Burmese - Chapter 31 - Luqman

၁။ ''အလိ(ဖ်)လာမ်မီး(မ်)''။

၂။ ဤဂါထာတော်များသည် သိမ်မွေ့နက်နဲသောကုရ်အာန်ကျမ်းတော်မြတ်၏ ဂါထာတော်များတည်း။

၃။ ဤကျမ်းတော်မြတ်သည် သူတော်ကောင်းတို့အဖို့အရာ အဆုံးအမတော်နှင့် ကောင်းကြီးမင်္ဂလာတော်ဖြစ်၏။

၄။ ထိုသူတော်ကောင်းတို့သည် ဆွလားသ်ဝတ်ပြုကြ၏၊ ဇကားသ်အလှုကို ပေးကြ၏၊ နောင်တမလွန်ဘဝ၌ ဧကန် ယုံကြည်ကြ၏။

၅။ ဤသူတို့သည် သူတို့၏ အသက်သခင်ကျေးဇူးတော်ရှင်အထံတော်မှ လမ်းညွှန်မှုရရှိကြ၏၊ စင်စစ်အားဖြင့် ဤသူတို့သာ အောင်မြင်သူများဖြစ်ကြ၏။

၆။ လူသားတို့အနက် အသိတရားမရှိပဲလျက် အလ္လာဟ်အရှင်မြတ်တော်၏ လမ်းတော်မှ သူတပါးကို ဖြားယောင်းခြင်း အလို့ငှာသော်လည်းကောင်း၊ လမ်းတော်ကို ပြောင်လှောင်ခြင်းအလို့ငှာသော်လည်းကောင်း၊ အနှစ်သာရကင်းမဲ့ သည့်အပျင်းဖြေစကားများကို ဟောကြားခြင်း၌ ငွေကုန်ငွေကျခံ၍ ကြိုးစားအားထုတ်သောသူရှိ၏၊ ဤကဲ့သို့သော သူတို့အတွက် အရှက်တကွဲပျက်စီးဆုံးရှုံးခြင်းရှိ၏။

၇။ ထို့အပြင် ငါ၏ပညတ်တော်များကို ရွတ်ဖတ်ပြသောအခါ ထိုသူသည် မကြားသကဲ့သို့၊ နားပင်းနေသကဲ့သို့ တစ်ဘက်သို့ကြီးစွာသောမာနဖြင့် လှည့်သွား၏၊ ထို့ကြောင့်ထိုသူအား အလွန်ပြင်းပြနာကျင်ဖွယ်ရှိသောအပြစ်ဒဏ် တော်သတင်းကို အကြောင်းကြားလော့။

၈။ မှတ်သားလော့၊ အကြင်သူတို့သည် သမ္မာတရားတော်ကို ယုံကြည်လျက် သုစရိုက်ကောင်းမှုများကို ပြုကျင့်အ့ံ၊ ထိုသူတို့အတွက် သုခဥယျာဉ်တော်များရှိ၏။

၉။ ထိုသူတို့သည် ထိုဥယျာဉ်တော်များ၌ စံစားနေထိုင်ကြရလတ့ံ၊ ဤသတင်းသည်ကား ထိုဥယျာဉ်တော်များ၌ စံစားနေထိုင်ကြရလတံ့၊ ဤသတင်းသည်ကား အလ္လာဟ်အရှင်မြတ်၏ ကတိဗျာဒိတ်တော်အမှန်ဖြစ်၏၊ အရှင် မြတ်သည် အနန္တတန်ခိုးတော်သခင်၊ သဗ္ဗညုတဉာာဏ်တော်ရှင်ဖြစ်တော်မူ၏။

၁ဝ။ သင်တို့မြင်ရသည့်အတိုင်း အလ္လာဟ်အရှင်မြတ်သည် မိုးကောင်းကင်ကို အမှီအထောက်မရှိပဲ ဖန်ဆင်းထား တော်မူ၏၊ ကမ္ဘာမြေကြီးသည် သင်တို့နှင့်အတူတကွမလှုပ်ရှားစေရန် မြေပေါ်တွင် တောင်ကြီးတောင်ငယ် အသီးသီးကို မြဲမြံစွာစီရင်ထားတော်မူ၏၊ အရှင်မြတ်သည် မဟာပထဝီမြေပေါ်တွင် တိရိစ္ဆာန်အမျိုးမျိုးကို ကြဲဖြန့်စီရင်ထားတော်မူ၏၊ ငါအရှင်မြတ်သည် မိုးကောင်းကင်မှ မိုးရေကို ရွာသွန်းစေတော်မူ၏၊ ထိုမိုးရေဖြင့် မြေပေါ်တွင် အကျိုးရှိသောသစ်ပင်အမျိုးမျိုးတို့ကို ပေါက်ရောက်စေတော်မူ၏။

၁၁။ ဤအရာဝထ္ထုခပ်သိမ်းကုန်တို့ကို အလ္လာဟ်အရှင်မြတ်ဖန်ဆင်းတော်မူ၏၊ အို-လူသားတို့၊ အလ္လာဟ်အရှင်မြတ်မှအပ သင်တို့ကိုးကွယ်သောဘုရားယောင်များဖန်ဆင်းသောအရာတစ်စုံတစ်ခုကို အကျွနု်ပ်အား ပြသကြလော့၊ တစ်စုံတစ်ရာမျှ ၎င်းတို့မဖန်ဆင်းနိုင်ချေ၊ မတရားမှုပြုသူတို့သည် ထင်ရှားသောအမှားသို့ ရောက်ကြသည် သာတည်း။

၁၂။ ငါအရှင်မြတ်သည် လု(က်)မာန်သုခမိန်အား မုချဧကန်ပညာအလင်းရောင်ကို သနားတော်မူ၏၊ သူ့အား ဗျာဒိတ် ပေးတော်မူသည်မှာ အို-လုက်မာန်၊ အလ္လာဟ်အရှင်မြတ်၏ ကျေးဇူးတော်၊ ဂုဏ်တော်ကို ချီးကြူးလော့၊ အကြင်သူသည် ဂုဏ်ကျေးဇူးတော်ကို ချီးမွမ်းအ့ံ၊ ထိုသူသည် မိမိအကျိုးအဖို့အရာ ချီးမွမ်း၏၊ အကြင်သူသည် အရှင်မြတ်၏ ကျေးဇူးတော်ကို ဝန်မခံ၊ ကျေးစွပ်အ့ံ၊ မှတ်သားလော့၊ အရှင်မြတ်သည် ဇာတိပကတိအားဖြင့် ကုံလုံပြည့်စုံတော်မူ၏၊ အ့ံချီးဖွယ်အပေါင်းကို ပိုင်တော်မူ၏။

၁၃။ မှတ်သားကြလော့၊ လု(က်)မာန်သုခမိန်သည် မိမိသားအား ဤသို့ဆုံးမ၏၊ အို-ချစ်သား၊ သင်သည် အလ္လာဟ် အရှင်မြတ်နှင့်တွဲဖက်၍ အခြားအရာများကို မကိုးကွယ်လင့်၊ မှတ်သားကြလော့၊ အရှင်မြတ်နှင့်အခြားအရာများကို တွဲဘက်ခြင်းသည် အလွန်ဆိုးသွမ်းသောပြစ်မှုတည်း။

၁၄။ ငါအရှင်မြတ်သည် လူသားအား မိမိ၏ မိဘတို့နှင့်စပ်လျဉ်း၍ ပညတ်တော်မူသည်မှာ သူ၏မိခင်သည် သူ့အား ဒုက္ခအမျိုးမျိုနှင့် မွေးဖွား၏၊ နှစ်နှစ်စေ့၍ နို့ဖြတ်သည့်တိုင်အောင် ယုယပိုက်ထွေး၊ နို့ချိုတိုက်ကျွေး၏၊ အို-လူသား၊ ငါ၏ကျေးဇူးတော်နှင့် မိဘနှစ်ပါး၏ ကျေးဇူးရပ်ကို အာရုံပြု၍ ချီးမွမ်းလော့၊ ငါ့အထံတော်သို့ သာ ခရီးရှိ၏။

၁၅။ သို့သော်အကယ်၍ သင်၏ မိဘနှစ်ပါးက သင်မသိသောဘုရားယောင်များကို ငါအရှင်မြတ်နှင့်တန်းတူထား၍ ကိုးကွယ်ဖို့ရာ သင့်အား အနိုင်အထက်စေခိုင်းခဲ့လျှင် သင်သည် သူတို့၏စကားကို နားမထောင်လင့်၊ လောကီမှု တွင် သူတို့ကို သနားကြင်နာစွာပေါင်းဖော်ပြုစုလော့၊ ထို့အပြင်ငါ့အထံတော်၌ မိမိ၏ အပြစ်များကို ဝန်ချ တောင်းပန်သောသူ၏လမ်းကို လျှောက်လိုက်လော့၊ ထို့နောက်သင်တို့အားလုံးသည် ငါ့အထံတော်သို့ ပြန်ကြရ မည်သာတည်း၊ ထိုအခါသင်တို့ပြုကျင့်လေ့ရှိသမျှအပေါင်းကို သင်တို့အား ငါမိန့်တော်မူမည်။

၁၆။ လု(က်)မာန်က ဆက်လက်၍ သြဝါဒပေးသည်မှာ အို-ချစ်သား၊ ဆိုးကောင်းမဟူ လူတို့ပြုကျင့်အပ်သောအမှုသည် မုန်ညင်းစေ့ခန့်မျှပင် လေးသော်လည်း ကျောက်ခဲကျောက်တုံးကြီးအတွင်း၌ဖြစ်စေ၊ မိုးကောင်းကင်၌ဖြစ်စေ၊ မဟာပထဝီမြေအတွင်း၌ဖြစ်စေ၊ ရှိသော်ငြားလည်း အလ္လာဟ်အရှင်မြတ်သည် ထိုအမှုကို ဆွဲထုတ်တော်မူလိမ့် မည်၊ စင်စစ်အားဖြင့်အလ္လာဟ်အရှင်မြတ်သည် သိမ်မွေ့နက်နဲသောအမှုများကို မြင်တော်မူ၏၊ အကြွင်းမဲ့သိတော် မူ၏။

၁၇။ အို-ချစ်သား၊ ဆွလားသ်ဝတ်ပြုလော့၊ သနားကြင်နာမှုကို ဆင့်ဆိုလော့၊ မကောင်းမှုဒုစရိုက်ကို တားမြစ်လော့၊ မည်သည့်အခြေအနေသို့ ဆိုက်ရောက်ငြားသော်လည်း ကြိုးစားမြဲကြိုးစားလော့၊ အကြောင်းမူကား ဤသို့ပြုကျင့် ခြင်းသည် စိတ်ဓာတ်ခိုင်ခန့်မြဲမြံခြင်းဖြစ်၏။

၁၈။ အို-ချစ်သား၊ မလေးမခန့်စိတ်ထားမြင့်မောက်၍ သင့်မျက်နှာကို သူတို့ဘက်မှ အခြားဘက်သို့ လှည့်၍ မထားနှင့်၊ မဟာပထမဝီမြေပေါ်၌ စွာတာတာဆောင့်ကြွကြွနှင့် မသွားမလာလင့်၊ အလ္လာဟ်အရှင်မြတ်သည် မာနထောင်လွှား ဝါကြွားပြောဆိုသူကို နှစ်သက်တော်မမူချေ။

၁၉။ အို-ချစ်သား၊ အသွားအလာအပြုအမူတွင် အလယ်အလတ်လမ်းကို လိုက်လော့၊ မိမိအသံကိုလည်း မကျယ် စေပဲ ဖြည်းညှင်းသာယာစေလော့၊ စင်စစ်အားဖြင့်အသံဟူသမျှတွင် နာခံဖွယ်မရှိ၊ အစူးရှဆုံးအသံသည် မြည်း တိရိစ္ဆာန်၏ အသံဖြစ်၏။

၂ဝ။ အို-လူသားအပေါင်းတို့၊ အလ္လာဟ်အရှင်မြတ်သည် ကောင်းကင်ဘုံနှင့် ကမ္ဘာမြေပေါ်ဝယ် ရှိရှိသမျှသောအရာ ခပ်သိမ်းကုန်တို့ကို သင်တို့သုံးစွဲအကျိုးရှိဖို့ရာ အဘယ်သို့ပြုပြင်စီမံထားတော်မူသည်ကို မမြင်ကြသလော၊ အရှင်မြတ်သည် သင်တို့အတွင်းအပြင်နှစ်ဌာနစလုံး၌ပင် ကောင်းကြီးမင်္ဂလာတော်များနှင့် အပြည့်ဖြည့်ထား တော်မူ၏၊ သို့ဖြစ်ပါလျက်လူသားတို့အနက် အသိဉာာဏ်သော်လည်းကောင်း၊ အဆုံးအမသော်လည်းကောင်း၊ အလင်းရောင်ပေးသည့်ကျမ်းတော်သော်လည်းကောင်း မရှိပဲလျက် အလ္လာဟ်အရှင်မြတ်နှင့်စပ်လျဉ်း၍ ငြင်းခုံသူ လည်းရှိသေး၏။

၂၁။ ထို့အပြင်အကယ်၍ ထိုသူတို့အား အလ္လာဟ်အရှင်မြတ်ချပေးသနားတော်မူသောကျမ်းတော်ကို ယုံကြည်လိုက်နာ ကြလော့ဟု ဟောပြောသောအခါ သူတို့က မလိုက်နာနိုင်၊ ငါတို့သည် မိရိုးဖလာကိုသာ လိုက်ကြ၏ဟု တုံ့ ပြန်ပြောဆိုကြ၏၊ ရှိုင်တန်မာရ်နတ်သည် သူတို့၏မိဘဘိုးဘွားကို ငရဲမီးထဲသို့ ဖြားယောင်းသွေးဆောင်သွားခဲ့ သော်ငြားလည်း သူတို့သည် မိရိုးဖလာကို လိုက်ကြမည်လော။

၂၂။ အကြင်သူသည် အလ္လာဟ်အရှင်မြတ်အား ကျိုးနွံနာခံသောရည်ရွယ်ချက်ဖြင့် ကုသိုလ်ကောင်းမှုပြုအ့ံ၊ ထိုသူသည် တောင့်တင်းခိုင်မာသောကြိုးစကို မုချအမှန်ဆုပ်ကိုင်ဆွဲမိသည်မည်၏၊ အရာခပ်သိမ်းကုန်တို့၏ အကျိုးဆက်ကို အလ္လာဟ်အရှင်မြတ်စိုးပိုင်တော်မူ၏။

၂၃။ အို-တမန်တော်၊ အကြင်သူသည် သမ္မာတရားတော်ကို မယုံကြည်အ့ံ၊ ထိုသူ၏ မိစ္ဆာအယူဝါဒသည် သင်၏ စိတ်ကို မထိခိုက်စေလင့်၊ ထိုအယူမှားသူတို့သည် ငါ့အထံတော်သို့ ပြန်ကြရမည်သာတည်း၊ ထိုအခါငါသည် သူတို့အား သူတို့ပြုကျင့်မှုများကို မိန့်ကြားတော်မူမည်၊ မှတ်သားကြလော့၊ အလ္လာဟ်အရှင်မြတ်သည် လူသား တို့၏ စိတ်နှလုံးအတွင်းရှိရှိသမျှအပေါင်းကို အကြွင်းမဲ့သိတော်မူ၏။

၂၄။ ငါသည် ထိုမိစ္ဆာတို့အား ခေတ္တခဏစည်းစိမ်ချမ်းသာပေးသနားတော်မူ၏၊ ထို့နောက်သူတို့ကို အလွန်ကြီးလေး သောအပြစ်ဒဏ်တော်အတွင်းသို့ မောင်းသွင်းတော်မူမည်။

၂၅။ အို-တမန်တော်၊ သင်သည် ထိုအယူလွဲသူတို့အား မိုးကောင်းကင်နှင့် ကမ္ဘာမြေပြင်ကို အဘယ်သူဖန်ဆင်း သနည်းဟု မေးသောအခါ သူတို့က အလ္လာဟ်အရှင်မြတ်ဟု ပြန်ဖြေလတ့ံ၊ သို့ပြောဆိုလျှင် ဟယ်-အချင်းတို့၊ အလ္လာဟ်အရှင်မြတ်သည် ချီးမွမ်းခြင်းတည်ရာဖြစ်တော်မူ၏ဟု သူတို့အား သင်ဟောပြောလော့၊ သို့သော်သူတို့ အနက်များလှစွာသောသူတို့သည် အသိဉာာဏ်ကင်းမဲ့သူများဖြစ်ကြ၏။

၂၆။ မိုးကောင်းကင်နှင့် ကမ္ဘာမြေပြင်ဝယ်ရှိရှိသမျှအပေါင်းတို့ကို အလ္လာဟ်အရှင်မြတ်စိုးပိုင်တော်မူ၏၊ မှတ်သား ကြလော့၊ အရှင်မြတ်သည် ဇာတိပကတိအားဖြင့် ကုံလုံပြည့်စုံတော်မူ၏၊ ချီးမွမ်းခြင်းတည်ရာဖြစ်တော်မူ၏။

၂၇။ ဤကမ္ဘာမြေပြင်တွင် ပေါက်ရောက်သည့်သစ်ပင်အားလုံးတို့သည် မင်တံများဖြစ်၍ သမုဒ္ဒရာရေကို မင်ရည်ပြု လျက် အလ္လာဟ်အရှင်မြတ်၏ စကာတော်များကို အက္ခရာရေးတင်မှတ်သားလျှင် သမုဒ္ဒရာရေကုန်ခန်း၍ နောက် သမုဒ္ဒရာခုနစ်ခုထပ်ပေးငြားသော်လည်း ထိုသမုဒ္ဒရာများ၏ ရေသာကုန်ခန်းမည်၊ အရှင်မြတ်၏ ဗျာဒိတ်တော် များကား ရေး၍ မကုန်ဆုံးနိုင်ချေ၊ အလ္လာဟ်အရှင်မြတ်သည် အနန္တတန်ခိုးတော်သခင်၊ သဗ္ဗညုတဉာာဏ်တော်ရှင် မုချဧကန်ဖြစ်တော်မူ၏။

၂၈။ ဟယ်-မိစ္ဆာယုတ်တို့ သင်တို့ကို ဖန်ဆင်းတော်မူခြင်း်၊ ရှင်ပြန်ထမြောက်စေတော်မူခြင်းတို့သည် ဝိညာဉ်တစ်ခု ကို ဖန်ဆင်းတော်မူခြင်း၊ ရှင်ပြန်ထမြောက်တော်မူခြင်းသာဖြစ်၏၊ မှတ်သားကြလော့၊ အလ္လာဟ်အရှင်မြတ်သည် ခပ်သိမ်းကုန်သောအရာတို့ကို အကြွင်းမဲ့ကြားသိတော်မူသောအရှင်ဖြစ်တော်မူ၏။

၂၉။ အို-လူသားအပေါင်းတို့၊ အလ္လာဟ်အရှင်မြတ်သည် ညဉ့်ကို နေ့အတွင်းသို့၊ နေ့ကို ညဉ့်အတွင်းသို့ သွင်းတော် မူသည်ကို သင်တို့မမြင်ကြသလော၊ အလ္လာဟ်အရှင်မြတ်သည် နေနှင့်လကို အစိုးရတော်မူ၏၊ ၎င်းတို့အား ၎င်းတို့အဖို့အရာ အသီးသီးသတ်မှတ်ထားသောအချိန်တိုင်အောင် သွားလာဝင်ထွက်ခြင်းကို ပြုစေတော်မူ၏၊ သင်တို့ပြုကျင့်သမျှအလုံးစုံတို့ကို အလ္လာဟ်အရှင်မြတ်သည် အကြွင်းမဲ့သိတော်မူသည်ကိုလည်း သင်တို့မသိ ကြသလော။

၃ဝ။ ဤသို့တန်ခိုးတော်ရှင်ဖြစ်ရခြင်းအကြောင်းရင်းကား အလ္လာဟ်အရှင်မြတ်သည် အရှင်သခင်အစစ်အမှန်ဖြစ်တော် မူ၍ အရှင်မြတ်မှတပါး မိစ္ဆာဒိဋ္ဌိတို့ကိုးကွယ်ရာတို့မှာမူကား ဘုရားအစစ်အမှန်မဟုတ်၊ အတုအပမျှသာဖြစ်သော ကြောင့်တည်း၊ အလ္လာဟ်အရှင်မြတ်သည် အတိုင်းမသိကြီးကဲမြင့်မြတ်တော်မူ၏။

၃၁။ အလ္လာဟ်အရှင်မြတ်သည် အ့ံဖွယ်သရဲတော်များကို သင်တို့အား ပြသတော်မူစိမ့်သောငှာ မိမိ၏ကောင်းကြီး မင်္ဂလာတော်အားဖြင့် သမုဒ္ဒရာပင်လယ်ကျောတွင် လှေသင်္ဘောများကို ကူးသန်းသွားလာစေတော်မူ၏၊ ဤအရာ ကို သင်တို့မမြင်ကြသလော၊ စင်စစ်အားဖြင့်၎င်းအချက်အရာများ၌ တည်ကြည်၍ ဂုဏ်ကျေးဇူးသိတတ်သူများ အတွက် သက်သေသာဓကတော်များပါရှိ၏။

၃၂။ အကယ်၍သမုဒ္ဒရာလှိုင်းတံပိုးများသည် သူတို့ကို အမိုးအကာကဲ့သို့ လွှမ်းမိုး၍ လာရှိသော် လူသားတို့သည် ထက်သန်သောသဒ္ဓါစေတနာဖြင့် အလ္လာဟ်အရှင်မြတ်ကိုသာ ယုံကြည်ကိုးစားပြီးလျှင် အထံတော်၌ ငိုကြွေး ဆုတောင်းကြ၏၊ သို့သော်အရှင်မြတ်သည် ၎င်းတို့အား ဘေးကင်းကွာချမ်းသာစွာဆိပ်ကမ်းမြေသို့ ဆိုက်ရောက် စေတော်မူသောအခါ ၎င်းတို့အနက်အချို့သောသူတို့သည် ယုံကြည်သူမမည်၊ မိစ္ဆာဒိဋ္ဌိမည်၊ အလယ်ကြား၌ ရှိနေကြ၏၊ အမှန်မှာ သစ္စာဖောက်ကျေးဇူးကန်းတို့မှတပါး ငါအရှင်မြတ်၏ သာဓကတော်များကို ပယ်ရှားသူ မရှိချေ။

၃၃။ အို-လူသားအပေါင်းတို့၊ သင်တို့၏အသက်သခင်ကျေးဇူးရှင်၏ အမှုတော်ကို ထမ်းရွက်ကြလော့၊ မိဘတို့ကလည်း သားသမီးတို့ကို၊ သားသမီးတို့ကလည်း မိဘတို့ကို မကယ်ဆယ်နိုင်သောနေ့တော်ကြီးကို ကြောက်ရွံ့ကြလော့၊ မှတ်သားကြလော့၊ အရှင်မြတ်၏ ကတိသစ္စာတော်သည် မုချဧကန်မှန်ကန်၏၊ အလ္လာဟ်အရှင်မြတ်အထံတော်မှ သင်တို့ကို လောကီစည်းစိမ်ကာမဂုဏ်က မလှည့်စားစေလင့်၊ ရှိုင်တန်မာရ်နတ်ကိုလည်း ဖြားယောင်းခြင်းကို မပြုစေလင့်။