Burmese - Chapter 72 - Al-Jinn

၁။ အို- တမန်တော်၊ ဟောပြောလော့၊ အကျွနု်ပ်ထံသို့ ဗျာဒိတ်တော်လာသည်မှာ ဂျင်နတ်သားအသင်း တစ်သင်းသည် တရားတော်ကို ကြားနာကြ၏၊ ယင်းသို့ကြားနာပြီးလျှင် ထိုနတ်သားတို့သည် ဤသို့ဆိုကြ၏၊ ထိုကျမ်းတော်သည် အလွန်နက်နဲ အံ့ဖွယ်သော ကုရ်အာန်ကျမ်းမြတ်ဖြစ်၏။

၂။ ထိုကျမ်းတော်သည် ဖြောင့်မတ်မှန်ကန်သောလမ်း ကို ပြ၏၊ ငါတို့သည် တရားတော်ကို ယုံကြည်ကြပြီ၊ ငါတို့သည်ငါတို့၏ အရှင်သခင်နှင့် မည်သည်ကိုမှ တန်းတူထားကြမည် မဟုတ်။

၃။ ငါတို့၏ အရှင်သခင်သည် အနန္တ တန်ခိုးအာနုဘော်တော်နှင့် ပြည့်စုံတော်မူ၏၊ အရှင်မြတ်သည် သားမယားရှိခြင်း အညစ်အကြေးမှ ကင်းစင်တော်မူ၏။

၄။ ငါတို့အထဲမှ အသိအလိမ္မာကင်းမဲ့လှသောသူသည် အလ္လာဟ်အရှင်မြတ်နှင့် စပ်လျဉ်း၍ အလွန်ကြီးမားသောမုသားကို ပြောဆိုလေ့ရှိ၏။

၅။ သို့သော်လူသားနှင့် နတ်သားတို့သည် အလ္လာဟ်အရှင်မြတ်နှင့် စပ်လျဉ်း၍ မုသားစကားမဆိုဟု ငါတို့တွေးထင်မိကြ၏။

၆။ စင်စစ်အားဖြင့် လူသားတို့အနက် အချို့တို့သည် ဂျင်နတ်သားအချို့တို့တွင် ခိုလှုံကြ၏၊ သို့သော်ထိုနတ်သားတို့သည် ထိုလူသားတို့၏ ထောင်ထားခြားနားခြင်းကို များပြားစေ၏။

၇။ ထို့အပြင် ထိုဂျင်နတ်သားတို့သည် သင်တို့ထင်မှတ်သကဲ့သို့ အလ္လာဟ်အရှင်မြတ်သည် သေသူကို ပြန်ရှင်စေမည်မဟုတ်ဟု ထင်မှတ်ကြ၏။

၈။ ထို့အပြင် ကုရ်အာန်ကျမ်းမြတ်ကို ကြားနာဖူးသော နတ်သားတို့ပြောဆိုကြသည်မှာ ငါတို့သည် အထက်ကောင်း ကင်ဘုံကို ရှာကြ၏၊ သို့သော်ထိုကောင်းကင်ကို ခက်ထန်ကြမ်းကြုတ်သောအစောင့်အရှောက်နှင့်တကွ ရဲရဲညီး သော မီးလက်နက်ဥက္ကာတို့ဖြင့် ပြည့်နှက်နေသည်ကို ငါတို့တွေ့မြင်ခဲ့ရ၏။

၉။ ငါတို့သည် ကောင်းကင်သတင်းကို ပုံးကွယ် ချောင်းမြောင်းနားထောင်လေ့ရှိကြ၏၊ သို့သော်ယခုမူကား ယင်းကဲ့သို့ နားထောင်ရန် ကောင်းကင်သို့ ချဉ်းကပ်လာသူတို့သည် လမ်းတွင် ပုံးစောင့်နေသောကြယ်ဥက္ကာ လက်နက်နှင့်သာတွေ့ကြံုကြရ၏။

၁၀။ ထို့ကြောင့်ငါတို့သည် ကမ္ဘာမြေပေါ်တွင် မှီတင်းနေထိုင်သော သူတို့အပေါ်၌ ဘေးဆိုးကို စီရင်ထားသလော၊ သို့မဟုတ် သူတို့၏အရှင်သခင်သည် သူတို့အပေါ်၌ လမ်းညွှန်ရန် ကြံစည်တော်မူသလောကို နားမလည်ကြချေ။

၁၁။ ငါတို့အထဲတွင် အချို့တို့သည် ဖြောင့်မတ်မှန်ကန်သောလမ်းကို လိုက်ကြ၏၊ အချို့မှာမူကား လမ်းကောက်ကို လိုက်ကြ၏၊ ငါတို့သည် အမျိုးမျိုးအဖုံဖုံကွဲပြားသည့်လမ်းများကို လိုက်ကြ၏။

၁၂။ ကမ္ဘာ တစ်ခွင် မြေအပြင်တွင် အလ္လာဟ်အရှင်မြတ်အထံတော်မှ ငါတို့မလွှတ်နိုင်ကြောင်းကို ငါတို့ သိကြ၏။ထိုအပြင် ငါတို့သည် တောင်မြောက်လေးပါးပြေးလွှားခြင်းအားဖြင့် အရှင်မြတ်၏ လက်တော်မှ မလွတ်နိုင်ချေ။

၁၃။ ငါတို့သည် လမ်းပြကျမ်းတော်ကို ကြားရသောအခါ တရားတော်ကို ယုံကြည်ကြ၏၊ အကြင်သူသည် မိမိအရှင် သခင်ကို ယုံကြည်အံ့၊ ထိုသူသည် ဆုံးရှုံးမှုကိုသော်လည်းကောင်း၊ ညှင်းပန်းနှိပ်စက်ခြင်းကိုသော်လည်းကောင်း၊ မကြောက်ရွံ့ချေ။

၁၄။ ငါတို့အထဲတွင် အချို့မှာ အလ္လာဟ်အရှင်မြတ်အား ကျိုးနွံရိုသေကြ၏၊ အချို့မှာမူကား မတရားသူဖြစ်ကြ၏၊ အမှန်မှာ အကြင်သူတို့သည် အရှင်မြတ်ကို ယုံကြည်ကျိုးနွံကြအံ့၊ ထိုသူတို့သည် လမ်းမှန်ကို လှိုက်လှိုက်လှဲလှဲ ယူကြသူများဖြစ်ကြ၏။

၁၅။ သို့သော် အကြင်သူတို့သည် မတရားပြုကြအံ့၊ ထိုသူတို့သည် ငရဲမီး၏ ထင်းသာ ဖြစ်ကြ၏။

၁၆။ ထိုသာသနာပလူတို့သည် လမ်းမှန်ကို လိုက်ကြလျှင် ငါသည် သူတို့အား မြောက်များစွာသောသောက်ရေကို ပေးသနာေးတာ်မူလိမ့်မည်။

၁၇။ ငါသည် သူတို့အား ရေပေါများခြင်းနှင့် စုံစမ်းတော်မူလတံ့၊ အကြင်သူသည် မိမိအရှင်သခင်အား အာရုံမပြုအံ့၊အရှင်မြတ်သည် ထိုသူအား အမြဲကြီးမားလာသောအပြစ်ဒဏ်အတွင်းသို့ သွင်းတော်မူမည်။

၁၈။ ဝတ်ပြုရာနေရာများသည် အလ္လာဟ်အရှင်မြတ်အား ဝတ်ပြုဖို့သာလျှင်ဖြစ်၏။ ထို့ကြောင့်အလ္လာဟ်အရှင်မြတ်နှင့် ပူးတွဲ၍ မည်သည့်တစ်စုံတစ်ရာကိုမျှ ဝတ်မပြုကြလင့်။

၁၉။ အလ္လာဟ်အရှင်မြတ်၏ ကျေးကျွန်တမန်တော်သည် အရှင်မြတ်အား ဝတ်ပြုရန် ရပ်သောအခါ သူတို့သည် တမန်တော်မွန်းလုနီးမျှ အမြောက်အများဝိုင်းဝန်းကြ၏။

၂၀။ အို-တမန်တော်၊ ဟောပြောလော့၊ ငါသည် အလ္လာဟ်အရှင်မြတ်အားသာလျှင် ဝတ်ပြု၏၊ ငါသည် အရှင်မြတ်နှင့်ဘုရားတုများကို တွဲဖက်ခြင်းမပြုချေ။

၂၁။ အို-တမန်တော်၊ ဟောပြောလော့၊ သင်တို့အား ဘေးဥပါဒ်ပြုခြင်းကိုသော်လည်းကောင်း၊ ကောင်းကြီးပေးခြင်းကို သော်လည်းကောင်း၊ ပြုစွမ်းနိုင်သည့်တန်ခိုးအာဏာ ငါ၌မရှိချေ။

၂၂။ အို-တမန်တော်၊ ဟောပြောလော့၊ ငါ့ကို မည်သူမျှ အလ္လာဟ်အရှင်မြတ်မှ မကာကွယ်နိုင်ချေ၊ ငါသည် အရှင်မြတ်မှတပါး အခြားခိုလှုံရာကို မတွေ့နိုင်ချေ။

၂၃။ သို့ရာတွင် ငါ၏ဝတ္တရားမှာမူကား အလ္လာဟ်အရှင်ထံမှ သစ္စာတရားတော်နှင့် ဗျာဒိတ်တော်တို့ကို ဟောပြော ကြေငြာရန်သာဖြစ်၏၊ အကြင်သူသည် အလ္လာဟ်အရှင်မြတ်နှင့် အရှင်မြတ်၏ တမန်တော်ကို နားမထောင် ဆန့်ကျင်အံ့၊ ထိုသူသည် အဝီစိငရဲသို့ လားရမည်သာတည်း၊ ငရဲတွင် အစဉ်ထာဝရနေရလတံ့။

၂၄။ နောက်ဆုံးစွန်၌ သူတို့အား ကတိထားတော်မူသောတရားစီရင်တော်မူသည့်နေ့တော်ကြီး၌ မျက်ဝါးထင်ထင် မြင်ရသည့်တိုင်အောင် သူတို့သည် ယုံမှားသံသယရှိကြလိမ့်မည်၊ သို့သော်မည်သည့်အကူအညီသည် ခွန်အား အနည်းဆုံးဖြစ်ကြောင်းတို့ကို သူတို့သိမြင်ကြရလိမ့်မည်။

၂၅။ အို-တမန်တော်၊ ဟောကြားလော့၊ သင်တို့အား ကတိဗျာဒိတ်ခတ်နှိပ်ထားတော်မူသောအပြစ်ဒဏ်သည် နီးကပ် လာသလော၊ သို့မဟတု ် ငါ၏အရှင်သခင်သည် ထိုအပြစ်ဒဏ်တော်၏ အချိန်ကို ဝေးကွာစွာသတ်မှတ်ထားတော် မူသလောကို ငါမသိနိုင်ချေ။

၂၇။ သို့ရာတွင် အရှင်မြတ်သည် မိမိ၏တမန်တော်အား သိသင့်သိထိုက်သောစကားရပ်များကို သိစေတော်မူ၏၊ စင်စစ်မှာ အရှငြ်မတ်သည် တမနေ် တာ်၏ရှေ့နောက်ဝဲယာတွင် ကောင်း ကင်တမန်တော်များကို အစောင့်အရှောက် ချထားတော်မူ၏။

၂၈။ သို့ချထားတော်မူခြင်းအကြောင်းရင်းကား တမန်တော်များသည် မိမိတို့အရှင်သခင်၏ တရားဗျာဒိတ်တော်များကို အမှန်ပင် ဟောပြောကြေငြာပြီးကြောင်းကို သိစိမ့်သောငှာဖြစ်၏၊ စင်စစ်မှာ အရှင်မြတ်သည် သူတို့၏ပြုကျင့် မှုများကို ဝန်းဝိုင်းထားတော်မူ၏၊ အရာခပ်သိမ်းကုန်တို့ကို အကြွင်းမကျန် အကုန်အစင် စာရင်းတင်ထားတော်မူ၏။