၂၃။ ဟယ်-မယုံကြည်သူတို့၊ ထိုဘုရားတုတို့၏ အမည်များမှာ သင်တို့နှင့် သင်တို့၏မိဘဘိုးဘွားတို့ပေးသောအမည် များသာတည်း၊ အလ္လာဟ်အရှင်မြတ်သည် ထို့အတူဘုရားတို့ကို အသိအမှတ်ပြုတော်မူကြောင်း ဗျာဒိတ်ပေးတော် မမူချေ၊ စင်စစ်အားဖြင့် ဤအယူမှားသူတို့သည် မိမိတို့ထင်မိထင်ရာယမ်းဆတွေးတောရာနှင့် မိမိအလိုရှိရာ တို့ကိုသာ ခဝပ်ကိုးကွယ်ကြ၏၊ ယခုမူကား သူတို့၏အရှင်သခင်ထံတော်မှ သူတို့ထံသို့ လမ်းညွှန်တော်ကျရောက် လာပြီ။

View verse 53:23 page →Raw JSON

Verse 24 — Surah An-Najm 53:24

၂၄။ သို့မဟုတ် လူသားသည် မိ်မိတပ်မက်မောသောအရာကို ရရှိမည်လော။

View verse 53:24 page →Raw JSON

Verse 25 — Surah An-Najm 53:25

၂၅။ သို့သော်အလ္လာဟ်အရှင်မြတ်သည် ဤဘဝ၊ နောင်ဘဝနှစ်ဘဝစလုံးကို စိုးပိုင်တော်မူ၏။

View verse 53:25 page →Raw JSON

Verse 26 — Surah An-Najm 53:26

၂၆။ အထက်ကောင်းကင်ဘုံ၌ များစွာသောကောင်းကင်တမန်တို့ရှိကြ၏၊ သူတို့သည် ဝေနေယျသတ္တဝါအပေါင်းကို ငရဲမှ ကယ်နှုတ်ရန် တောင်းပြန်ကြ၏၊ ဤတောင်းပန်ခြင်းသည် တစ်စုံတစ်ရာအကျိုးပေးမည်မဟုတ်၊ သို့သော် အကြင်သူအား အလ္လာဟ်အရှင်မြတ်အလိုတော်ရှိ၍ တောင်းပန်ကယ်နှုတ်ခွင့်ကို ပေးသနားတော်မူအ့ံ၊ ထိုသူ၏ တောင်းပန်ကယ်နှုတ်ခြင်းကို လက်ခံတော်မူ၏။

View verse 53:26 page →Raw JSON

Verse 27 — Surah An-Najm 53:27

၂၇။ မှတ်သားကြလော့၊ နောင်တမလွန်ဘဝကို မယုံကြည်သောသူတို့သာလျှင် ကောင်းကင်တမန်များအား မိန်းမတို့ အမည်ကို ပေးကြ၏။

View verse 53:27 page →Raw JSON

Verse 28 — Surah An-Najm 53:28

၂၈။ အမှန်ဆိုသော် ထိုသူတို့သည် ကောင်းကင်တမန်များ၏ အကြောင်းကို တပ်ရာမသိချေ၊ စိတ်ထင်ရာကိုသာ ရမ်းဆပြောဆိုကြ၏၊ စင်စစ်မှာ ယင်းကဲ့သို့မှန်းဆပြောဆိုခြင်းသည် အဟုတ်အမှန်ကို အစားမထိုးနိုင်ချေ။

View verse 53:28 page →Raw JSON

Verse 29 — Surah An-Najm 53:29

၂၉။ အို-မိုဟမ္မဒ်၊ ငါ့အား အာရုံမပြုလိုပဲ လောကီအာရုံကာမဂုဏ်ကိုသာ တပ်မက်မောသူကို စွန့်ခွာသွားလော့။

View verse 53:29 page →Raw JSON

Verse 30 — Surah An-Najm 53:30

၃ဝ။ ထိုသူတို့၏ အသိပညာသည် ဤမျှလောက်သာ စောက်နက်၏၊ မှတ်သားလော့၊ သင်၏ အရှင်သခင်သည် လမ်းလွဲသွားသူကို ကောင်းစွာသိမြင်တော်မူ၏၊ လမ်းမှန်ကို လိုက်သူကိုလည်း ကျနစွာသိမြင်တော်မူ၏။

View verse 53:30 page →Raw JSON

Verse 31 — Surah An-Najm 53:31

၃၁။ အထက်ကောင်းကင်ဘုံနှင့် အောက်မဟာပထဝီမြေကြီးပေါ်ဝယ် ရှိရှိသမျှတို့ကို အလ္လာဟ်အရှင်မြတ်သည် စိုးပိုင် တော်မူ၏၊ အရှင်မြတ်သည် မကောင်းမှုကို ကျူးလွန်သူတို့အား မိမိတို့ကျုးလွန်မှုအလိုက် အပြစ်ပေးတော်မူ၏၊ ကောင်းမှုကို ပြုကျင့်သူတို့အား မိမိတို့ကောင်းမှုနှင့်အညီ ဆုပေးတော်မူ၏။

View verse 53:31 page →Raw JSON

Verse 32 — Surah An-Najm 53:32

၃၂။ အကြင်သူတို့သည် ကြီးလေးသောအပြစ်များနှင့် စက်ဆုတ်ရွံရှာဖွယ်ဖြစ်သောရောဂဒေါသစသောအညစ်အကြေး များကို ရှောင်ကြဉ်လျက် သေးငယ်သောအပြစ်များကို မတော်တဆပြုမိကြအ့ံ၊ ထိုသူတို့အဖို့ သင်၏ အရှင် သခင်သည် ကြီးမားသောကောင်းကြီးမင်္ဂလာတော်အရှင်ဖြစ်တော်မူ၏၊ အို-လူသားအပေါင်းတို့၊ အရှင်မြတ်သည် သင်တို့ကို မြေဖြင့် ဖန်ဆင်းသောအခါနှင့် အမိဝမ်းတွင်း၌ ဖုံးကွယ်ထားသောအခါမှစ၍ သင်တို့၏ အဖြစ်အပျက် အလုံးစုံတို့ကို အကြွင်းမဲ့သိတော်မူ၏၊ သို့ဖြစ်၍ သင်တို့သည် မိမိကိုယ်ကို မိမိ အပြစ်ကင်းမဲ့သန့်ရှင်းသူများ ဟူ၍ မဆိုကြလင့်၊ အရှင်မြတ်သည် ဒုစရိုက်မကောင်းမှုကို ရှောင်ကြဉ်သူကို ကောင်းစွာသိတော်မူ၏။

View verse 53:32 page →Raw JSON

Verse 33 — Surah An-Najm 53:33

၃၃။ အို-တမန်တော်၊ မျက်နှာလွှသွားသောသူကို သင်မြင်သလော။

View verse 53:33 page →Raw JSON

Verse 34 — Surah An-Najm 53:34

၃၄။ ထိုသူသည် အနည်းငယ်သာ ပေးကမ်း၏၊ ထို့နောက်ငြိုငြင်၏။

View verse 53:34 page →Raw JSON

Verse 35 — Surah An-Najm 53:35

၃၅။ ထိုသူ၌ မမြင်စွမ်းနိုင်သောအရာများကို သိနိုင်သောပညာရှိသလော၊ ထိုအရာများကို သူမြင်ရသလော။

View verse 53:35 page →Raw JSON

Verse 36 — Surah An-Najm 53:36

၃၆။ ထိုသူသည် တမန်တော်မူစာအား ထုတ်ပြချပေးသနားတော်မူသောကျမ်းတော်ပါ အမင်္ဂလာသတင်းကို မကြား ရသေးဘူးလား။

View verse 53:36 page →Raw JSON

Verse 37 — Surah An-Najm 53:37

၃၇။ ထို့အပြင်မိမိကြွေးကို ဆပ်သောတမန်တော်အေဗရာဟမ်အား ချပေးသနားတော်မူသောကျမ်းတော်ပါအကြောင်း အရာများကိုလည်း မကြားရသေးဘူးလော။

View verse 53:37 page →Raw JSON

Verse 38 — Surah An-Najm 53:38

၃၈။ ထိုသတင်းကား မိမိဝန်ထုပ်ဝန်ပိုးကို ထမ်းရသောလူသားတို့သည် သူတပါး၏ အထုပ်အပိုးကို ထမ်းရွက်ရမည် မဟုတ်ကြောင်းဖြစ်၏။

View verse 53:38 page →Raw JSON

Verse 39 — Surah An-Najm 53:39

၃၉။ ထို့အပြင်လူသားသည် မိမိကြိုးစားအားထုတ်ပြုကျင့်သည့်အတိုင်း အကျိုးအပြစ်ခံစားရမည့်အကြောင်းလည်း ဖြစ်၏။

View verse 53:39 page →Raw JSON

Verse 40 — Surah An-Najm 53:40

၄ဝ။ ထို့အပြင်လူသားသည် မိမိကြိုးပမ်းမှု အကျိုးအပြစ်ကို မျက်ဝါးထင်ထင်မြင်ရမည့်အကြောင်းလည်းဖြစ်၏။

View verse 53:40 page →Raw JSON

Verse 41 — Surah An-Najm 53:41

၄၁။ ထို့အပြင် လူသားအား မိမိပြုကျင့်မှု၏ အကျိုးအပြစ်ကို အပြည့်အစုံပေးမည့်အကြောင်းလည်းဖြစ်၏။

View verse 53:41 page →Raw JSON

Verse 42 — Surah An-Najm 53:42

၄၂။ ထို့အပြင် သင်တမန်တော်၏ အရှင်သခင်သည် လူသားတို့၏ ခရီးဆုံးပန်းတိုင်ဖြစ်တော်မူကြောင်းလည်းဖြစ်၏။

View verse 53:42 page →Raw JSON

Verse 43 — Surah An-Najm 53:43

၄၃။ ထို့အပြင်အရှင်မြတ်သည် လူသားတို့ကို ရယ်ရွှင်စေတော်မူသောအရှင်၊ ငိုကြွေးစေတော်မူသောအရှင်ဖြစ်တော် မူကြောင်းလည်းဖြစ်၏။

View verse 53:43 page →Raw JSON

Verse 44 — Surah An-Najm 53:44

၄၄။ ထို့အပြင်အရှင်မြတ်သည် ဖြစ်ခြင်း၊ ပျက်ခြင်း၊ အသက်ရှည်ခြင်း၊ သေခြင်းတို့ကို စီရင်တော်မူသောအရှင်ဖြစ်တော် မူကြောင်းလည်းဖြစ်၏။

View verse 53:44 page →Raw JSON

Verse 45 — Surah An-Najm 53:45

၄၅။ ထို့အပြင်အရှင်မြတ်သည် ဖိုမလင်မယားစုံတွဲကို ဖန်ဆင်းတော်မူကြောင်းလည်းဖြစ်၏။

View verse 53:45 page →Raw JSON

Verse 46 — Surah An-Najm 53:46

၄၆။ ယင်းလင်မယားစုံတွဲကို ကကလရေကြည်မှ ဖန်ဆင်းတော်မူ၏၊ ထိုရေကြသည် အဘထံမှ ထွက်၍ အမိသားအိမ် တွင်းသို့ သက်ဝင်ရ၏။

View verse 53:46 page →Raw JSON

Verse 47 — Surah An-Najm 53:47

၄၇။ ထို့အပြင်အှင်မြတ်သည် ဒုတိယအကြိမ်ဖန်ဆင်းဦးမည်ဟု ဗျာဒိတ်ပေးတော်မူကြောင်းလည်းဖြစ်၏။

View verse 53:47 page →Raw JSON

Verse 48 — Surah An-Najm 53:48

၄၈။ ထို့အပြင်အရှင်မြတ်သည် ပေါများကြွယ်ဝခြင်းနှင့် ရောင့်ရဲတင်းတိမ်ခြင်းကို ပေးသနားတော်မူသောအရှင်ဖြစ်တော် မူကြောင်းလည်းဖြစ်၏။

View verse 53:48 page →Raw JSON

Verse 49 — Surah An-Najm 53:49

၄၉။ ထို့အပြင်အရှင်မြတ်သည် ဆီရီရတ်(စ်)ခေါ် ကြယ်နက္ခတ်တာရာတို့၏ အရှင်သခင်ဖြစ်တော်မူကြောင်းလည်းဖြစ်၏။

View verse 53:49 page →Raw JSON

Verse 50 — Surah An-Najm 53:50

၅ဝ။ ထို့အပြင်အရှင်မြတ်သည် ရှေးလူဟောင်းအားဒ်လူမျိုးကို ကွပ်မျက်ဖျက်ဆီးတော်မူကြောင်းလည်းဖြစ်၏။

View verse 53:50 page →Raw JSON

Verse 51 — Surah An-Najm 53:51

၅၁။ ထို့အပြင်အရှင်မြတ်သည် စမုဒ်လူမျိုးကိုလည်း ချမ်းသာမပေး၊ ဖျက်ဆီးတော်မူကြောင်းလည်းဖြစ်၏။

View verse 53:51 page →Raw JSON

Verse 52 — Surah An-Najm 53:52

၅၂။ ထို့အပြင်ရှေးလွန်လေပြီးသောကာလတွင် တမန်တော်နူဟို၏ လူတို့သည် လွန်စွာဆိုးယုတ်မတရားကျင့်၍ ထောင်ထားခြားနားခြင်းကြောင့် ပျက်စီးဆုံးရှုံးရကြောင်းလည်းဖြစ်၏။

View verse 53:52 page →Raw JSON