Burmese - Chapter 37 - As-Saffat

၁။ စီတန်းနေသောသူတို့။

၂။ တဖန်ရှိုင်တန်မိုက်ကို ငေါက်ငမ်းမောင်းနှင်ထုတ်ပစ်သောသူတို့။

၃။ တဖန်တရားသံဝေဂရရာရကြောင်း ကျမ်းမြတ်ကုရ်အာန်ကို ဖတ်ရွတ်လေ့လာသောသူတို့၊ ဤသူအပေါင်းကို စဉ်းစားဆင်ခြင်လျက် ငါအရှင်မြတ်၏ တန်ခိုးတော်၊ ဂုဏ်တော်ကို အောက်မေ့သတိရကြလော့။

၄။ မှတ်သားကြလော့၊ သင်၏အရှင်သခင်သည် တစ်ဆူတည်းအထီးထီးတည်တော်မူ၏။

၅။ အရှင်မြတ်သည် မိုးမြေနှင့် မိုးမြေစပ်ကြား ရှိရှိသမျှတို့၏ အရှင်သခင်၊ နေ့ထွက်ပေါ်လာရသောစက်ဝန်း၏ အရှင်သခင်ဖြစ်တော်မူ၏။

၆။ မှတ်သားကြလော့၊ ငါအရှင်မြတ်သည် ကမ္ဘာမြေပြင်နှင့်အနီးဆုံးသောမိုးကောင်းကင်ကို နေလနက္ခတ်တာရာ တို့ဖြင့် တန်ဆာဆင်ထားတော်မူ၏။

၇။ ထောင်ထားခြားနားသောမာရ်နတ်၏ နှောက်ယှက်ခြင်းမှ ကင်းလွတ်အောင် မိုးကောင်းကင်ကို ကာကွယ်စောင့် ရှောက်ထားတော်မူ၏။

၈။ ထို့ကြောင့်ရှိုင်တန်မာရ်နတ်နှင့် ၎င်း၏ ဘက်တော်သားတို့သည် ကောင်းကင်ဘုံအထပ်ထပ်၌ ကောင်းကင်တမန် တော်အကြီးအကဲတို့ပြောဆိုဆွေးနွေးသည်ကို အလျင်းနားမထောင်ရကြချေ၊ အကြောင်းမူကား ထိုနတ်မိုက် တို့အား လေးဖက်လေးတန်အဘက်ဘက်မှ မီးလက်နက်တို့ဖြင့် ပစ်ခတ်ခြင်းကြောင့်ဖြစ်၏။

၉။ ထို့အပြင်၎င်းမာရ်နတ်တို့သည် အပေါင်းအဖော်မရှိ၊ သပိတ်မှောက်ခြင်းခံရပြီးလျှင် ငရဲမီးထဲတွင် အမြဲလောင်ကျွမ်း ရသူများဖြစ်ကြ၏။

၁ဝ။ မည်သည့်မာရ်နတ်မဆို တခါတရံတိတ်တဆိတ်ကောင်းကင်သို့ ခိုးတက်လာပြီးလျှင် ကောင်းူကင်တမန်တို့၏ ဆွေးနွေးပွဲကို နာအာရုံခံမည်ရှိရာ အရှိန်အလျှံရဲရဲညီသောမီးလက်နက်တို့သည် ၎င်း၏နောက်က ထက်ချပ်မကွာ လိုက်ပါ၍ ဖွဲပြာဖြစ်အောင် ကျွမ်းလောင်ပျက်စီးစေ၏။

၁၁။ အို-တမန်တော်၊ မိစ္ဆာဒိဋ္ဌိတို့အား မေးလော့၊ ဟယ်-အချင်းတို့၊ သင်တို့ကို ဖန်ဆင်းခြင်းက သာလွန်ခဲယဉ်း သလော၊ သို့မဟုတ်ကောင်းကင်မိုးမြေနက္ခတ်တာရာတို့ကို ဖန်ဆင်းခြင်းက သာလွန်ခဲယဉ်းသလော၊ မှတ်သား ကြလော့၊ ငါအရှင်မြတ်သည် သူတို့ကို ရွှံ့မြေစေးမှ ဖန်ဆင်းတော်မူ၏။

၁၂။ အို-တမန်တော်၊ အမှန်ကိုဆိုသော် သင်သည် သူတို့ပြက်ချော်ပြောင်လှောင်သောအခါ အ့ံသြမိ၏။

၁၃။ ထို့အပြင်သူတို့သည် သမ္မာတရားတော်ကို ကြားနာရသောအခါ ဂရုမစိုက်မထီမဲ့မြင်ပြုကြ၏။

၁၄။ ထို့အပြင်သူတို့သည် နိမိတ်လက္ခဏာအ့ံဖွယ်တော်တစ်ပါးပါးကို မြင်ရသောအခါ ပြက်ချော်ပြောင်လှောင်ဖို့ရာ ကြိုးစားကြ၏။

၁၅။ ထို့အပြင်သူတို့က ကြည့်ကြလော့၊ ဤအရာသည် မျက်လှည့်အတတ်သာတည်းဟု ဆိုကြ၏။

၁၆။ ထို့အပြင်သူတို့က ငါတို့သည် အနိစ္စရောက်၍ ဖုံမှုန့်နှင့် အရိုးများသာဖြစ်ပြီးနောက် တဖန်ရှင်ရဦးမည်လော။

၁၇။ ထို့အပြင်ငါတို့၏ မိဘဘိုးဘွားတို့လည်း ရှင်ပြန်ထမြောက်ရဦးမည်လောဟု မေးကြ၏။

၁၈။ အို-တမန်တော် ဟောကြားလော့၊ ဟယ်-သူမိုက်တို့၊ သင်တို့နှင့်တကွသင်တို့၏ မိဘဘိုးဘွားသူဟောင်းအားလုံး ပင် အမှန်ရှင်ပြန်ထမြောက်ကြရဦးမည်၊ သင်တို့သည် အရှက်တကွဲရှုံ့ချခြင်းကို ခံရကြလတ့ံ။

၁၉။ အလွန်ကြီးမားသောအသံကြီးမြည်ဟည်းလာသည်နှင့်တပြိုင်နက် သူတို့ဒိဋ္ဌိမြင်ရ၍။

၂ဝ။ ငါတို့အမှန်ပျက်စီးဆုံးရှုံးရလေစွ၊ ယနေ့မူကား တရားစီရင်တော်မူသောနေ့တော်ကြီးတည်းဟု ညည်းညူကြ၏။

၂၁။ ဤနေ့ကား အမှန်နှင့်အမှား၊ ယုတ်မြတ်နှစ်ပါးခွဲခြားသည့်နေ့တော်ကြီးတည်း၊ သင်တို့သည် ဤနေ့တော်ကြီးကို မယုံမကြည်ငြင်းခုံလေ့ရှိခဲ့ကြ၏။

၂၂၊၂၃၊၂၄။ ထို့အပြင်ကောင်းကင်တမန်တော်ထံသို့ ပြစ်မှုကျူးလွန်သူခဲ့သူများ၊ သူတို့၏ ဇနီးမိန်းမများ၊ အလ္လာဟ်အရှင် မြတ်မှတပါး သူတို့ကိုးကွယ်ခဲ့သောဘုရားတုဘုရားယောင်များအားလုံးကို စုရုံး၍ ငရဲလမ်းကို ညွှန်ပြကြလော့၊ သူတို့ကို စစ်ကြောစီရင်ဖို့ရာ ရပ်တန့်၍ ထားကြလော့ဟု ဗျာဒိတ်တော်လာ၏၊

၂၂၊၂၃၊၂၄။ ထို့အပြင်ကောင်းကင်တမန်တော်ထံသို့ ပြစ်မှုကျူးလွန်သူခဲ့သူများ၊ သူတို့၏ ဇနီးမိန်းမများ၊ အလ္လာဟ်အရှင် မြတ်မှတပါး သူတို့ကိုးကွယ်ခဲ့သောဘုရားတုဘုရားယောင်များအားလုံးကို စုရုံး၍ ငရဲလမ်းကို ညွှန်ပြကြလော့၊ သူတို့ကို စစ်ကြောစီရင်ဖို့ရာ ရပ်တန့်၍ ထားကြလော့ဟု ဗျာဒိတ်တော်လာ၏၊

၂၂၊၂၃၊၂၄။ ထို့အပြင်ကောင်းကင်တမန်တော်ထံသို့ ပြစ်မှုကျူးလွန်သူခဲ့သူများ၊ သူတို့၏ ဇနီးမိန်းမများ၊ အလ္လာဟ်အရှင် မြတ်မှတပါး သူတို့ကိုးကွယ်ခဲ့သောဘုရားတုဘုရားယောင်များအားလုံးကို စုရုံး၍ ငရဲလမ်းကို ညွှန်ပြကြလော့၊ သူတို့ကို စစ်ကြောစီရင်ဖို့ရာ ရပ်တန့်၍ ထားကြလော့ဟု ဗျာဒိတ်တော်လာ၏၊

၂၅။ အလ္လာဟ်အရှင်မြတ်က ဟယ်-မိစ္ဆာမိုက်အပေါင်းတို့၊ သင်တို့သည် ယခုအခါတစ်ယောက်ကို တစ်ယောက် မထောက်ပံမကယ်ဆယ်နိုင်လောက်အောင် အဘယ်အဖြစ်သို့ ဆိုက်ရောက်နေကြသနည်းဟု မေးတော်မူ၏။

၂၆။ ထိုနေ့တော်ကြီး၌ သူတို့သည် မာနမကြီးပဲ ညှိုးငယ်ကျိုးနွံသောစိတ်ဖြင့် ဦးညွှတ်ချ၍ အမိန့်တော်ကို နာယူကြ၏။

၂၇။ ထို့အပြင်သူတို့အနက် အချို့က အချို့အပါးသို့ ချဉ်းကပ်၍ အချင်းချင်းမေးမြန်းပြောဆိုကြ၏။

၂၈။ မေးမြန်းပုံမှာ မိတ်ဆွေတို့၊ သင်တို့သည် ငါတို့ထံ မကြာခဏလာ၍ ငါတို့လမ်းမှားရောက်အောင် သွေးဆောင် လှည့်ဖြားလေ့ရှိခဲ့ကြ၏။

၂၉။ အချို့သူမိုက်တို့က တုံ့ပြန်ချေဆိုသည်မှာ ဟယ်-အချင်းတို့၊ ငါတို့ဖျားယောင်းသွေးဆောင်ခြင်းကို မပြုချေ၊ သို့သော်သင်တို့သည် မိမိအလိုအလျောက်မယုံကြည်သူများဖြစ်ကြ၏။

၃ဝ။ ငါတို့သည် သင်တို့အပေါ်၌ သြဇာမညောင်းချေ၊ သို့သော်သင်တို့သည် မိမိစိတ်အလိုကို လိုက်သောသူများ ဖြစ်ကြ၏။

၃၁။ ယခုမူကားငါတို့၏ အရှင်သခင်၏ ဗျာဒိတ်တော်သည် ငါတို့အတွက် ပြည့်စုံတော်မူပြီ၊ စင်စစ်အားဖြင့်ငါတို့သည် အပြစ်ဒဏ်၏ အရသာကို မြိန်ရှက်စွာမြည်းရဖို့နီးလာပြီ။

၃၂။ ယင်းသို့ငါတို့သည် သင်တို့အား လမ်းမှားသို့ သွေးဆောင်ခဲ့လေ၏၊ အမှန်မှာ ငါတို့ကိုယ်ကပင် လမ်းမှားရောက်နေ သူများဖြစ်ကြသည်။

၃၃။ မှတ်သားကြလော့၊ ထိုနေ့တော်ကြီး၌ သူတို့သည် အပြစ်ဒဏ်တော်ကို အတူတကွခံစားကြရ၏။

၃၄။ မှတ်သားကြလော့၊ ငါအရှင်မြတ်သည် အပြစ်ရှိသူများကို ယင်းကဲ့သို့စီရင်တော်မူ၏။

၃၅။ အကြောင်းမူကားသူတို့သည် အလ္လာဟ်အရှင်မြတ်မှတပါး အခြားအရှင်သခင်မရှိချေဟု ဟောကြားသောအခါ မယုံကြည်မထီလေးစားပြုကြ၏။

၃၆။ ထို့အပြင်မေးကြသည်မှာ လင်္ကာဆရာအရူးတစ်ယောက်အတွက်ကြောင့် ငါတို့သည် မိမိတို့မိရိုးဖလာဘုရားများကို စွန့်ပစ်ကြမည်လော။

၃၇။ စင်စစ်အားဖြင့် တမန်တော်သည် သမ္မာတရားတော်ကို ယူဆောင်လာ၏၊ သူ့ထက်အလျင်ပွင့်တော်မူသောတမန် တော်များကိုလည်း တမန်တော်အစစ်ဟု ထောက်ခံ၏။

၃၈။ မှတ်သားကြလော့၊ သင်တို့သည် ယခုအလွန်ပြင်းပြနာကျင်ဖွယ်သောအပြစ်ဒဏ်၏အရသာကို မြိန်ရှက်စွာမြည်း ကြလော့။

၃၉။ သင်တို့ပြုကျင့်ခဲ့သောအမှုများမှအပ အခြားအမှုအတွက် သင်တို့ကို လက်စားချေတော်မူသည်မဟုတ်ချေ။

၄ဝ။ သို့သော်အလ္လာဟ်အရှင်မြတ်အား စိတ်နှလုံးအကြွင်းမဲ့ကိုးကွယ်သော ကျေးတော်မျိုး ကျွန်တော်မျိုးတို့မူကား ယင်းသို့အပြစ်ဒဏ်မခံစားရပေ။

၄၁။ သူတို့အဖို့အရာ ထင်ရှားကျော်ဇောသောဘောဇဉ်ရိက္ခာအသင့်ရှိ၏။

၄၂၊၄၃။ သစ်သီးဝလံများ၊ ထို့အပြင်သူတို့သည် သုခဥယျာဉ်တော်များ၌ ဂုဏ်ပြုခြင်း၊ ချီးမြှင့်ခြင်းခံရကြလတ့ံ။

၄၂၊၄၃။ သစ်သီးဝလံများ၊ ထို့အပြင်သူတို့သည် သုခဥယျာဉ်တော်များ၌ ဂုဏ်ပြုခြင်း၊ ချီးမြှင့်ခြင်းခံရကြလတ့ံ။

၄၄။ သူတို့သည် ပလ္လင်တော်များပေါ်၌ မျက်နှာချင်းဆိုင်၍ စံစားကြရလတ့ံ။

၄၅။ ပန်းထွက်နေသောစမ်းရေးပါသောခွက်ကို သူတို့အား တစ်ယောက်စီ တစ်ယောက်အလှည့်ကျပေးလတ့ံ။

၄၆။ ထိုစမ်းရေသည် ဖြူစင်၍ သောက်သူတို့အား အလွန်နှစ်သက်ဖွယ်သောအရသာကို ပေး၏။

၄၇။ ထိုစမ်းရေကို သောက်စားခြင်းကြောင့် ဥိးခေါင်းခဲခြင်း၊ မူးယစ်ခြင်းမရှိ၊ သုံးစွဲသူတို့ကို အရူးအပေါကဲ့သို့ ဖြစ်စေသည်မဟုတ်ချေ။

၄၈။ ထို့အပြင်အလွန်ချစ်ဖွယ်သောမျက်စိမျက်ခုံးရှိ၍ အိန္ဒြေရရကြည့်ရှုသောနတ်ကညာများလည်း ၎င်းတို့အပါးခစား လျက် ရှိကြ၏။

၄၉။ ထိုနတ်ကညာတို့၏ မျက်လုံးမှာ ဖုံးအုပ်ထားသောငှက်ကုလားအုတ်ဥများကဲ့သို့ သန့်ရှင်းကြည်လင်ကြ၏။

၅ဝ။ ထို့အပြင်ထိုနိဗ္ဗာန်ဘုံတွင် စံစားရသူတို့သည် တစ်ဥိးဘက်သို့ တစ်ဦးကပ်လာကြပြီးလျှင် အလ္လာပသလ္လာပ ပြုကြ၏။

၅၁၊၅၂၊၅၃။ ထို့အပြင်သူတို့အနက် တစ်ပါးက တရားသံပြောဆိုသည်မှာ အဆွေတို့၊ ငါ့မှာ အဆွေခင်ပွန်းတစ်ယောက်ရှိ၏၊ သင်သည် တမန်တော်၏ တရားဒေသနာကို အမှန်ယုံကြည်သူများအနက် တစ်ဦးဖြစ်သလောဟု သူသည် ငါ့အား မေးလေ့ရှိ၏၊ ငါတို့သည် သေကြေပျက်စီး၍ မြေမှုန့်နှင့် အရိုးများသာဖြစ်သောအခါ တဖန်ရှင်ပြန်ထ မြောက်နိုင်ပါဦးမည်လောဟု သူက ဆက်လက်မေးလေ့ရှိ၏။

၅၁၊၅၂၊၅၃။ ထို့အပြင်သူတို့အနက် တစ်ပါးက တရားသံပြောဆိုသည်မှာ အဆွေတို့၊ ငါ့မှာ အဆွေခင်ပွန်းတစ်ယောက်ရှိ၏၊ သင်သည် တမန်တော်၏ တရားဒေသနာကို အမှန်ယုံကြည်သူများအနက် တစ်ဦးဖြစ်သလောဟု သူသည် ငါ့အား မေးလေ့ရှိ၏၊ ငါတို့သည် သေကြေပျက်စီး၍ မြေမှုန့်နှင့် အရိုးများသာဖြစ်သောအခါ တဖန်ရှင်ပြန်ထ မြောက်နိုင်ပါဦးမည်လောဟု သူက ဆက်လက်မေးလေ့ရှိ၏။

၅၁၊၅၂၊၅၃။ ထို့အပြင်သူတို့အနက် တစ်ပါးက တရားသံပြောဆိုသည်မှာ အဆွေတို့၊ ငါ့မှာ အဆွေခင်ပွန်းတစ်ယောက်ရှိ၏၊ သင်သည် တမန်တော်၏ တရားဒေသနာကို အမှန်ယုံကြည်သူများအနက် တစ်ဦးဖြစ်သလောဟု သူသည် ငါ့အား မေးလေ့ရှိ၏၊ ငါတို့သည် သေကြေပျက်စီး၍ မြေမှုန့်နှင့် အရိုးများသာဖြစ်သောအခါ တဖန်ရှင်ပြန်ထ မြောက်နိုင်ပါဦးမည်လောဟု သူက ဆက်လက်မေးလေ့ရှိ၏။

၅၄။ ထိုတရားသံပါသူက အဆွေတို့၊ သင်တို့ကြည့်ကြမည်လောဟု မေး၏။

၅၅။ ထိုသို့ပြောဆိုလျက် အောက်သို့ ငုံ့ရှုလိုက်ရာ မိမိ၏မိတ်ဆွေဟောင်းကို ငရဲတွင်းကြီးတွင် မြင်ရ၏။

၅၆။ ထိုအခါနိဗ္ဗာန်သားက မိတ်ဆွေငရဲသားအား ပြောသည်မှာ မိတ်ဆွေ ငါသည် အလ္လာဟ်အရှင်မြတ်ကို တိုင်တည်၍ ပြော၏၊ သင်၏ ဖျားယောင်းသွေးဆောင်မှုကြောင့် ငါသည် ပျက်စီးဆုံးရှုံးရာသို့ ရောက်ဖို့ လက်မတင်ကလေးသာ လိုလေ၏။

၅၇။ ငါ၏ အရှင်သခင်ကသာလျှင် အကယ်၍ငါ့ကို ကောင်းကြီးမင်္ဂလာပေးသနားတော်မမူခဲ့ပါလျှင် ငါသည်လည်း ငရဲသို့ လားသောလူတို့အထဲတွင် ပါဝင်ရလတ့ံ။

၅၈၊၅၉။ အကျွနု်််ပ်တို့သည် ပထမကွယ်လွန်သေဆုံးပြီးနောက် နောက်တခါမသေရတော့ဘူးလားမဟုတ်လား၊ ထို့အပြင် အကျွနု်ပ်တို့ကို အပြစ်ဒဏ်မခတ်တော့ဘူးမဟုတ်လား။

၅၈၊၅၉။ အကျွနု်််ပ်တို့သည် ပထမကွယ်လွန်သေဆုံးပြီးနောက် နောက်တခါမသေရတော့ဘူးလားမဟုတ်လား၊ ထို့အပြင် အကျွနု်ပ်တို့ကို အပြစ်ဒဏ်မခတ်တော့ဘူးမဟုတ်လား။

၆ဝ။ မှတ်သားကြလော့၊ နိဗ္ဗာန်ဘုံတွင် ဤသို့ခံစားရခြင်းသည် အောင်မြင်ခြင်းအပေါင်းတို့၌ အထွဋ်အခေါင်ဖြစ်၏။

၆၁။ ထို့ကြောင့်ကြိုးစားအားထုတ်သူတို့သည် ယင်းအောင်မြင်မှုရရှိဖို့ရာ ကြိုးစားအားထုတ်ကြလော့။

၆၂။ ဤသို့ဧည့်ခံခြင်းသည် သာလွန်ကောင်းမြတ်သလော၊ သို့မဟုတ် ရှားစောင်းကြီးပင်နှင့် ဧည့်ခံခြင်းက သာလွန် ကောင်းမြတ်သလော။

၆၃။ မှတ်သားကြလော့၊ ငါအရှင်မြတ်သည် ရှားစောင်းကြီးပင်ကို အမှားပြုသူဒုစရိုက်ကောင်များအား ညှင်းဆဲဖို့ရာ စီရင်ထားတော်မူ၏။

၆၄။ မှတ်သားကြလော့၊ ဤသစ်ပင်သည် အဝီစိငရဲအလယ်တွင် ပေါက်ရောက်သောအပင်ဖြစ်၏။

၆၅။ ထိုအပင် အသီးသည် ရှိုင်တန်မာရ်နတ်တို့၏ ဦးခေါင်းကဲ့သို့ဖြစ်၏။

၆၆။ ထို့အပြင်မှတ်သားကြလော့၊ ငရဲသားတို့သည် ဤအသီးကို မုချစားသုံးရ၏၊ သူတို့၏ ဝမ်းများကို ဤအသီးနှင့် ဖြည့်ကြရ၏။

၆၇။ ထို့နောက်မှတ်သားကြလော့၊ သူတို့သည် ကျိုကျိုက်ဆူသောရေပူကို သောက်ကြရ၏။

၆၈။ ထို့နောက်မှတ်သားကြလော့၊ သူတို့သည် အဝီစီငရဲသို့ ဧကန်ပြန်ကြရ၏။

၆၉။ သူတို့သည် မိမိတို့၏ မိဘဘိုးဘွားတို့ကို လမ်းမှားပေါ်တွင် အမှန်တွေ့ကြ၏။

၇ဝ။ သူတို့သည် မိဘဘိုးဘွားတို့၏ ခြေရာကို အလောတကြီးနင်းလိုက်ကြ၏။

၇၁။ ထို့အပြင်အမှန်ကိုဆိုသော် ၎င်းတို့အလျင်ရှေးလူဟောင်အဆက်ဆက်တို့တွင် အရေအတွက်များစွာသောသူတို့ သည် လမ်းမှားသို့ ရောက်ကြပြီ။

၇၂။ ထို့အပြင်ငါအရှင်မြတ်သည် ထိုလူဟောင်းများထံ အပြစ်ဒဏ်အကြောင်းသတိပေးဟောပြောသောတမန်တော် များကို မုချဧကန်စေလွှတ်တော်မူလေပြီ။

၇၃။ ထို့ကြောင့်သတိပေးဆုံးမခံရသူအပေါင်းတို့သည် အဆုံးသတ်၌ အဘယ်အဖြစ်သို့ ရောက်ကြသည်ကို ကြည့်ရှု ကြလော့။

၇၄။ သို့သော်အလ္လာဟ်အရှင်မြတ်အား ထက်သန်သောစိတ်သဘောနှင့် အမြတ်တနိုးကိုးကွယ်သောကျေးတော်မျိုး ကျွန်တော်မျိုးတို့မူကား အပြစ်ဒဏ်မထိရချေ။

၇၅။ ထို့အပြင်တမန်တော်နူဟိုသည် ငါ့အထံတော်၌ မုချဧကန်ဆုတောင်းလေ၏၊ သူ၏ ပန်ကြားလွှာကို နာကြားတော် မူသောအခါ အရှင်သည် မဟာဂရုဏာတော်ရှင်ဖြစ်တော်မူ၏။

၇၆။ ထို့အပြင်ငါသည် သူနှင့်တကွအိမ်သူအိမ်သားတို့ကို အလွန်ကြီးလှသောဘေးဥပါဒ်မှ ကယ်နှုတ်တော်မူ၏။

၇၇။ ထို့အပြင်ငါသည် သူ၏အဆက်အနွယ်သားမြေးများကို အသက်နှင့်ခြွင်းချန်ထားတော်မူ၏။

၇၈။ ထို့အပြင်ငါသည် နောင်လာနောက်သားများကို သူ့အား မေတ္တာပို့စေတော်မူ၏။

၇၉။ ထိုသူတို့ပို့ရသောဆုတောင်းမေတ္တာစကားမှာ ခပ်သိမ်းကုန်သောလူသားအပေါင်းတို့တွင် တမန်တော်နူဟိုအပေါ်သို့ အေးချမ်းသာယာခြင်းမင်္ဂလာကျရောက်ပါစေသောဝ်ဟူ၍ ဖြစ်သည်။

၈ဝ။ မှတ်သားကြလော့၊ သူတော်စင်သူတော်ကောင်းတို့အား ငါသည် ယင်းကဲ့သို့အောင်ဆုမင်္ဂလာပေးသနားတော်မူ၏။

၈၁။ မှတ်သားကြလော့၊ တမန်တော်နူဟိုသည် ငါ၏သမ္မာတရားတော်ကို ယုံကြည်သောကျေးတော်မျိုးကျွန်တော်မျိုး တွင် အပါအဝင်ဖြစ်၏။

၈၂။ ထိုအခါငါသည် အခြားသောမိစ္ဆာဒိဋ္ဌိအသင်းသားများကို ရေတွင် နစ်မြုပ်သေစေတော်မူ၏။

၈၃။ ထို့အပြင်မှတ်သားကြလော့၊ တမန်တော်အေဗရာဟမ်သည် တမန်တော်နူဟို၏ ဘာသာအယူဝါဒကို လက်ခံသူ ဖြစ်၏။

၈၄။ တမန်တော်အေဗရာဟမ်သည် မိမိ၏ အရှင်သခင်အထံတော်သို့ သန့်ရှင်းစင်ကြယ်သောစိတ်နှလုံးနှင့် ချဉ်းကပ်၏။

၈၅။ သူသည် မိမိ၏အဘနှင့် အမျိုးသားတို့အား သင်တို့မည်သည်ကို ခဝပ်ကိုးကွယ်ကြသည်သနည်းဟု မေး၏။

၈၆။ အလ္လာဟ်အရှင်မြတ်မှတပါး အခြားဘုရားတုဘုယောင်ကို ဝတ်ပြုသည့်မိစ္ဆာအယူဝါဒကို သင်တို့နှစ်သက်လိုလား ကြသလော။

၈၇။ အနန္တစကြဝဠာတို့၏ အရှင်သခင်အား သင်တို့အဘယ်ကဲ့သို့ ထင်မှတ်ကြသနည်းဟုလည်း မေး၏။

၈၈။ ထို့အပြင်သူသည် ကြယ်နက္ခတ်တာရာကို မော်ကြည့်၏။

၈၉။ ထို့နောက်အချင်းတို့၊ ငါ ကိုယ်လက်မအီမသာဖြစ်ကြ၏။

၉ဝ။ ထိုအခါသူတို့သည် တမန်တော်အီဗရာဟင်ကို ကျောပေးပြီး ထွက်ခွာသွားကြ၏။

၉၁။ ထိုအခါသူတို့သည် တမန်တော်အေဗရာဟမ်သည် သူတို့၏ဘုရားတုဘုရားယောင်များရှိရာသို့ သွား၍ အို-ဆင်းတုရုပ်ပွားဘုရားများတို့၊ ဘောဇဉ်ချိုချဉ်ရသာများကို သုံးစားမည်မဟုတ်လော။

၉၂။ သင်တို့သည် စကားလည်းမဆိုပဲ နေကြသည်မှာ အကြောင်းအသို့နည်းဟု ဆို၏။

၉၃။ ယင်းသို့ဆိုပြီးလျှင် ရုပ်ပွားဆင်းတုများကို လင်္ကျာလက်နှင့် ရိုက်ချိုး၏။

၉၄။ ထိုအခါသူတို့၏လူတို့သည် သူ့ထံသို့ ပြေးလာကြ၏။

၉၅။ ထိုအခါတမန်တော်အေဗရာဟမ်က ဟယ်-အချင်းတို့၊ သင်တို့သည် မိမိလက်ဖြင့် ထုလုပ်သောရုပ်ပွားဆင်းူတု များကို ဘုရားအမှတ်ဖြင့် ဆည်းကပ်ကိုးကွယ်ကြသလော။

၉၆။ အလ္လာဟ်အရှင်မြတ်သည် သင်တို့ကိုလည်းကောင်း၊ သင်တို့ပြုအပ်သောအရာများကိုလည်းကောင်း၊ ဖန်ဆင်း တော်မူ၏ဟု ပြော၏။

၉၇။ ထိုအခါမိစ္ဆာယုတ်တို့အချင်းချင်းးပြောကြသည်မှာ အို-အချင်းတို့၊ အေဗရာဟမ်အတွက် အဆောက်အဦးတစ်ခု ဆောက်၍ သူ့ကို ညီးညီးတောက်လောင်နေသောမီးပုံထဲသို့ ပစ်ချကြစို့။

၉၈။ ထိုမိစ္ဆာမိုက်တို့သည် တမန်တော်အေဗရာဟမ်ကို ယင်းကဲ့သို့သတ်ဖြတ်ရန် ဥပါယ်တမည်တစ်ခုကြံစည်ကြ၏၊ သို့သော်ငါအရှင်မြတ်သည် သူတို့အား ဆုံးရှုံးအောက်ကျစေတော်မူ၏၊ အနိမ့်ဆုံးသို့ ချတော်မူ၏။

၉၉။ ထို့နောက်တမန်တော်က ၎င်းတို့အား ပြောဆိုသည်မှာ ဟယ်-အချင်းတို့၊ မှတ်သားကြလော့၊ ငါသည် သမ္မာ တရားလမ်းတော်ကို ပြတော်မူသောမိမိ၏ ကျေးဇူးတော်သခင်အထံတော်သို့ သွားနေသည်။

၁ဝဝ။ အို-အကျွနု်ပ်၏ အရှင်သခင်၊ အကျွနု်ပ်အား သားကောင်းသားမြတ်တစ်ယောက်ပေးသနားတော်မူပါဟု ဆုပန်၏။

၁ဝ၁။ ထိုအခါ ငါသည် သူ့အား နူးည့ံသိမ်မွေ့သောသားရတနာတစ်ပါးကို သနားတော်မူမည့်သုမင်္ဂလာသတင်းကို ပေးတော်မူ၏။

၁ဝ၂။ သတို့သားသည် ခမည်းတော်နှင့်အတူတကွသွားလာနိုင်သောအရွယ်သို့ ရောက်သောအခါ အေဗရာဟမ်က အို-ချစ်သား၊ ငါသည် သင့်အား ယဇ်ပူဇော်ရမည်ဟု အိပ်မက်မြင်မက်၏၊ ထို့ကြောင့်ချစ်သား၊ အဘယ်သဘော ရသနည်းဟု သားတော်အား ပြောဆို၏၊ သားတော်က ကျေးဇူးရှင်ခမည်းတော်၊ ခမည်းတော်အား အလ္လာဟ် အရှင်မြတ်က အိပ်မက်အားဖြင့် ပေးတော်မူသောဗျာဒိတ်အမိန့်တော်အတိုင်း ပြုတော်မူပါ၊ အလ္လာဟ်အရှင်မြတ် အလိုတော်ရှိပါလျှင် ခမည်းတော်သည် အကျွနု်ပ်အား မတုန်မလှုပ်မြဲမြံတည်ကြည်သူအဖြစ်နှင့်ပင် တွေ့ရပါ လိမ့်မည်ဟု ဆို၏။

၁ဝ၃။ ယင်းသို့သားခမည်းနှစ်ဦးစလုံးပင် ငါ့အား ကျိုးနွံ၍ သားတော်ကို ယဇ်ပူဇော်ဖို့ရာ မြေပေါ်တွင် မှောက်လျက် လဲလျောင်းစေသောအခါ။

၁ဝ၄။ ငါသည် အို-အေဗရာဟမ်ဟု ခေါ်တော်မူ၏။

၁ဝ၅။ သင်သည် မိမိမြင်မက်သောအိပ်မက်အတိုင်း အမှန်ပြုလေပြီ၊ မှတ်သားကြလော့၊ ငါသည် သူတော်စင်တို့အား ယင်းကဲ့သို့အောင်မှုကို သနားတော်မူ၏။

၁ဝ၆။ မှတ်သားကြလော့၊ ဤအချက်တော်သည် ကြီးမားသောစုံစမ်းခြင်းတစ်ခုဖြစ်၏။

၁ဝ၇။ ငါသည် ကြီးမားသောယဇ်ကောင်တစ်ကောင်နှင့် ထိုသတို့သားကို ရွေးယူတော်မူ၏။

၁ဝ၈၊၁ဝ၉။ ထို့အပြင်နောင်လာနောက်သားတို့အား တမန်တော်အေဗရာဟမ်ကို ဤသို့မေတ္တာပို့သစေတော်မူ၏၊ တမန် တော်အေဗရာဟမ်အပေါ်သို့ အေးချမ်းသာယာခြင်းမင်္ဂလာတော် သက်ရောက်ပါစေသောဝ်။

၁ဝ၈၊၁ဝ၉။ ထို့အပြင်နောင်လာနောက်သားတို့အား တမန်တော်အေဗရာဟမ်ကို ဤသို့မေတ္တာပို့သစေတော်မူ၏၊ တမန် တော်အေဗရာဟမ်အပေါ်သို့ အေးချမ်းသာယာခြင်းမင်္ဂလာတော် သက်ရောက်ပါစေသောဝ်။

၁၁ဝ။ ယင်းကဲ့သို့ငါသည် သူတော်ကောင်းတို့အား အောင်ဆုမင်္ဂလာပေးသနားတော်မူ၏။

၁၁၁။ မှတ်သားကြလော့၊ တမန်တော်အေဗရာဟမ်သည် ငါ၏ သမ္မာတရားတော်ကို ယုံကြည်သောကျေးတော်မျိုး ကျွန်တော်မျိုးတို့၏ ဘောင်တွင် အပါအဝင်ဖြစ်၏။

၁၁၂။ ထို့အပြင် ငါသည် သူ့အား အစ္စဟတ်(က်)မည်သော သားကောင်းရတနာကိုလည်း ပေးသနားတော်မူမည်ဟု သတင်းကောင်းကို ပေးတော်မူ၏၊ ထိုအစ္စဟတ်(က်)သည် သူတော်သူမြတ်တို့ဘောင်တွင် ပါဝင်သောတမန်တော် တစ်ပါးဖြစ်၏။

၁၁၃။ ထို့အပြင်ငါသည် တမန်တော်အေဗရာဟမ်နှင့် တမန်တော်အစ္စဟတ်(က်)တို့ကို ကောင်းကြီးမင်္ဂလာပေးသနား တော်မူ၏၊ ထို့အပြင်သူတို့၏ အမျိုးအနွယ်များအနက် အချို့တို့လည်း သုစရိုကောင်းမှုပွားများကြ၏၊ အချို့ တို့လည်း မိမိကိုယ်ကို မိမိအထင်အရှားပြစ်မှားကြ၏။

၁၁၄။ ထို့အပြင်ငါသည် တမန်တော်မူစာနှင့် တမန်တော်ဟာရွန်တို့ကို ကောင်းကြီးမင်္ဂလာပြုတော်မူ၏။

၁၁၅။ ထို့အပြင် ငါသည် ထိုတမန်တော်နှစ်ပါးနှင့် သူတို့အမျိုးသားတို့ကို အလွန်ကြီးကျယ်သောဘေးအန္တရာယ်မှ ကယ်နှုတ်တော်မူ၏။

၁၁၆။ ထို့အပြင်ငါသည် သူတို့အား အောင်မြင်သူများဖြစ်သည့်တိုင်အောင် ကြည့်ရှုစောင်မတော်မူ၏။

၁၁၇။ ထို့အပြင်ငါသည် သူတို့နှစ်ပါးအား အလွန်ကျော်စောထင်ရှားသောကျမ်းတော်ကို ထုတ်ပြန်ပေးသနားူတော်မူ၏။

၁၁၉၊၁၂ဝ။ ထို့အပြင် ငါသည် နောင်လာနောက်သားတို့အား သူတို့ကို တမန်တော်မူစာနှင့် တမန်တော်ဟာရွန်တို့အပေါ်သို့ အေးချမ်းသာယာခြင်းမင်္ဂလာတော်သက်ရောက်ပါစေသောဝ်ဟူ၍ ဆုတောင်းမေတ္တာပို့သစေတော်မူ၏။

၁၁၉၊၁၂ဝ။ ထို့အပြင် ငါသည် နောင်လာနောက်သားတို့အား သူတို့ကို တမန်တော်မူစာနှင့် တမန်တော်ဟာရွန်တို့အပေါ်သို့ အေးချမ်းသာယာခြင်းမင်္ဂလာတော်သက်ရောက်ပါစေသောဝ်ဟူ၍ ဆုတောင်းမေတ္တာပို့သစေတော်မူ၏။

၁၂၁။ မှတ်သားကြလော့၊ ငါသည် သူတော်ကောင်းတို့အား ယင်းကဲ့သို့အောင်ဆုမင်္ဂလာပေးသနားတော်မူ၏

၁၂၂။ မှတ်သားကြလော့၊ ဤတမန်တော်နှစ်ပါးသည် ငါ၏ သမ္မာတရားတော်ကို ယုံကြသူတို့ဘောင်တွင် အပါအဝင် ဖြစ်ကြ၏။

၁၂၃။ တဖန်မှတ်သားကြလော့၊ အီလ်ယားစ်လည်း မုချဧကန်တမန်တော်တို့ဘောင်တွင် အပါအဝင်ဖြစ်၏။

၁၂၄၊၁၂၅၊၁၂၆။ ဤတမန်တော်သည် သူ၏ အမျိုးသားတို့အား ဟယ်-အချင်းတို့၊သင်တို့သည် မကောင်းမှုကို ကာဆီး တွန်းလှန်မည်မဟုတ်ကြသလော၊ သင်တို့သည် ဘအလခေါ် ဆင်းတုရုပ်ပွားကို ဆည်းကပ်ကိုးကွယ်ကြမည်လော၊ သင်တို့၏အရှင်သခင်၊ သင်တို့၏ မိဘဘိုးဘွားတို့၏ အရှင်သခင်၊ ဖန်ဆင်းသူများအနက် အကောင်းဆုံးသော ဖန်ဆင်းသူကို မယုံမကြည်စွန့်လွှတ်ကြမည်လောဟု ဟောကြား၏။

၁၂၄၊၁၂၅၊၁၂၆။ ဤတမန်တော်သည် သူ၏ အမျိုးသားတို့အား ဟယ်-အချင်းတို့၊သင်တို့သည် မကောင်းမှုကို ကာဆီး တွန်းလှန်မည်မဟုတ်ကြသလော၊ သင်တို့သည် ဘအလခေါ် ဆင်းတုရုပ်ပွားကို ဆည်းကပ်ကိုးကွယ်ကြမည်လော၊ သင်တို့၏အရှင်သခင်၊ သင်တို့၏ မိဘဘိုးဘွားတို့၏ အရှင်သခင်၊ ဖန်ဆင်းသူများအနက် အကောင်းဆုံးသော ဖန်ဆင်းသူကို မယုံမကြည်စွန့်လွှတ်ကြမည်လောဟု ဟောကြား၏။

၁၂၄၊၁၂၅၊၁၂၆။ ဤတမန်တော်သည် သူ၏ အမျိုးသားတို့အား ဟယ်-အချင်းတို့၊သင်တို့သည် မကောင်းမှုကို ကာဆီး တွန်းလှန်မည်မဟုတ်ကြသလော၊ သင်တို့သည် ဘအလခေါ် ဆင်းတုရုပ်ပွားကို ဆည်းကပ်ကိုးကွယ်ကြမည်လော၊ သင်တို့၏အရှင်သခင်၊ သင်တို့၏ မိဘဘိုးဘွားတို့၏ အရှင်သခင်၊ ဖန်ဆင်းသူများအနက် အကောင်းဆုံးသော ဖန်ဆင်းသူကို မယုံမကြည်စွန့်လွှတ်ကြမည်လောဟု ဟောကြား၏။

၁၂၇။ သို့သော်ထိုအမျိုးသားတို့သည် ဤတမန်တော်ကို မယုံကြည်ငြင်းပယ်ကြ၏၊ ထို့ကြောင့်သူတို့သည် အဝီစိငရဲက ခရီးဦးကြိုဆိုခြင်းကို မုချဧကန်ခံကြရလတ့ံ။

၁၂၈။ သို့သော် အလ္လာဟ်အရှင်မြတ်ကို တစ်ခုတည်းသောစိတ်နှင့် အမြတ်တနိုးကိုးကွယ်သောကျေးတော်မျိုးကျွန်တော် မျိုးတို့မူကား အပြစ်ဒဏ်မထိရချေ။

၁၂၉၊၁၃ဝ။ တဖန်ငါသည် နောင်လာနောက်သားအပေါင်းတို့အား အေးချမ်းသာယာခြင်းမင်္ဂလာတော်ကျရောက်ပါစေသောဝ် ဟူ၍ ဆုတောင်းမေတ္တာပို့သစေတော်မူ၏။

၁၂၉၊၁၃ဝ။ တဖန်ငါသည် နောင်လာနောက်သားအပေါင်းတို့အား အေးချမ်းသာယာခြင်းမင်္ဂလာတော်ကျရောက်ပါစေသောဝ် ဟူ၍ ဆုတောင်းမေတ္တာပို့သစေတော်မူ၏။

၁၃၁။ မှတ်သားကြလော့၊ ငါသည် ဤသူမွန်တို့အား ယင်းကဲ့သို့အောင်ဆုမင်္ဂလာပေးသနားတော်မူ၏။

၁၃၂။ မှတ်သားကြလော့၊ တမန်တော်အီလ်ယား(စ်)သည် ငါ၏ သမ္မာတရားတော်ကို ယုံကြည်သူတို့ဘောင်တွင် အပါအဝင်ဖြစ်၏။

၁၃၃။ တဖန်မှတ်သားကြလော့၊ တမန်တော်လွဒ်သည် ငါစေလွှတ်တော်မူသောတမန်တော်တို့ဘောင်တွင် အမှန်ဧကန် အပါအဝင်ဖြစ်၏။

၁၃၄။ ငါသည် ဤတမန်တော်နှင့် သူ၏ အိမ်သူအိမ်သားအားလုံး တစ်ယောက်မကျန်ကယ်နှုတ်တော်မူ၏။

၁၃၅။ သို့သော်သူ့အိမ်တွင် ကျန်ရစ်ခဲ့သောသက်ကြီးအိုမတစ်ယောက်ကိုမူကား ကယ်နှုတ်တော်မမူချေ။

၁၃၆။ ထို့နောက်ငါသည် အခြားသူများကို ဖျက်ဆီးပစ်တော်မူ၏။

၁၃၇၊၁၃၈။ တဖန်မှတ်သားကြလော့၊ ကြားနရသူအပေါင်းတို့၊ သင်တို့သည် ၎င်းလူဟောင်းတို့နေထိုင်ဖူးသောမြို့ဟောင်း ရွာဟောင်းများသို့ နေ့ညဉ့်မပြတ်အထပ်ထပ်မုချဧကန် သွားလာရောက်ပေါက်ဖူးကြ၏၊ ထိုိ့ကြောင့်သင်တို့တွင် စဉ်းစားဉာာဏ်မရှိကြသလော။

၁၃၇၊၁၃၈။ တဖန်မှတ်သားကြလော့၊ ကြားနရသူအပေါင်းတို့၊ သင်တို့သည် ၎င်းလူဟောင်းတို့နေထိုင်ဖူးသောမြို့ဟောင်း ရွာဟောင်းများသို့ နေ့ညဉ့်မပြတ်အထပ်ထပ်မုချဧကန် သွားလာရောက်ပေါက်ဖူးကြ၏၊ ထိုိ့ကြောင့်သင်တို့တွင် စဉ်းစားဉာာဏ်မရှိကြသလော။

၁၃၉။ တဖန်မှတ်သားကြလော့၊ တမန်တော်ယူနွတ်(စ်)သည် ငါစေလွှတ်တော်မူသောတမန်တော်တို့ဘောင်တွင် မုချ ဧကန်အပါအဝင်ဖြစ်၏။

၁၄ဝ။ ထိုတမန်တော်သည် မိမိ၏အသင်းသားတို့ထံမှ ကုန်စည်ပစ္စည်းပြည့်နှက်နေသောသင်္ဘောတစ်စင်းရှိရာသို့ ထွက် ပြေး၏။

၁၄၁။ ထို့နောက်စာရေးတံမဲချကြရာ ထိုတမန်တော်သည် စွန့်ပစ်ရမည့်လူတို့အထဲတွင် အပါအဝင်ဖြစ်၏။

၁၄၂။ ထို့နောက်တမန်တော်သည် အပြစ်သင့်နေစဉ် ငါးကြီးသည် မိမိဝမ်းထဲသို့ သူ့ကို မျိုချ၏။

၁၄၃။ အကယ်၍ သူသည် အလ္လာဟ်အရှင်မြတ်၏ ဂုဏ်ကျေးဇူးတော်ကို ချီးကျူးတသသူမဟုတ်ခဲ့လျှင်။

၁၄၄။ သူသည် ငါးကြီးဝမ်းထဲတွင် ရှင်ပြန်ထမြောက်ရသောနေ့တော်ကြီးတိုင်အောင် နေရလတ့ံ။

၁၄၅။ ငါသည် သူ့ကို သဲသောင်ပြင်ပေါ်တွင် ငါးကြီးဝမ်းမှ အန်ထုတ်စေတော်မူ၏၊ ထိုအခါတမန်တော်သည် ခွန်အား ကုန်ခန်း မကျန်းမမာဝေဒနာကြီးကပ်ရောက်လေ၏။

၁၄၆။ ထိုအခါငါသည် တမန်တော်အပေါ်၌ ဘူးပင်တစ်ပင်ကို ပေါက်ရောက်စေတော်မူ၏။

၁၄၇။ ထို့နောက်ငါသည် လူနေအိမ်ခြေသောင်းသိန်းမက များလှစွာသောမြို့သူမြို့သားတို့အား တရားဓမ္မဟောကြားရန် တမန်တော်ယူနွတ်(စ်)ကို ထပ်မံစေလွှတ်တော်မူ၏။

၁၄၈။ ထိုအခါထိုမြို့သူမြို့သားတို့သည် တရားရ၍ ယုံကြည်ကြ၏၊ ထို့ကြောင့်ငါသည် သူတို့အား လောကီစည်းစိမ်ကို တခဏပေးသနားတော်မူ၏။

၁၄၉။ အို-တမန်တော်မိုဟမ္မဒ်၊ သူတို့အား ဟယ်-အချင်းတို့၊ သင်တို့မှာ သားယောက်ျားများရှိကြ၍ အလ္လာဟ်အရှင် မြတ်မှာ သမီးမိန်းမများသာ ရှိကြသလောဟု မေးမြန်းလော့။

၁၅ဝ။ သို့မဟုတ် ငါသည် ထိုသူမိုက်တို့ရှေ့တွင် ကောင်းကင်တမန်များကို မိန်းမအဖြစ်နှင့် ဖန်ဆင်းတော်မူသလော။

၁၅၁၊၁၅၂။ မှတ်သားကြလော့၊ သူတို့က အလ္လာဟ်အရှင်မြတ်သည် သားသမီးမွေးဖွားတော်မူ၏ဟု ဆိုကြ၏၊ တဖန် မှတ်သားကြလော့၊ သူတို့သည် မုချဧကန်မုသားစကားဆိုကြ၏။

၁၅၁၊၁၅၂။ မှတ်သားကြလော့၊ သူတို့က အလ္လာဟ်အရှင်မြတ်သည် သားသမီးမွေးဖွားတော်မူ၏ဟု ဆိုကြ၏၊ တဖန် မှတ်သားကြလော့၊ သူတို့သည် မုချဧကန်မုသားစကားဆိုကြ၏။

၁၅၃။ တဖန်သူတို့မုသားဆိုကြသည်မှာ အလ္လာဟ်အရှင်မြတ်သည် သမီးမိန်းမကို သားယောက်ျားထက် သာလွန်မြတ်နိုး တော်မူ၏။

၁၅၄။ အို-ကြားနာရသူအပေါင်းတို့၊ သင်တို့သည် အဘယ်အဖြစ်သို့ ရောက်ကြသနည်း၊ သင်တို့အဘယ်သို့ ဆုံးဖြတ် ကြသနည်း။

၁၅၅။ သင်တို့၌ ဆင်ခြင်တုံတရားမရှိသလော။

၁၅၆။ သို့မဟုတ် သင်တို့တွင် ခိုင်မာသောအကိုးအကားရှိသလော။

၁၅၇။ သင်တို့အမှန်ကို ဆိုကြလျှင် ထိုအကိုးအကားကို ပြကြလော့။

၁၅၈။ တဖန် ထိုမိစ္ဆာမိုက်တို့သည် အလ္လာဟ်အရှင်မြတ်နှင့် ဂျင်နတ်သားတို့သည် အဆွေအမျိုးတော်စပ်သည်ဟု အယူရှိကြ၏၊ စင်စစ်အားဖြင့်ဂျင်တို့သည် မိမိတို့အား တရားစီရင်တော်မူသောနေ့တော်ကြီး၌ အလ္လာဟ်အရှင် မြတ်အထံတော်သို့ ယူဆောင်ခြင်းခံရမည်ဟု ကောင်းစွာသိကြ၏။

၁၅၉။ အလ္လာဟ်အရှင်မြတ်သည် ထိုမိစ္ဆာယုတ်တို့ အထူးထူးအထွေထွေ ကြံဖန်ပြောဆိုသောအရာများမှ ကင်းစင်တော် မူထသောကုံလုံမွန်မြတ် အ့ံချီးမဆုံးဖြစ်တော်မူ၏။

၁၆ဝ။ အလ္လာဟ်အရှင်မြတ်အား စိတ်အားထက်သန်စွာနှင့် အမြတ်တနိုးကိုးကွယ်ကြသောကျေးတော်မျိုးကျွန်တော်မျိုး တို့မူကား အပြစ်ဒဏ်မထိရချေ။

၁၆၁။ မှတ်သားကြလော့၊ မုချဧကန် သင်တို့နှင့် သင်တို့ကိုးကွယ်သောဘုရားပျက်တို့။

၁၆၂၊၁၆၃။ သင်တို့အားလုံးသည် ငရဲမီးတွင် လောင်ကျွမ်းရမည့်သူမှတပါး အခြားတစ်စုံတစ်ယောက်ကိုမျှ အလ္လာဟ် အရှင်မြတ်အား ရန်ဘက်ပြုရန် သွေးမဆောင်နိုင်ချေ။

၁၆၂၊၁၆၃။ သင်တို့အားလုံးသည် ငရဲမီးတွင် လောင်ကျွမ်းရမည့်သူမှတပါး အခြားတစ်စုံတစ်ယောက်ကိုမျှ အလ္လာဟ် အရှင်မြတ်အား ရန်ဘက်ပြုရန် သွေးမဆောင်နိုင်ချေ။

၁၆၄။ ကောင်းကင်တမန်များက ဝန်ခံပြောဆိုကြသည်မှာ ငါတို့အနက် နေရာသီးခြားမရှိသူတစ်စုံတစ်ယောက်မျှမရှိချေ။

၁၆၅။ မှတ်သားကြလော့၊ ငါတို့ကောင်းကင်တမန်များပင်လျှင် စီတန်းလျက် အလ္လာဟ်အရှင်မြတ်အား ဝတ်ပြုသူများ ဖြစ်ကြ၏။

၁၆၆။ မှတ်သားကြလော့၊ ငါတို့ကောင်းကင်တမန်များပင်လျှင် အရှင်မြတ်၏ ကျေးဇူးတော်ဂုဏ်တော်ကို ချီးမွမ်းသူများ ဖြစ်ကြ၏။

၁၆၇၊၁၆၈၊၁၆၉။ ထိုမိစ္ဆာမိုက်တို့က မုချအမှန်ပြောဆိုလေ့ရှိကြသည်မှာ အကယ်၍ ငါတို့ထံသို့ ရှေးပေါရာဏလူဟောင်း ထံမှ သမ္မာတရားတော်ကို သတိရဝေရာ ကျမ်းစာတော်တစ်စောင်ရရှိပါလျှင် ငါတို့သည် အလ္လာဟ်အရှင်မြတ်အား စိတ်အားထက်သန်စွာနှင့် အမြတ်တနိုးကိုးကွယ်သော ကျေးတော်မျိုးကျွန်တော်မျိုးများ မုချဧကန်ဖြစ်လတ့ံဟု ဆိုကြ၏။

၁၆၇၊၁၆၈၊၁၆၉။ ထိုမိစ္ဆာမိုက်တို့က မုချအမှန်ပြောဆိုလေ့ရှိကြသည်မှာ အကယ်၍ ငါတို့ထံသို့ ရှေးပေါရာဏလူဟောင်း ထံမှ သမ္မာတရားတော်ကို သတိရဝေရာ ကျမ်းစာတော်တစ်စောင်ရရှိပါလျှင် ငါတို့သည် အလ္လာဟ်အရှင်မြတ်အား စိတ်အားထက်သန်စွာနှင့် အမြတ်တနိုးကိုးကွယ်သော ကျေးတော်မျိုးကျွန်တော်မျိုးများ မုချဧကန်ဖြစ်လတ့ံဟု ဆိုကြ၏။

၁၆၇၊၁၆၈၊၁၆၉။ ထိုမိစ္ဆာမိုက်တို့က မုချအမှန်ပြောဆိုလေ့ရှိကြသည်မှာ အကယ်၍ ငါတို့ထံသို့ ရှေးပေါရာဏလူဟောင်း ထံမှ သမ္မာတရားတော်ကို သတိရဝေရာ ကျမ်းစာတော်တစ်စောင်ရရှိပါလျှင် ငါတို့သည် အလ္လာဟ်အရှင်မြတ်အား စိတ်အားထက်သန်စွာနှင့် အမြတ်တနိုးကိုးကွယ်သော ကျေးတော်မျိုးကျွန်တော်မျိုးများ မုချဧကန်ဖြစ်လတ့ံဟု ဆိုကြ၏။

၁၇ဝ။ ယခုတရားတော်ရောက်လာပြီ၊ သို့သော်သူတို့သည် ကျမ်းတော်မြတ်ကို မယုံကြည်ကြချေ၊ ထို့ကြောင့်သူတို့သည် ကာလမကြာမြင့်မီ သိကြရလိမ့်မည်။

၁၇၁။ ရှေးလွန်လေပြီးသောအခါ ငါအရှင်မြတ်သည် မိမိစေလွှတ်တော်မူသောကျေးကျွန်တော်များသို့ ကတိဗျာဒိတ် တော်များသို့ ဂတိဗျာဒိတ်ပေးသနားတော်မူ၏။

၁၇၂၊၁၇၃။ ထိုဂတိဗျာဒိတ်တော်မှာ ငါ၏ တမန်တော်များကို မုချဧကန် ငါစောင်မတော်မူမည်၊ ထို့အပြင် ငါ၏စစ်သည် တော်များသည် အမှန်အကန်အောင်မြင်ရမည့်သူများသာတည်း။

၁၇၂၊၁၇၃။ ထိုဂတိဗျာဒိတ်တော်မှာ ငါ၏ တမန်တော်များကို မုချဧကန် ငါစောင်မတော်မူမည်၊ ထို့အပြင် ငါ၏စစ်သည် တော်များသည် အမှန်အကန်အောင်မြင်ရမည့်သူများသာတည်း။

၁၇၄။ အို-မိုဟမ္မဒ်၊ ထိုအယူမှားသူမိုက်တို့အား ခေတ္တခဏအရေးမယူလျစ်လျူရှုစားကျောခိုင်း၍ ထားလော့။

၁၇၅။ ထို့အပြင် သင်သည် သူတို့ကို ကြည့်၍သာ နေလော့၊ အကြောင်းမူကား သူတို့သည် ကာလမကြာမြင့်မီ မြင်ကြရလတ့ံ။

၁၇၆။ ထိုသူမိုက်တို့သည် ငါ၏ အပြစ်ဒဏ်တော်ကို မြန်မြန်ရလိုကြသလော။

၁၇၇။ သို့သော် အပြစ်ဒဏ်တော်သည် သူတို့၏ အိမ်များသို့ ကျရောက်လာသောအခါ သတိပေးဟောပြောခြင်းခံရသော မိစ္ဆာညစ်အပေါင်းတို့၏ မိုးသောက်နံနက်သည် အလွန်ဆိုးယုတ်သည့်အမင်္ဂလာရက်ဖြစ်ကြလတ့ံ။

၁၇၈။ အို-တမန်တော်၊ သင်သည် ထိုသူယုတ်တို့အား ခေတ္တခစဏအရေးမယူလစ်လျူရှုစားကျောခိုင်းကာ ထားလော့။

၁၇၉။ ထို့အပြင်သင်သည် သူတို့ကို ကြည့်၍သာ နေလော့၊ အကြောင်းမူကား သူတို့သည် ကာလမကြာမြင့်မီ မြင် ကြရလတ့ံ။

၁၈ဝ။ သင်၏ အသင်သခင်ကျေးဇူးရှင်သည် ကုံလုံးမွန်မြတ် အ့ံချီးမဆုံးဖြစ်တော်မူ၏၊ အရှင်မြတ်သည် မိစ္ဆာမိုက်တို့ လုပ်ကြံပြောဆိုသောစကားရပ်များမှ ကင်းစင်တော်မူသောကျက်သရေမင်္ဂလာတော်ရှင် ဖြစ်တော်မူ၏။

၁၈၁။ တမန်တော်အပေါင်းတို့အပေါ်သို့ ငြိမ်သက်ခြင်းမင်္ဂလာတော်သက်ရောက်ပါစေသောဝ်။

၁၈၂။ အနန္တစကြဝဠာအပေါင်းတို့၏ အရှင်သခင်၊ အလ္လာဟ်အရှင်မြတ်သည် အ့ံချီးမဆုံးဖြစ်တော်မူ၏။