Burmese - Chapter 19 - Maryam

၁။ ကာဖ်၊ ဟာ၊ ယာ၊ အိုင်၊ ဆွားဒ်။

၂။ သင်၏ ကျေးဇူးတော်သခင်အထံတော်မှ အရှင်၏ ကျေးကျွန်တမန်တော်ဇကရိယာအား ပေးတော်မူသောကောင်း ကြီးမင်္ဂလာတော်ကို ဖော်ပြချက်။

၃။ တမန်တော်ဇကရိယာသည် သူ၏ အရှင်သခင်ထံ တိတ်တဆိတ်လျှို့ဝှက်စွာဤသို့ဆုတောင်းသောအခါ။

၄။ အို-အကျွနု်ပ်၏ အရှင်သခင်၊ အကျွနု်ပ်၏ အရိုးအဆက်များသည် ခွန်အားနည်းပါးပါ၏။ အကျွနု်ပ်၏ ဦးခေါင်း သည်လည်း ဆွတ်ဆွတ်ဖြူသောဆံနှင့် တောက်ပြောင်လျက်ရှိပါ၏။ အို-ကျေးဇူးတော်သခင် အရှင်သည် အကျွနု်ပ်၏ တောင်းသောဆုကို ပေတော်မမူသည်ဟူ၍ မရှိဘူးပါ။

၅။ အကျွနု်ပ်၏ ခင်ပွန်းသည် အမြံုဖြစ်သောကြောင့် အကျွနု်ပ်သည် ကွယ်လွန်ပြီးနောက် မိမိ၏ အဆက်အနွယ် များကို စိုးရိမ်ကြောင့်ကျလှပါ၏။ အကျွနု်ပ်အား အရှင့်ထံမှ အမွေစားအမွေခံတပါးကို ပေးသနားတော်မူပါ။

၆။ ထိုသားသည် အကျွနု်ပ်နှင့် တမန်တော်ယာကုဗ်၏ သားမြေးတို့၏ အမွေကို ခံရပါလိမ့်မည်။ အို-ကျေးဇူးတော် သခင် ထိုသားရတနာကို အရှင်ချစ်ခင်မြတ်နိုးတော်မူပါ။

၇။ အို-ဇကရီယာ၊ မှတ်သားလော့၊ ငါအရှင်မြတ်သည် သင့်အား ယဟာယခေါ် သားကောင်းရတနာတပါး ပေးသနား တော်မူမည့်အကြောင်းသတင်းကောင်းကို ဗျာဒိတ်ချတော်မူပြီ၊ ငါသည် ထိုအမည်နာမကို အထက်ကျော်ကာလက မည်သူ့ကိုမျှ ပေးဘူးတော်မမူချေဟု ဗျာဒိတ်ပေးတော်မူ၏။

၈။ ထိုအခါတမန်တော်ဇကရိယာက အို-ကျေးဇူးတော်သခင်၊ အကျွနု်ပ်၏ ခင်ပွန်းသည် အမြံုဖြစ်ပါ၏။ အကျွနု်ပ် လည်း နာကျင်မကင်းအင်အားပျော့သောအရွယ်ဆုံးသို့ ရောက်ရှိပါပြီ၊ ထို့ကြောင့်အကျွနု်ပ်သည် အဘယ်သို့ သားရတနာရနိုင်ပါအ့ံနည်းဟု လျှောက်၏။

၉။ အရှင်မြတ်က အို-ဇကရိယာ၊ ယင်းသို့ဖြစ်မည်၊ မရှိရာမှ ရှိရာသို့ သင့်ကို ငါရှေးဦးပထမဖန်ဆင်းတော်မူသကဲ့သို့ သင့်အား သားရတနာပေးခြင်းသည်လည်း ငါ့အဖို့ လွယ်ကူလှပေ၏ဟု ဗျာဒိတ်ပေးတော်မူ၏။

၁ဝ။ ထိုအခါသူက အို-အကျွနု်ပ်၏ အရှင်သခင်၊ အကျွနု်ပ်အား တစုံတခုသောပုဗ္ဗနိမိတ်ပေးတော်မူပါဟု လျှောက်၏။ အရှင်မြတ်က သင်၏ နိမိတ်မှာ သင်သည် မကျန်းမမာရောဂါတစုံတခုမရှိပဲနှင့် သုံးနေ့သုံးညဉ့်တိုင်တိုင် တခွန်းတပါဒသောစကားကို လူတို့နှင့်မဆိုလင့်ဟု မိန့်တော်မူသည်။

၁၁။ ထို့နောက််တမန်တော်ဇကိရိယာသည် ဝတ်ပြုသန့်ရှင်းရာဋ္ဌာနမှ ထွက်လာ၍ မိမိလူများအား သင်တို့သည် နေထွက်နေဝင်ချိန်ကာလတွင် မိမိတို့၏ ကျေးဇူးတော်သခင်အား ချီးကျုးတသလော့ဟု လက်ပြခြေပြခြင်းနည်း ဖြင့် ဟောကြား၏။

၁၂။ အို-ယဟာယ၊ သင်သည် ကျမ်းတော်မြတ်အား မြဲမြံစွာကိုင်စွဲထားလော့ဟု ဗျာဒိတ်ပေးတော်မူ၏။ ငါအရှင်မြတ် သည် သူ့အား ငယ်ရွယ်နုနယ်စဉ်ကပင် ပညာဉာာဏ်ပေးသနားတော်မူ၏။

၁၃။ ထို့အပြင်သနားတတ်သောစိတ်ဓာတ်နှင့် သန့်ရှင်းမြင့်မြတ်သောသဘောကို ပေးသနားတော်မူ၏။ သူသည် အရှင်မြတ်နှင့် တရားတော်ကို သဒ္ဓါကြည်ညို၏။

၁၄။ ထို့အပြင်သူသည် မိဘနှစ်ပါးဝတ်ကို ကျေပွန်၏။ မိမိကိုယ်ကို မိမိအထင်မကြီးချေ။ မိဘနှစ်ပါးကို မတော်လှန်ချေ။

၁၅။ မွေးသောနေ့၌သော်လည်းကောင်း၊ ကွယ်လွန်သောနေ့၌သော်လည်းကောင်း၊ ရှင်ပြန်ထမြောက်ရသောနေ့၌ သော်လည်းကောင်း၊ သူ့အပေါ်သို့ အေးချမ်းသာယာခြင်းမင်္ဂလာတော်သက်ရောက်ပါစေသော်ဝ်။

၁၆။ ထို့အပြင်ကျမ်းဂန်တော်၌ မရယမ်၏ အကြောင်း ဖော်ပြကြလော့။ သူမသည် မိမိအပေါင်းအဖော်များနှင့်ခွဲခွာ၍ အရှေ့ဘက်သို့ မျက်နှာမူသောနေရာဗိမာန်သို့ ကြွသွား၏။

၁၇။ သူမသည် သူတို့ထံမှခွဲ၍ တကိုယ်တည်းနေ၏။ ထိုအခါငါအရှင်မြတ်သည် သူမထံသို့ ကောင်းကင်တမန်စေလွှတ် တော်မူ၏။ တမန်သည် လူသားအသွင်ဆောင်၍ သူမထံသွား၏။

၁၈။ သူမက အို-အမောင်လုလင်၊ သင့်ထံမှ လွတ်မြောက်အောင် အကျွနု်ပ်သည် မဟာကရုဏာတော်ရှင်၊ အလ္လာဟ် အရှင်မြတ်ကို ကြောက်ရွံ့ရိုကျိုးလျှင် ကောင်းစွဟု ဆို၏။

၁၉။ လုလင်က အို-မရယမ်၊ အကျွနု်ပ်သည် သင်၏ ကျေးဇူးတော်သခင်အထံတော်မှ စေတမန်တဦးသာဖြစ်၏။ သင့်အား အပြစ်ကင်းမဲ့သောသားကောင်းရတနာပေးဖို့ရာ အကျွန်ုပ် သင့်ထံလာရ၏ဟု ပြောပြ၏။

၂ဝ။ ထိုအခါသူမက လူသားယောက်ျားမထိပဲလျက် အကျွနု်ပ်သည် အဘယ်ကဲ့သို့သားရတနာဖွားမြင်နိုင်ပါအ့ံနည်း၊ အကျွနု်ပ်သည် အကျင့်မကောင်းမိန်းမပေါ့လည်းမဟုတ်ချေဟု ပြောပြန်၏။

၂၁။ ကောင်းကင်တမန်က အို-မရယမ်၊ ထိုအဆိုမှန်ပေ၏။ သို့သော်သင်၏ ကျေးဇူးတော်သခင်သည် ဤသို့မိန့်တော် မူ၏၊ သားရတနာပေးသနားတော်မူခြင်းသည် ငါအရှင်မြတ်အဖို့ လွယ်ကူလှ၏။ ငါသည် သူ့အား လူသားတို့ အဖို့ တရားတော်နှင့် ငါ၏ ကောင်းကြီးမင်္ဂလာတော်ဖြစ်စေတော်မူမည်။ ဤအကြောင်းအရာသည် ငါဆုံးဖြတ်ပြီး သောအရာသာတည်း။

၂၂။ မရယမ်သည် သူ့ကို ကိုယ်ဝန်ဆောင်၍ ဝေးကွာသောအရပ်သို့ ထွက်သွားလေ၏။

၂၃။ မရယမ်သည် သားဖွားဝေဒနာပြင်းထန်လာသဖြင့် စွန်ပလွံပင်ရှိရာသို့ လာ၍ ထုုိအပင်ကို မှီနေ၏။ သူမသည် ဤဝေဒနာကို မခံစားရမီ ငါသည် သေပျောက်၍ မေ့လျော့စရာဖြစ်သွားခဲ့လျှင် တော်လေစွဟု ညည်းညူ၏။

၂၄။ ထိုအခါသူမအောက်မှ အသံထွက်ပေါ်လာသည်မှာ အို-မရယမ်၊ စိတ်မညစ်လင့်၊ သင်၏ ကျေးဇူးတော်သခင် သည် သင့်အောက်တွင် ချောင်းတခုကို စီရင်ထားတော်မူပြီ။

၂၅။ သင်သည် စွန်ပလွံပင်ကို သင့်ထံသို့ လှုပ်လော့။ ထိုအခါစွန်ပလွံသီးအမှည့်တို့သည် သင့်အပေါ်သို့ ကျလာ လိမ့်မည်။

၂၆။ ထို့ကြောင့်အစာစားလော့။ ရေသောက်လော့။ နှစ်သိမ့်အားတက်လာလော့။ အကယ်၍သင်သည် လူသားတဦး တယောက်ကို တွေ့လျှင် သူ့အား ပြောလော့။ မှတ်သားပါ၊ အကျွနု်ပ်သည် မဟာဂရုဏာတော်ရှင်အား ဥပုသ်တည်ဆောက်ပါမည်ဟု သစ္စာပြုပြီးပြီ၊ ယနေ့အကျွနု်ပ် လူသားနှင့်စကားမပြောရချေ။

၂၇။ သားဖွားပြီးသောအခါ သူမသည် မိမိ၏ သားငယ်ကို မိမိသားချင်းတို့ထံသို့ ချီဆောင်လာ၏။ သူတို့က အို-မရယမ်၊ သင်သည် အလွန်အ့ံအားသင့်ဖွယ်ကို ယူဆောင်လာချေပြီ။

၂၈။ အို-ဟာရွန်၏ နှမ၊ သင်၏ ဖခင်သည် သူယုတ်မာမဟုတ်ချေ၊ သင်၏ မိခင်လည်း ပြည့်တန်ဆာမ မဟုတ်ချေ ဟု ကဲ့ရဲ့ကြ၏။

၂၉။ ထိုအခါသူမသည် မိမိသားကို လက်ညှိုးထိုးပြ၏။ သူတို့က ပုခက်ထဲရှိ ကလေးနှင့် အကျွနု်ပ်တို့အဘယ်သို့ စကားပြောနိုင်အ့ံနည်းဟု ဆိုကြကုန်၏။

၃ဝ။ ထိုအခါသူငယ်က မှတ်သားကြလော့။ အကျွနု်ပ်သည် အလ္လာဟ်အရှင်မြတ်၏ ကျေးတော်မျိုးကျွန်တော်မျိုးဖြစ်၏။ အရှင်မြတ်သည် အကျွနု်ပ်အား ကျမ်းတော်ကို ချပေးသနားတော်မူ၏။ အကျွနု်ပ်ကို တမန်တော်ရာထူးနှင့် ချီးမြှင့်တော်မူပြီ။

၃၁။ အရှင်မြတ်သည် အကျွနု်ပ်မည်သည့်နေရာရှိရှိ ရှိသောနေရာတွင် အကျွနု်ပ်အား ကောင်းကြီးပေးတော်မူ၏။ အကျွနု်ပ်အသက်ရှင်နေစဉ်ကာလပတ်လုံး ဆွလတ်ဝတ်ပြုစုရန်နှင့် အလှုဒါနပေးရန် အကျွနု်ပ်အား ဆင့်ဆိုတော် မူ၏။

၃၂။ အကျွန်ုပ်အား မိမိမွေးသမိခင်၏ ဝတ်ကို ကျေကုန်စေတော်မူ၏။ ဂုဏ်မောက်စေတော်မမူချေ။ ကောင်းကြီးမင်္ဂလာ ကင်းမဲ့စေတော်မမူချေ။

၃၃။ မွေးဖွားသောနေ့၌လည်းကောင်း၊ သေပျောက်ရသောနေ့၌လည်းကောင်း၊ ရှင်ပြန်ထမြောက်ရသောနေ့တော်ကြီး ၌ အကျွနု်ပ်အပေါ်သို့ အေးချမ်းသာယာခြင်းမင်္ဂလာတော်ကြီးသက်ရောက်ပါစေသော်ဝ်ဟု ပြောဆို၏။

၃၄။ မရယမ်၏ သားတော်အီစာသည် ယင်းသို့ဖြစ်၏။ ဤပြောပြချက်သည် သူတို့ယုံမှားသံသယရှိသောအမှန်တရား ဖြစ်၏။

၃၅။ အလ္လာဟ်အရှင်မြတ်၌ သားရတနာရှိသည်ဆိုခြင်းသည် အရှင်မြတ်၏ ဂုဏ်တော်နှင့်မသင့်မြတ်ချေ။ အရှင်မြတ် သည် ချို့တဲ့ခြင်းမဲ့တော်မူ၏။ အရှင်မြတ်သည် တစုံတခုသောအရာကို ဖန်ဆင်းလိုတော်မူသောအခါ ထိုအရာ အား ဖြစ်စေဟုသာ မိန့်တော်မူ၏။ ထိုအရာသည် ချက်ခြင်းဖြစ်လာရ၏။

၃၆။ ထို့အပြင်မှတ်သားကြလော့၊ အလ္လာဟ်အရှင်မြတ်သည် အကျွနု်ပ်၏ အရှင်သခင်နှင့် သင်တို့၏ အရှင်သခင် ဖြစ်တော်မူ၏။ ထို့ကြောင့်အရှင်မြတ်ကို ခဝပ်ကိုးကွယ်ကြလော့။ ဤသည်သာလျှင် လမ်းမှန်ဖြစ်၏။

၃၇။ သူတို့အထဲ၌ ဂိုဏ်းအသင်းများကွဲပြားခြားနားကြ၏။ အလွန်ကြောက်မက်ဖွယ်သောနေ့တော်ကြီး၏ အစည်းအဝေး ကို မယုံကြည်သူတို့သည် ပျက်စီးရမည်သာတည်း။

၃၈။ ငါအရှင်မြတ်ထံတော်သို့ ဝင်ရသောနေ့တော်ကြီး၌ သူတို့ကို ကြည့်လော့၊ နားထောင်လော့၊ သို့သော်လည်း မကောင်းမှုကျူးလွန်သူတို့သည် ယနေ့မူကား ထင်ရှားစွာမှားယွင်းနေကြ၏။

၃၉။ အမှုကိစ္စအဝဝကို ဆုံးဖြတ်သောအတိဒုက္ခခံစားရသောနေ့တော်ကြီးအကြောင်းကို သတိပေးဟောကြားလော့၊ ယခုအခါသူတို့သည် သတိလစ်နေကြ၏။ သူတို့မယုံကြည်ကြချေ။

၄ဝ။ မှတ်သားကြလော့၊ ငါအရှင်မြတ်သည် မဟာပထဝီမြေကြီးနှင့် မြေပေါ်ရှိ သတ္တဝါအပေါင်းကို အမွေခံတော်မူ၏။ သူတို့အားလုံး ငါ့ထံတော်သို့ ပြန်ပို့မည်သာတည်း။

၄၁။ အို-မိုဟမ္မဒ်၊ တမန်တော်အေဗရာဟမ်၏ အကြောင်းကို ကုရ်အာန်ကျမ်းတော်မြတ်၌ ဖော်ပြ၏။ မှတ်သားလော့၊ သူသည် သူတော်စင်သူတော်မြတ်ဖြစ်၏။ တမန်တော်တပါးလည်းဖြစ်၏။

၄၂။ သူသည် သူ၏ ဖခင်အား ဤသို့ဟောကြား၏။ အို-မွေးသဖခင်ကျေးဇူးရှင်၊ ကြားလည်းမကြား၊ မြင်လည်းမမြင်၊ ဖခင်အား အကျိုးအကြောင်းတစုံတခုမှ မပေးစွမ်းနိုင်သောအရာကို ဖခင်သည် အဘယ်ကြောင့်ခဝပ်ကိုးကွယ် ပါသနည်း။

၄၃။ အို-မွေးသဖခင်၊ ဖခင်ထံသို့ မကျရောက်လာသောပညာအလင်းရောင်သည် အကျွနု်ပ်ထံသို့ ကျရောက်လာပြီ၊ ထို့ကြောင့်အကျွနု်ပ်နောက်သို့ လိုက်ပါလော့၊ အကျွနု်ပ်သည် ဖခင်အား လမ်းမှန်သို့ ညွှန်ပါမည်။

၄၄။ အို-မွေးသဖခင်၊ ရှိုင်တန်မာရ်နတ်ကို မကိုးကွယ်ပါလင့်။ မှတ်သားပါလော့၊ ရှိုင်တန်မာရ်နတ်သည် မဟာဂရုဏာ တော်ရှင်ကို ထောင်ထားခြားနားသူဖြစ်ပါ၏။

၄၅။ အို-မွေးသဖခင်၊ ဖခင်သည် ရှိုင်တန်မာရ်နတ်၏ အဆွေခင်ပွန်းဖြစ်ရအောင် မဟာဂရုဏာတော်ရှင်မှ အပြစ် ဒဏ်တော်ကြီးသည် ဖခင်ကို ထိမည်ကို အကျွနု်ပ်စိုးရိမ်ကြောင့်ကျမိပါ၏။

၄၆။ ထိုအခါသူ၏ မွေးသဖခင်က အေဗရာဟမ် သင်သည် ငါ၏ ဘုရားများကို ငြင်းပယ်သလော၊ သင်သည် မိမိ အယူဝါဒကို မစွန့်လွှတ်လျှင် ငါသည် သင့်အား အမှန်ပင်ခဲနှင့်ပေါက်မည်၊ သင်သည် ငါ့ထံမှ နှစ်ရှည်လများ ထွက်သွားလော့ဟု ပြော၏။

၄၇။ ထိုအခါတမန်တော်အေဗရာဟမ်က အို-မွေးသဖခင်၊ ဖခင်အပေါ်သို့ အေးချမ်းသာယာခြင်းမင်္ဂလာတော်ကြီး သက်ရောက်ပါစေသော်ဝ်၊ အကျွနု်ပ်သည် မိမိ၏ အရှင်သခင်အား ဖခင်ကို အပြစ်လွှတ်ဖို့ရာ ဆုတောင်းပါမည်၊ မှတ်သားပါလော့၊ အရှင်မြတ်သည် အကျွနု်ပ်အား အမြဲဂရုဏာသက်တော်မူပါ၏။

၄၈။ ဖခင်နှင့်တကွ အလ္လာဟ်မှတပါး ဖခင်ကိုးကွယ်သောဘုရားများမှ အကျွနု်ပ်ထွက်ခွာသွားပါအ့ံ၊ အကျွနု်ပ်သည် မိမိ၏ အရှင်သခင်ထံ၌ ဆုတောင်းပါမည်၊ အကျွနု်ပ်၏ ကျေးဇူးတော်သခင်အား ဆုတောင်းခြင်း၌ အကျွနု်ပ်သည် ကောင်းကြီးမင်္ဂလာမဲ့မည်မဟုတ်ချေဟု ပြန်ပြော၏။

၄၉။ ထိုသို့ပြောပြီးလျှင် သူတို့နှင့်တကွ အလ္လာဟ်အရှင်မြတ်မှတပါး သူတို့ကိုးကွယ်သောဘုရားတုတို့မှ တမန်တော် အေဗရာဟမ်သည် ထွက်ခွာသွားလေ၏။ ငါအရှင်မြတ်သည် သူ့အား အစ္စဟတ်(က်)၊ ယာကုဗ်ခေါ် သားမြေး တို့ကို ပေးသနားတော်မူ၏။

၅ဝ။ ငါသည် သူတို့အား ငါ၏ ကောင်းကြီးမင်္ဂလာတော်မှ ပေးသနာတော်မူ၏၊ ငါသည် သူတို့အား မြင့်မြတ်ထင်ရှား ကျော်ဇော်ခြင်းအစစ်အမှန်ကို ပေးသနားတော်မူ၏။

၅၁။ ထို့အပြင်ကျမ်းတော်၌ တမန်တော်မူစာ၏ အတ္ထုပ္ပတ္တိကို ဖော်ပြထား၏။ မှတ်သားလော့၊ သူသည် ရွေးကောက် တော်မူခြင်းခံရ၏။ အရှင်မြတ်၏ အစေတော်တပါးနှင့် တမန်တော်တပါးဖြစ်၏။

၅၂။ ငါသည် သူ့အား တူရ်စီနာတောင်တော်အထွဋ်၏ လက်ယာဘက်မှ ခေါ်တော်မူ၏။ ငါ၏ ဗျာဒိတ်တော်ကို ကြားနာဖို့ရာ အပါးတော်သို့ ချဉ်းကပ်စေတော်မူ၏။

၅၃။ ထို့အပြင် ငါသည် သူ၏ အစ်ကိုဟာရွန်ကို တမန်တော်ရာထူး၌ ခန့်အပ်တော်မူခြင်းအားဖြင့် တမန်တော်မူစာအား ငါ၏ ကောင်းကြီးမင်္ဂလာတော်မှ ပေးသနားတော်မူ၏။

၅၄။ ကျမ်းတော်မြတ်၌ တမန်တော်အစ္စမာအီလ်အကြောင်းကို ဖော်ပြထား၏၊ မှတ်သားလော့၊ သူသည် သူ၏ သစ္စာကတိကို တည်သူဖြစ်၏။ အလ္လာဟ်အရှင်မြတ်၏ တမန်တော်တပါးဖြစ်၏။

၅၅။ သူသည် သူ၏ အမျိုးသားတို့အား ဆွလတ်ဝတ်ပြုရန် အလှုဒါနပေးရန် ဟောကြားဆင့်ဆို၏။ သူသည် မိမိ ၏ ကျေးဇူးတော်သခင် ချစ်ခင်မြတ်နိုးခြင်းကို ခံရ၏။

၅၆။ ထို့အပြင်ကျမ်းတော်မြတ်တွင် တမန်တော်အစ်(ဒ်)ရိ(စ်)ကို ဖော်ပြထား၏၊ သူသည် သန့်ရှင်းဖြူစင်သောတမန် တော်တပါးအမှန်ပင်ဖြစ်၏။

၅၇။ ငါသည် သူ့အား အလွန်ချီးမြှောက်တော်မူ၏။

၅၈။ အကြင်တမန်တော်အပေါင်းတို့သည် ရှိကြကုန်၏။ သူတို့ကို ငါသည် သနားစောင့်ရှောက်ချီးမြှောက်တော်မူ၏၊ ထိုတမန်တော်များသည် တမန်တော်အာဒမ်မှ ဆင်းသက်ပေါက်ဖွားလာသောသားမြေးများ၊ ထို့အပြင်တမန်တော် နူဟိုနှင့်အတူ သင်္ဘောပေါ်တွင် တင်ယူတော်မူလာသောသူတို့၏ သားမြေး၊ ထို့အပြင်ငါအရှင်မြတ် သမ္မာတရား လမ်းကြောင်းညွှန်ပြ၍ ရွေးကောက်တော်မူသောသူတို့အထဲမှ ဖြစ်ကြကုန်၏။ မည်သည့်အခါမဆို သူတို့အား မဟာဂရုဏာတော်ရှင်၏ ဓမ္မစက်နှုတ်ကပတ်တော်များကို ရွတ်ဖတ်ဆိုပြသောအခါ သူတို့သည် ဦးညွှတ်ချပျပ်ဝပ် ရှိခိုးလျက် မျက်ရည်ရှိမ်းရှိမ်းထလျက် ငိုကြွေးကြကုန်၏။

၅၉။ ထိုတမန်တော်တို့၏ နောက်တွင် ဖြစ်ပေါ်လာသောလူသားတို့သည် သာသနာတော်ကို ဖျက်ဆီး၏။ ကိလေသာ တဏှာဆွဲငင်ရာကိုသာ လိုက်ကြ၏။ သို့သော်သူတို့သည် လိမ်လည်ဖျားယောင်းခြင်းကိုသာ တွေ့ကြံုရကြလတံ့။

၆ဝ။ သို့သော် သတိနောင်တရပြီးလျှင် ယုံကြည်လျက် မှန်ကန်မှုကို ပြုကျင့်သူတို့သည် ယင်းသို့ဖြစ်ကြလိမ့်မည် မဟုတ်ချေ။ သူတို့သည် မတရားနှိပ်စက်ခြင်းကို အနည်းငယ်မျှခံကြရမည်မဟုတ်ချေ။

၆၁။ ထိုသူမြတ်တို့သသည် နိဗ္ဗာန်သို့ ဝင်ရကြလတ့ံ။ နိဗ္ဗာန်ဥယျာဉ်တော်များသည် မဟာဂရုဏာတော်ရှင် ကတိ ဗျာဒိတ်ချမှတ်တော်မူသော မမြင်စွမ်းနိုင်သောဥယျာဉ်တော်များဖြစ်ကြ၏။ မှတ်သားကြလော့၊ အလ္လာဟ်အရှင်မြတ် ၏ ကတိဗျာဒိတ်တော်သည် ပြည့်စုံရမည်သာတည်း။

၆၂။ ထိုသူတော်ကောင်းတို့သည် နိဗ္ဗာန်၌ စကားဖျင်းစကားသိမ်ကို မကြားရချေ။ ငြိမ်သက်ပါစေသောဝ်ဟူသော မေတ္တာစကားကိုသာ ကြားရ၏။ သူတို့သည် နိဗ္ဗာန်၌ နံနက်စာညစာကို လွယ်လင့်တကူစားသုံးရကြ၏။

၆၃။ ငါသည် မိမိ၏ ကျေးကျွန်များအနက် သီလဝန္တပုဂ္ဂိုလ်မြတ်တို့အား အမွေပေးတော်မူသည့်ဥယျာဉ်တော်များသည် ယင်းဥယျာဉ်တော်များဖြစ်ကြ၏။

၆၄။ ကောင်းကင်တမန်တော်ဖြစ်သောအကျွနု်ပ်တို့သည် သင်၏ ကျေးဇူးတော်သခင်၏ ဗျာဒိတ်တော်နှင့်သာ သက် ဆင်းလာကြ၏။ အကျွနု်ပ်တို့၏ ရှေ့၌သော်လည်းကောင်း၊ နောက်၌သော်လည်းကောင်း၊ ရှေ့နောက်စပ်ကြား၌ သော်လည်းကောင်း၊ ရှိရှိသမျှအပေါင်းတို့သည် အလ္လာဟ်အရှင်မြတ်၏ ဘဏ္ဍာတော်များသာတည်း။ သင်၏ ကျေးဇူးတော်သခင်သည် မည်သည့်အခါမှ မေ့လျော့တော်မူမည်မဟုတ်ချေ။

၆၅။ အရှင်မြတ်သည် မိုးမြေနှင့်မိုးမြေစပ်ကြားရှိသမျှအားလုံးတို့ကို စိုးပိုင်တော်မူ၏။ ထို့ကြောင့်သင်သည် အလ္လာဟ် အရှင်မြတ်အားသာလျှင် ကိုးကွယ်လော့၊ အရှင်မြတ်၏ အမှုတော်၌ တည်ကြည်မြဲမြံလော့၊ သင်သည် အရှင် မြတ်နှင့် တုဖက်နှိုင်းယှဉ်ရန် နာမတော်တူသူဂုဏ်တော်တူသူဟူ၍ တစုံတရာကို သိမြင်သလော။

၆၆။ ထို့အပြင်လူသားက အကျွန်ုပ်သည် သေကျေပျက်စီးပြီးမှ အမှန်ပင်ရှင်ပြန်ထမြောက်ရမည်လောဟု မေး၏။

၆၇။ ငါသည် လူသားအား တစုံတခုမရှိ၊ နတ္တိမှ ရှေးဦးစွာဖန်ဆင်းတော်မူသည်ကို သူမမှတ်မိသလော။

၆၈။ သင်၏ ကျေးဇူးတော်သခင်၏ တန်ခိုးတော်ကြောင့် ငါသည် လူသားအပေါင်းတို့နှင့် ရှိုင်တန်မာရ်နတ်များကို စုဝေးစေတော်မူမည်ဟူသည်မှာလည်း မှန်ကန်ပေ၏။ ထို့နောက်ငါသည် သူတို့အား ငရဲပတ်လည်သို့ ဝပ်တွား လာစေတော်မူမည်။

၆၉။ ထိုအခါငါသည် အသင်းတိုင်းဂိုဏ်းတိုင်းမှ မဟာဂရုဏာတော်ရှင်အား ထောင်ထားခြားနားခြင်း၌ အဆိုးသွမ်းဆုံး သော၊ ခေါင်းအမာဆုံးသောသူကို ဆွဲထုတ်တော်မူမည်။

၇ဝ။ အကယ်စင်စစ်ငါသည် အဘယ်သူတို့အား ငရဲတွင် မီးလောင်တိုက်သွင်းထိုက်သည်ကို အသိဆုံးဖြစ်တော်မူ၏။

၇၁။ သင်တို့အနက် မည်သူမဆို ငရဲသို့ ချဉ်းကပ်ရမည်သာတည်း။ ဤအမိန့်တော်သည် သင်၏ အရှင်သခင်ပြဋ္ဌာန်း ထားတော်မူသောဗျာဒိတ်တော်ဖြစ်၏။

၇၂။ ထိုအခါငါသည် ဒုစရိုက်မကောင်းမှုကို ကြဉ်ရှောင်သူတို့အား ကယ်နှုတ်တော်မူ၍ ဒုစရိုက်ကောင်များကို ငရဲ ၌ ဝပ်တွားလျက် ချန်ထားတော်မူမည်။

၇၃။ ငါ၏ ရှင်းလင်းထင်ရှားသောနှုတ်ကပတ်တော်များကို သူတို့အား ရွတ်ဖတ်ဆိုပြသောအခါ၊ မယုံကြည်သူတို့က ယုံကြည်သူတို့အား အချင်းတို့၊ သင်တို့ငါတို့နှစ်သင်းတွင် အဘယ်အသင်းက စည်းစိမ်ဥစ္စာ၊ သာလွန်ပေါများ၍ စစ်တပ်ပိုမိုခန့်ငြားကြသနည်းဟု ပြောကြ၏။

၇၄။ လောကီစည်းစိမ်ဥစ္စာတန်ဆာပလာတွင် သူတို့ထက် သာလွန်ခန့်ငြားသောရှေးအသင်းဟောင်းမြောက်များစွာ ကို ငါသည် သူတို့အလျင် ဖျက်ဆီးရုပ်သိမ်းတော်မူပြီ။

၇၅။ အို-တမန်တော်၊ သင်ဟောကြားလော့၊ ဟယ်-အချင်းတို့၊ မိစ္ဆာအမှားမှုများတွင် နစ်မွန်းနေသူတို့မူကား မဟာ ဂရုဏာတော်အရှင်သည် သူတို့၏ အသက်တာကို အရှင်မြတ်ဂတိဗျာဒိတ်တော်ချမှတ်ထားသောဤဘဝတွင် တွေ့ကြံုခံစားရမည့်အပြစ်ဒဏ်တော်၊ သို့မဟုတ် တရားစီရင်တော်မူသည့်နေ့တော်ကြီးကို သူတို့မြင်ရသည့်တိုင် အောင် ရှည်စေတော်မူမည်။ ထိုအခါသူတို့သည် အဘယ်သူသည် အဆင့်အတန်းဆိုးဝါးနိမ့်ကျသည်။ အဘယ်သူ သည် စစ်မက်ဗိုလ်ပါအင်အားချိနဲ့သည်ကို သိရကြလတံ့။

၇၆။ အလ္လာဟ်အရှင်မြတ်သည် လမ်းမှန်ကို လျှောက်လိုက်သူတို့အတွက် လမ်းညွှန်ပြအလင်းရောင်ကို ပိုမိုထွန်းလင်း တောက်ပစေတော်မူ၏၊ အစဉ်တည်မြဲသောကုသိုလ်ကောင်းမှုသည် အကျိုးသုခအတွက် သင်၏ အရှင်သခင် ၏ မျက်မှောက်တော်ဝယ် သာလွန်ကောင်းမွန်၏။ ထိုကုသိုလ်ကောင်းမှုသာလျှင် နောင်တမလွန်ဘဝတွင် သာလွန်မွန်မြတ်၏။

၇၇။ အို-တမန်တော်၊ သင်သည် ငါ၏ နှုတ်ကပတ်တော်များကို မယုံကြည်သူကို သိမြင်သလော၊ ထိုသူသည် အမှန်ပင်အကျွနု်ပ်အား စည်းစိမ်ဥစ္စာနှင့် သားသမီးအခြွေအရံပေးသနားတော်မူမည်ဟု ဆို၏။

၇၈။ ထိုသူသည် မမြင်စွမ်းနိုင်သောအရာကို ဖတ်ရှုမြင်ရပြီးပြီလော၊ သို့မဟုတ် သူသည် မဟာဂရုဏာတော်ရှင်နှင့် ပဋိညာဉ်စာချုပ်ချုပ်လုပ်ပြီးပြီလော။

၇၉။ ယင်းသို့မဟုတ်ချေ။ သို့သော်ငါအရှင်သည် သူ၏ စကားကို မှတ်တမ်းတင်ထားတော်မူမည်။ သူ၏ ဝဋ်ဆင်းရဲ ကိုလည်း ရှည်လျားစေတော်မူမည်။

၈ဝ။ ထိုအပြင်ငါသည် သူပြောဆိုသောဥစ္စာပစ္စည်းသားသမီးအခြွေအရံများကို သူ့ထံမှ အမွေခံတော်မူမည်၊ သူသည် ငါ့ထံသို့ ဥစ္စာပစ္စည်းသားသမီးတစုံတခုမှ မပါပဲ တကိုယ်တည်းလာရမည်သာတည်း။

၈၁။ ထို့အပြင်ဘုရားတုများသည် သူတို့အဖို့ တန်ခိုးအာဏာရှိစေခြင်းငှာ သူတို့သည် အလ္လာဟ်အရှင်မြတ်မှတပါး ုဘုရားတုများကို ခဝပ်ကိုးကွယ်ကြ၏။

၈၂။ တန်ခိုးမရှိနိုင်ချေ၊ သို့သော်ထိုဘုရားတုဘုရားယောင်များက ထိုသူတို့ဝတ်ပြုခြင်းကို ငြင်းပယ်ကြလတ့ံ။ သူတို့၏ ရန်သူများဖြစ်ကြလတ့ံ။

၈၃။ အို-တမန်တော်၊ ငါသည် မိစ္ဆာမိုက်တို့အား ဖျားယောင်းသွေးဆောင်ပြီးလျှင် ထောင်းထောင်းကြေမွအောင် ဖျက်ဆီးရန် ရှိုင်တန်မာရ်နတ်များကို စေလွှတ်တော်မူသည်ကို သင်မသိမမြင်လေသလော။

၈၄။ ထို့ကြောင့်အို-မိုဟမ္မဒ်၊ သူတို့ကို အဆောတလျင်အပြစ်ဒဏ်ထိဖို့ကို မလိုလားလင့်၊ ငါသည် သူတို့အား အချိန်သတ်မှတ်ပေးထားတော်မူ၏။

၈၅။ ငါသည် သီလသမာဓိရှိသူတို့အား မဟာဂရုဏာတော်ရှင်အထံတော်၌ မွန်မြတ်သောအပေါင်းအဖော်အဖြစ်ဖြင့် စုရုံးစေတော်မူသောနေ့တော်ကြီး၌။

၈၆။ ဒုစရိုက်ကောင်များကို မောပန်းနွမ်းရိသောတိရိစ္ဆာအုပ်ကဲ့သို့ ငရဲထဲသို့ မောင်းသွင်းသောနေ့တော်ကြီး၌။

၈၇။ မိမိ၏ ကျေးဇူးတော်သခင်နှင့် ကတိစာချုပ်ချုပ်ဆိုထားသူများမှတပါး၊ အခြားသူတို့မှာ တောင်းပန်ကယ်နှုတ်ဖို့ရာ အာဏာရှိမည်မဟုတ်ချေ။

၈၈။ ထို့အပြင်မိစ္ဆာမိုက်တို့က မဟာဂရုဏာတော်သခင်၌ သားသမီးရှိသည်ဟု ပြောဆိုကြ၏။

၈၉။ မုချဧကန်သင်တို့သည် အတိဒုက္ခရောက်စေသောစကားကို ဆိုကြချေ၏။

၉ဝ။ ထိုစကားကြောင့် မိုးကောင်းကင်အထပ်ထပ်သည် အစိတ်စိတ်အမွှာမွှာပြိုကျရမလောက်ဖြစ်၏။ ကမ္ဘာမြေကြီး လည်း ကွဲသွားရမလောက်ဖြစ်၏။ တောင်ကြီးတောင်ငယ်များလည်း ပျက်ပြိုသွားကြရမလောက်ဖြစ်၏။

၉၁။ ထိုစကားမှာကား မဟာဂရုဏာတော်သခင်တွင် သားသမီးရှိသည်ဟု သင်တို့မတော်မလျားပြောဆိုခြင်းဖြစ်၏။

၉၂။ သားသမီးရှိခြင်းအညစ်အကြေးသည် မဟာဂရုဏာတော်သခင်၏ ဂုဏ်တော်နှင့်လုံးဝမလျှောက်ပတ်မသင့် တော်ချေ။

၉၃။ မိုးကောင်းကင်နှင့်ကမ္ဘာမြေပေါ်ဝယ်ရှိရှိသမျှအပေါင်းတို့သည် မဟာဂရုဏာတော်သခင်၏ ရှေ့တော်သို့ ကျေးတော် မျိုးကျွန်တော်မျိုးအဖြစ်ဖြင့် ဝင်ရောက်ခစားကြရ၏။

၉၅။ ရှင်ပြန်ထမြောက်ရသောနေ့တော်ကြီး၌ သူတို့သည် အရှင်မြတ်အထံတော်သို့ တယောက်စီတယောက်စီဝင်ရ ကြမည်။

၉၆။ မှတ်သားကြလော့၊ ယုံကြည်၍ သုစရိုက်အမှုအခင်းများကို ပွားများသူတို့သည် မဟာဂရုဏာတော်သခင်၏ ချစ်မြတ်နိုးခြင်းဆုမင်္ဂလာတော်ကို ရကြလတ့ံ။

၉၇။ အို-တမန်တော်၊ ငါသည် ကုရ်အာန်ကျမ်းတော်မြတ်ကို လွယ်လင့်တကူနားလည်စေရန်၊ သင်၏ ဘာသာစကား ဖြင့် ထုတ်ပြန်ချပေးသနားတော်မူ၏။ ထိုကျမ်းတော်သည် ဒုစရိုက်မကောင်းမှုကို ရွံရှာမုန်းတီး၍ ရှောင်ကြဉ် သူတို့အား အကျိုးသုခရမည့်သတင်းကောင်းကိုသော်လည်းကောင်း၊ ဆိုဆုံးမ၍ မရသူတို့အား အပြစ်ဒုက္ခခံရမည့် သတင်းဆိုးကိုသော်လည်းကောင်း၊ ပေးဖို့ရာဖြစ်၏။

၉၈။ သူတို့ရှေးလျင်ဖြစ်ပေါ်လာသည့်များလှစွာသောအသင်းအပင်းတို့ကို ငါအရှင်မြတ်သည် သုတ်သင်ရှင်းလင်းခဲ့၏။ အို-မိုဟမ္မဒ်၊ သင်သည် ထိုလူဟောင်းတို့အနက် တစုံတယောကို မြင်နိုင်သလော၊ သို့မဟုတ်၊ သူတို့ထံမှ တစုံတခုသောအသံကို ကြားနိုင်သလော။