောဘုရားတုတို့သည် တစုံတရာမျှမဖန်ဆင်းချေ၊ ဖန်ဆင်း ခြင်းကိုသာ ခံရကြ၏။

၂၁။ ထိုဘုရားပျက်တို့သည် အသက်မရှိ အသေသာဖြစ်၏။ ထို့အပြင်သူတို့သည် မိမိတို့ဘယ်အချိန်အခါတွင် ရှင်ပြန်ထ မြောက်ကြရမည်ကို မသိကြချေ။

၂၂။ သင်တို့၏ အရှင်သခင်သည် တဆူတည်းဖြစ်တော်မူ၏။ သို့သော်နောင်တမလွန်ဘဝကို မယုံကြည်သူတို့မှာမူကား သူတို့သည် မာနကြီးမားပလွှားသောကြောင့် သူတို့၏ စိတ်နှလုံးသည် အသိတရားကို ငြင်းပယ်ကြ၏။

၂၃။ မုချဧကန်အလ္လာဟ်အရှင်မြတ်သည် သူတို့ထိမ်ချန်လျှို့ဝှက်ထားသောအရာ၊ ထုတ်ဖော်ကြေငြာသောအရာအလုံးစုံ ကို အကုန်အစင်သိတော်မူ၏။ မှတ်သားကြလော့၊ အရှင်မြတ်သည် စိတ်ကြီးဝင်သောသူတို့ကို နှစ်သက်တော် မမူချေ။

၂၄။ ထို့အပြင်သူတို့အား ဟယ်-အချင်းတို့၊ သင်တို့၏ ကျေးဇူးတော်သခင်သည် သင်တို့အား အဘယ်ဗျာဒိတ်ကို ချပေးတော်မူသနည်းဟု မေးသောအခါ သူတို့က ရှေးလူဟောင်းတို့၏ ဒဏ္ဍာရီများသာဟု ဖြေဆို၏။

၂၅။ ရှင်ပြန်ထမြောက်ရသောနေ့တော်ကြီး၌ သူတို့သည် မိမိတို့ဝန်ထုပ်ဝန်ပိုးများကို လျှော့ပေါ့ခြင်းမရှိပဲ ပြည့်စုံစွာ ထမ်းရသည့်အပြင် သူတို့ပညာမဲ့သွေးဆောင်သောသူတို့၏ အထုပ်အပိုးအချို့ကိုလည်း ထမ်းရမည်။ သူတို့ ထမ်းရသောဝန်ထုပ်မှာ မကောင်းဆိုးဝါးဖြစ်၏။

၂၆။ သူတို့ထက်ရှေးကျသောသူတို့သည် အကြံအစည်ထုတ်ကြ၏။ ထို့ကြောင့်အလ္လာဟ်အရှင်မြတ်သည် သူတို့၏ အဆောက်အဦး၏ အခြေအမြစ်များကို ဖြိုဖျက်တော်မူ၏။ ထိုအခါအဆောက်အဦး၏ အမိုးအကာသည် သူတို့ အပေါ်သို့ အထက်မှ ပြိုကျ၏။ အပြစ်ဒဏ်တော်သည် အဘယ်နေရာမှာ ကျရောက်လာသည်ကို သူတို့မသိပဲ သူတို့အပေါ်သို့ ဆိုက်ရောက်လာ၏။

၂၇။ ထို့နောက်ရှင်ပြန်ထမြောက်ရသောနေ့တော်ကြီး၌ အရှင်မြတ်သည် ထိုအယူမှားသူတို့ကို အရှက်ခွဲတော်မူမည်။ ငါ၏ ဖက်စပ်သူများအဘယ်မှာနည်း။ သူတို့အတွက် နင်တို့သည် ငါ၏ တရားတော်ကို ခုခံတွန်းလှန်ကြ၏ဟု ဗျာဒိတ်တော်ချလတ့ံ။ ပညာအလင်းရောင်ရရှိသူတို့က ဤနေ့တော်ကြီး၌ မယုံကြည်သူတို့၏ အပေါ်သို့ အရှက် ကွဲခြင်းနှင့် မကောင်းဆိုးဝါးများသည် ကျရောက်ကြ၏။

၂၈။ ထိုသူများသည် မိမိကိုယ်ကို မိမိပြစ်မှားနေစဉ် ကောင်းကင်တမန်တော်များသည် သူတို့၏ အသက်ကို နှုတ်ယူ ကြ၏။ ထိုအခါသူတို့က အကျွနု်ပ်တို့သည် မကောင်းမှုများကို မကျူးလွန်ခဲ့ပါဟု လျှောက်ကြလတ့ံ။ ယင်းသို့ မဟုတ်ချေ။ အလ္လာဟ်အရှင်မြတ်သည် သင်တို့ပြုကျင့်သမျှအားလုံးကို သိတော်မူ၏။

၂၉။ ထို့ကြောင့်သင်တို့သည် အမြဲထာဝစဉ်နေထိုင်ဖို့ရာ အဝီစိငရဲထဲ ဝင်ကြလော့။ မာန်မာနထောင်လွှားသောသူတို့၏ ဗိမာန်သည် ပူဆွေးခြင်းအမှန်ပင်များပြား၏။

၃ဝ။ အကုသိုလ်မကောင်းမှုကို ရှောင်ရှားသူတို့အား သင်တို့၏ ကျေးဇူးတော်သခင်သည် အဘယ်ဗျာဒိတ်တော်ကို ချမှတ်တော်မူသနည်းဟု မေးမြန်း၏။ သူတို့က ကောင်းကြီးမင်္ဂလာအဖြာဖြာဟု ဖြေဆိုကြ၏။ ဤလောက၌ ကုသိုလ်ကောင်းမှုပွားများအ့ံ။ သူတို့အတွက် ဆုတော်ရှိ၏။ နောင်တမလွန်ဘဝရှိ ဘုံနန်းသည် သာလွန်မြင့်မြတ် လှ၏။ မကောင်းမှုကို ရှောင်ကြဉ်သူတို့၏ ဘုံပြဿဒ်သည် အလွန်ပင်နှစ်သက်ပျော်မွေ့ဖွယ်ကောင်းမည်။

၃၁။ သူတို့သည် နိဗ္ဗာန်ဥယျာဉ်တော်များကို ဝင်ရမည်။ ထိုဥယျာဉ်တော်အောက်တွင် စိမ့်စမ်း၊ မြစ်ချောင်းအသွယ်သွယ် စီးဆင်းလျက်ရှိ၏။ ထိုဥယျာဉ်တော်များ၌ သူတို့သည် မိမိတို့အလိုရှိသမျှတောင့်တသမျှအလုံးစုံကို ရရှိကြမည်။ အလ္လာဟ်အရှင်မြတ်သည် ဒုစရိုက်မှုကို ရှောင်ကြဉ်သူတို့အား ပြန်ဆပ်တော်မူ၏။

၃၂။ သူတော်ကောင်းဘဝတွင် မိမိတို့၏ အသက်ဝိညာဉ်များကို ကောင်းကင်တမန်တော်များ၊ နှုတ်ယူသောသူများ၊ သူတို့အား အို-သူတော်ကောင်းအပေါင်းတို့၊ အေးချမ်းသာယာမှုသည် သင်တို့အပေါ်သို့ သက်ရောက်ပါစေ သော်ဝ်။ သင်တို့ပြုကျင့်သောကုသိုလ်ကောင်းမှုအဟုန်ကြောင့် နိဗ္ဗာန်ဥယျာဉ်တော်ကြီးကို ဝင်ရောက်ကြပါလော့ဟု ပြောဆိုကြ၏။

၃၃။ မိစ္ဆာဒိဋ္ဌိမိုက်တို့သည် ကောင်းကင်တမန်တော်များ သူတို့ထံလာရောက်ခြင်း၊ သို့မဟုတ် သင်၏ ကျေးဇူးတော် သခင်၏ အမိန့်တော်ကျရောက်လာခြင်းမှတပါး၊ မည်သည့်အရာကို စောင့်ဆိုင်းမျှော်လင့်ကြသနည်း၊ သူတို့အလျင် ရှေးမိစ္ဆာဟောင်းတို့လည်း ယင်းသို့ပြုကျင့်ကြ၏။ အလ္လာဟ်အရှင်မြတ်သည် သူတို့ကို ပြစ်မှားတော်မမူချေ။ သူတို့သည် မိမိကိုယ်ကို မိမိတို့ပြစ်မှားကြ၏။

၃၄။ ထို့ကြောင့်သူတို့ကျူးလွန်ခဲ့သောပြစ်မှုများ၏ အကျိုးဆက်က သူတို့ကို ဆုံးမကြ၏။ သူတို့ပြောင်လှောင်လေ့ရှိသော အရာသည် သူတို့ကို ဝိုင်းထား၏။

၃၅။ ထို့အပြင်ရုပ်ပွားဆင်းတုကိုးကွယ်သူတို့သည် အလ္လာဟ်အရှင်မြတ်အလိုတော်ရှိခဲ့ပါလျှင် အကျွနု်ပ်တို့မိဘဘိုးဘွား နှင့်တကွ၊ အကျွနု်ပ်တို့သည် အလ္လာဟ်အရှင်မြတ်မှတပါး၊ မည်သည်ကိုမျှ ကိုးကွယ်ကြမည်မဟုတ်ချေ။ သို့မဟုတ် အရှင်မြတ်၏ ဗျာဒိတ်တော်မရှိပဲ အကျွနု်ပ်တို့သည် အဘယ်အရာကိုမျှ တားမြစ်မည်မဟုတ်ချေဟု ဆိုကြ၏။ သူတို့အလျင် ရှေးလူဟောင်းများလည်း ယင်းသို့ဆိုကြ၏။ ငါ၏ တမန်တော်တို့သည် ငါ၏ တရားတော်သို့ ပို့ဆောင်ခြင်းမှတပါး အခြားအရာဝထ္ထုများကို ထမ်းဆောင်ကြရသလော။

၃၆။ အမှန်မှာ ငါသည် လူမျိုးတိုင်းထံသို့ တမန်တော်တစ်ပါးစီစေလွှတ်တော်မူပြီး၊ ထိုတမန်တော်က အလ္လာဟ်အရှင် မြတ်အား ကိုးကွယ်ကြလော့။ ဘုရားတုများကို ရှောင်ရှားကြလော့ဟု ဟောကြားသွန်သင်ကြ၏။ ထို့နောက်အချို့ သောလူသားတို့ကို အရှင်မြတ်သည် လမ်းတော်ကို ပြသတော်မူ၏။ အချို့သောလူသားတို့ကို မှားယွင်းမှုက ဖမ်းဆီးထားကြ၏။ မဟာပထဝီမြေပြင်ပေါ်ဝယ် ခရီးသွားလာ၍၊ မယုံကြည်သူတို့၏ အကျိုးဆက် ဘာဖြစ်သည်ကို ကြည့်ရှုကြလော့။

၃၇။ မိုဟမ္မဒ်၊ အကယ်၍ သင်သည် သူတို့အတွက် လမ်းမှန်ညွှန်ခြင်းကို လိုသော်လည်း၊ အလ္လာဟ်အရှင်မြတ်သည် လမ်းမှားသို့ ဖျားယောင်းသူအား မုချလမ်းပြတော်မမည်မဟုတ်ချေ။ ဤသူတို့၌ ကူညီစောင်မသူများမရှိချေ။

၃၈။ အလ္လာဟ်အရှင်မြတ်သည် သေသူတို့အား ရှင်ပြန်ထမြောက်စေတော်မူမည်မဟုတ်ဟူ၍ ထိုသူတို့သည် အလ္လာဟ် အရှင်မြတ်ကို ကိုင်၍ အလွန်ပြင်းပြကြီးလေးသောကျမ်းကျိန်ချက်များကို ဆိုကြ၏။ သူတို့ပြောဆိုသကဲ့သို့ မဟုတ်ချေ။ ရှင်ပြန်ထမြောက်စေခြင်းသည် အရှင်မြတ်အတွက် မဖျက်ရသည့်ကတိဗျာဒိတ်တော်အမှန်ပင်ဖြစ်၏။ သို့သော်များလှစွာသောလူသားတို့သည် မသိကြချေ။

၃၉။ ရှင်ပြန်ထမြောက်ခြင်းမှာ လူသားတို့အား မိမိတို့ကွဲပြားမှုကို အရှင်မြတ်က ရှင်းလင်းပြသတော်မူဖို့ရာသော် လည်းကောင်း၊ မယုံကြည်သူတို့သည် မိမိတို့မုသားကောင်များဖြစ်ကြောင်းကို သိဖို့ရာသော်လည်းကောင်းဖြစ်၏။

၄ဝ။ ငါအရှင်မြတ်သည် တစုံတရာကို ကြံစည်တော်မူလျှင် ထိုအရာအား ဖြစ်စေဟု ဗျာဒိတ်တော်ချ၏။ ထိုအခါထိုအရာ သည် ဖြစ်ပေါ်လာ၏။

၄၁။ အကြင်သူတိုပသည် အလ္လာဟ်အရှင်မြတ်၏ သာသနာတော်ကြီးကြောင့် မတရားနှိပ်စက်ခံရသဖြင့် မိမိတို့နေရာ အရပ်ကို စွန့်ပစ်ထွက်ပြေးရကြအ့ံ။ ထိုသူတို့အား ငါသည် အကယ်စင်စစ်ဤပစ္စုပ္ပန်ဘဝလောကတွင် အိုးအိမ် ပေးသနားတော်မူမည်။ အမှန်မှာ နောင်ဘဝ၏ ဆုတော်သည် သာလွန်ကြီးမား၏။ သူတို့သိလျှင် ကောင်းလေစွ။

၄၂။ ဤလူအမျိုးအစားသည် သည်းခံတည်ကြည်ကြ၏။ အလ္လာဟ်အရှင်မြတ်အား ယုံကြည်ကိုးစားကြ၏။

၄၃။ အို-တမန်တော်၊ သင့်အလျင် ငါသည် မိမိ၏ ဗျာဒိတ်တော်အားဖြင့် မြှောက်စားတော်မူသောလူသားများမှတပါး အခြားအရာများကို တမန်တော်အဖြစ် စေလွှတ်တော်မမူချေ။ သင်မသိလျှင် ကျမ်းဟောင်းရရှိသူတို့အား မေးမြန်း လော့။

၄၄။ ငါသည် ထိုတမန်တော်များကို ထင်ရှားခိုင်မာသောသက်သေခံချက်များ၊ ကျမ်းဂန်တော်များနှင့်တကွ စေလွှတ် တော်မူ၏။ သင့်အားလည်း ငါသည် ကုရ်အာန်ကျမ်းတော်မြတ်ကို ထုတ်ပြန်ပို့ချပေးသနားတော်မူ၏။ ချပေးတော် မူခြင်းအကြောင်းရင်းကား၊ သင်သည် လူသားတို့အား သူတို့အတွက် ပြဋ္ဌာန်းသောကျမ်းတော်မြတ်ကို ရှင်းလင်း ဟောကြားဖို့ရာနှင့် သူတို့သည် ဆင်ခြင်ကောင်းဆင်ခြင်ဖို့ရာဖြစ်၏။

၄၅။ ဒုစရိုက်မကောင်းမှုများကို ကြံစည်သူတို့သည် အလ္လာဟ်အရှင်မြတ်က မိမိတို့အား မြေမျိုစေတော်မူမည့်ဘေးမှ လုံခြံုကြသလော သို့မဟုတ် မည်သည်မှ ကျရောက်လာသည်ကို မိမိတို့မသိသောအပြစ်ဒဏ်တော်မှလည်း လုံခြံုကြသလော။

၄၆။ သို့မဟုတ် သူတို့သည် ဤဤထိုထိုသွားလာနေစဉ် ပြေးပေါက်မရှိပဲ အရှင်မြတ်ဖမ်းဆီးတော်မူခြင်းမှလည်း လုံခြံုကြသလော။

၄၇။ သို့မဟုတ် အရှင်မြတ် သူတို့အား တဖြည်းဖြည်းပျက်စီးဆုံးရှုံးခြင်းဖြင့် ဖမ်းဆီးတော်မူခြင်းမှလည်း လုံခြံုကြ သလော၊ မှတ်သားလော့၊ သင်၏ ကျေးဇူးတော်သခင်သည် မုချဧကန်သနားကြင်နာတတ်ခြင်း၊ ကောင်းကြီး မင်္ဂလာပေးသနားတော်မူခြင်းဂုဏ်တော်များနှင့် ပြည့်စုံတော်မူ၏။

၄၈။ အလ္လာဟ်အရှင်မြတ်ဖန်ဆင်းတော်မူသည့်ခပ်သိမ်းကုန်သောအရာအပေါင်းတို့သည် မိမိတို့အရိပ်များ လက်ဝဲလက်၊ လက်ယာဘက်သို့ကျလျက်၊ အလ္လာဟ်အရှင်မြတ်အား ဝပ်တွားရှိခိုးပူဇော်ကြကြောင်း၊ ထိုအရာတို့သည် မိမိ ကိုယ်ကို မိမိနှိမ့်ချကြကြောင်းများကို သူတို့မမြင်ကြသလော။

၄၉။ သက်ရှိတို့မှ မိုးကောင်းကင်တွင် ရှိရှိသမျှတို့သည်လည်းကောင်း၊ မြေပေါ်ဝယ်ရှိသမျှသက်ရှိတို့သည်လည်းကောင်း၊ ကောင်းကင်တမန်တော်တို့သည်လည်းကောင်း၊ အလ္လာဟ်အရှင်မြတ်ကို ပျပ်ဝပ်ဦးချကြ၏။ သူတို့အပေါင်းသည် ဘဝင်မမြင့်ကြပေ။

၅ဝ။ သူတို့သည် မိမိတို့အပေါ်၌ရှိတော်မူသောအလ္လာဟ်အရှင်မြတ်ကို ကြောက်ရွံ့ရိုသေကြ၍ အရှင်မြတ်၏ ပညတ် တော်ကို နာခံကြ၏။

၅၁။ အလ္လာဟ်အရှင်မြတ်က သင်တို့သည် အရှင်သခင်နှစ်ဆူမရှာကြလင့်။ အရှင်သခင်တဆူတည်းသာလျှင် ရှိတော် မူ၏။ ထို့ကြောင့်ငါ့ကိုသာလျှင် ကြောက်ရွံ့ရိုကျိုးကြလော့ဟု ဗျာဒိတ်တော်မူ၏။

၅၂။ မိုးကောင်းကင်နှင့် ကမ္ဘာမြေပေါ်ဝယ်ရှိရှိသမျှအပေါင်းတို့သည် အလ္လာဟ်အရှင်မြတ်၏ ဘဏ္ဍာတော်များဖြစ်ကြ၏။ ဘာသာတရားသည် အရှင်မြတ်၏ ဘာသာသာလျှင် အစဉ်ဖြစ်၏။ ထို့ကြောင့်သင်တို့သည် အလ္လာဟ်အရှင်မြတ် မှတပါး အခြားတစုံတရာကို ကြောက်ရွံ့ကြမည်လော။

၅၃။ သင်တို့ခံစားသည့်စည်းစိမ်ချမ်းသာဟူသမျှသည် အလ္လာဟ်အရှင်အထံတော်မှ ဖြစ်၏။ သင်တို့ကို ဘေးအန္တရာယ် ထိသောအခါ သင်တို့သည် အလ္လာဟ်အရှင်မြတ်၌ အစောင့်အရှောက်အတွက် ငိုကြွေးကြ၏။

၅၄။ ထို့နောက်အရှင်မြတ်သည် သင်တို့ကို ဘေးဒုက္ခမှ ဖယ်ရှားတော်မူပြီးသောအခါ သင်တို့အနက် လူတစုသည် မိမိတို့၏ ကျေးဇူးတော်သခင်အား ဖက်စပ်သူများကို ပေးကြ၏။

၅၅။ ယင်းသို့ပေးခြင်းမှာ ငါ သူတို့အား ပေးသနားတော်မူသောကျေးဇူးတော်ကို ငြင်းပယ်ရန်အဖို့ဖြစ်၏။ ထို့ကြောင့် သင်တို့သည် ဤဘဝကို ခံစားရအ့ံ။ ခံစားကြလော့၊ များမကြာမီ သင်တို့သိစေရမည်။

၅၆။ ထို့အပြင် သူတို့သည် ငါပေးသနားတော်မူသောဥစ္စာပစ္စည်းများအနက် တစိတ်တဒေသကို သူတို့မသိသောအရာ များအား လှုဒါန်းကြ၏။ အလ္လာဟ်အရှင်မြတ်၏ တန်ခိုးတော်ကြောင့် သင်တို့အား မိမိတို့လုပ်ကြံလေ့ရှိသော အမှုများနှင့်စပ်လျဉ်း၍ မုချဧကန်စစ်ကြောစီရင်တော်မူမည်။

၅၇။ ထို့အပြင်သူတို့သည် အလ္လာဟ်အရှင်မြတ်အား သမီးတော်များပေး၍ သူတို့အဖို့ ၎င်းတို့နှစ်သက်ရာကို ယူကြ၏။ အလ္လာဟ်အရှင်မြတ်သည် ချို့တဲ့ခြင်းကင်းတော်မူ၏။ တန်ခိုးတောက်ပတော်မူ၏။

၅၈။ သူတို့အနက် တစ်ဦးတစ်ယောက်သည် သမီးရတနာဖွားမြင်ကြောင်းသတင်းရသောအခါ သူသည် မျက်နှာမသာ မဲသွား၏။ သူသည် ကိုယ်တွင်း၌ ဒေါသထွက်၏။

၅၉။ သူသည် မိမိရရှိသောအမင်္ဂလာသတင်းကြောင့် လူများကို မျက်နှာမပြ၊ ပုံးရှောင်နေ၏။ သူသည် ထိုသမီး ကလေးကို သေးသိမ်ယုတ်ညံ့သောဘဝတွင် ထားမည်လော။ သို့မဟုတ် အရှင်မြှုပ်မည်လော။ အမှန်မှာ သူတို့၏ ဆုံးဖြတ်ချက်သည် မကောင်းမှုဖြစ်၏။

၆ဝ။ နောင်တမလွန်ဘဝကို မယုံကြည်သူတို့အဖို့ ဆိုးဝါးသောဥပမာကားဖြစ်၏။ အလ္လာဟ်အရှင်မြတ်၏ ဥပမာကာ အလွန်ကြီးကျယ်ထူးမြတ်လှ၏။ အရှင်မြတ်သည် အနန္တတန်ခိုးတော်သခင်၊ သဗ္ဗညုတဉာာဏ်တော်ရှင်ဖြစ်တော်မူ ပါ၏။

၆၁။ အကယ်၍ အလ္လာဟ်အရှင်မြတ်သည် လူသားတို့အား ၎င်းတို့ပြုကျင့်မှုကြောင့် ချက်ခြင်းအပြစ်ဒဏ်ခတ်တော်မူ ပါလျှင် ဤကမ္ဘာမြေကြီးပေါ်တွင် သက်ရှိသတ္တဝါတစုံတယောက်မျှကျန်ရစ်မည်မဟုတ်ချေ။ သို့သော်အရှင်မြတ် သည် သူတို့အား ပြဋ္ဌာန်းထားတော်မူသည့်အချိန်ကာလတိုင်အောင် အချိန်ပေးတော်မူ၏။ အချိန်စေ့ရောက်ကာလ၊ သူတို့သည် ထိုအချိန်ကို တနာရီမျှမဆုတ်၊ မတိုးနိုင်ချေ။

၆၂။ သူတို့သည် မိမိမနှစ်မြို့သောအရာကို အလ္လာဟ်အရှင်မြတ်အား ဝေစုပေးကြ၏။ ကောင်းသောအရာသည် သူတို့၏ ဝေစုဟု မဟုတ်မလျားဆိုကြ၏။ အမှန်မှာ သူတို့၏ ဝေစုသည် ငရဲမီးသာဖြစ်၏။ သူတို့ကို ငရဲမီးထဲ၌ ပစ်ထားတော်မူလတ့ံ။

၆၃။ အလ္လာဟ်အရှင်မြတ်၏ တန်ခိုးတော်ကြောင့် သင့်အလျင်၊ တမန်တော်များကို မိမိတို့လူမျိုးအသီးသီးထံ ငါအရှင် မြတ်မုချဧကန်စေလွှတ်တော်မူ၏။ သို့သော်ရှိုင်တန်မာရ်နတ်သည် သူတို့အား မိမိတို့အပြုအမူများကို တင့်တယ် စေ၏။ ယခုလည်း သူတို့၏ နာယကဖြစ်၏။ သူတို့၏ ဝေစုမှာ အလွန်ပြင်းပြနာကျင်ဖွယ်ကောင်းသောအပြစ်ဒဏ် ကြီးဖြစ်၏။

၆၄။ တမန်တော်၊ သင်သည် သူတို့အား သူတို့၏ အမှားကို ရှင်းလင်းပြဖို့ရာသော်လည်းကောင်း၊ ယုံကြည်သူတို့ အဖို့အရာ တရားလမ်းညွှန်နှင့် ကောင်းကြီးမင်္ဂလာတော်ကြီးဖြစ်ဖို့ရာသော်လည်းကောင်း၊ ငါသည် သင့်အား ကုရ်အာန်ကျမ်းတော်မြတ်ကို ထုတ်ပြန်ချပေးသနားတော်မူ၏။

၆၅။ အလ္လာဟ်အရှင်မြတ်သည် မိုးကောင်းကင်မှ ရေကို သွန်းချတော်မူ၏။ ထိုရေအားဖြင့် သေပြီးသောမြေကြီးကို တဖန်ရှင်စေတော်မူ၏။ မှတ်သားကြလော့၊ ဤအချင်းအရာ၌ ကြားနာသူတို့အဖို့ သာဓကတော်တပါးပါရှိ၏။

၆၆။ မှတ်သားကြလော့။ အခြေလေးချောင်းရှိ တိရိစ္ဆာန်များ၌လည်း သင်တို့အဖို့အရာ သင်ခန်းစာတစ်ခုရှိ၏။ ငါသည် သူတို့၏ ဝမ်းတွင်းအစာဟောင်းအိမ်နှင့် အသွေး၏ အကြားမှ ဖြူစင်သန့်ရှင်းသောနို့ရည်ဖြစ်လာစေ၍ ထိုနို့ရည် သည် သောက်စားသူတို့အား ကောင်းသောအရသာကို ပေး၏။

၆၇။ ထို့အပြင်စွန်ပလွံ၊ သပျက်သီးစသောသီးမျိုးမှ သောက်စရာပြင်းသောအရည်၊ စားစရာအစာအာဟာရတို့ကို သင်တို့ရရှိကြ၏။ မှတ်သားကြလော့၊ ဤအကြောင်းအရာ၌ ပညာရှိသူတို့အဖို့အရာ သာဓကတော်တပါး အမှန်ပင် ပါရှိ၏။

၆၈။ ထို့အပြင် သင်၏ ကျေးဇူးတော်သခင်သည် ပျားတိရိစ္ဆာန်ကို ဗျာဒိတ်ပေးတော်မူသည်မှာ ပျားတိရိစ္ဆာန်၊ သင်သည် တောင်များ၊ သစ်ပင်များ၊ အမိုးအကာရှိသောအဆောက်အဦးများတွင် သင်တို့နေဖို့ နေရာများကို ရွေးချယ်လော့။

၆၉။ ထို့နောက် သစ်သီးအမျိုးမျိုးမှ စားသောက်လော့။ သင် လွယ်ကူစွာလိုက်နာဖို့ စီရင်ထားတော်မူသောသင်၏ ကျေးဇူးတော်သခင်၏ နည်းလမ်းများကို လိုက်နာဆောင်ရွက်လော့။ သူတို့၏ ဝမ်းတွင်းမှ အသွေးအရောင် အမျိုးမျိုးသောပျားရည်ကို ရ၏။ ပျားရည်သည် လူသားတို့အတွက် ရောဂါပျောက်စေတတ်သောဆေးဖြစ်၏။ မှတ်သားကြလော့၊ ဤအချင်းအရာ၌ တွေးတောဆင်ခြင်တတ်သူတို့အဖို့အရာ သာဓကတော်တစ်ပါးအမှန်ပင် ပါရှိ၏။

၇ဝ။ အလ္လာဟ်အရှင်မြတ်သည် သင်တို့ကို ဖန်ဆင်းတော်မူ၏။ ထို့နောက်သေစေတော်မူ၏။ သင်တို့အနက် အချို့သည် အလွန်အိုမင်းမစွမ်း ယုတ်ည့ံခိုကိုးရာမဲ့ဘဝသို့ ရောက်ရှိကြရ၏။ သူတို့သည် အသိဉာာဏ်တရားရရှိခဲ့သော်လည်း ဤနောက်ဆုံးဘဝ၌ သတိမေ့လျော့ အသိဉာာဏ်ကင်းမဲ့ကြ၏။ မှတ်သားကြလော့၊ အလ္လာဟ်အရှင်မြတ်သည် သိတော်မူသောအရှင်၊ တန်ခိုးကြီးတော်မူသောသခင်ဖြစ်တော်မူ၏။

၇၁။ အလ္လာဟ်အရှင်မြတ်သည် သင်တို့အနက် အချို့သောသူတို့အား အခြားသူများထက် စည်းစိမ်ဥစ္စာများ၌ ပိုမို ကျေးဇူးပြုတော်မူ၏။ သို့သော်ဤကဲ့သို့ကျေးဇူးပြုတော်မူခြင်းခံရသူတို့သည် မိမိတို့ဥစ္စာပစ္စည်းများကို မိမိတို့ ကျေးကျွန်များနှင့် ညီတူညီမျှဖြစ်စေရန် မည်သည့်နည်းနှင့်မျှ ဝေယူကြမည်မဟုတ်ချေ။ သူတို့သည် အလ္လာဟ် အရှင်မြတ်၏ ဂုဏ်ကျေးဇူးတော်ကို ငြင်းခုံကြသလော။

၇၂။ တဖန် အလ္လာဟ်အရှင်မြတ်သည် သင်တို့အား မိမိတို့အထဲမှာ ဇနီးမိန်းမများကို ပေးသနားတော်မူ၏။ ထိုမိန်းမ များမှ သားသမီးမြေးမြစ်များကို ဖန်ဆင်းတော်မူ၏။ သင်တို့အား မွန်မြတ်သောဥစ္စာပစ္စည်းအစားအစာများကို လည်း ပေးသနားတော်မူ၏။ သို့ပါလျက် သူတို့သည် ဝါကြွားခြင်း၊ မာနကြီးခြင်းများကို ယုံကြည်ကြသလော။ အလ္လာဟ်အရှင်မြတ်၏ ကောင်းကြီးမင်္ဂလာတော်ကို မယုံကြည်ကြသလော။

၇၃။ ထို့အပြင် သူတို့သည် အလ္လာဟ်မှတပါး မိမိတို့အတွက် မိုးကောင်းကင်မှသော်လည်းကောင်း၊ ကမ္ဘာမြေကြီး မှသော်လည်းကောင်း၊ အစားအစာတစုံတခုမျှ မပေးနိုင်သောအရာများကို ကိုးကွယ်ကြ၏။ သူတို့ကိုးကွယ်သော ဘုရားတုများ၌ တန်ခိုးအာဏာတစုံတရာမျှမရှိချေ။

၇၄။ သို့အတွက် သင်တို့သည် အလ္လာဟ်အရှင်မြတ်နှင့်နှိုင်းယှဉ်ခြင်းကို မပြုကြလင့်။ မှတ်သားကြလော့။ အလ္လာဟ် အရှင်မြတ်သည် အရာခပ်သိမ်းကုန်တို့ကို သိတော်မူ၏။ သင်တို့ကား မသိကြချေ။

၇၅။ အလ္လာဟ်အရှင်မြတ် ဥပမာတခုစီရင်တော်မူ၏။ လူနှစ်ဦးရှိ၏။ တစ်ဦးမှာ ဥစ္စာပစ္စည်းမရှိ၊ ဆင်းရဲသောအစေခံကျွန် ဖြစ်၏။ ကျန်တဦးမှာ ငါအရှင်မြတ်ပေးသနားတော်မူသောဥစ္စာပစ္စည်းကြွယ်ဝ၏။ ထိုပစ္စည်းမှာ အလှုဒါနကို တိတ်တိတ်တိုးတိုးသော်လည်းကောင်း လူသိရှင်ကြားသော်လည်းကောင်း၊ ပေးကမ်းစွန့်ကြဲ၏။ ဤလူနှစ်ဦးသည် ထပ်တူထပ်မျှဖြစ်ကြသလော။ အ့ံချီးဖွယ်အပေါင်းသည် အလ္လာဟ်အရှင်မြတ်သည် ချီးမွမ်းခြင်းတည်ရာသာတည်း။ သို့သော်သူတို့အနက် များလှစွာသောသူတို့သည် မသိကြချေ။

၇၆။ တဖန် အလ္လာဟ်အရှင်မြတ်သည် လူနှစ်ဦး၏ ဥပမာကို ဆောင်တော်မူ၏။ လူတဦးမှာ စကားမပြောနိုင်၊ ဆွံ့ အယနေသူဖြစ်၏။ သူသည် တစုံတရာမှ မစိုးပိုင်ချေ။ အုပ်ထိန်းစောင့်ရှောက်သူအတွက် တာဝန်ဒုက္ခကြီးတခု ဖြစ်၏။ သူ့ကို မည်သည့်အလုပ်နှင့်စေလွှတ်သော်လည်း သူသည် ဘာကောင်းကျိုးမှ မဆောင်ရွက်နိုင်ချေ။ ဤကဲ့သို့အသုံးမကျသူသည် တရားမှန်ကန်သူကို တိုက်တွန်းဆင့်ဆို၍ လမ်းမှန်ကို လိုက်သူနှင့်အတူတူပင် ဖြစ်သလော။

၇၇။ တဖန် အလ္လာဟ်အရှင်မြတ်သည် မိုးမြေတွင်းရှိ မမြင်စွမ်းနိုင်သောအရာခပ်သိမ်းကုန်များကို စိုးပိုင်တော်မူ၏။ အပြစ်ဒဏ်တော်ဆိုက်ရောက်လာမည့်အချိန်ကာလမှာ မျက်စိတမှိတ်လျှပ်တပြက်နှင့်ဖြစ်ပေါ်လာ၏။ သို့မဟုတ် ထိုထက်မြန်ဆန်၏။ မှတ်သားကြလော့။ အလ္လာဟ်အရှင်မြတ်သည် အရာရာတို့ကို ပြုစွမ်းနိုင်တော်မူ၏။

၇၈။ တဖန် အလ္လာဟ်အရှင်မြတ်သည် သင်တို့အား အမိဝမ်းတွင်းမှ ထုတ်ယူတော်မူ၏။ ထိုအခါသင်တို့သည် ဘာ မှမသိကြချေ။ ထို့နောက်သင်တို့သည် ဂုဏ်ကျေးဇူးတော်ကို သတိရချီးမွမ်းကြစေရန် နား၊ မျက်စိ၊ စိတ်နှလုံး စသည်တို့ကို ပေးသနားတော်မူ၏။

၇၉။ သူတို့သည် အလ္လာဟ်အရှင်မြတ်အား ကျိုးနွံရိုကျိုးသောငှက်တိရိစ္ဆာန်များ ကောင်းကင်လဟာပြင်၌ မမြင်ကြ သလော။ အရှင်မြတ်မှတပါး သူတို့ကို ထိုလေထဲ၌ အဘယ်သူမှ မထားနိုင်ချေ။ မှတ်သားကြလော့။ ဤအဖြစ် အပျက်၌ ယုံကြည်သူတို့အဖို့အရာ သာဓကတော်တပါးအမှန်ပင်ပါရှိ၏။

၈ဝ။ တဖန် အလ္လာဟ်အရှင်မြတ်သည် သင်တို့အား နေဖို့ရာအိမ်၊ ကျွဲနွားတိရိစ္ဆာန်သားရေများ၊ တဲများကို ပေးသနား တော်မူ၏။ ထိုသားရေများ၊ တဲများကို သင်ပြောင်းရွှေ့ခရီးသွားသောအခါ လွယ်လင့်တကူပေါ့ပေါ့ပါးပါးသယ်ယူ နိုင်၍ စခန်းချသောအခါလည်း လွယ်လင့်တကူတဲထိုးနိုင်ကြ၏။ ထို့အပြင်တိရိစ္ဆာန်များမှ သိုးမွေး၊ အမွေးနု၊ အဝတ်တန်ဆာများကို ပေးသနားတော်မူ၏။ ဤအရာများသည် ခေတ္တခဏမျှတည်သောလောကီစည်းစိမ်ဖြစ်၏။

၈၁။ တဖန် အလ္လာဟ်အရှင်မြတ်သည် သင်တို့အား ဖန်ဆင်းထားတော်မူသောအရာများမှ နေ၏ အပူရှိန်မှ ခိုလှုံဖို့နေရာ ပေးသနားတော်မူ၏။ ထို့အပြင်နေပူရှိန်မှ ကာကွယ်ဖို့ရာ အဝတ်အစားကိုသော်လည်းကောင်း သင်တို့၏ မိုက်ရူး ရဲခြင်းမှ ကာဆယ်ဖို့ရာ သံချပ်အကျႌကိုသော်လည်းကောင်း၊ ပေးသနားတော်မူ၏။ သင်တို့သည် အလ္လာဟ်အရှင် မြတ်ကို ကျိုးနွံနာခံစိမ့်သောငှာ အရှင်မြတ်သည် သင်တို့အဖို့အရာ ကောင်းကြီးမင်္ဂလာတော်ကို စုံလင်ပြည့်စုံ စေတော်မူ၏။

၈၂။ သို့ဖြစ်ပါလျက် သူတို့သည် တရားတော်ကို မနာယူကျောခိုင်းသွားလျှင်၊ မိုဟမ္မဒ်၊ သင်၏ တာဝန်မှာ တရား ဒေသနာတော်ကို ဟောကြားသွန်သင်ရန်သာလျှင်ဖြစ်၏။

၈၃။ သူတို့သည် အရှင်မြတ်၏ ကောင်းကြီးမင်္ဂလာတော်ကို သိကြ၏။ ထို့နောက်ကျေးဇူးတော်ကို ငြင်းကြ၏။ သူတို့အနက် အများအပြားတို့သည် ကျေးဇူးကန်းသူများဖြစ်ကြ၏။

၈၄။ သင်တို့သည် လူမျိုးတိုင်းလူမျိုးတိုင်းအတွက် သက်သေတော်တပါးစီကို ငါအရှင်မြတ်ထူတော်မူမည့်နေ့တော်ကြီး ကို ဆင်ခြင်စဉ်းစားကြလော့။ ထိုအခါမိစ္ဆာမိုက်တို့သည် တစုံတခုမှ လျှောက်လဲခွင့်ရမည်မဟုတ်ချေ။ သူတို့သည် မိမိကိုယ်ကို မိမိပြုပြင်ခွင့်မရရှိတော့ချေ။

၈၅။ မတရားမှုပွားများသူတို့သည် အပြစ်ဒဏ်တော်ကြီးကို မျက်ဝါးထင်ထင်မြင်ရသာအခါကာလ၌ သူတို့၏ အပြစ် ဒဏ်ကို လျှော့ပေါ့တော့မည်မဟုတ်ချေ။ ရွှေ့ဆိုင်းထားမည်လည်း မဟုတ်ချေ။

၈၆။ ထို့အပြင် အရှင်မြတ်အား ဖက်စပ်သူများကို ပေးသောသူတို့သည် မိမိတို့၏ ဖက်စပ်ဘုရားများကို မြင်သောအခါ အို-အကျွနု်ပ်တို့၏ ကျေးဇူးတော်သခင်၊ အရှင်အား မဟုတ်ပဲ အကျွနု်ပ်တို့ဝတ်ပြုဆုတောင်းလေ့ရှိသောအကျွနု်ပ် ၏ ဖက်စပ်ဘုရားများမှာ ဤသူတို့ဖြစ်ပါ၏ဟု တင်လျှောက်ကြမည်။ သို့သော် ထိုဖက်စပ်ဘုရားများက သင်တို့ သည် အမှန်ပင်မုသားကောင်များဖြစ်ကြ၏ဟု တုံ့ပြန်ပြောကြမည်။

၈၇။ ထို့အပြင်သူတို့သည် အလ္လာဟ်အရှင်မြတ်အား ထိုနေ့တော်ကြီး၌ ကျိုးနွံနာခံကြ၏။ သူတို့ဖန်တီးခဲ့မှုများသည် သူတို့ကို အကျိုးတစုံတခုမပေးချေ။

၈၈။ အကြင်သူတို့သည် အယူမှား၍ လူသားတို့အား အလ္လာဟ်အရှင်မြတ်၏ လမ်းတော်မှ တားဆီးထားကြ၏။ ထိုသူတို့သည် ကမ္ဘာမြေပေါ်တွင် မတရားယုတ်ည့ံမှုကို ကျူးလွန်သောကြောင့် ငါအရှင်မြတ်သည် အပြစ် ဒဏ်တော်တစ်ခုပြီးတစ်ခုဖြစ်ပေါ်စေခဲ့၏။

၈၉။ ငါသည် လူမျိုးတိုင်း၌ မိမိတို့သားချင်းတဦးစီကို သူတို့နှင့်ဆန့်ကျင်ဘက်သက်သေထူတော်မူသောနေ့တော်ကြီး ကို စဉ်းစားဆင်ခြင်ကြလော့။ အို-မိုဟမ္မဒ်၊ သင့်အားလည်း သူတို့နှင့်ဆန့်ကျင်ဘက်သက်သေဖြစ်စေတော်မူ၏။ ငါသည် သင့်အား ကုရ်အာန်ကျမ်းတော်မြတ်အား အရာခပ်သိမ်းကို ရှင်းလင်းဟောပြောချက်အဖြစ်ဖြင့်သော် လည်းကောင်း၊ အရှင်မြတ်အား ကျိုးနွံနာခံသောသူမြတ်တို့အဖို့ လမ်းညွှန်တော်၊ ကောင်းကြီးမင်္ဂလာတော်ကြီး နှင့် သတင်းကောင်းအဖြစ်ဖြင့်သော်လည်းကောင်း၊ ထုတ်ပြန်ချပေးသနားတော်မူ၏။

၉ဝ။ မှတ်သားကြလော့။ အလ္လာဟ်အရှင်မြတ်သည် တရားဖြောင့်မတ်မှန်ကန်မှု၊ သနားကြင်နာမှု၊ ဆွေမျိုးညာတိ တို့အား ပေးကမ်းစွန့်ကြဲမှုတို့ကို ပြုကျင့်ရန် ပညတ်တော်မူ၏။ ထို့အပြင်မတရားကာမမှု၊ ယုတ်မာညစ်ညမ်းမှုနှင့် ဆိုးသွမ်းမှုများကို တားမြစ်တော်မူ၏။ အလ္လာဟ်အရှင်မြတ်သည် သင်တို့တရားရရှိစေဖို့ရာ သွန်သင်ဆုံးမတော် မူ၏။

၉၁။ သင်တို့သည် အလ္လာဟ်အရှင်မြတ်အထံတော်၌ ပြုသောဂတိသစ္စာကို ဖြည့်ကြလော့။ သင်တို့ကျိန်ဆိုချက်များကို မဖျက်ကြလင့်။ ဤကိစ္စများတွင် သင်တို့သည် အလ္လာဟ်အရှင်မြတ်ကို သင်တို့၏ အာမခံသူပြုလုပ်ကြ၏။ မှတ်သားကြလော့၊ အလ္လာဟ်အရှင်မြတ်သည် သင်တို့ပြုကျင့်သမျှတို့ကို သိမြင်တော်မူ၏။

၉၂။ သင်တို့သည် ကတိသစ္စာအခိုင်အမာထားကြပြီးနောက် ဝါချည်ငင်သောမိန်းမကဲ့သို့ မဖြစ်စေလင့်။ ထိုမိန်းမသည် ဝါချည်ကို ခိုင်မာသောချည်မျှင်ဖြစ်အောင် ဝင်ပြီးသည်နှင့်တပြိုင်နက် သေးသွယ်သောချည်မျှင်များဖြစ်အောင် ပြန်ဖျက်၏။ ထိုနည်းတူလူမျိုးတမျိုးက အခြားတမျိုးထက် လူဦးရေများပြားသဖြင့် မိမိတို့အချင်းချင်းထားကြပြီး သောကတိသစ္စာများကို မတည် လိမ်လည်ကြ၏။ အလ္လာဟ်အရှင်မြတ်သည် သင်တို့အား မိမိတို့ကျိန်ဆိုသော ကတိသစ္စာအားဖြင့် စုံစမ်းတော်မူ၏။ အကယ်စင်စစ်အရှင်မြတ်သည် ရှင်ပြန်ထမြောက်ရသောနေ့တော်ကြီး၌ သင်တို့အချင်းချင်းကွဲပြားချက်ကို ပြတော်မူလိမ့်မည်။

၉၃။ အလ္လာဟ်အရှင်မြတ်သည် အလိုရှိတော်မူပါလျှင် သင်တို့အားလုံးကို လူမျိုးတမျိုးတည်းဖြစ်စေတော်မူခဲ့လတ့ံ။ သို့သော် အရှင်မြတ်သည် လမ်းမှားကို သွားစေတော်မူလိုသူအား လမ်းမှားကို သွားစေတော်မူ၏။ လမ်းမှန်ကို ပြသလိုသူအား လမ်းမှန်ကို ပြသတော်မူ၏။ သင်တို့အား သင်တို့ပြုကျင့်လေ့ရှိမှုများကို မုချစစ်ကြောမေးမြန်း တော်မူလိမ့်မည်။

၉၄။ သင်တို့သည် မိမိတို့အချင်းချင်းလိမ်လည်လည့်စားဖို့ရာ ကတိသစ္စာမပြုကြလင့်။ ထိုသို့ပြုလုပ်ခြင်းကြောင့် သင်တို့ကြောင့် မိမိတို့ခြေထောက်ကို မြဲမြံစွာရပ်ပြီးမှ ခြေချော်တတ်ကြသည်။ သင်တို့သည် လူသားတို့အား အလ္လာဟ်အရှင်မြတ်၏ လမ်းတော်မှ ပိတ်ပင်ဟန့်တားခြင်းကြောင့် ဆိုးကျိုးကို မြည်းကြရလိမ့်မည်။ သင်တို့၏ အပြစ်ဒဏ်သည် အလွန်းဆိုးဝါးကြောက်မက်ဖွယ်ဖြစ်လိမ့်မည်။

၉၅။ သင်တို့သည် အလ္လာဟ်အရှင်မြတ်ထံ ပဋိညာဉ်ခံသစ္စာတော်ချက်ကို အဖိုးကြေးငွေအနည်းငယ်မျှနှင့် လဲလှယ် ရောင်းချခြင်းမပြုကြကုန်လင့်။ မှတ်သားကြလော့။ အလ္လာဟ်အရှင်မြတ်အထံတော်ရှိသောဆုတော်သည် သင်တို့ အဖို့အရာ သာလွန်ကောင်းမြတ်၏။ သင်တို့သိလေလျှင် တော်လေစွ။

၉၆။ သင်တို့၌ ရှိသောအရာများသည် ပျက်စီးပျောက်ကွယ်သွားတတ်ကြ၏။ အလ္လာဟ်အရှင်မြတ်အထံတော်၌ ရှိသော အရာများကား မပျက်မစီး၊ အမြဲတည်ရှိကြ၏။ မုချဧကန်ငါအရှင်မြတ်သည် တည်ကြည်၍ ခန္တီပါရမီရှိသူအား ၎င်းပြုကျင့်လေ့ရှိသော အကောင်းဆုံးသောအပြုအမူအတိုင်း ပေးသနားတော်မူမည်။

၉၇။ အကြင်ယောက်ျားဖြစ်စေ၊ မိန်းမဖြစ်စေ၊ တရားမှန်ကန်မှုကို ပြကျင့်လျက် ယုံကြည်သူဖြစ်အ့ံ၊ ငါအရှင်မြတ်သည် သူူ့အား သာယာမွန်မြတ်ဆုံးသောအကျင့်သီလအတိုင်း လျော်ကြေးပေးသနားတော်မူလတ့ံ။

၉၈။ သင်သည် ကုရ်အာန်ကျမ်းတော်မြတ်ကို ရွတ်ဖတ်သောအခါ နှင်ထုတ်ခံရသောရှိုင်တန်မာရ်နတ်ထံမှ အလ္လာဟ် အရှင်မြတ်၌ ခိုလှုံလော့။

၉၉။ မှတ်သားကြလော့၊ ရှိုင်တန်ယုတ်သည် မိမိတို့၏ ကျေးဇူးတော်သခင်အား ယုံကြည်ကိုးစားသူတို့အပေါ်၌ တန်ခိုးအာဏာလုံးဝမရှိချေ။

၁ဝဝ။ သူ၏ သြဇာအာဏာသည် သူ့ကို မိတ်ဖွဲ့သူများနှင့် ဘုရားတုများကို အရှင်မြတ်နှင့်တွဲဖက်သူများတို့အပေါ်မှာသာ လွှမ်းမိုး၏။

၁ဝ၁။ အလ္လာဟ်အရှင်မြတ်သည် မိမိချပေးတော်မူသောကျမ်းတော်ကို ကောင်းစွာသိတော်မူ၏။ ငါအရှင်မြတ်သည် ကျမ်းတော်တစောင်ကို အခြားကျမ်းတော်တစောင်နှင့် အစားထိုးတော်မူသောအခါ အယူမှားသူတို့သည် သင့်အား မဟုတ်မမှန်လုပ်ဇာတ်ခင်းနေသည်ဟု စွပ်စွဲကြ၏။ သူတို့အနက် များစွာသောသူတို့သည် မသိမမြင်ကြချေ။

၁ဝ၂။ တမန်တော်ဟောကြားလော့။ ကုရ်အာန်ကျမ်းတော်မြတ်သည် ယုံကြည်သူတို့၏ ယုံကြည်မှုကို ခိုင်ခန့်တည်မြဲစေဖို့ ရာသော်လည်းကောင်း၊ အလ္လာဟ်အရှင်မြတ်အား ကျိုးနွံနာခံသောသူတို့အဖို့အရာ လမ်းညွှန်တော်ကြီးနှင့် သတင်းကောင်းမင်္ဂလာကြီးအဖြစ်ဖြင့်သော်လည်းကောင်း၊ ကုရ်အာန်ကျမ်းတော်မြတ်ကို ကောင်းကင်တမန် မင်းကြီးသည် သင်၏ ကျေးဇူးတော်သခင်ထံမှ ယူဆောင်လာ၍ သင့်အား ပေး၏။

၁ဝ၃။ မိစ္ဆာအယူဝါဒရှိသူတို့က ရှင်မိုဟမ္မဒ်ကိုသာ သွန်သင်ပေးသည်ဟု စွပ်စွဲခြင်းကို ငါအရှင်မြတ်ကောင်းစွာသိတော် မူ၏။ သူတို့မတော်မတရားဆရာမြှောက်သူ၏ ဘာသာစကားမှာ ဘာသာခြားစကားဖြစ်၏။ ကျမ်းတော်မြတ်မှာ မူကား ရှင်းလင်းသောအာရဗီဘာသာဒေသနာတော်ဖြစ်၏။

၁ဝ၄။ မှတ်သားကြလော့။ အလ္လာဟ်အရှင်မြတ်၏ နှုတ်ကပတ်တော်များကို မယုံကြည်သူတို့အား အရှင်မြတ်သည် လမ်းပြတော်မမူချေ။ သူတို့၏ အပြစ်ဒဏ်မှာ အလွန်ပြင်းပြနာကျင်ဖွယ်ကောင်း၏။

၁ဝ၅။ အလ္လာဟ်အရှင်မြတ်၏ နှုတ်ကပတ်တော်များကို မယုံကြည်သူတို့သည် မုသားကိုသာ ဖန်တီးကြ၏။ သူတို့သည် မုသားကောင်များသာဖြစ်ကြ၏။

၁ဝ၆။ အကြင်သူတို့သည် ယုံကြည်ပြီးမှ အလ္လာဟ်အရှင်မြတ်အား မယုံကြည်စွန့်ပစ်၍ မိစ္ဆာအယူဝါဒတွင် နှစ်သက် ပျော်ရွှင်အ့ံ။ ထိုသူတို့ကို အရှင်မြတ်၏ အမျက်တော်ရှ၏။ သူတို့၏ အပြစ်ဒဏ်မှာ အလွန်ကြောက်မက်ဖွယ် ကောင်း၏။ သို့သော်အတင်းအဓမ္မခိုင်းစေ၍ ယုံကြည်မှုကို စွန့်လွှတ်ရသော်လည်း မိမိ၏ စိတ်နှလုံးတွင် ယုံကြည်မှုတရားနှင့် ရောင့်ရဲပျော်ပိုက်နေသူမှာကား ယင်းသို့အပြစ်မရချေ။

၁ဝ၈။ ဤလူများသည် မိမိတို့စိတ်နှလုံးများ၊ နားများ၊ မျက်စိများကို အလ္လာဟ်အရှင်မြတ်ချိပ်တံဆိပ်ခတ်နှိပ်သော့ပိတ် ထားတော်မူခြင်းခံရကြ၏။ ထို့အပြင်သူတို့သည် တရားတော်ကို ဂရုမစိုက်မေ့လျော့ကြ၏။

၁ဝ၉။ မုချဧကန်ဤသူများသည နောင်တမလွန်ဘဝ၌ ဆုံးရှုံးရသူများဖြစ်ကြ၏။

၁၁ဝ။ သို့သော်အကြင်သူတို့သည် သာသနာတော်ကြီးအတွက် နှိပ်စက်ညှင်းပန်းခြင်းခံရ၏။ ထွက်ပြေးတိမ်းရှောင်ကြရ၏။ ထို့နောက်သာသနာစစ်တော်ကြီးကို တိုက်ခိုက်ကြ၏။ သည်းခံတည်ကြည်ခြင်းဂုဏ်ရှိ၏။ ထိုသူတို့ကို ၍ သင်၏ ကျေးဇူးတော်သခင်သည် မုချဧကန်အပြစ်လွှတ်တော်မူ၏။ ကောင်းကြီးမင်္ဂလာပေးသနားတော်မူ၏။

၁၁၁။ မိမိအဖို့ လျှောက်လဲတောင်းပန်လာသောနေ့တော်ကြီး၌ ဝိညာဉ်တိုင်းသည် မိမိပြုကျင့်ခဲ့မှုအတိုင်း အကျိုးအပြစ် ပေးခြင်းခံရမည်။ သူတို့သည် မတရားနှိပ်စက်ခြင်းကို ခံကြရမည်မဟုတ်ချေ။

၁၁၂။ အလ္လာဟ်အရှင်မြတ်သည် ဥပမာတခုစီရင်တော်မူ၏။ ထိုဥပမာကား မြို့နယ်တခုရှိ၏။ ထိုမြို့နယ်သည် ငြိမ်းချမ်း သာယာဝပြောစွာရှိ၏။ ထိုမြို့နယ်၏ စားနပ်ရိက္ခာသည် အရပ်လေးမျက်နှာအဘက်ဘက်မှ အမြောက်အများ ရောက်ရှိလာ၏။ သို့သော်ရပ်သူရပ်သားတို့သည် အလ္လာဟ်အရှင်မြတ်သည် ထိုသူတို့အား မိမိတို့ကျင့်ကြံလေ့ ရှိသောအမှုများကြောင့် ဒုဗ္ဘိက္ခန္တရကပ်၊ စိုးရိမ်ကြောင့်ကျခြင်းအန္တရာယ်တို့နှင့် ရင်ဆိုင်စေတော်မူ၏။

၁၁၃။ အမှန်ဆိုသော် သူတို့အထဲ၌ မိမိတို့သားချင်းထဲမှ တမန်တော်တပါးပွင့်လာပြီ၊ သို့သော်သူတို့သည် တမန်တော် ကို မယုံကြည်ငြင်းပယ်ကြ၏။ ထို့ကြောင့်သူတို့သည် မကောင်းမှုပြုသူများဖြစ်နေစဉ် သူတို့အား အပြစ်ဘေး အန္တရာယ်က ဖမ်းဆီး၏။

၁၁၄။ ထို့ကြောင့်သင်တို့သည် အလ္လာဟ်အရှင်မြတ်ပေးသနားတော်မူသောတရားသော၊ သန့်ရှင်းသောအစာအာဟာရကို မှီဝဲစားသောက်ကြလော့။ သင်တို့သည် အရှင်မြတ်ကို ကိုးကွယ်ကြလျှင် အရှင်မြတ်၏ ဂုဏ်ကျေးဇူးတော်အနန္တ ကို ချီးကျူးကြလော့။

၁၁၅။ အရှင်မြတ်သည် သင်တို့အား အလိုအလျောက်သေသောတိရိစ္ဆာန်တို့၏ အသားသတ္တဝါများ၏ သွေး၊ ဝက်သား၊ အရှင်မြတ်၏ နာမတော်မှတပါး အခြားနာမည်ကို တသရွတ်ဖတ်၍ သတ်ဖြတ်ခြင်းခံရသောတိရိစ္ဆာန်၏ အသား တို့ကို မစားမသုံးဆောင်ရဟု တားမြစ်တော်မူ၏။ သို့သော်အကြင်သူသည် စားလိုသောဆန္ဒသော်လည်းကောင်း၊ တရားကျူးလွန်လိုသောကြောင့်လည်းကောင်းမဟုတ်ပဲ၊ ဘေးဒုက္ခကြောင့် စားသုံးရ၏။ မှတ်သားကြလော့။ ထိုအခါအလ္လာဟ်အရှင်မြတ်သည် အပြစ်လွှတ်တော်မူ၏။ ကောင်းကြီးမင်္ဂလာပေးသနားတော်မူ၏။

၁၁၆။ လူသားအပေါင်းတို့၊ သင်တို့သည် အလ္လာဟ်အရှင်မြတ်အား မတော်မတရားလုပ်ကြံစွပ်စွဲအ့ံသောငှာ ဤအရာကား တရားဝင်၏။ ဤအရာကား တရားမဝင်ဟု ပညတ်တော်နှင့်ဆန့်ကျင်စွာမပြောမဆိုကြလင့်။ မှတ်သားကြလော့။ အလ္လာဟ်အရှင်မြတ်ကို မဟုတ်မမှန်လုပ်ကြံစွပ်စွဲသောသူတို့သည် အောင်မြင်ကြမည်မဟုတ်ချေ။

၁၁၇။ ခေတ္တခဏ်စိမ်ခံခြင်းသည် သူတို့၏ ဝေစုဖြစ်၏။ သူတို့အဖို့ အပြစ်ဒဏ်သည် အလွန်ပြင်းပြနာကျင်သော ဒဏ်တည်း။

၁၁၈။ သင့်အား ငါအရှင်ဖော်ပြတော်မူပြီးသောအစာများကိုလည်း ငါသည် ယဟူဒီလူမျိုးတို့အား တားမြစ်တော်မူ၏။ ငါသည် သူတို့အား မတော်မတရားပြစ်မှားတော်မမူချေ။ သူတို့သည် မိမိကိုယ်ကို မိမိပြစ်မှားလေ့ရှိ၏။

၁၁၉။ မကောင်းမှုကို မသိသောကြောင့် ကျူးလွန်မိ၍ သိသောအခါ သတိသံဝေဂရပြီးလျှင် မိမိကိုယ်ကို မိမိပြုပြင်သူတို့ ကိုမူကား သင့်ကို ဖန်ဆင်းမွေးမြူတော်မူသောကျေးဇူးတော်သခင်သည် အမှန်ပင်အပြစ်လွှတ်တော်မူ၏။ ကောင်း ကြီးမင်္ဂလာပေးသနားတော်မူ၏။

၁၂ဝ။ မှတ်သားကြလော့။ တမန်တော်အေဗရာဟမ်သည် အလ္လာဟ်အရှင်မြတ်၏ ဗျာဒိတော်ကို ဦးထိပ်ထက်တင် ရွက်ဆောင်လိုက်နာ၍ ဇာတိပကတိအားဖြင့် ဖြောင့်မှန်၏။ သူသည် ဆင်းတုရုပ်ပွားကို ကိုးကွယ်သူတို့ဘောင်တွင် မပါဝင်ချေ။

၁၂၁။ သူသည် အရှင်မြတ်၏ ကျေးဇူးတော်များကို ချီးမွမ်း၏။ အရှင်မြတ်သည် သူ့အား ရွေးကောက်တော်မူ၍ လမ်းပြတော်မူ၏။

၁၂၂။ ထို့အပြင်ငါအရှင်မြတ်သည် သူ့အား ဤဘဝ၌ ကောင်းကြီးမင်္ဂလာပြုတော်မူ၍ နောင်တမလွန်ဘဝ၌ သူသည် အရှင်မြတ်နှင့် တရားတော်ကို ကြည်ညိုသောသူတော်စင်တို့ဘောင်တွင် ပါဝင်၏။

၁၂၃။ ထို့နောက်ငါသည် သင်မိုဟမ္မဒ်၏ စိတ်နှလုံးတွင် ထင်ရှားစေသောဗျာဒိတ်တော်မူကား မိုဟမ္မဒ် သင်သည် ဖြောင့်မတ်မှန်ကန်သောပင်ကိုယ်ဓာတ်ခံရှိသူတယောက်ဖြစ်သည့်အတိုင်း တမန်တော်အေဗရာဟမ်၏ ဘာသာ အယူဝါဒကို ယုံကြည်လိုက်နာလော့။ သူသည် ရုပ်တုဆင်းပွားကို ဝတ်ပြုသူတို့ဘောင်တွင် မပါဝင်ချေ။

၁၂၄။ ယဟူဒီလူမျိုးတို့စောင့်သောဥပုသ်ကို ထိုဥပုသ်နှင့်စပ်လျဉ်း၍ အငြင်းအခုံပြုလုပ်သူတို့အဖို့သာ ပြဋ္ဌာန်းထားတော် မူလေ၏။ မှတ်သားလော့။ သင်၏ ကျေးဇူးတော်သခင်သည် သူတို့အား ၎င်းတို့အချင်းချင်းကွဲပြားငြင်းခုံသော အမှုအခင်းများနှင့်ပတ်သက်၍ သူတို့အလယ်ကြားတွင် ရှင်ပြန်ထမြောက်ရသောနေ့တော်ကြီး၌ စစ်ကြောစီရင် တော်မူမည်။

၁၂၅။ တမန်တော် သင်သည် အသိအလိမ္မာဉာာဏ်ပညာကို အသုံးပြု၍ သာယာနာပျော်ဖွယ်စွာဟောကြားခြင်းဖြင့် လူသားတို့အား သင်၏ ကျေးဇူးတော်သခင်၏ လမ်းတော်သို့ ဖိတ်မန်ဆွဲဆောင်လော့။ သူတို့နှင့်ကျိုးကြောင်း ပြောဆိုရှင်းလင်းရာ၌ သူတို့ထင်သာလွန်သောနည်းဖြင့် ပြောဆိုလော့။ မှတ်သားလော့။ သင်၏ ကျေးဇူးတော် သခင်သည် မိမိလမ်းတော်မှ အဘယ်သူလွဲချော်သွားသည်၊ အဘယ်သူတို့သည် လမ်းမှန်ကို လျှောက်လိုက်သည် တို့ကို အသိဆုံးဖြစ်တော်မူ၏။

၁၂၆။ အကယ်၍ သင်သည် လက်စားချေလိုလျှင် မိမိခံရသောအမှုနှင့်ညီမျှအောင်သာလျှင် လက်စားချေလော့။ သို့သော် သင်သည် သည်းခံ၍ ရန်ကို မတုံ့ပြန်လျှင် ဤပြုမူချက်သည် သည်းခံသူအတွက် သာလွန်ကောင်းမြတ်၏။

၁၂၇။ တမန်တော်မိုဟမ္မဒ် သင်သည် သည်းခံခြင်းတရားကို မြဲမြံစွာဆုပ်ကိုင်ထားလော့။ သင်သည် သည်းခံခြင်းဂုဏ်ကို အလ္လာဟ်အရှင်မြတ်၏ ကျေးဇူးတော်ကြောင့်သာလျှင် ရရှိ၏။ မိစ္ဆာမိုက်တို့အတွက် စိတ်ဒုက္ခမရောက်လင့်။ သူတို့ကြံစည်မှုကြောင့်လည်း စိတ်မဆင်းရဲလင့်။

၁၂၈။ မှတ်သားလော့။ အလ္လာဟ်အရှင်မြတ်သည် အရှင်မြတ်အား ကြောက်ရွံ့သူတို့နှင့်သော်လည်းကောင်း၊ သုစရိုက် ကောင်းမှုကို ပြုကျင့်သူတို့နှင့်သော်လည်းကောင်း၊ အတူတကွရှိတော်မူ၏။