Burmese - Chapter 71 - Nuh

၁။ ငါသည် တမန်တော်နူဟိုအား အေ-နူဟို၊ သင်သည် မိမိအမျိုးသားတို့အား ပြင်းပြခက်ထန်သောအပြစ်ဒဏ် မရောက်လာမီ သတိပေးဆုံးမလော့ဟု မိန့်တော်မူ၍ သူ၏ အမျိုးသားတို့ထံ စေလွှတ်တော်မူ၏။

၂။ သူသည် ဤသို့ဟောကြား၏၊ အေ-အချင်းတို့၊ ငါသည် သင်တို့အား သတိပေးသူရိုးရိုးသာဖြစ်၏။

၃။ သင်တို့သည် အလ္လာဟ်အရှင်မြတ်အား ခဝပ်ကိုးကွယ်ကြလော့၊ ငါ့စကားနားထောင်ကြလော့။

၄။ သို့မှသာလျှင် အရှင်မြတ်သည် သင်တို့၏အပြစ်များအနက် အချို့ကို ခွင့်လွှတ်တော်မူမည်၊ သင်တို့ကို သတ်မှတ် ထားတော်မူသောကာလတိုင်အောင် ရက်ချိန်းပေးတော်မူမည်၊ အလ္လာဟ်အရှင်မြတ်ချိန်းထားတော်မူသောအချိန် ကာလကျရောက်လာသောအခါ ထိုအချိန်ကို မရွှေ့ဆိုင်းနိုင်ချေ၊ သင်တို့သည် သိကြလျှင် တော်လေစွ။

၅။ သူသည် ငါ့အား တင်လျှောက်သည်မှာ အို-အကျွနု်ပ်၏ အရှင်သခင်၊ အကျွနု်ပ်သည် မိမိအမျိုးသားတို့အား နေ့ညမပြတ်ဖိတ်ခေါ်ပါ၏။

၆။ သို့သော် အကျွနု်ပ်၏ ခေါ်ခြင်းသည် သူတို့၏ မုန်းတီးမှုကိုသာ များပြားစေပါ၏။

၇။ ထို့အပြင် အရှင်သည် သူတို့၏အပြစ်များကို လွှတ်တော်မူစိမ့်သောငှာ အကျွနု်ပ် သူတို့အား ခေါ်သည့်အခါတိုင်း သူတို့သည် မိမိတို့နားများကို လက်ချောင်းများသွင်းကြပါ၏၊ မိမိတို့တစ်ကိုယ်လုံးကို မိမိအဝတ်များနှင့် ဖုံးကွယ်ထားကြပါ၏၊ တရားတော်ကို ဆက်လက်ငြင်းပယ်လျက် မာနထောင်လွှားကြပါ၏။

၈။ ထို့ကြောင့်အကျွနု်ပ်သည် သူတို့ကို ကြီးသောအသံဖြင့် ခေါ်ငင်ပါ၏။

၉။ ထို့အပြင်အကျွနု်ပ်သည် သူတို့အး လူသိရှင်ကြား တရားဓမ္မဟောပြောပါ၏၊ တိတ်တိတ်တိုးတိုးလည်း တိုက်တွန်း သွေးဆောင်ပါ၏။

၁၀။ ထိုသူတို့ကို အကျွနု်ပ်ဟောဆိုဆုံးမသည်မှာ အို-အချင်းတို့၊ သင်တို့သည် မိမိတို့အရှင်သခင်ထံ အပြစ်လွှတ်ဆုတောင်းကြလော့၊ မှတ်သားလော့၊ အရှင်မြတ်သည် အဖန်တလဲလဲအပြစ်လွှတ်တော်မူ၏။

၁၁။ သင်တို့ထံသို့ အရှင်မြတ်သည် မိုးကောင်းစွာရွာသွန်းစေတော်မူလိမ့်မည်။

၁၂။ အလ္လာဟ်အရှင်မြတ်သည် သင်တို့အား စီးပွားဥစ္စာ၊ သားသမီးတို့နှင့် ချီးမြှင့်တော်မူမည်၊ သင်တို့အား ဥယျာဉ် များနှင့် မြစ်ချောင်းများပေးသနားတော်မူမည်။

၁၃။ သင်တို့သည် အလ္လာဟ်အရှင်မြတ်အထံတော်မှ ဂုဏ်ကျက်သရေမမျှော်လင့်ကြချေ၊ သင်တို့ဘာရောဂါဖြစ်ကြ သနည်း။

၁၄။ မုချဧကန်အရှင်မြတ်သည် သင်တို့အား အနည်းနည်းအဖုံဖုံ အဆင့်ဆင့်ခွဲခြား၍ ဖန်ဆင်းတော်မူ၏။

၁၅။ အလ္လာဟ်အရှင်မြတ်သည် ကောင်းကင်ဘုံ ခုနစ်ထပ်ကို တညီတညွတ်တည်းဖန်ဆင်းတော်မူသည်ကို သင်တို့ မမြင်ကြသလော။

၁၆။ ထိုအာကာသကောင်းကင်တွင် လကို အလင်းရောင်ဖြစ်စေတော်မူ၍ နေကိုလည်း မီးအိမ်ကြီးဖြစ်စေတော်မူ၏။

၁၇။ ထို့အပြင်အရှင်မြတ်သည် သင်တို့ကို မြေကြီးမှ ဖန်ဆင်းတော်မူ၍ တဖြည်းဖြည်းကြီးပြင်းလာစေတော်မူ၏။

၁၈။ ထို့နောက်သင်တို့ကို မြေကြီးထဲသို့ ပြန်ဝင်စေတော်မူ၏၊ တဖန်သင်တို့ကို မြေကြီးမှ ပြန်ထုတ်တော်မူလိမ့်မည်။

၁၉။ ထို့အပြင်အလ္လာဟ်အရှင်မြတ်သည် သင်တို့အဖို့အရာ မဟာပထဝီမြေကြီးကို ကျယ်စွာခင်းကျင်းထားတော်မူ၏။

၂၀။ ယင်းသို့ ဖန်ဆင်းတော် မူသည်မှာ ကမ္ဘာ မြေမျက်နှာပေါ်၌ ကျယဝ် န်း သောလမ်းမတော်အားဖြင့် သင်တို့ သွားလာရန် အလို့ငှာဖြစ်၏။

၂၁။ တမန်တော်နူဟိုတင်လျှောက်သည်မှာ အို-အကျွနု်ပ်၏အရှင်သခင်၊ ထိုမသူတော်တို့သည် အကျွနု်ပ်ကို နား မထောင်ကြပါ၊ သူ၏ စည်းစိမ်ဥစ္စာသားသမီးအခြွေအရံများသည် သူ့အား ပျက်စီးခြင်းမှတပါး ဘာကိုမျှ မများစေသောဥစ္စာရှင်နောက်ကိုသာ သူတို့လိုက်ကြပါသည်။

၂၃။ ထို့အပြင် သူတို့ပြောဆိုကြသည်မှာ အဆွေတို့၊ သင်တို့သည် မိမိတို့ဘုရားများကို မစွန့်ကြလင့်၊ ဝဒ်၊ စူဝါး၊ ယဇူ၊ ယဆွက်၊ နမာရ်တို့ကို မပစ်ကြလင့်။

၂၄။ စင်စစ်အားဖြင့် ထိုသူတို့သည် များစွာသော လူသားတို့အား လမ်းမှားသို့ ပို့ဆောင်ပါပြီ၊ အရှင်သည် ဒုစရိုကကောင်များအား မတရားမှုမှတပါး အခြားအရာများတွင် တိုးပွားစေတော်မူသည်မဟုတ်ပါ။

၂၅။ သူတို့သည် မိမိတို့အပြစ်များကြောင့် ရေတွင် နစ်မြုပ်သေဆုံးကြရ၏၊ ထို့နောက်အဝီစငရဲသို့ လားကြရ၏၊ ၄င်းအပြင်ထိုသူတို့သည် မိမိတို့မှာ အလ္လာဟ်အရှင်မြတ်အစား အခြားကူညီသူများမရှိကြောင်းသိကြရ၏။

၂၆။ တဖန် တမန်တော်နူဟိုတင်လျှောက်သည်မှာ အို-အကျွနု်ပ်၏ အရှင်သခင်၊ ကမ္ဘာကြီးပေါ်တွင် အယူမှားသူ တစ်ယောက်ကိုမှ ချန်ထားတော်မမူပါလင့်။

၂၇။ အရှင်သည် ထိုသူတို့ကို ချန်ထားတော်မူပါလျှင် သူတို့သည် အရှင်၏ ကျေးတော်မျိုး ကျွန်တော်မျိုးတို့အား လမ်းမှားကို ပြပါလိမ့်မည်၊ သူတို့သည် ဆိုးသွမ်းယုတ်မာ၍ ကျေးဇူးကန်းသူများမှတပါး အခြားသားမြေးတို့ကို ဖွားမြင်မည်မဟုတ်ပါ။

၂၈။ အို-အကျွနု်ပ်၏အရှင်သခင်၊ အကျွနု်ပ်၏ မိဘနှစ်ပါး၊ အကျွနု်ပ်၏အိမ်သို့ ဝင်လာသူယုံကြည်သူတို့၊ ယုံကြည်သူ ယောကျာ်းမိန်းမအပေါင်းတို့အား အပြစ်လွှတ်တော်မူပါ၊ သို့သော် မတရားမှု ကျူးလွန်သည့်သူတို့အား ပျက်စီးခြင်း မှတပါး အခြားတစ်စုံတစ်ခုမှ ပေးသနားတော်မမူပါလင့်။