Burmese - Chapter 68 - Al-Qalam

၁။ နူး(န်)၊ ကလောင်တံနှင့် လူသားတို့ရေးမှတ်သောစာစောင်တို့ကို ဆင်ခြင်၍ ငါ၏တန်ခိုးတော်ကို သတိရလော့။

၂။ အို-တမန်တော်၊ သင်၏ အရှင်သခင်၏ ကျေးဇူးတော်ကြောင့် သင်သည် ရူးသွပ်သူမဟုတ်ချေ။

၃။ ဧကန်အမှန်သင်မည့်ဆုမှာ မကုန်မခန်းနိုင်သောဆုတော်ဖြစ်၏။

၄။ ထို့အပြင် သင်၌ အလွန်မြင့်မြတ်သောစိတ်သဘောရှိ၏။

၅၊၆။ သင်တို့အနက် မည်သူရူးသွပ်သည်ကို သင်မြင်ရအံ့၊ သူတို့လည်း မြင်ရအံ့။

၅၊၆။ သင်တို့အနက် မည်သူရူးသွပ်သည်ကို သင်မြင်ရအံ့၊ သူတို့လည်း မြင်ရအံ့။

၇။ စင်စစ်အားဖြင့် သင်၏ အရှင်သခင်သည် သင်တို့အနက် မည်သူသည် အရှင်မြတ်၏ လမ်းတော်မှ လွဲသွားသည်ကို အသိဆုံးဖြစ်တော်မူ၏၊ မည်သူသည် လမ်းမှန်ကို လိုက်သည်ကိုလည်း အသိဆုံးပင်ဖြစ်တော်မူ၏။

၈။ တရားတော်ကို ငြင်းပယ်သူတို့အား မနာခံလင့်။

၉။ ထိုသူတို့သည် သင့်အား သူတို့အပေါ်တွင် လျှော့ပေးစေလို၏၊ ထိုအခါသူတို့လည်း သင့်အပေါ်တွင် လျှော့ပေးမည်။

၁၀။ သင်သည် မဟုတ်မမှန်ကျိန်ဆိုရန် ဝန်မလေးသောသူဖျင်း၏ စကားကို နားမထောင်လင့်။

၁၁။ ထိုသူမိုက်သည် သူတပါး၏ ဂုဏ်အသရေကို ဆုတ်ယုတ်စေတတ်၏၊ အတင်းစကားကို အနှံ့အပြားပြောတတ်၏။

၁၂။ ထိုသူမိုက်သည် ကုသိုလ်ကောင်းမှုကို တားဆီး၏၊ တရားတော်ကို ကျူးလွန်၏၊ ရာဇဝတ်မှုပြုကျင့်၏။

၁၃။ ထိုသူမိုက်သည် လောဘကြီး၏၊ ကြမ်းကြုတ်ရက်စက်၏။

၁၄။ သားသမီးအေြွခအရံ ဥစ္စာပစ္စည်းရွှေငွေပေါများသောကြောင့်။

၁၅။ ထိုသူမိုက်သည် ငါ၏နှုတ်ကပတ်တော်များကို သူ့အား ရွတ်ဖတ်ပြသောအခါ ရှေးလူဟောင်းတို့၏ ဒဏ္ဍာရီပုံပြင် စကားများသာဟုဆို၏။

၁၆။ ထို့ကြောင့်ငါသည် သူ့အား နှာခေါင်းဖျား၌ တံဆိပ်ခတ်နှိပ်တော်မူလိမ့်မည်။

၁၇။ ငါသည် အထက်ကျော်ကာလက ဥယျာဉ်ရှင်များကို စုံစမ်းတော်မူသည့်နည်းအတိုင်း သူတို့ကို စမ်းသပ်တော်မူ၏၊ ထိုဥယျာဉ်ရှင်တို့သည် နံနက်မိုးသောက်ရောက်လတ်သော်၊ ထိုဥယျာဉ်မှ အသီးအနှံများကို မုချဧကန်ဆွတ်ခူး ယူအံ့ဟု အဓိဋ္ဌာန်ပြုကြ၏။

၁၈။ သို့သော် အရှင်မြတ်အလိုတော်ရှိပါလျှင် အနက်ရှိသော(အင်ရှာအလ္လာဟ်)ဟူသောဂါထာကို သူတို့ရွတ်ဖတ်ခြင်း မပြုကြချေ။

၁၉။ ထို့နောက် သူတို့အိပ်ပျော်နေစဉ် သူတို့၏ ဥယျာဉ်ပေါ်သို့ ပျက်စီးခြင်းဘေးဆိုက်ရောက်၏။

၂၀။ ထို့ကြောင့် နံနက်အာရုဏ်တက်သောအခါ ထိုဥယျာဉ်သည် အသီးအနှံများဆွတ်ခူးပြီးသကဲ့သို့ သွေ့ခြောက်လျက် ရှိ၏။

၂၁။ နံနက်မိုးသောက်ရောက်လတ်သောအခါ ထိုဥယျာဉ်ရှင်တို့သည် တစ်ဦးကို တစ်ဦး ဥယျာဉ်သို့သွားရန် ခေါ်ကြ၏။

၂၂။ အို- သားချင်းတိ့၊ု သငတ် သို့ ည် အကယ၍ ဥယျာဉ်၌် အသီးအနှံများကို ဆွတ်ခူးမည်ဖြစ်ကြပါလျှင် မိမိတို့ ဥယျာဉ်သို့ နံနက်စောစောသွားကြကုန်ဟု ဆိုကြ၏။

၂၃။ ထို့ကြောင့်သူတို့သည် ဥယျာဉ်သို့ ထွက်သွားကြ၏၊ လမ်းခရီး၌ အချင်းချင်းတီးတိုးစကား ဤသို့ပြောကြ၏။

၂၄။ သားချင်းတို့၊ ယနေ့ဥယျာဉ်ထဲတွင် သင်တို့ထံ တစ်စုံတစ်ယောက်သောအထီးကျန်မျှ မဝင်လာစေလင့်ဟုဆို၏။

၂၅။ စင်စစ်အားဖြင့် ထိုသူတို့သည် ထိုနေ့ကို မတရားညစ်ညူးသောအကြံအစည်အားဖြင့် စကြ၏။

၂၆။ သို့သော် ထိုသူတို့သည် ဥယျာဉ်ကို မြင်ရသောအခါ အကျွနု်ပ်တို့သည် မုချဧကန်လမ်းမှားလာပြီဟု ဆိုကြ၏။

၂၇။ ထို့နောက် သူတို့က ဧကန်အမှန်အကျွနု်ပ်တို့သည် မိမိတို့အားထုတ်ကြိုးပမ်းမှုအတွက် အကျိုးကျေးဇူးတစ်စုံ တစ်ရာမျှ မခံစားရချေဟု ညည်းညူမြည်တမ်းကြ၏။

၂၈။ သို့သော် သူတို့အထဲက အခြားသူများထက် ဖြောင့်မတ်သောသူက ပြောဆိုသည်မှာ သင်တို့သည် အလ္လာဟ် အရှင်မြတ်အား အဘယ်ကြောင့်မချီးကျူး မတသ သနည်းဟု ငါမပြောခဲ့ဘူးလော။

၂၉။ ထိုအခါသူတို့က အကျွနု်ပ်တို့၏ အရှင်သခင်သည် ဇာတိကပတိအားဖြင့် ကုံလုံမွန်မြတ် အံ့ချီးမဆုံးဖြစ်တော်မူပါ၏၊ အကျွနု်ပ်တို့မှာမူကား မကောင်းမှု ကျူးလွန်သူများ မုချဧကန်ဖြစ်ကြပြီဟု ဆိုကြ၏။

၃၀။ ထို့နောက်သူတို့သည် မိမိကိုယ်ကို မိမိအပြစ်တင်လျက် အချင်းချင်းချဉ်းကပ်ကြကုန်၏။

၃၁။ ထို့အပြင် သူတို့ညည်းညူမြည်တမ်းကြသည်မှာ ငါတို့ပျက်စီးကြပြီတကား၊ ငါတို့သည် တရားတော်ကို ကျူးကျော် သူများသာဖြစ်လေစွ။

၃၂။ တဖန်သူတို့ဆိုကြသည်မှာ အကျွနု်ပ်တို့၏ အသက်သခင်ကျေးဇူးရှင်ကြီးသည် အကျွနု်ပ်တို့အား ဤဥယျာဉ်အစား ၄င်းထက်သာလွန်ကောင်း မြတ်သောဥယျာဉ်ကို ပေးကောင်း ပေးတော်မလူ တ၊ံ့ အကြောင်း မူကား အကျွနု်ပ်တို့သည် အလ္လာဟ်အရှင်မြတ်အထံတော်၌ ဆုတောင်းကြသောကြောင့်တည်း။

၃၃။ ငါ၏အပြစ်ဒဏ်တော်ကား ယင်းကဲ့သို့ပင်ဖြစ်၏၊ နောင်တမလွန်လဘဝ အပြစ်ဒဏ်တော်ကား ထိုထက်သာလွန် ပြင်းပြ၏၊ သူတို့သည် သိကြလျှင် ကောင်းလေစွ။

၃၄။ စင်စစ်အားဖြင့် အကုသိုလ်မကောင်းမှုကို ရှောင်ကြဉ်သောသူတို့အတွက် သူတို့၏ အရှင်သခင်အထံတော်၌ သုခဥယျာဉ်တော်များရှိကြ၏။

၃၅။ ထို့ကြောင့်ငါသည် ကျိုးနွံနာခံသူတို့အား မိစ္ဆာဒိဋ္ဌိကို စီရင်တော်မူသကဲ့သို့ စီရင်တော်မူမည်လော။

၃၆။ နင်တို့ဘာဖြစ်ကြသနည်း၊ နင်တို့အဘယ်မျှမိုက်မဲစွာဆုံးဖြတ်ကြသနည်း။

၃၇။ သို့တည်းမဟုတ် နင်တို့၌ နင်တို့သင်အံ့ဖို့ရာ ကျမ်းစာအုပ်ရှိကြသလော။

၃၈။ နင်တို့လိုသမျှကို နင်တို့အား ရစေမည့်ကျမ်းစာအုပ်ရှိသလား။

၃၉။ သို့တည်းမဟုတ် တရားဆုံးဖြတ်သောနေ့တော်ကြီးတိုင်အောင် နင်တို့လိုသမျှကို ရရှိစေမည်ဟူသော ပဋိညာဉ်ဝန်ခံ ချက်တော်ကို နင်တို့ငါတို့ထံမှ ရထားကြသလော။

၄၀။ အို-တမန်တော်၊ သူတို့အား သူတို့အနက် မည်သူသည် ထိုအချက်အလက်များမှန်ကန်ကြောင်း သက်သေခံမည် နည်းဟု မေးလော့။

၄၁။ သို့တည်းမဟုတ် သူတို့၌ အခြားဘုရားများရှိကြသလော၊ သူတို့အမှန်ကို ဆိုလျှင် သူတို့သည် မိမိတို့၏အခြား ဘုရားများကို ထုတ်စေကုန်။

၄၂။ တရားစီရင်တော်မူသည့် နေတော်ကြီးအမှန် ဆိုက်ရောက်လာသောအခါ အယူမှားသူအပေါင်းတို့အား ပြဝပ်ဦးညွှတ်ရန် မိန့်တော်မူလတံ့၊ သို့သော်သူတို့သည် ဦးမညွတ်နိုင်ကြချေ။

၄၃။ ထိုနေ့တော်ကြီး၌ သူတို့သည် မျက်လုံးအောက်စိုက်၊ ဦးခေါင်းငိုက်စိုက်ဖြစ်လျက် ဖျင်းသိမ်အောက်ကျသော အယုတ်တရားက သူတို့ကို မောတွေဝေစေလတံ့၊ ထိုအယူလဲသွ ူတ့သို ည် လောကဓာတ၌် မနာမကျင်ကျန်းမာ ချမ်းသာရှိနေစဉ်အခါ ဦးညွှတ်ချရန် အမိန့်ပေးခြင်းခံကြရ၏။

၄၄။ အို-တမန်တော်၊ ဤကျမ်းမြတ်ကုရ်အာန်တော်မြတ်ကို မဟုတ်မမှန်ဟု စွပ်စွဲသူတို့အား ငါနှင့်ပင် စွန့်လွှတ်၍ ထားလော့၊ ငါသည် သူတို့အား တဖြည်းဖြည်း အပြစ်ပေးစီရင်တော်မူမည်၊ သူတို့သည် ထိုအပြစ်ဒဏ်တော်များ အဘယ်နေရာက ကျရောက်လာသည်ကို အနည်းငယ်မျှမရိပ်မိကြချေ။

၄၅။ သို့ငြားသော်လည်း ငါသည် သူတို့ကို သည်းခံတော်မူ၏၊ အကြောင်းမူကား စင်စစ်အားဖြင့်ငါ၏ စီမံကိန်းသည်အလွန်ခိုင်ခန့်မြဲမြံ၏။

၄၆။ သို့တည်းမဟုတ်၊ အို-တမန်တော်၊ သင်သည် သူတို့ထံမှ အဖိုးအခတောင်းသောကြောင့် သူတို့ကို ယင်းအဖိုး အခက ကြီးလေးစွာဖိစီးထားသလော။

၄၇။ သို့တည်းမဟုတ် သူတို့တွင် မျက်စိမမြင်စွမ်းနိုင်သောအရာများကို သိစွမ်းနိုင်သည့်သတ္တိရှိသဖြင့် ထိုအကြောင်း အရာများကို ရေးထင်မှတ်သားထားကြသလော။

၄၈။ သို့သော်အေ-တမန်တော်၊ သင်သည် မိမိ၏ အရှင်သခင်၏ အမိန့်တော်ကို စောင့်စားနေလော့၊ သင်သည် ငါးတိရိစ္ဆာန်ကြီးအမျိုခံရ၍ စိုးရိမ်သောကပြင်းစွာဖြင့် မြည်တမ်းငိုေြွကးသောတမန်တော်ယူနွတ်စ်ကဲ့သို့ မဖြစ်စေလင့်။

၄၉။ ထိုတမန်တော်သည် မိမိ၏ အရှင်သခင်ထံမှ ကောင်းကြီးမင်္ဂလာတော်မသက်ရောက်ခဲ့ပါလျှင် သူသည် ဆိုးသွမ်းပျက်စီးသူဘဝနှင့် သဲသောင်ပြင်၌ စွန့်ပစ်ထားခြင်းကို မုချဧကန်ခံရလေလတံ့။

၅၀။ သို့သော် သူ၏အရှင်သခင်သည် သူ့ကို ရွေးချယ်တော်မူပြီးလျှင် တရားစောင့်စည်းသောသူမြတ်တို့ဘောင်တွင်သွတ်သွင်းတော်မူ၏။

၅၁။ အို-တမန်တော်၊ သူတို့သည် သတိပေးကျမ်းတော်မြတ်ကို ကြားနာရသောအခါ မယုံကြည်သောသူတို့သည်မိမိတို့မျက်စိအားဖြင့် သင့်အား စိတ်မတည်မငြိမ်ဖြစ်အောင် မုချဧကန်ပြုကြလတံ့၊ ထို့အပြင်သူတို့က ရှင်မုဟမ္မဒ်သည် ရူးသွပ်သူအမှန်အကန်ဖြစ်၏ဟု ဆိုကြလတံ့။

၅၂။ အမှန်ကိုဆိုသော် ကျမ်းမြတ်ကုရ်အာန်သည် အနန္တစကြာဝဠာတို့အဖို့ သတိပေးကျမ်းတော်မှတပါး အခြားတစ်စုံ တစ်ရာမျှမဟုတ်ချေ။